香香宮煮 (金輝大廈)

营业中

休息中

每次黎到尖沙咀香香宮煮打邊爐都會超興奮，因為勁期待佢個火鍋湯底！每次點唔同嘅湯底都覺得超正好吸引！另外餐廳既環境都真係好正!! 充滿宮廷風, 係入面用餐就好似去左皇宮咁任添的醬料自家製足料竹蔗茅根 $78消暑首選!! 飲落清甜潤喉, 甜度自然, 打邊爐飲真係一流~~木瓜龍躉片魚湯鍋 $308湯底鮮甜又濃郁!! 用龍躉加木瓜熬製, 湯色奶白香濃~~龍躉片肉質嫩滑到似豆腐, 木瓜煮淋後索晒魚湯精華, 甜到漏丫淨係飲個湯底都超滿足!!艾莎公主牛肉寶盒 $498(手切牛崩沙, 牛切本地牛肉, 新鮮牛展, 頂級雪花肥牛, 牛黃喉, 牛肉粒, 牛舌花)牛魔王必點!! 個寶盒擺到成個首飾盒咁靚~~手切牛崩沙：油花靚到似大理石紋, 入口即溶本地牛肉：牛味濃郁有咬口新鮮牛展：爽滑彈牙頂級雪花肥牛：油脂分布均勻, 好嫩滑呢牛黃喉：脆口到以為食緊海鮮牛肉粒：啖啖肉又juicy牛舌花：口感爽嫩香香宮煮響鈴拼盤 $98(原味+咸蛋黃味)響鈴熱辣辣, 炸到金黃鬆脆~~建議唔好淥太耐, 浸3秒就食, 外軟內脆最正！蟹黃餃 $78/4粒一咬開蟹黃多到爆漿!! 皮薄餡多, 每粒都包到脹卜卜~~蟹黃鮮甜得嚟帶少少酒香,

置身於宮廷 享現代火鍋 今次體驗喺皇宮入邊打邊爐😄 絕對係古代與現代嘅完美結合🤣🤣 每個房間或者卡位都被命名為不同宮殿 仲有龍椅添 真係處處都係打卡位🥰😉 ✨雍穆公主花膠雞湯鍋（半只）$328滾後先飲湯 湯底鮮甜濃郁 花膠都有好多 雞落去兩三分鐘就可以食 雞肉好新鮮好滑 👍 ✨艾莎公主牛肉寶盒$498有唔同部位嘅牛 牛頸脊 牛小排 牛柳粒 牛黃喉 牛舌 牛味濃郁 鮮甜回甘 好高質 真係追住食😋 ✨紫菜櫻花蝦豬肉丸$72自家製手打丸真係零舍不同 好彈牙🥰 ✨伊比利亞橡果豬$188大大塊豬肉片 肥瘦均勻 望落就已經好有食慾😋 ✨油麥菜$52皇帝菜$52咁靚嘅湯底淥菜就最正 朔晒啲精華 食完咁多肉 食啲青菜 🥬 清爽解膩 正👍😋 ✨自家製竹蔗茅根（一渣）$78叫埋個竹蔗茅根就最完美啦 冰涼解渴又清熱氣 冇得彈😄 整體嚟講 食材高質 服務殷勤 環境舒服 豐儉由人 值得encore😍😍 🎈香香宮煮 (尖沙咀)尖沙咀加拿芬道16號金輝大廈1樓

