魚川居 (金漢工業大廈)

前幾日上網搵下九龍有咩好食，就比我揾到呢間位於宏冠道既魚川居，趁今日周末就去探店。午餐時段到店，地方夠大，有幾枱食客，店員帶位就比咗張二人空枱我坐，睇下個餐牌，最後決定點咗呢個極濃雞湯花膠雲吞雞髀，人手落單，等咗一陣就有得食，份量都足，個雞湯有雞髀，有花膠同埋大白菜，d大白菜索哂d汁，十分下飯，有幾舊雞髀肉，好食，花膠有4，5舊，有少少腥味，但可以接受。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

有一排冇嚟又想食呢度嘅雲吞雞，食過真係返唔到轉頭！平時Lunch time 嚟到多數都唔洗等位，因為鋪面空間好大好多位，都坐得舒服。今日照舊食雲吞雞配飯，雞湯底超濃，充滿油香，啖啖雞味，次次都要飲哂先滿足。雞肉亦都唔會煲到鞋口，Keep住鮮嫩，加$5轉埋雞髀就冇得彈！雲吞其實都好食，但喺咁出色嘅雞面前實在會被比下去。如果等得嘅話仲有下午茶優惠，四十幾蚊有交易，真係好抵食！…查看更多

一定要轉雞髀！一定要轉雞髀！一定要轉雞髀！重要嘅事要講3次😭🙏🏻救得一個得一個！記得轉雞髀！你成餐飯嘅體驗都唔同！滑嘟嘟嘅雞髀係勁正仲有，我有個同事話食之前記得飲湯！我都好同意，因為個湯真係好鮮好好味的😋惟一難題係我每次都要分半碗飯俾同事，先勉強食得晒成個餐🤣🤣飯量小、胃口細嘅朋友仔要注意喇！其實佢好似可以轉麵呀、米線呀，嗰啲。但，我覺得鮮湯泡飯已經夠正了😭😭好似無食過佢其他野，每次都係就咁嗌雲吞雞…查看更多

呢排成日OT，終於搵到個lunch time同同事去九龍灣工業區覓食～上到金漢工業大廈1樓，估唔到有間咁隱世嘅小店「魚川居」，環境似日本居酒屋，暗暗哋燈光加木系枱凳，坐低即刻有種逃離煩囂嘅感覺，好chill啊！叫咗佢哋嘅「吉豬」同「世一海南雞」，個吉豬真係不得了～塊豬扒大過我塊面！炸得金黃香脆，咬落去「咔嚓」一聲，肉質仲好juicy，點埋蛋黃醬同咖哩汁，送白飯一流，食到舔舔脷～海南雞都唔輸蝕，雞肉滑溜到呢，油飯香噴噴，每啖都係享受。仲試咗碗雲吞雞湯，清甜暖胃，啱晒我呢啲養生少女～整體味道偏輕盈，小甜少冰，食完唔會膩，好滿足！價錢親民，份量足，雖然位置隱蔽，但絕對值得專登嚟打卡。下次OT悶悶哋，一定會再encore！…查看更多

又到返工嘅lunch時間🤣， 同事帶我到九龍灣工廠區食個雲吞雞嘅飯堂，我哋特登早啲出去食，因為佢話約莫12:30至1:00點左右就已經好多人， 我哋去到嘅時候都人頭湧湧… 好嘈，證明間嘢有料到😅可能係舊式工廠區地方都好大，職員安排咗個位之後，我就叫咗個海南雞飯同事就叫咗個雲吞雞米粉，見到餐牌都係七八十蚊左右la , 落完order之後，5分鐘到就有嘢食，海南雞飯就正正常常啦，但啲雞都算幾滑，另外佢個雲吞雞麵個湯幾好飲不過不失…. 見到咁多人嚟食都知道CP值幾高，可以一試！不過同我喺九龍灣工作嘅地方都頗為遠，同埋呢排夏天天氣熱都要間唔中先嚟得，臨走時真係見到排隊排到出門口，所以一定要早少少嚟食先得㗎啦⋯⋯…查看更多

