鮮丼家

前幾年住喺何文田印象中都試過隔咗幾年搬返嚟窩打老道呢邊發現已經好唔同估唔到呢間小店依然受歡迎價錢好貼地 lunch $50至$60都有交易比較多學生幫襯 -今次我哋夜晚嚟，所以飲下啤酒 揀咗啲壽司飯同埋定食 人均消費都係$80至$100-呢度嘅刺身飯，可以自由選擇你都有基本嘅三色魚生飯 角切魚生飯我呢碗係自由選擇嘅款式我揀咗三文魚、油甘魚 三文魚籽、芥辣八爪魚$109 刺身屬於厚切嗰種一片=大概有壽司郎 三片所以四捨五入 三片三文魚 差唔多好似食咗10篇三文魚 🍣 壽司飯係冇特別調味 但係都好 我就比較鍾意混合少少醬油一齊食--壽喜燒鍋 雖然佢話一人份量但係比起平時份量更大蔬菜豆腐，肉類 金菇 獅子狗 整個配搭好豐富湯頭唔算太濃郁 但係呢個價錢$78 就好OK啦仲要唔使加一服務費有suntory 生啤或者Sapporo 冰爽! 配埋炸芝士年糕 有少少居酒屋-鰻魚飯，我就冇試到啦 朋友話OK 正常發揮咁話但係鰻魚份量都幾多喎…Read More

講真，平時食開嘅日式丼飯都係求其果腹，但今次喺朋友推薦下試咗呢間藏身喺何文田嘅小店 Sendonya 鮮丼家，真係有啲驚喜。地方唔算大，但一坐低就有種好像入咗日本小食堂嘅感覺，木枱、鐵椅、牆身有啲舊舊地嘅味道，加埋店員親切有禮，感覺好窩心。🍣 先講刺身：我哋叫咗兩款——三文魚刺身（$72）同油甘魚刺身（$80），每碟有六大塊，厚切得黎啖啖肉完全唔鞋，三文魚油脂分布均勻，入口即溶；油甘魚就真係清甜中帶一絲爽彈，好耐冇食過咁鮮味嘅刺身，視覺同味覺都被治癒。🍚 丼飯方面，我點咗花盛吞拿魚親子丼（$98），賣相已經超吸引，中間嗰球是吞拿魚蓉打成粉紅色的雲，配上滿滿嘅三文魚籽，每一啖都係咸香爆漿嘅驚喜。飯底仲鋪咗紫菜、黃蘿蔔粒、青瓜絲，好有層次。另一碗係朋友點嘅三色丼（$70），有甜蝦、三文魚同蟹籽，每款都新鮮得黎唔腥，仲食到蝦身帶少少甜，幾驚喜。🥗 **前菜枝豆（$28）**就算簡單，但鹽調得啱啱好，熱辣辣上枱，口感清爽唔粉，等主菜期間食住真係好開胃。🧾埋單兩個人食咗 $384，以佢哋食材新鮮程度、擺盤心思同份量嚟講，性價比非常高。連埋兩杯生啤，食得開心又唔覺肉赤。👩🏻‍🍳 服務方面，店員笑容親切，介紹菜式時會細心解釋唔同刺身嘅特點，唔催客，反而會不時留意需唔需要加茶水，感覺好似喺日本鄉下店仔咁有人情味。🌿 整體氣氛亦值得一讚，枱距離唔算迫，光線柔和，有啲老木地板嘅溫度感，好適合下晝靜靜地約朋友傾偈，或者自己一個食飯靜心。---📌總結一句：呢間Sendonya絕對係何文田小隱藏珍寶，無論你係鍾意食生魚片，定係想搵個暖胃又暖心嘅日式丼飯下午，都好值得一試。下次想食日本野，不如唔好再去連鎖店，轉個彎嚟呢度感受下真正日本家常風味💕…Read More