餐廳位於尖沙咀，進入時彷彿穿越回明朝宮廷，店內裝修古典，更特別是餐廳提供華麗宮廷服裝供客人穿著拍照，讓大家體驗一下宮廷感覺🥭🐟🫕 木瓜龍魚片湯鍋期間限定木瓜龍魚片湯鍋，湯鍋用新鮮木瓜煮成魚湯鍋，湯底清甜，上面舖滿滑嫩的龍魚片，再放入鍋中煮熟後口感一流🥩🥓 艾沙公主牛肉寶盒這道牛肉寶盒充滿驚喜，有多款牛肉，包括牛脊肉、牛舌及不同位置牛肉，肉質嫩滑，配上調味格醬汁，味道更濃郁🦪 日本廣島蠔新鮮的廣島蠔，肉質鮮甜，放入魚湯鍋煮幾分鐘，口感滑腻🍱 香香宮煮餃子拼盤四款不同餃子色香味俱全，無論是蒸的還是煎的，每一口都是滿滿的餡料🐟 自家製即炸魚皮脆脆的炸魚皮，自家製味道特別吸引🥬 唐生菜新鮮的唐生菜，搭配各種醬料，增添了清新感，讓整餐不至於太油膩💧 自家製竹䉀茅根水一壼自家製竹䉀茅根水，清涼消暑

👸今日心思思想食特色火鍋🍲，香香宮煮既環境好有特色，有換裝同龍椅打卡佈置、用宮廷既名命名既獨立卡位。餐具🍴全部都係粉紅色，少女心爆發。［靚公主必須配靚湯底］自選香香公主鴛鴦湯鍋，包括：蘭陵公主·胡椒酸菜魚鍋及❤️‍🔥晉陵公主·麻辣鴨血鍋。兩位公主名👑既湯底都各有特色，一辣一唔辣咁就啱啱好啦！本身已經有配料係入面，足料！［矜貴之選］艾莎公主牛肉寶盒：牛肉併盤一上枱飄出輕煙，果然係仙氣十足！又睇得又好食。兩個人份量剛好。每個牛部位食少少🤏好滿足😌。伊比利亞橡果豬色澤超新鮮，而且帶有脂肪。肉質嫩滑。個人喜愛將肉類放到麻辣湯底，非常惹味刺激美蕾。松露芝心墨魚丸（四粒）手打墨魚丸非常彈牙，而且有芝士夾心。香香宮煮雜菜拼盤雜菜拼盤嘅份量十足，健康輕盈！最愛京菜，好特別！加落去另一邊唔辣湯底清甜好食！陳年花雕醉海蝦🦐🦐--小食；花雕酒味較龍，而且香醇爽口。自家製足料竹蔗茅根--用超靚嘅宮廷器皿裝住，而且清甜解渴。

最近喺尖沙咀搵食，無意中發現咗呢間新派火鍋店「香香宮煮」，店面裝修幾有心思，走中式宮廷風格但唔會太浮誇，坐位闊落，燈光柔和，加上位置方便，成個感覺係好chill、唔逼人，適合約會或者同朋友慢慢傾住食，宮廷風貴賓房重包埋氣球布置勁靚呀👫 今次同朋友兩個人，一於試勻佢地幾款招牌菜色，睇下有幾出色！🔹香香宮煮醬鈴拼盤有齊多款火鍋醬料「公主醬介」，當然由公主自己揀啦🔹晉陵公主．麻辣鴨血鍋鍋底係麻辣控必試之選，香味濃郁而唔嗆喉，辣度可以自選，我地叫咗中辣，啱啱好夠刺激但唔會搶晒食材味。鴨血份量足夠，而且嫩滑無腥，滲透咗湯底嘅香辣味，真係好滿足。裡面仲有啲豆皮、薯粉等配料，唔洗額外加都幾飽肚。🔹手打蟹子墨魚丸（四粒）丸類控請舉手～ 呢款丸係自家手打，有彈性又唔硬，最特別係咬落去蟹子會「爆汁」，微微鹹香，唔會膩，仲幾juicy。呢啲手打丸同街坊火鍋店嗰啲完全唔同級數，推介！🔹脆炸黑松露午餐肉創意位出現！午餐肉平時都係切片煎或者直接放湯，呢度居然用黑松露做fusion炸物，睇得出有心思。外脆內軟，唔會太鹹，松露香氣幾明顯但唔會搶晒戲，係一款好適合做小食嘅菜。🔹Hoegaarden Tumbler 50

