早前台风袭港，在8号风球悬挂，但外面无风的情况下，家中厨房意外被占据，打开手机想食老麦，但又意外地无优惠，于是落街揾食，嚟到呢间门口睇下有乜好食，见到有个鸭髀餐，好特别，鸡髀餐就经常见，间中食，鸭髀餐就第一次见，于是入去试下乜料。呢个餐系鸭髀配两款小食加饮品，我叫咗小酥肉及薯条，配热水蜜桃。结果嚟到时出咗意外，竟然系鸭髀配薯条及西多，于是向店员反映，佢居然话额外送一份小酥肉畀我，而唔系换走件西多，呢个店员认真唔话得，我谂唯一解释系西多唔系咁多人点，所以宁愿益客吧！但即使唔多人点，都可以留畀员工自己食啫，点解要益客？或者惊我食过卦，唔理啦，反正我有著数，一次过可以试食三样小食。杯水蜜桃先嚟，好甜，明显系糖浆水，试过一次就够。薯条系无盐，店员姐姐好好人，拎咗成支茄汁畀我，唔似得麦当劳咁孤寒，一细包一细包咁畀，啲薯条系无盐粗身薯条，食落口系热嘅，比麦当劳或大家乐都好食好多。西多系花生酱馅西多，但馅料唔多，比较啱我，面包亦厚身，比大家乐好食好多。小酥肉绝对系一个惊喜，猪肉条外裹住浆粉去炸，外酥内软，而且还洒上香料粉，系咩香料粉我唔肯定，但其中一样肯定系花椒，但应该咁只花椒一样香料。外酥内软嘅炸猪肉条，加上足层渗透出花椒香味嘅调味粉，将呢碟小酥肉推向另一个层次，非常非常非常（重要事情要讲三次）好食。另一个惊喜绝对系主角鸭髀，炸得非常非常非常透彻，肉质结实，份量非常之充足，与其话系鸭髀，不如话系鸭下装更为贴切，几乎每一啖都有鸭肉香味渗入口腔之中，咩叫齿颊留香？我谂就系呢种情况。$41一个下午茶餐，有炸鸭下装、薯条、半份西多士、小酥肉及热饮，带畀我连环惊喜，绝对超值。就因为呢一个下午茶，带畀我连环惊喜，令我对呢间食店改观，并在之后继续帮衬。…查看更多
娃娃菜 HK$25.00 还可以 okay la~东江杂菜煲 HK$58.00这碗所谓的「杂菜煲」的最下面用了不知甚么类似粗身的河粉，来做配菜（垫底），实在很难食。扣分！
:(整体而言，下次还是叫回「谭仔」，起码不会太多油，又不会无啦啦多了不知甚么河粉之类在菜里面。
