鰹烏冬 (寶華閣)

营业中

休息中

鰹烏冬一直係烏冬界都好出名😍今日終於去左試長沙灣既分店。鏗烏冬的烏冬麵條口感十分出色，彈牙有嚼勁，入口能感受到手打的質感，麵身厚薄適中，不會過軟或過硬。對於烏冬控黎講，真係大愛！我勁鐘意食依個質感❤️一定會再幫襯。鰹魚湯底清淡但鮮味十足，帶有自然的魚香，喝起來清爽不油膩，很適合配搭粗身的烏冬，兩者相輔相成。骨付雞外皮煎香，雞肉鮮嫩多汁，肉質紮實而不乾柴，稍帶甜味。整體份量足夠，適合配烏冬一起享用。

今日同朋友去咗長沙灣嘅「鰹烏冬」醫肚，天氣熱辣辣🥵，梗係要食啲冰涼嘅冷烏冬啦！我哋兩個人叫咗兩個套餐，再加個期間限定嘅小食，睇返張單，埋單都只係二百蚊鬆啲，感覺幾抵食喎👍。我叫咗個「明太子微辣冷烏冬」配「日式吉列豬扒」。個冷烏冬真係無得彈😋！烏冬本身好滑溜，又夠煙韌彈牙，撈埋啲明太子，鹹鮮得嚟帶少少辣，好開胃醒神。上面仲有啲青瓜粒同紫菜絲，加埋一齊食口感好豐富。至於塊吉列豬扒都唔錯，炸到金黃香脆，肉質都幾鬆軟，唔會太乾，配埋個豬扒醬同椰菜絲，正路嘢，好食嘅！朋友就試咗個「蕃茄凍湯烏冬」配「骨付雞」。嘩，個蕃茄凍湯顏色好靚🍅，紅卜卜咁，見到都流口水🤤。朋友話個湯底好清新，酸酸甜甜咁，夏天食一流！烏冬一樣咁出色。個骨付雞都幾有驚喜，雞皮燒到有啲焦香，肉質嫩滑多汁，唔錯唔錯🍗。我哋仲叫咗個期間限定嘅「沙拉厚燒玉子」。個玉子燒都幾厚身，蛋味香濃，食落甜甜哋，口感都幾實在。不過講明係沙拉厚燒玉子，沙拉味就唔係好突出，但整體都OK嘅🍳。總括嚟講，「鰹烏冬」啲冷烏冬真係做得幾好，麵質有水準，配搭都幾有心思。天氣熱想食啲清爽嘢，呢度係個唔錯嘅選擇！下次可以再嚟試吓其他款。

一直聽過鰹烏冬係地區名店，但都未試過。今次特登嚟試，想睇吓香港自家製烏冬有幾勁，果然冇失望👀🥢原味竹簾烏冬 $48烏冬真係非常新鮮，一睇就知唔係預製貨。口感爽滑彈牙，咬落去有微微回彈力，唔會過硬，亦唔會過淋，煮得啱啱好👌 溫度涼涼哋，好適合夏天食。配嘅汁味道唔算特別突出，偏淡口啲，但反而可以更突顯烏冬本身嘅質感👍🍗骨付雞 $37呢塊雞一上枱就香氣撲鼻🔥 外皮燒得脆脆哋，有焦香，肉質嫩滑，輕輕一咬就滲出肉汁😍醃得好入味，啱啱好，非常惹味，完全唔係行貨feel🧠總結喺香港食到自家製烏冬唔多，仲可以坐喺枱前睇住製麵機運作，誠意滿分👏 整體體驗非常滿意，尤其烏冬控真係要試，唔係預製麵條嗰種層次可以比。下次會想試埋熱湯烏冬，睇吓熱食效果點🔥

長沙灣手打烏冬店-鏗烏冬餐廳以手工烏冬為主打 每日新鮮製造 麵底可選冷熱烏冬 配菜自己選擇 有天婦羅、溏心蛋、骨付雞、牛肉等今次選擇咖喱湯底配上牛肉 烏冬粗身又彈牙煙韌 咬口十足 整體味道唔錯😌另外加左個雞翼做小食不過見到隔離枱個骨付雞好juicy又大隻🍗下次好想試下啊食完個烏冬好似去咗轉日本咁啊 可以一解烏冬癮🤣

時間5/6年再去長沙灣店食佢哋， 原來已經有一間舖變成2間。點了一個牛肉烏冬（是正價$80，沒有折扣/優惠的）。等了10幾分鐘上菜。睇落平平無奇，一食就出事！啲牛韌到咬唔開！而且牛肉牛臊味好強！蓋過個整碗烏冬的味道！ 老實講，出街食未試過有這麼恐怖的牛臊味。這幾年見他在不同地區也開了分店，沒想到今天大開眼界！應該是最後一次來幫襯了。