已經朋友介紹，話呢度嘅打邊爐火鍋料非常新鮮，CP值高，而且有靚靚嘅中式打卡位，今日抽個lunch時間過嚟試吓先✌🏻🥘 胡椒酸菜魚鍋 呢個鍋一上枱就已經聞到陣陣胡椒香，酸菜嘅酸味夠開胃，龍躉魚肉滑溜又唔腥，湯底飲落有層次，微酸辣帶點胡椒嘅清香，飲完成個人都暖晒，真係好適合打邊爐湯底嘅首選！🥩 牛肉併盤寶盒 牛肉拼盤勁有驚喜，唔同部位牛肉擺到靚靚，油花分布啱啱好，落鍋輕輕一涮已經超嫩，啖啖肉汁，牛味濃郁，食完真係有種幸福感🤗🐖 伊比利亞橡果豬 呢個橡果豬真係唔講得笑，肉質超細緻，入口充滿豬肉嘅香氣，帶少少堅果香，油脂香滑又唔膩，完全食到豬肉本身嘅鮮甜，唔怪得咁多人推介👏🏻🦐 手打蟹子鮮蝦丸 手打丸彈牙到不得了，咬落去仲有蟹子爆開嘅感覺，鮮蝦味超出晒，配埋湯底一齊食，層次感豐富，真係好有心機手打出嚟。🍢 香香宮煮響鈴拼盤 響鈴吸晒湯汁，咬落去又脆又多汁，拼盤入面分別有原味同埋鹹蛋黃味，食落去一啲都唔單調，鹹蛋黃味嘅響鈴幾特別，好有驚喜😋🥬 美濃水蓮 水蓮爽脆清甜，落湯打幾下就食得，唔會老，仲可以中和晒啲肉味，食完好fresh，感覺健康又解膩。🥤 自家製足料竹蔗茅根 飲落去清甜解

📍 香香宮煮呢間火鍋店係尖沙咀，有兩間分店✌️餐廳以宮廷華麗風為風格，一行入餐廳，就好似穿越左去古代咁🥄公主醬介 $28/位🍲湯底 $228選擇非常多！揀咗建寧公主.特色卜卜蜆鍋～啲蜆多到離曬譜🤤鋪滿曬成個湯面，食到最後都仲有！🐂艾莎公主牛肉寶盒 $498一上枱既就係重頭戲，牛肉寶盒用咗乾冰上，仙氣滿滿！極之打卡able 💕🐷伊比利亞橡果豬 $188豬嘅油花清晰細膩，肉質鮮嫩🧀松露芝心墨魚丸（四粒） $72最鍾意食松露嘅我當然要試吓呢款丸～松露味較濃，咬開仲有勁濃郁嘅芝士餡！🦐陳年花雕醉海蝦 $98呢個花雕醉蝦有啲心思，上枱時已經剝曬蝦殼💕好貼心～酒味相當重，鍾意飲酒嘅人士一定要叫嚟試吓～🥢香香宮煮響鈴拼盤 $98有兩款響鈴：鹹蛋黃味同原味～全部都係新鮮整，識落冇油益味！個人都係比較鍾意原味多啲🎋自家製足料竹蔗茅根 $78竹蔗茅根清新解渴，甜而不膩

同朋友放工吹水去咗打邊爐，呢間環境好似宮廷咁可以打下卡，附近枱有人慶祝生日，見到張枱set晒佈置，又幾特別，下次同朋友慶祝生日可以試下😆😆木瓜龍躉片魚湯鍋好多龍躉魚片，木瓜令到個湯頭非常鮮甜，有啲後悔無飲多啲😂😂好值得一叫👍🏻伊比利亞橡果豬豬肉質好靚，咬落去好軟，簡直係頂級豬肉😋😋滾耐咗都會老柴，好正！艾莎公主牛肉寳盒呢個牛肉寶盒相當有貴氣，用乾冰襯托出場！有幾款牛，牛黃喉出色，好爽口👍🏻牛頸脊都好推介，牛味出！真龍蝦豚肉餃4粒呢個唔係好食到有龍蝦肉味，普普通通松露芝心墨魚丸（四粒）墨魚丸好彈口，松露味好香，唔錯即炸黃金炒響鈴呢個好好食！炸到好鬆脆，又有咸蛋黃嘅香味，出色👍🏻👍🏻