決定俾返個我呢期最愛既居酒屋…因為響何文田果邊返工，收工後個人散哂真係會想飲返杯食返小小野頭盤當然係食刺身先可惜餐廳話無海膽，我揀左用三文魚腩代替就變左有勁多件三文魚腩了勁新鮮，腩位個魚油脂味好豐富吞拿魚入口冰冷柔滑，唔會似三文魚咁一下炸你味蕾但種鮮味就係隱隱約約，令人回味另外都叫左個火炙芝士三文魚牛油果反卷芝士濃香配埋牛油果既軟滑，加埋三文魚的油香同醋飯既配合呢個組合真係令人極其滿足，味道層次豐富啤酒是必須的條氣好爽食完凍野就會想食熱野…而家今晚有老公響度，野都可以叫多dd肉簡直多到塞爆個鍋，肉質鮮味，入口軟中帶彈湯底甜甜有壽喜燒既味道，篤爆隻蛋，湯底隨即有蛋香氣飲幾啖湯之後打個烏冬落去 烏冬質地係我最愛既煙煙unun都幫襯咁耐喇決定俾返個正評佢！經濟差丫我怕佢執！…Read More

這間位於旺角東附近的日本料理店，舖面小小但卻有很新鮮而且抵食的魚生丼飯，店內可見店員在內處理食材。另外見到還有其他日式丼飯、壽司，還有日式火鍋料理可以吃，款式也是很多，價錢更是非常合理，令人已經想再encore。海鮮丼飯 $148有三文魚、油甘魚、海膽、有頭甜蝦和帶子刺身。除了甜蝦，每樣刺身都有兩件提供。刺身新鮮鮮甜，三文魚腩更是油脂感滿滿的爆發。海膽亦鮮甜不腥。配上日本米很是滿足。炙燒三文，帶子，熟蝦丼 $80炙熱三文魚有三塊，表面有香香燒焦過的味道，半生熟的炙燒三文魚，油香十足。還有彈牙新鮮的鮮帶子。整體非常配合米飯芝士三文魚牛油果卷經炙燒過的芝士味道薰香，內裡配搭油份十足的三文魚和牛油味，非常美味。…Read More

同朋友嚟到旺角東附近搵食，搵到一間叫鮮丼家嘅日式小店，位置唔算顯眼，不過去完之後真心覺得佢哋整體性價比超高，食物份量好足，質素都好好！😍什錦壽司（上） ($188)一上枱已經覺得好抵食超滿足，啱晒我呢啲有選擇困難症嘅人！呢個壽司拼盤嘅用料好豐富，有齊：三文魚腩、火炙三文魚、八爪魚、吞拿魚、鰻魚（各2件），仲有海膽、帶子、三文魚籽、有頭甜蝦（各1件）同埋反卷（3件）。特別鍾意佢嘅三文魚腩，食落油脂香好夠！最開心係連海膽同有頭甜蝦都有，食材都幾新鮮！😋海陸一品鍋（2人前）($198)我哋揀咗壽喜湯底，呢個鍋份量都幾大，兩個人都唔係幾食唔晒！主食方面，肉有牛肉片、豚肉片、雞肉，海鮮有蝦、青口、帆立貝、廣島蠔。配菜方面有娃娃菜、金菇、冬菇、豆腐、竹輪、芋絲、鳴門卷。仲配埋白飯兩碗、麵豉湯兩碗同前菜兩客。湯底甜甜地好開胃，帆立貝都幾大粒幾新鮮，食到最底，娃娃菜吸晒肉、海鮮同埋其他材料嘅精華，超鮮甜！食完之後成個人都暖笠笠，份量同性價比都超高！😎炸花枝丸 ($25)三件餐前小食我哋叫咗份炸花枝丸試吓。佢外層炸得幾酥脆，雖然彈牙，但都幾乾身，食落去不過不失🫣…Read More

