風車

同屋企人行开大围，误打误撞发现咗呢间叫「风车」嘅西餐厅，估唔到水准咁有惊喜！今次试咗两款主打，真心想推介俾大家～纽西兰扒一上枱就知无拣错！叫咗五成熟，切开粉嫩唔见血水，火候控制得啱啱好～表面煎到微微焦香，入口肉质软淋得嚟带嚼劲，牛味浓得嚟唔会膻，简单洒少少海盐已经好好味！配菜嘅烤蒜头同薯蓉都好出色，个薯蓉幼滑到呢～仲带住牛油香，挂住食差啲忘记影相！龙虾汁蛋意粉绝对系邪恶之选！橙红色嘅龙虾汁浓稠到挂满每条意粉，入口系超浓郁嘅虾鲜味，仲食到啖啖龙虾肉碎～最正系只流心蛋，笃穿之后蛋浆同龙虾汁捞埋一齐，个口感creamy到不得了！意粉煮得al dente，吸汁能力满分，每啖都系满足～绝对系大围区内高质西餐之选！已经bookmark咗，下次要试埋其他菜式～…查看更多

最近去咗大围一间西餐专门店食饭，整体体验唔错，特别系佢哋嘅主打——牛扒，真系值得专登去试！最强推介：招牌牛扒！首先要讲，呢度嘅牛扒真系交足功课！我点嘅系佢哋推介嘅款式，一上枱已经闻到好香。叫咗五成熟，厨师火候掌握得啱啱好，切开见到粉嫩嘅肉心，完全冇过熟。重点系块扒嘅肉质好软嫩，唔会韧到咬唔开，而且牛味相当浓郁，食得出系靓料。面头煎到有少少焦香，加埋佢哋特调嘅酱汁（或者简单用海盐同黑椒），真系好惹味！钟意食牛嘅朋友，呢度嘅牛扒绝对系必点之选，冇令我失望，可以话系「几好味」嘅保证。其他亮点：果茶清新 + 鸡扒包扎实除咗牛扒，佢哋嘅果茶都系一个惊喜。我试咗其中一款水果茶，味道好清新自然，唔会死甜，饮落有淡淡嘅果香，感觉好解腻，尤其配住啲浓味嘅牛扒一齐食，好夹！另外，朋友点嘅鸡扒包都值得一赞。鸡扒煎得香口，肉质唔鞋口，个包烘得脆脆哋，夹埋蔬菜同酱汁，份量十足，食落好满足。有进步空间：意粉酱汁 + 汤品浓度讲到意粉（意大利粉），味道系OK嘅，配料都足料，但系我觉得可以再好啲。主要系个酱汁可以再多啲、浓郁啲。依家食落感觉有啲干身，如果酱汁份量多返啲，或者煮得杰身啲，挂汁效果更好，相信成个意粉嘅口感同味道会提升唔少。至于汤，就真系比较普通，系我最唔推介嘅一项。试咗当日嘅餐汤，味道偏淡，唔够香浓，质感可以再厚身啲。希望餐厅可以喺汤品上再落多少少功夫。总结：牛扒爱好者值得一试！总括嚟讲，呢间大围嘅西餐专门店，招牌牛扒质素高，绝对系镇店之宝，非常推介俾钟意食牛嘅朋友！果茶同鸡扒包都系唔错嘅选择。虽然意粉同汤仲有进步空间，但主力嘅牛扒做得咁好，已经足够成为回头嘅理由。如果想喺大围揾个地方食餐有水准嘅牛扒，呢度值得放入名单！…查看更多

今日去大围食西餐，风车餐厅位于大围积存街，地铁站行5分钟到，餐厅环境舒适，系当地人气餐厅。佢哋嘅招牌系脆皮BB鸽海鲜餐，鸽肉外皮香脆，肉质嫩滑，配上鲜美海鲜，海鲜有鳗鱼、鱿鱼、帆立贝，海鲜烧到外脆内嫩，非常鲜味，外层味道层次丰富。BB鸽好好味，juciy唔鞋口，仲有各样海鲜，鳗鱼啖啖肉，鱿鱼成只手掌咁大只超过愈，帆立贝又系好大粒够鲜味，超满足。汉堡系列亦值得推介，流心蓝芝士牛肉汉堡独特嘅蓝芝士味道同多汁牛肉完美结合，溶化嘅蓝芝士散发浓郁嘅香味，口感丰富，牛肉汉堡厚到不得了，够晒惹味。鸡翼炸得香脆，咸香滋味适中，一口咬落啖啖肉汁，绝对系啱啱好嘅小食选择。餐厅嘅饮品方面，冻果茶清甜解辣，为餐点增添一份清新感。价钱合理，性价比高。…查看更多

上个月尾同朋友去左马场观赏赛马活动🤪完左之后我哋来左大围呢间酒吧餐厅到食宵夜🥰9:30pm后宵夜时段有优惠🤪好抵食😎马来喇沙帆立贝意粉意粉好弹牙😋帆立贝好软熟🥰整碟意粉好有椰香嘅味道🥰帕尔玛火腿薄饼薄饼底烤得金黄酥脆🤪帕尔玛火腿切片薄、质地柔软🙂‍↔️好有咸香嘅味道😌黄金虾球外脆内嫩～虾肉好鲜美😉食落去好有咸蛋黄味道😉餐厅环境～最靓系水晶灯好grand😉座位都算阔落🫠适合一大班朋友来饮酒/倾计💬…查看更多

芝士焗大网菇黑松露意粉呢个意粉大家都几钟意，芝士味够香但唔会太腻，加埋黑松露几有层次，大网菇啖啖爽口，份量都唔少。蜂味串串鳝鳝串烧得几好，外面脆脆地，肉仲保持湿润，蜂蜜味唔算好重，系淡淡地带啲甜，唔会抢咗鳝嘅香浓。西班牙脆皮乳猪大家第一时间就听到切开个皮𠮶吓「咔」声，真系几脆。猪肉本身滑同香，唔会太肥腻，咸香够味又唔会太漏，切几件大家分一分，每人食少少几过瘾。酥皮龙虾汤个酥皮香脆，唔会太厚，撕一旧落汤度一齐食好正。龙虾汤好浓味，唔会死咸，底度仲有啲海鲜，饮完暖笠笠好舒服。…查看更多