呢日同朋友一齊嚟咗呢間喺尖沙咀嘅火鍋店打邊爐🤣$308「期間限定 - 木瓜龍躉片魚湯鍋」：餐廳用咗個四方形嘅深鍋形狀幾得意🤣；都有好多塊龍躉魚片，龍躉魚片大大片新鮮味道鮮甜，仲見到又食到黏住好多魚膠，應該骨膠原幾豐富😋；木瓜清甜😋；魚湯滾咗嘅時候飲啖湯先湯底味道濃郁🤣$498「艾莎公主牛肉寳盒」：寳盒 包括呢幾種牛肉《頂級雪花肥牛、牛黃喉 、手切牛崩沙、手切本地牛肉、新鮮牛展、牛肉粒、牛舌花》，一路食我一路諗緊同 Elsa of Arendelle 有乜關係🤣；牛肉基本上全部都新鮮，不同種類/部位就當然有不同口感，不過全部都好牛味🤣$188「伊比利亞橡果豬」：餐牌介紹得好具體《橡果豬脂肪滲透肉內，肉質清晰程大理石紋般嘅油花，味清不燥，其脂肪主要是不飽和脂肪酸，肉味芳香濃郁》😋，咁真係幾好食🤣$72「手打蟹子鮮蝦丸（四粒）」：蝦丸幾爽滑又幾爽口🤣$88「美濃水蓮」：餐牌咁有介紹《公主必吃水蓮菜，學名是「龍骨瓣莕菜」，跟荷花一樣屬於水生草本植物，生長在乾淨的池塘和溼地中，一根根細長的蔬菜又香又脆，還有微微的蓮香》🤣；簡單講：「美濃水蓮」新鮮爽脆味道好🤣$98「香香宮煮響鈴🔔拼盤」：拼盤意思

一入到餐廳，已經被裝修吸引，好似穿越左一樣，每一張卡枱上邊都寫住每一個皇宮嘅名字，裝修非常之特別。門口金黃色嘅龍椅亦都非常之吸睛。一坐低服務員的服務非常之好，有簡單介紹不同湯底的分別，最後掙扎咗少少時間最後決定試佢嘅椰子雞煲。一上菜已經覺得非常之吸睛，面頭係杞子及一大堆椰子，飲一啖入口滿滿嘅椰青味，非常之鮮甜。雞肉亦非常之鮮嫩，而入面亦都有幾隻番薯蜆，非常新鮮艾莎公主牛肉寶盒一上枱仙氣滿溢，寶盒承載着牛嘅唔同部位，亦都係我第一次食牛黃喉，爽爽嘅感覺好有趣，已全部牛肉都非常有肉味，大推伊比利亞橡果豬唔知係咪食咗橡果長大嘅豬係特別鮮嫩，肉質好好味香香宮煮響鈴拼盤第一次食有鹹蛋黃嘅響鈴，浸咗椰子湯之後非常入味呢個食唔停蟹籽手打蝦丸非常彈牙好有口感黑松露午餐肉午餐肉就食得多有黑松露味嘅大大提升咗肉味同口感非常滿意的一餐，好似走咗一次時光旅程，返到古代去食宮廷火鍋咁，滿足嘅一餐，聽日又要努力工作

