因为啲火腿有祲酸味，所以呢间嘢有好几年都无再帮衬，由于老佛爷话呢间啲嘢好食咗，而我早前亦试过佢嘅下午茶及晚饭，觉得对版，所以呢日试下佢哋嘅早餐，事隔多年，个餐牌早已经唔同哂，想起早几日去过附近嘅海记美食食早餐，所以叫返近似嘅嘢作对比，呢次叫咗沙嗲牛肉面、「顶级」午餐肉、炒蛋、丹麦酥配热奶茶。先讲杯奶茶，呢度有啡糖及砂糖供应，唔似海记及部份食店咁，只得砂糖，既然有得拣，我当然落啡糖啦！落完糖搅匀，杯茶嘅味道比海记淡好多，啲奶似乎落多咗，令茶味出得唔够，茶系滑嘅，亦好过大家乐。丹麦酥搽咗牛油再烘，好脆，但觉得系阿茂整饼，做咗多余嘢，丹麦酥本身已经重牛肉味，再加埋牛油，就过咗火，根本就咁烘热就已经得，唔需要再搽牛油。炒蛋食到牛油嘅香味，蛋够杰，但就变成唔够滑，呢个炒蛋，大家乐同系嘅一粥面就做得比较出色。午餐肉，佢话系顶级，我实在搞唔明点样顶级法，莫非升级做火腿午餐肉就叫顶级？但若果唔系用长城牌嘅白猪仔，就未到顶级，但食落口又无白猪仔独有嘅香味，即使次少少嘅天龙都唔似，若果话普通嘅午餐肉，午餐肉一哥嘅美荷尔同韩国牌子远东都好食过佢，顶级呢两个字，绝对有货不对办之嫌。沙嗲牛肉面有啲惊喜系碗汤用沙嗲汤底，但味道偏淡，唔够浓，牛肉亦无相应跟进，令碗汤嘅沙嗲味浓返啲，牛肉份量虽然多，而且有用梳打粉腌过，可惜同大多数茶记及快餐店一样，啲肉未有完全松开，食落有渣，唔能够完全咬开，面条煮得刚刚熟，但由于面质关系，所以即使熟都好，都系唔够滑。呢间嘢起台角贴住张纸有wifi，又可以用手机落单（见最后一张相），但又系货不对办，二维码系开到嚟点餐，但根本无个网路名称（sorry ，影得唔好，无留意影唔到全个网路名称及密码），所以谂住好似麦当劳咁用佢哋嘅流动数据上网都唔得，即系废嘅。虽然系咁，但我应该会至少嚟多次，试下佢嘅沙嗲汤黑鱼片米线，感觉呢个配搭有啲怪。另外，畀我发现个餐牌上，有一个餐系图片与文字描述不相同嘅情况，唔知你又揾唔揾到？突然间谂，呢度做西式快餐都好多舖头有做，但系无粥舖，而呢条邨都系属于老人邨，佢哋亦有联营品牌系卖粥，点解唔转营卖粥呢？…查看更多
娃娃菜 HK$25.00 还可以 okay la~东江杂菜煲 HK$58.00这碗所谓的「杂菜煲」的最下面用了不知甚么类似粗身的河粉，来做配菜（垫底），实在很难食。扣分！
:(整体而言，下次还是叫回「谭仔」，起码不会太多油，又不会无啦啦多了不知甚么河粉之类在菜里面。