想食可能係世一嘅海南雞就要save低依個po喇😆今次介紹嘅依間餐廳位於九龍灣工業區，可以話係打工仔食堂嘅優質之選！又平又好食真係好難得😍小編下午茶時段去，加錢轉髀$5、薯粉$5同凍飲$3都只係$60~海南雞真心正！好嫩滑而且皮好薄。調味亦都夠 ，唔使點汁已經好有味。食完都唔會覺得好guilty～估唔到薯粉有驚喜～係雞湯而唔係普通清湯，所以唔怕好寡👍🏻 L型鋪面，繁忙時間都可以坐到好多人。不過要留意餐廳只收現金，所以記住準備足夠金錢啊🤓…查看更多

上網見到好多人都話唔錯，今日特登過嚟試吓，地址在九龍灣工廠大廈，位置離九龍灣地鐵站有點遠。今日星期六，中午時間嚟，原來都好多座位，唔使等位，坐座坐滿九成，今日食好多人推介嘅雲吞雞，雞同雲吞都好好食，湯底亦都唔會好鹹，味道啱啱好，再加個淮山麵都係加$5，麵嘅份量夠兩個人食，連凍飲$57，性價比超高，份量超多，細食嘅人或者女士未必食得晒，整體都堆介。食物款式種類多，下次多啲人嚟可以試埋酸菜魚，海南雞飯。…查看更多

No 1 食神雲吞雞🍜（加淮山麵5蚊）飲第一啖湯，就知雞湯係熬咗好耐好濃，好出色😋。雞肉份量多之餘肉質好嫩，菜肉雲吞是用白菜同豬肉包的，脹卜卜好足料好正！大家留意下午1:40後係下午茶時段只係49蚊，加配紅豆冰5蚊🥤有交易。 📍魚川居九龍灣宏冠道8號金漢工業大厦1樓5-6室…查看更多

週末和家人到位於九龍灣的「魚川居」吃下午茶，這間餐廳位於金漢工廈二樓。餐廳的環境非常寬敞，設有不少卡位，非常適合聚餐 🌟下午茶時段有 65折優惠💫，套餐平均只需四五十港元，價格相當吸引。這次我們選了三款不同的下午茶套餐，分別是🐟酸菜魚薯粉、🐷豚肉番茄米線和🐤雲吞雞飯，每款都各有特色。🔥1. 酸菜魚薯粉 + 港式奶茶 （$42） 這款套餐的份量非常足夠，薯粉口感彈牙，不用加錢就能選擇。魚片挺滑嫩無腥味，酸菜也讓湯底味道更豐富（如不喜歡莞荽記得提早說明⚠️）。我選了中辣，但辣味稍嫌不足，但侍應姐姐非常貼心，額外提供了一小碟黃辣椒醬，自己調味後更為滿足😋 唯一美中不足的是奶茶的茶底偏澀。但這款套餐的主食部分表現不錯，性價比很高，值得推薦！👍🔥2. 豚肉爆茄米線 + 鴛鴦 （$46） 番茄湯底🍅是新推出的湯頭濃郁且帶有薯仔粒，整體口感像家常番茄薯仔湯口味，挺不錯～米線的份量同樣充足🍜，能輕鬆填飽肚子。然而，豚肉的質感一般，像是火鍋用的冰鮮肉片，肉質偏韌。至於搭配的鴛鴦，茶底與奶茶同樣偏澀，咖啡佔比較重。🔥 3. 雲吞雞飯 + 柚子蜜 （$47+$5） 雖然雲吞雞是餐廳的熱賣榜首，但我覺得和其他麵餐相比並無顯得特別出色🤔 雲吞餡料充實，雞肉肉質算滑嫩。湯底雖有雞湯鮮味，但略帶味精的鹹味。搭配的白飯份量充足，讓人有飽足感 😋 柚子蜜需$5加配，整體偏甜、味道不錯。整體而言，以人均不到五十蚊的價格，「魚川居」的下午茶套餐的性價比非常高！👍🏻 雖然飲品方面的表現稍遜，但對於一頓經濟實惠的下午茶來說，這些小瑕疵可以接受。服務方面，除了負責下單的姨姨較急躁，其他店員都很願意幫忙～🙏🏻💖…查看更多

