鮨樂 (新鴻基中心)

营业中

休息中

🔍鮨樂 🍽灣仔港灣道30號新鴻基中心1樓137-139號舖-----週末又要出動食好西嘅時候。🥄.見到呢間餐廳週末都有做Lunch set，裝修又幾新淨別緻，就決定入去一試究竟。.餐牌選擇頗多，有Set，有散叫，有時令限定，亦有午市omekase。🐟喜之次壽司北海道 $48➼價錢唔算平，但喜之次好少可以單件叫，通常omekase先會食，難得呢度可以只叫一件，就不妨一試。魚油頗豐腴，肉質實而不失柔嫩，不錯。🔥炙燒海膽丼 $228（金目鯛、海膽、油甘魚、三文魚籽、牡丹蝦、玉子）➼貌相精緻，炙燒完之後聞落別具油香，影相期間已經令人躍躍想試。金目鯛魚皮微脆、油甘魚肥美厚身、三文魚籽鮮度拔群、海膽亦鮮甜無腥，加上濕潤富蛋香嘅玉子，高質。🦐特選北海道丼 $208（帆立貝、海膽、三文魚籽、牡丹蝦、蟹肉）➼呢個組合基本上唔會輸，帆立貝貝柱肥厚、牡丹蝦爽中帶甜，加上絲絲蟹肉，口感與鮮甜度均不錯，如果加埋蟹膏嘅話相信會更為吸引。-----👶🏻B仔整體評價：8.1/10個👍🏻👶🏻B仔抵食程度：7/10個👍🏻👶🏻B仔服務評分：9.5/10個👍🏻👶🏻B仔環境評分：7.5/10個👍🏻 👶🏻B仔味道評分：8.5/1

Walk in 隨便一試點了一個set包前菜（蒸物），刺身，10件壽司食材新鮮另外點咗天婦羅，炸得非常鬆脆，食材新鮮疏菜香甜生蠔不錯燒牛脷亦可小食也是不錯的工作人員服務態度非常好，尤其經理Jasmine👍🏻仲試咗2杯，不同口味的Sake !口感很好日後也會回來～

鮨樂嘅灣仔分店啱啱開張, 午市時間日日都大排長龍今日天氣好凍, 大食妹見人龍少啲就排下隊, 睇吓食唔食到排左30分鐘, 終於可以入座<炙燒海膽丼>大食妹嗌左炙燒海膽丼鮨樂嘅炙燒海膽丼好豐盛, 有海膽、金目鯛、油甘魚、白身魚、三文魚籽、牡丹蝦同玉子大食妹特別鍾意牡丹蝦、海膽同玉子牡丹蝦又鮮甜又彈牙, 火炙後口感層次提升海膽味道濃厚, 味道甜甜地而玉子竟然帶有柚子香, 好驚喜下面嘅丼飯加入左赤醋, 味道酸酸地好開胃<特選刺身丼>同事嘅特選刺身丼就有帆立貝、真鯛、三文魚同甜蝦, 非常新鮮午市定食仲有包沙律同麵豉湯<石垣鯛壽司>同事仲加咗是日限定嘅石垣鯛壽司, 表示好正宗<炸雞軟骨>大食妹就加左份炸雞軟骨, 乾脆美味, 有咬口