今晚同老公出左勝利道果面行街睇貓貓見有啲肚餓，係果頭食埋飯見到呢間鮮丼家menu吸引！入左去試下⋯海鮮丼飯有三文魚，海膽，油甘魚，甜蝦，帶子刺身勁厚勁鮮甜，海膽一啲都唔腥，價錢好抵食，性價比極高！油甘魚勁厚，好好食！！三色丼飯入面有三文魚，甜蝦，蟹籽三文魚勁厚勁鮮甜，丼飯係自家拌既醋飯，温度剛好！而且丼飯係有附送面豉湯同胡麻醬沙律菜，一份丼飯相當滿足！什錦壽司我哋食完丼飯，為食既我呢個壽司簡直比到驚喜我！睇得出係手握壽司，而且壽司飯嘅份量比例唔算多，啱晒可以俾我食多幾舊，特別推介三文魚子，海膽同油甘魚，真係超水準 ！一啲都唔腥！總括嚟講呢間店嘅刺身都真係好厚切，而且用料新鮮，喺勝利道嚟講，呢間小店絕對係性價比極高！埋單都係人均$200左右！…Read More

今日行左過黎旺角東呢邊整野，見到有間日式小店，價錢都幾抵食，一於試下佢首先就叫咗個五色丼飯，裡面有三文魚、甜蝦、蟹籽、北寄貝同油甘魚，食得出刺身都好新鮮，而且個份量都真係幾多，三文魚好鮮嫩，甜蝦滑口，蟹籽卜卜脆，北寄貝嘅口感好好，油甘魚就一D都唔腥，好有魚味，刺身既質素好好另外仲叫咗個日式海鮮鍋，鍋入面唔同既海鮮，有青口，蠔，帆立貝，蝦等等，湯底清淡得黎好鮮味，跟左個烏冬放埋落去一齊食，好彈牙，好好食然後我地食完之後再追加左D刺身同埋壽司叫左五色刺身，芥辣八爪魚，火炙鰻魚壽司同埋八爪魚壽司五色刺身入面有三文魚腩、八爪魚、油甘魚、甜蝦同帶子，呢到既刺身質素真係好好，食落好新鮮好好味，而且份量都真係多，每一塊魚都係厚切大大塊，好抵食芥辣八爪魚個調味好好，有芥辣味得黎唔會好嗆鼻，而且好開胃火炙鰻魚壽司，鰻魚炙得香噴噴，外面微焦，內裡滑嫩，配埋鰻魚汁，好好味! 另外八爪魚壽司都唔錯，食得\好滿足整體來講，呢度真係比到驚喜我，雖然係小店，但係刺身都新鮮又好味，而且價錢好抵食，真心推薦大家黎試試!…Read More

呢度嘅街坊應該對佢唔會陌生，小店，日式居酒屋格局，座位只有幾個。特色應該係多款海鮮丼，仲有自選丼，可以自己揀餸。六色刺身六款刺身(三文魚腩、吞拿魚、油甘魚、八爪魚、海膽、有頭甜蝦)拼砌起來，賣相吸引。主角海膽有驚喜，入口即化，鮮味不澀；三文魚腩厚切，口感滿滿；其他刺身，非大則厚，令人感覺好豐富。燒三文魚、燒帶子、燒熟蝦丼呢個價位可以食到三文魚、帶子同熟蝦既丼飯，喺幾貼地。帶子肥美肉厚，炙燒更香；燒三文魚帶魚油香；熟蝦上面加塊燒芝士更搶眼。蟹籽炸軟殼蟹反卷 反卷裡面既炸軟殼蟹非常香脆，再咬到粒粒蟹籽，脆上加脆，層次更突出。炸餃子炸餃子長身，中間飽滿，外皮香脆。…Read More

今日去咗 何文田鮮丼家，主打日式丼飯同烏冬，環境乾淨舒服，店員服務親切 😊👍。🥢 魚生飯：魚生夠新鮮 🐟，三文魚厚切油潤，入口即化，配上碎吞拿魚腩，口感豐富 💕。再加上青蔥 🌱同醬汁，味道層次好夾，食落完全唔膩，飯粒亦煮得粒粒分明 🍚，真係超正！🤩🍲 :)壽喜燒烏冬：湯底鹹甜適中，好香醬油味 🍜，烏冬煙韌彈牙，吸晒壽喜燒嘅精華～ 配料有牛肉片 🥩、洋蔥 🧅等，食到停唔到口！✨ 整體感覺：價錢合理 💵，食材新鮮，份量足，無論係丼飯定烏冬都好滿意～係一間會再想返去嘅日式小店 🍱。📌 推介指數：⭐⭐⭐⭐⭐（5/5）📍 何文田 鮮丼家💡 必食必試：魚生飯 🍣 + 壽喜燒烏冬 🍲…Read More