Lunch time 周圍都多人排，見有位就入左去食，要同人夾枱都算，收銀有個短頭髮女人態度好差，我只係拎住d錢比佢（佢地只收現金），佢無啦啦呼喝我「擺低啦」，係大聲呼喝，來食個飯姐，都唔洗你講咩「多謝光臨」做咩無啦啦喝我，所以宜家就算唔洗排隊我都唔會再去受氣情願去附近的餐廳排隊食飯態度極度差—————————————————————————-一句講哂：除非你唔介意比人呼喝否則唔建議食而且要有心理準備同幾個唔識的人夾枱…查看更多

最近工作忙碌，午餐時間想找個地方快速吃飯又能放鬆一下，於是獨自來到這家位於市中心的海南雞飯專門店。雖然正值中午高峰期，餐廳內人聲鼎沸，但整體體驗還是讓我挺滿意的，給個 75/100 的評分吧！一踏進餐廳，寬敞的用餐環境馬上吸引了我的注意。藍色牆身搭配工業風設計，吊燈散發出溫暖的光線，感覺既現代又舒適。雖然座位很多，目測能容納近百人，但桌與桌之間的距離安排得很合理，完全沒有擠迫感。即使是中午繁忙時段，服務員依然有條不紊地安排座位，我很快就找到了一個靠窗的單人位置。窗外的自然光灑進來，讓我一個人用餐也能感到輕鬆自在，環境氣氛真的很加分。我點了一份經典的海南雞飯套餐，價格很親民，套餐包括海南雞、黃油飯、青瓜，以及兩款配醬（辣醬和薑蔥醬）。最讓我驚喜的是出餐速度！明明餐廳幾乎滿座，但我點餐後不到 10 分鐘，熱騰騰的海南雞飯就上桌了，效率之高真的要給個大讚！服務員雖然忙碌，但態度依然親切，會主動問我是否需要加飯或加湯，服務細心周到，讓我一個人用餐也不覺得尷尬。食物方面，海南雞飯的表現中規中矩。雞肉煮得嫩滑，皮薄而帶點油香，搭配黃油飯一起吃，濃郁的雞油香氣撲鼻而來，飯粒分明且不會太油膩，份量也很足夠，讓我吃得滿足。青瓜清爽解膩，辣醬和薑蔥醬的搭配也很到位，尤其是薑蔥醬，味道濃郁，帶點微辣，和雞肉非常搭。不過，雞肉的調味略為清淡，如果能再多一點鹹香會更符合我的口味。另外，飯上的炸蒜粒雖然香脆，但份量稍少，稍微影響了整體的風味層次。飲品我選了凍檸茶，味道清新，酸甜度剛好，很適合搭配海南雞飯的油香味。整體來說，這家店的性價比不錯，特別適合像我這樣中午想快速用餐的上班族。雖然食物味道還有進步空間，但出餐迅速、環境舒適、座位安排得宜，讓我一個人用餐也能感到滿足。下次有機會，會再來試試他們的燒雞或蒸雞，看看有沒有驚喜！…查看更多

