食得妙

营业中

休息中

在將軍澳坑口村打出個名堂的"食得妙",年前進軍九龍城,開設分店.依然是走粵菜路線.很難約人在此等地方晚飯,午市一個人來,亦不愁寂寞,因為有午市的炒粉麵餐供應,價錢相宜.干炒牛河,也是二十多塊錢起,個人愛麵食,近期兩次來,也是吃炒麵.個人一向喜愛肉絲炒麵,全因為是煎過的麵底,入口香脆,經過肉絲汁浸軟後,又是另一種感覺.坊間小弟吃得最好的,是天后的留家廚房,同旺角的富記.這店的午市亦有肉絲炒麵,急不及待來一碟.每個餐也有例湯,是日的是紫菜豆腐湯,份量不多,比湯碗更少,味道幾鮮甜,如果份量多一點就最好.因午市不多人之故,肉絲炒麵不久後就已經奉上面前.除麵之外,同時亦有辣椒醬一小碟.吃肉絲炒麵通常先試一試麵條是否香脆,此炒麵的麵條都夠脆口,但再咬下去就有點齦,顯然未夠鬆化.吃到去四份三,形同與牙角力.肉絲汁不算太杰,亦不算稀,也合格.另一道炒麵代表是頭抽龍鬚炒麵,名字比豉油王炒麵更具霸氣,上碟一聞,鑊氣沖天,龍鬚是什麼?即是魷魚鬚.每條也彈牙,炒麵很乾身,每一條麵條也沾滿豉油的香氣.雖然未算是吃過之中最好的水準,但已經算不錯了.吃著,未夠刺激,同店員說要辣椒醬,後來奉上一小碟,我貪心,不如整樽

原來食得妙的總店離我的家還不算很遠…看來不久的將來可以去試一試不過…這次是到九龍城分店吃午膳而已。這兒的格局有點高檔…價錢看來就中等啦…不過侍應們也很好人,只是上菜有點點慢1.叉燒炒飯叉燒有點太鹹和硬,卡住了我的牙=____=而且有點太油,不過味道總體還算不錯,飯炒得很「鬆」。2.粟米豬扒飯這個有點點淡…可能因為叉燒真的太濃了吧=~=粟米汁有很多蛋白(=~~=),但味道算是一般酒樓貨色,但配飯吃仍然很好,不會滯住豬扒有少少鹹,但很軟很易咬,也醃得入味學生餐28,有茶有凍飲(應是普通的芒果茶物體),一個飯+甜品(豆沙水晶餅的東西),其實真的不錯不錯!很期待有機會到總店試試其他小菜!

因家人工作關係，很多時都要晚上十一時才可以吃飯，在沒有太多的選擇下，偶然地在九龍城碰上了這一家食店。其實家人的口味是十分難去配合，每一次也會叫同一樣的菜，每一次我們都會叫三色炒蛋、鮑汁鴨掌及生炒骨，菜式不是很特別，但味道真的不錯。其實每一次的前菜，酸姜皮蛋才是令人期望！

之前睇過雜誌話食得妙d野幾好,所以去試下,的確,距果個秘製醬汁聖子皇真係幾特別,都幾好吃.所以次次去前都訂定聖子,但上次重播睇啊蘇話呢樣唔得果樣唔得,仲話聖子唔好吃,話甜喔!其實邊係呀!人地本身聖子係聖子鮮味,都唔知距識唔識吃既.樣樣都唔吃,係果d傳統菜.菠蘿飽就好吃.悶唔悶d啊!所以食得妙千萬唔好聽距講,我撐你,你地保持呢個水準就好好啦!繼續努力...不過聖子貨源太浮動,有時訂都話無,要注意下!

嚐了兩次，感覺是好壞參半！聖子及蝦膠真的不錯，老火湯也很好賴尿蝦很普通京川蒜泥白肉不值一試！雞太差了，太熟又翻叮(Mircowave) ，無晒雞味又唔滑. Fatal Mistake!!!!!!杏仁蛋白茶很好吃，像HOME MADE 一樣!仍會去第三次！

最推介黃金蝦..好好味,不太鹹,恰到好處,我地個個吃到讚不絕口.瀬尿蝦也不錯,椒鹽炒,不過宜上左蒸魚才上瀨尿蝦,否則冇咩味.叫了招牌埾子皇..不是想像中那麼好味,但也不過不失,,沙薑雞也OK,D雞幾鮮,吃得出不是冰鮮雞..魚可能太大條..不太滑..芝士西蘭花超正..重CHEESE味..不過炒油麥菜略嫌普通..還有沙拉骨,好味真是好味,,但像太多油,少些油會好D..豉汁豬扒侍應話很多人點,很好吃,故叫來試試,可惜味道一般,沙拉骨比它好吃得多..豉油皇炒面確有水準,,值得1吃..埋單$2600,1行11人到..略貴..不過D人幾有禮貌..老闆娘最後奉上1張VIP卡,可惜只有95折..

家姐生日，想話食鮑魚，於是走去最近九龍城食得妙．我地叫左一個無咩餸o既套餐．個「鮑魚鵝掌」幾好味，又多汁，不過有ｄ喊．海鮮煮得ｏｋ，個豉椒炒聖子之前來散叫細細碟好食ｄ，一圍檯做唔出水準，太甜，只可以講可以一試．雞就太差了，太熟又翻浸，無晒雞味又唔滑．個煲翅，少到見唔到ｄ翅，仲要無咪，唉．成晚最好食係個炒時菜．成日落錯單，叫了一個小菜同炒麵都落錯單，仲話咪差唔多姐，唔肯換，唔肯道歉．之後你同佢老闆娘講，佢走開當無聽過．　如果你唔知老闆娘咩樣你可以睇返阿蘇個電視節目，有一次阿蘇踩場有人請阿蘇食大當家炒飯同魚翅，仲吹水話煲雞煲翅斬件煲左５個鐘，但又唔離骨喎，好好笑．