少女感豐富嘅香香公主火鍋店位於尖沙咀加拿分道，餐廳位置好近地鐵站口，非常方便。室內裝修是古裝宮廷風和以公主名稱名名。QR code下單，食物好快送到。香香公主鴛鴦湯鍋雍穆公主花膠雞湯鍋半隻+ 晉陵公主麻辣鴨血鍋花膠有兩種食法，想爽口咁食就一滾就食，留返一部分就等佢再煮耐啲，咁就會又淋又骨膠源質感重啲。雞湯一定要開始邊爐前就飲返幾碗，又濃郁又鮮甜。麻辣鴨血鍋湯底就夠哂花椒嘅麻香味，辣度有返咁上下，剛剛好不會過激，鴨血每嚿都夠新鮮挺身，唔會一夾就散，味道同辣味好夾。艾莎公主，牛肉寶盒真係皇族級嘅享受，首先賣相已經好吸引，一大盤靚牛肉加個乾冰造型，有氣勢之餘又會幫到保持溫度，有齊5至6款牛肉，最特別係有黃喉，爽脆口感真係好難得食到。伊比利亞橡果豬橡果豬無論係口感或肉味都係一流，油脂分布比例好好，平衡到肉感同入口即溶嘅體驗。厚薄均勻有滿足感。紫菜櫻花蝦豬肉丸係一款口感相當緊湊嘅自打肉丸，一咬落去係爽口彈牙，同埋肉汁豐富。混合紫菜櫻花蝦味道多左一份鮮味，好好味。韭菜豬肉餃餡料比例理想，韭菜量恰到好似，唔會令到味道太重，完全蓋過肉汁嘅味道，外皮薄但不易破，好滿足。香香公主，響鈴拼盤最特別嘅黃金響鈴

天氣熱咗都無阻我哋打邊爐嘅心🫶🏻今次去尖沙咀嘅香香宮煮 本身純粹見人打卡幾靚所以去 原來嘢食都好ok喎🥢ꕥ 湯底湯底已經開咗個好頭😌昭和公主椰子雞湯鍋 椰子湯係好純粹用椰子煲出嚟嘅湯 好清甜 而雞肉真係重點 份量不少 我諗至少有半隻雞 雞肉好嫩 係即使滾得耐都仲keep住個嫩度 推薦❗️ꕥ 艾莎公主牛肉寶盒一個寶盒有七款牛肉 個人最鍾意係頂級雪花肥牛 質感最嫩 手切牛崩沙同本地牛嘅牛味都好出 牛腱同牛舌就比較爽口🐂最後牛肉粒如果想嫩啲嘅 建議可以淥耐啲 開頭諗住比一般牛淥多少少就可以 但係因為淥完拎漏咗粒 變得淥耐咗 呢粒反而仲軟嫩🙂‍↕️ꕥ 松露芝心墨魚丸因為係手打嘅 所以特別彈牙 松露混和喺墨魚丸之中 兩種味道都食到而毫不違和 仲好香添 芝士咬到中間就流心出嚟🤤ꕥ 伊比利亞橡果豬唔會太肥 油脂幼細 令口感鬆化柔軟 肉味濃郁 唔會有豬臊味🐷椰子湯底令味道更有甜甜嘅回香ꕥ 香香宮煮響鈴拼盤拼盤有兩種味 一係原味 一係鹹蛋黃味🤤咁當然醎蛋黃特別啲啦 面頭滿滿醎蛋黃 但食落唔會覺得膩 而係多咗種層次 無論口感定味道都係ꕥ 脆炸黑松露午餐肉熱辣辣上枱 可以即食或者火鍋🍲好脆好脆 午餐肉係有肉絲嗰

