魚川居 (金漢工業大廈)

前几日上网揾下九龙有咩好食，就比我揾到呢间位于宏冠道既鱼川居，趁今日周末就去探店。午餐时段到店，地方够大，有几枱食客，店员带位就比咗张二人空枱我坐，睇下个餐牌，最后决定点咗呢个极浓鸡汤花胶云吞鸡髀，人手落单，等咗一阵就有得食，份量都足，个鸡汤有鸡髀，有花胶同埋大白菜，d大白菜索哂d汁，十分下饭，有几旧鸡髀肉，好食，花胶有4，5旧，有少少腥味，但可以接受。[米饭]口味：🥚🥚🥚🥚[薄荷]环境：🥚🥚🥚🥚[服务铃]服务：🥚🥚🥚🥚[糖果]性价比：🥚🥚…查看更多

有一排冇嚟又想食呢度嘅云吞鸡，食过真系返唔到转头！平时Lunch time 嚟到多数都唔洗等位，因为铺面空间好大好多位，都坐得舒服。今日照旧食云吞鸡配饭，鸡汤底超浓，充满油香，啖啖鸡味，次次都要饮哂先满足。鸡肉亦都唔会煲到鞋口，Keep住鲜嫩，加$5转埋鸡髀就冇得弹！云吞其实都好食，但喺咁出色嘅鸡面前实在会被比下去。如果等得嘅话仲有下午茶优惠，四十几蚊有交易，真系好抵食！…查看更多

一定要转鸡髀！一定要转鸡髀！一定要转鸡髀！重要嘅事要讲3次😭🙏🏻救得一个得一个！记得转鸡髀！你成餐饭嘅体验都唔同！滑嘟嘟嘅鸡髀系劲正仲有，我有个同事话食之前记得饮汤！我都好同意，因为个汤真系好鲜好好味的😋惟一难题系我每次都要分半碗饭俾同事，先勉强食得晒成个餐🤣🤣饭量小、胃口细嘅朋友仔要注意喇！其实佢好似可以转面呀、米线呀，𠮶啲。但，我觉得鲜汤泡饭已经够正了😭😭好似无食过佢其他野，每次都系就咁嗌云吞鸡…查看更多

呢排成日OT，终于揾到个lunch time同同事去九龙湾工业区觅食～上到金汉工业大厦1楼，估唔到有间咁隐世嘅小店「鱼川居」，环境似日本居酒屋，暗暗哋灯光加木系枱凳，坐低即刻有种逃离烦嚣嘅感觉，好chill啊！叫咗佢哋嘅「吉猪」同「世一海南鸡」，个吉猪真系不得了～块猪扒大过我块面！炸得金黄香脆，咬落去「咔嚓」一声，肉质仲好juicy，点埋蛋黄酱同咖哩汁，送白饭一流，食到舔舔脷～海南鸡都唔输蚀，鸡肉滑溜到呢，油饭香喷喷，每啖都系享受。仲试咗碗云吞鸡汤，清甜暖胃，啱晒我呢啲养生少女～整体味道偏轻盈，小甜少冰，食完唔会腻，好满足！价钱亲民，份量足，虽然位置隐蔽，但绝对值得专登嚟打卡。下次OT闷闷哋，一定会再encore！…查看更多

又到返工嘅lunch时间🤣， 同事带我到九龙湾工厂区食个云吞鸡嘅饭堂，我哋特登早啲出去食，因为佢话约莫12:30至1:00点左右就已经好多人， 我哋去到嘅时候都人头涌涌… 好嘈，证明间嘢有料到😅可能系旧式工厂区地方都好大，职员安排咗个位之后，我就叫咗个海南鸡饭同事就叫咗个云吞鸡米粉，见到餐牌都系七八十蚊左右la , 落完order之后，5分钟到就有嘢食，海南鸡饭就正正常常啦，但啲鸡都算几滑，另外佢个云吞鸡面个汤几好饮不过不失…. 见到咁多人嚟食都知道CP值几高，可以一试！不过同我喺九龙湾工作嘅地方都颇为远，同埋呢排夏天天气热都要间唔中先嚟得，临走时真系见到排队排到出门口，所以一定要早少少嚟食先得㗎啦⋯⋯…查看更多