今日少有地黎到何文田～係勝利道見到一間日式餐廳小店餐廳環境細細的、座位唔係好多～餐牌食品種類都多既有刺身飯,壽司、卷物、鍋物等等我地order左一客五色刺身有三文魚、油甘魚、帶子、八爪魚同甜蝦刺身好鮮！！ 重要係勁厚切勁誇張口感十足另外點左兩款卷物有蟹籽軟殼蟹卷同芝士三文魚牛油果卷軟殼蟹新鮮炸起脆脆好惹味三文魚同牛油果，上面有燒咗嘅芝士三樣野加埋都係非常夾的最後叫埋個鍋物～牛肉鍋壽喜燒～本身個餐配飯～不過我想食烏冬😝（+$10可以轉）雖然係一人前、但牛肉量都幾多入面重有獅子狗⋯日式魚蛋⋯菜⋯金菇等等 撈埋隻蛋～yummy yummy 其實想試埋刺身飯不過實在太飽了支持小店👍🏻價錢合理，食物質素亦一d都無馬虎！…Read More

Happy Friday收工約朋友食日本野。先嚟支凍冰冰嘅Asahi啤酒，「啪」一聲拉開罐，泡沫湧起，一口落肚冰涼解膩。首先上枱嘅係牛肉壽喜鍋，湯底甜甜地帶住醬油香，薄切肥牛涮幾秒就熟，裹住生雞蛋液入口，滑嫩到冇得彈，連埋吸飽湯汁嘅烏冬，每一口都暖到入心。旁邊嘅鯖魚定食都好出色，鯖魚煎得外皮微脆，肉質鮮嫩唔會柴，配住新鮮嘅蔬菜沙律同熱辣辣嘅白飯，簡單又夠飽足。最驚喜嘅仲要數火炙系列壽司！火炙三文魚腩油脂豐富，炭火烤過後邊緣微焦，咬落口油脂慢慢融化，鹹香十足；火炙芝士熟蝦壽司最正，芝士經過火炙微微融化，牽住絲包裹住彈牙嘅熟蝦，鹹香同海鮮味完美融合。火炙鹽燒帶子大隻厚身，鹽燒嘅香味突出左帶子嘅鮮甜，冇過多調味反而更見真章；火炙芝士三文魚牛油果卷都好有層次，三文魚嘅鮮、牛油果嘅綿密同芝士嘅濃郁，一口咬落超满足。另外幾款壽司都唔失手，芥辣八爪魚壽司咬落爽脆，芥辣勁度剛好；芝麻牛油果青瓜小卷清新解膩；海膽壽司鮮甜無腥，入口即化。…Read More

呢間「鮮丼家」雖然細細間唔太起眼，但整個格局充滿日本地道小店風格，好有日本Feel，食物質素亦相對高，幾有驚喜！首先叫咗個海鮮丼飯，入面種類非常多，有新鮮嘅海膽、鮮甜嘅帶子同甜蝦、肥美嘅三文魚同油甘魚，仲要全部厚切，相當有口感，食落啖啖都好滿足！再叫咗個三文魚帶子熟蝦丼，份量十足嘅三文魚油脂甘香、帶子爽甜、加上大大隻鮮味嘅熟蝦面頭舖上燒到微香嘅芝士片，真係誠意十足，每樣都燒得香噴噴，再點上少少豉油Wasabi同飯一齊食，簡直令人慾罷不能！仲有佢地嘅牛油果蟹棒沙律就更足料，啖啖豐富嘅牛油果同鮮甜嘅蟹棒，加上新鮮嘅沙律菜，有種清新解膩嘅感覺，而且份量十足！另外四色刺身亦係好新鮮，件件厚切，肥美鮮甜，絕對對得起個價錢，食完好滿足。整體來講，服務態度好，食材新鮮，樣樣都好足料，兩個人食到捧住個肚，性價比極高，下次一定會再Encore！…Read More