之前成日聽朋友讚香香宮煮打邊爐連湯底都好有誠意 前排weekend轉涼食超perfect🍲 每個美人湯鍋都係一款公主 試左蘭陵公主胡椒酸菜魚鍋($308) 惹味湯頭酸菜或胡椒份量唔會好嗆，最震撼係有大量龍躉片！細食既朋友可能是酸菜魚都飽左一半🐟 呢到必點相信係仙氣滿滿的艾莎公主牛肉寶盒($498) 有7款牛包括手切牛崩沙、手切本地牛肉、新鮮牛展、頂級雪花肥牛、牛黃喉、牛肉粒、牛舌花，咁多款最正當然係手切個兩款 濃郁牛味又夠嫩滑🐮 唔食牛都可以點伊比利亞橡果豬($188) 有10片算抵食，肉質清晰有大理石紋般嘅油花 唔會好膩 同酸菜魚湯底比牛肉仲夾🐷 手打丸都夠晒驚喜 第一次試松露芝心墨魚丸($72/4粒) 有松露香氣有墨魚既彈牙口感，中間仲有流心既芝士 好有誠意呀🧀！

香香宮煮的裝修透出古典宮廷的氛圍，讓人感到典雅與舒適。服務人員熱情友好，讓人有賓至如歸的感覺。湯底**消暑冬瓜瑤柱鍋** 湯底清淡，冬瓜的清甜搭配瑤柱的鮮味，讓整體湯品清新爽口，特別適合夏季享用。**艾莎公主牛肉寶盒** 頂級安格斯牛肉、手切本地牛肉、新鮮牛展、頂級雪花肥牛、牛黃喉、牛肉粒、牛舌花 。牛肉質量上乘，口感滑嫩。每一種牛肉都有其獨特風味，特別是雪花肥牛，油花分佈均勻，入口即化。**竹笙** 竹笙質地鮮脆，增添了鍋中的層次感，吸收了湯底的精華。**手打蟹籽鮮蝦丸** 鮮蝦丸彈牙有勁，蟹籽的鮮香與海味相得益彰，讓人一口接一口。**伊比利亞橡果豬** 肉質鮮美，脂肪分佈均勻，口感豐富，帶有獨特的風味。**香香宮煮響鈴拼盤** 香脆可口，鹹蛋黃味道濃郁。**竹蔗茅根** 甜而不膩，非常解渴。

最鍾意有得玩，又有得食，所以小妹同朋友今晚又去左尖沙咀度扮下公主打下卡，順便嘆番個靚邊爐😬我地食左：⬇️⬇️✨泰順公主龍蝦湯卜卜蜆湯鍋✨$298嘩‼️龍蝦湯個陣超強勁既蝦味真係勁搶Fo，香到我地系咁飲🤩至於主角肥厚飽滿冇碎沙既沙白蜆份量十足，食極都好似仲有咁🤘🏻用龍蝦湯煮過之後，鮮味即時升幾級，愛蜆之人絕對唔可以放過😉✨艾莎公主牛肉寶盒✨$498仙氣飄飄咁登場，好有儀式感💕內有7款唔同種類／部位既牛肉，分別系：手切牛崩沙 、手切本地牛肉 、新鮮牛展 、頂級雪花肥牛 、牛黃喉 、牛肉粒同牛舌花👅佢哋全部都牛味香濃🐮，仲要爽口、細嫩、柔韌既質感－應俱全，完全滿足哂要求多多既我地😌✨伊比利亞橡果豬✨$188肥瘦相間啱啱好，味清不燥肉味重，再加埋陣靚豬先有既甜味，－食就知系靚嘢🤣✨松露芝心墨魚丸（四粒）✨$72松露陣味同芝士🧀️味分別都好鮮明，大家都搶唔到對家風頭，比較重口味，啱我😬✨香香宮煮響鈴拼盤✨$98響鈴拼盤含有原味同鹹蛋黃味，兩款都炸到好酥脆，就咁食或者放湯碌佢3幾秒都勁好食😋鹹蛋黃味相對更邪惡，甘香帶沙勁香口，－食唔會停到口❣️✨陳年花雕醉海蝦✨$98爽口彈牙大大隻，酒香四溢又入味，精準直擊