食烏冬都可以很健康，山見烏冬即山藥烏冬，烏冬已經夠滑，連山藥都滑，全碗烏冬真係可以食晒都無負擔，對於不喜歡食肉嘅朋友，值得一試 再另外叫了天婦羅雞件＆新出嘅鹿兒島紫薯甘栗餅，天婦羅雞件外層鬆脆，粉漿夠薄，雞塊夠嫩夠juice，係我最鍾意嘅炸雞質感；至於新出嘅鹿兒島紫薯甘栗餅，紫薯嘅甜味唔會搶走栗子嘅味道，栗子是一粒粒的，兩者混合在一起，真不同平時食嘅薯餅，紫薯我是一般的，但這個可以再encore這間分店真值得推介給大家，間中就會有新品出現，所推出嘅菜品又能夠迎合到很多人嘅味蕾。

每次路過這裡都是大排長龍，次次緣慳。今天乘它剛開鋪沒有其他客人時，專程來試這裡的名物: 手造烏冬和雞脾，静静等候了差不多20分鐘，送來的手造烏冬的確新鮮彈牙，海帶和葱不少，湯熱燙，有鰹魚香，好吃。雞脾用蛋型不銹鋼碟上，附刀义，令我想起九州吃過的燒大雞脾，九州那次的雞脾是燒到皮漲泡，冒出鲜味無比的雞汁和芳香的雞油，刀一切開，煙一熡一熡，汁和油流在雞脾肉上，我冒着燙傷口的危險，一啖放進口內，後來索性拿起雞脾，大口大口吃，那一股原始人吃的滋味，是文明世界難得的痛快，至今難忘。可惜是眼前的雞脾祇是暖，切出來是有汁的，但雞的脂肪因沒有烤熱，狀態是固體，沒有成為液體，還深藏在雞皮裡，我期望的熱辣辣雞汁混着雞油和雞肉吃並不存在，更可惜是雞脾本來是味道醃得不錯，附着許多蒜粒，就是祇差那一點點温度，這雞脾就可以很美味。

今日係晚上8：24pm時係到堂食。雖然現在係10月但天氣都非常熱差唔多成30度。由然天氣咁熱，我入去既時候就已經決定好一定要食冷鳥冬，最後我用手機點左個海苔冷烏冬。上菜既時候，職員比左個柚子冷烏冬我，當時我打左個特，因為我係好少食酸野。之後我望下個手機落左既單，發現我個order 變左柚子冷烏多同時間海苔冷烏冬就售罄。我果時就明白到餐廳強行幫我轉左個order, 同時間我連對單既資料都冇埋。我試過食一條柚子，但都係太酸完全頂唔順。我冇同職員反映過系統落錯單，佢有幫我換過原味冷麵汁但烏冬本身有柚子酸味，我都係食唔落。最後個餐我完全食唔落諗住起身走去隔離茶餐廳，職員就話換個清湯熱烏冬我，我見佢咁有服務態度，禮貌上ok同食左少少湯烏冬但食唔出好味。我肯定唔會再黎因為餐廳強行換左個餐又唔出聲，但我會多謝餐廳職員。

昨晚同朋友去完，好好食🤤🤤🤤🤤🤤推介👍👍👍👍👍1. 雞皮餃子❗雞皮好香，脆脆哋完全不油膩，一口接一口2. 凍柚子烏冬❗麵條有柚子味，真係充滿驚喜，非常清新的味道，夏天食真係好正，而且烏冬十分彈牙，再配合埋帶柚子香的麵汁，略粗的麵條可以掛多啲汁，真係好夾，會為咗呢個麵我會再嚟幫襯😃😋🤤。3. 天婦羅炸菜櫻花蝦餅❗以為炸菜會好乾？又唔係喎，帶啲芫茜香味，炸得好酥脆同埋夾埋櫻花蝦一齊係好夾4. 炸雞件❗好多時食炸雞都要點汁或者炸得太乾，但係呢度的炸雞面帶些椒鹽，雞件保留肉汁並與面頭的椒鹽味道好夾，唔駛點汁醬都已經好好味5. 凍蕃茄❗已去皮並且配埋青瓜絲，芝麻醬一齊，夏日必選的清新健康小食6. 海苔烏冬都係十分出色，夏日的又一清新選擇，帶點點海苔味，麵條同樣彈牙，配合薑蓉，芥末，蔥，芝麻的麵汁十分搭配😃整體而言好欣賞淨烏冬配搭多款小食，小食包括炸物及關東煮等，真係同香川縣嘅烏冬相似，凍熱烏冬+自選炸物小食，真係無諗過香港都有咁日式嘅烏冬口味。😃