今日去左九龍灣行街，同屋企人食左呢間樓上嘅雲吞雞粉麵～估唔到weekend都幾多人，好受歡迎🤩👏🏻＊＊＊＊＊🥟🐥雲吞雞 $47轉 🍗雞髀 +$5配 紅薯粉🥬🐟酸菜魚 $42配 紅薯粉🐣🍚世一無骨海南雞 $45轉 🍗雞髀 +$5配 油飯我地咁啱叫左最出名嘅幾道菜😆雲吞雞又足料又鮮甜，雲吞皮薄餡靚😍、雞髀又嫩滑又新鮮～酸菜魚有少少辣，食得好過癮～魚片有啲厚度唔係紙咁薄，無骨又新鮮😋＊＊＊＊＊…查看更多

同事介紹公司附近有好味海南雞飯食，今日跟住去食晏，在工廈二樓，樓下有餐單，都算幾容易搵。上到2樓，估唔到間店咁大間，仲要差唔多坐滿晒人，好彩唔使等位。佢餐牌介紹有：可能係世一無骨海南雞飯。但係我見到枱面個介紹有大大個雲吞雞，好似更加吸引，我問啲姐姐，佢同無骨海南雞係咪同一款雞，姐姐話係同一款雞嚟嘅，咁就梗係食雲吞雞有兩樣嘢食吸引啲啦。粒雲吞好大粒，肉餡味道好鮮味。加$5 將雞件轉成雞髀，連骨嘅肉梗係特別嫩滑啦。點咗淮山麵，份量好多食唔晒。另外個人氣第二名就係酸菜魚，估唔到午餐都有得食，少少辣酸味比較重，好開胃。啲魚片非常嫩滑，酸菜湯配上芽菜菜底，吸晒啲湯汁精華非常好食。再加埋惹味香脆土匪雞翼，真係好飽嘅一餐。…查看更多

週末去九龍灣行街，行到Megabox附近比呢間鋪頭既宣傳吸引度，會同屋企人入去食Lunch食神雲吞雞店家承諾係100%用新鮮豬肉，每日人手本地包製，即叫即煮嘅。雲吞雞份量十足，有五粒大大嘅雲吞，主要係菜肉餡料，雞髀肉嫩滑，加埋米線性價比幾高，難怪喺餐廳入邊人氣Number one，見到基本上每台客人都有點一份酸菜魚淮山麵Number two嘅酸菜魚都係必點！酸菜魚淮山麵亦都係超大份，目測酸菜魚都有10多塊，除咗普通嘅白飯米線之外亦都可以配搭紅薯粉、淮山麵或者烏冬。推介大家試吓淮山麵，口感彈牙兼且都幾掛汁土匪雞翼食落胡椒味幾重，即叫即炸幾脆口餐廳星期六11點到下晝4點，無論係堂食定外賣自取，午餐粉麵飯都做緊六五折起，經過九龍灣或者喺九龍灣返工嘅人可以去試吓，糧尾恩物…查看更多

今日係聖誕假期後第一個工作日，諗住都仲有好多人放緊假，啲餐廳應該唔會太多人食LUNCH，所以就行咗去魚川居(九龍灣)食LUNCH。見佢推出咗一款秋冬限定嘅菜式叫椰子雞湯，肉類可以配雞件、手撕雞、豬扒，仲有一款唔記得係乜，當然跟白飯唔駛加錢，轉其他例如米線、淮山麵、菜底都要加$5。我地落單叫咗兩個椰子雞湯配手撕雞跟白飯，同埋一個海南雞飯，當時係12:14PM，但係同事個海南雞飯嚟咗食完，我地兩個撕雞跟白飯都仲未見蹤影，叫個女侍應追單，佢就話要過咗二十分鐘先可以追，之後再搵咗個大家姐嚟同我地解釋話廚房出單部機出唔到紙，所以有啲亂！我見後面一枱的阿姐都很出去追咗三次，都仲未有得食。其實食物係OK嘅，但奶茶好澀。如果LUNCH唔係有個半鐘食飯，或者遠過鴻力工業中心及大昌行返工，最好就唔好嚟，一個鐘覆係唔夠時間喺度食LUNCH嘅！短期內不會再去幫襯…查看更多