今日黎到旺角東、何文田勝利道附近，Search到呢間街坊魚生刺身店，一於黎試吓～見到好多人買外賣，而且聽到老闆都好好人，會免費送飲品👍🏻 丼飯好抵食，$6x已經有個三文魚丼飯，有埋麵豉湯，仲要唔洗加一，而刺身拼盤好抵，亦都有d炸物、啤酒🍻，仲有烏冬、鍋物，arm晒唔食生嘅朋友😃我地叫左$210刺身拼盤、再加帶子、芝士三文魚牛油果卷、炸餃子、同埋兩罐飲品。刺身勁厚切！好肥美🥸 三文魚、油甘魚、吞拿魚都超厚～ 帶子都真係珍寶size🤪 仲有八爪魚🐙牡丹蝦、同埋海膽，正啊～～之後就係卷物，細細舊易入口、唔會太多飯包住，都幾好👍🏻😌 熱溶芝士喺上面好邪惡😈炸餃子🥟好特別，係長條形，炸得幾好、唔會硬晒，我食到晒成舊🤣👍🏻 仲配埋d沙律菜比你飲品櫃，大部分$12/罐。啤酒$48都幾抵～我地食嘅期間好多人叫外賣，睇黎都幾多附近街坊支持～ 但堂食都唔洗加一、而且冷氣幾勁，今日好曬好熱入黎食都涼浸浸啦～…Read More

今晚係何文田買完甜品，行過見到啲嘢食好似好平，就入咗嚟呢一間餐廳食飯。800海鮮丼飯 $148有三文魚，油甘魚，海膽，甜蝦，帶子，跟餐仲有麵豉湯同埋一小兜沙律；三文魚同油甘魚切到好厚身，兩樣都好肥美，海膽好creamy，另外個帶子都好新鮮鮮甜。牛肉壽喜鍋 $88加$10轉做烏冬，有牛肉，蛋，娃娃菜，冬菇，金菇，芋絲，鳴門卷，牛肉大概有六大塊，一啲筋都冇，好軟淋，烏冬夠煙靭，好飽肚，呢個價錢真係好抵食。芝麻雞翼 $40有三大隻，炸到外表好脆，但入面一啲都唔乾身，加上白芝麻的香，呢個有驚喜。另外叫左檸檬茶同埋荔枝烏龍茶，各$12。呢到係冇加一服務費，咁樣兩個人都只係$300，真係好抵食。…Read More

菜單分為不同類別，包括刺身丼飯、壽司和其他日式美食，方便顧客快速找到所需。每道菜品旁都有清楚的價格標示，配有精美的圖片，讓顧客容易做出選擇，避免困惑。蒲燒鰻魚丼飯鰻魚烤得外焦內嫩，肉質鮮美，帶有微微的甜味，令人垂涎欲滴。米飯煮得適中，粒粒分明，和鰻魚的醬汁相融合，口感極佳。鰻魚上淋的醬汁香甜可口，完美地提升了整道菜的風味。燒三文魚蟹柳牛油果丼飯三文魚切片厚實，肉質鮮嫩，入口滑順。蟹柳的口感彈牙，搭配米飯相得益彰，增添了更多層次感。牛油果的綿密感與其他食材相融合，為整道菜增添了豐富的口感。蟹籽炸軟殼蟹反卷炸軟殼蟹的外皮酥脆，咬下去時發出清脆的聲音，令人驚喜，與米飯的Q彈口感相得益彰，口感層次豐富。蟹籽的鹹香與沙律醬的濃郁味道完美融合，增添了整道菜的風味，讓人欲罷不能。…Read More