牛頭角店班底去了長沙灣，當然跟隨他們啦～其實之前長沙灣店嘅烏冬煮得真係過左時間，所以才會轉往牛頭角食，現在竟然員工去了長沙灣，可以唔使去到咁遠。因為食得出有用心去煮的，尤其是烏冬，煮過火真會唔好食，但食開好食嘅，真會食上癮。彈牙嘅烏冬真係唔係到到食到，更何況冷烏冬有海苔味，柚子味，夏天食就一流，對於不喜歡食冷烏冬嘅我，真令我對冷烏冬改觀。店舖除了食烏冬外，還有其他小食可選擇，雞皮餃子，天婦羅櫻花蝦什菜餅，天婦羅雞件，天婦羅廣島牡蠣，竹篋魚扒，乜叉雞中翼，唐揚魷魚圈，番茄青瓜沙律。有呢d小食點綴一下，令到呢餐晚餐食得特別開心。還有係會有驚喜，期待又有新品可以嚐試。

離我咁多次鏗烏冬，第一次叫呢個熱嘅烏冬，佢係用竹筒裝住嘅，有啲好似熱水咁樣嘅嘢。開頭我以為只係一個冷麵款嘅烏冬，不過溫度係熱原來係有熱水浸住嘅而呢個熱水就係冇咩味嘅。即係唔係湯。然後會配上一個冷麵汁呢個冷麵汁其實都幾好因為一啲都唔鹹，但係又有足夠嘅味可以掛係個烏冬上面。都會有埋一啲蔥同埋薑肉剩低嚟講夏天又唔想成日食凍嘢其實都幾好。另外我哋就係叫咗一個豆乳湯都係好常叫嘅。今日因為太晏嚟到啦，我哋都冇再叫三個餸，但係梗係需要一啲蛋白質啦，叫咗最愛嘅雞髀同埋煎得好香嘅鯖魚。之前手快快撳錯咗，好彩即刻搵職員幫手cancel佢咋，唔係又叫錯晒啲嘢啦。

2大1小隔星期就來會一會炸雞件外脆內軟必食！炸蟹棒脆得黎爽口，唔係淋之之芫荽天婦羅第一次食，有驚喜！炸物很出色，唔會油淋淋！骨付鳥有係高松既味道，好食！烏冬彈牙順滑，香港黎講算係好出色了！

男朋友有少少唔舒服，所以想食凍烏冬，上網搵搵着呢間喺公司附近，都冇試過今日一於嚟試吓。呢度平均一碗清嘅拉麵冇餸㗎，拉麵係四十幾至50幾蚊。但係基本上你都係會加送，加送就會變咗跟餐，咁就大概平均每一個人九十幾至到$120不等。由於唔記得男朋友嘅凍烏冬，今日淨係同大家分享我嘅Menu先就係咖喱熱嘅烏冬加雞髀味道其實都幾好食，我平時唔係食晒成碗麵嘅都食哂，唔知係咪因為餓。雞髀好大隻，味道都唔錯。我覺得呢間最特別嘅係有素食天婦羅同素食嘅餐，好take care到素食者既一間餐廳💕

位於長沙灣 地鐵站出行八分鐘左右🚶🏻分兩邊舖位 有吧台 同餐台 位置唔算太多因為高人氣 經常要排隊入座 🫢今次星期日中年去 排了十五分鐘 可以接受👍🏻前排去完日本 就當然覺得香港既烏冬好貴 無計 呢度都要至少$4x一碗 計埋菜唔止！😅我就叫左鰹魚清湯烏冬🥰相當高質 烏冬偏粗 好彈牙 口感不俗鰹魚湯清得黎鮮味十足🐟出品拍得住日本！讚！方便指數: 4/5 環境指數: 3/5美味指數: 4.5/5回頭指數: 4/5地址: 長沙灣元洲街464號寶華閣地下4號舖

鍾意食烏冬嘅，我又到鏗烏冬。今日嗌咗好多嘢，仲要試咗之前冇食過嘅炸嘢菜，原來呢個炸野菜主要係用芫荽去整嘅，我本身唔食芫荽㗎，原來炸完嘅芫荽嗰個味係好少，我知芫荽係好嘢嚟嘅，原來炸咗之後係我係會食㗎。我下次都要叫呢個野菜餅先。另外當然唔少得蛋白質啦，我梗係叫咗燒雞髀，同埋鯖魚。👍🏽👍🏽👍🏽兩個主要嘅烏冬底，一個叫做係用蛋撈嘅熱烏冬，另外一個就係鰹魚湯豆乳烏冬。嗰啲烏冬真係好彈牙又大碗。啱晒我呢個大食鬼