風雲丸

营业中

休息中

星期六下午排隊，等了大約二十分鐘，不是很耐。點了菜，侍應話要等二十分鐘。感覺上好似十分鐘就到，可能不是太肚餓嘅關係。近期減緊肥，點咗 200g ，比較大食嘅男士要點 300g / 400g 。個原味比較咸，第一次食魚介味，幾特別，值得回味。另外點咗個咖哩味，咖哩味好搶，鐘音咖哩可以一試。個麵就真係好爽口。結賬沒有 paywave 有些不方便，不是太煩。侍應很有禮貌。

今日去左尖沙咀行街，行到熱一熱就想搵個地方坐低食下野！女朋友又話有啲餓，我地就去食個拉麵啦！尖沙咀風雲丸，主打日式沾麵，店員主動介紹餐牌，而且仲話比我地知餐廳總店係灣仔，幫我地加水，好貼心！我地睇完餐牌就叫左一個野菜豚骨魚介沾麵和豬骨魚介拉麵，另外加點一個唐揚炸雞！我叫左一個沾麵，湯汁濃郁黏稠，豚骨湯膠質好豐富，濃香湯底好濃郁好濃味，岩哂我口味！拉麵好彈牙充滿咬口，散發住濃濃麵粉香味，夠哂口感！而且拉麵掛湯力高，好高水準！臉肉先燒香，入口好軟腍而且油脂香濃唔肥膩，肉質鬆軟又不失口感，好味道！女朋友叫左拉麵，湯底同樣濃郁，充滿魚介香味！我地加點炸雞，即叫即炸好香口香脆，雞肉滑溜非常多汁，加上檸檬汁，更加清香滋味！下次我可以再試下煎餃子！

之前最少食過三、四次灣仔區風雲丸，自從喺尖沙咀開分店後一次都未試過，每次經過都見到有 10 幾人排隊，今日心血來潮好想食拉麵，就試試呢間風雲丸如何，覺得灣仔有不錯水準，呢邊應該都唔會太差，點知⋯⋯大伏。一早預咗要排隊，所以排隊不在我評價的範圍之內，亦都習慣香港的店舖排隊方法，有兩人位就兩個人坐先，我哋一行三人就要等到有三人位空出嚟先，不過沒有多等幾多分鐘，如果要來食，真的要有心理準備排隊。一行三人被安排坐 bar 枱，如果唔入座相信要多等十分鐘，bar 枱煙霧非常大，上方的抽油煙機無法即時將所有煙霧吸收，隔幾分鐘就有蒸臉感覺，嗯⋯⋯無辦法，都坐低了唯有硬食，希望餐廳之後可以改善呢個問題。-我就點了「石燒濃厚豚骨魚介味玉沾麵」($93)，走蔥走筍，朋友嗌咗同一款，無走任何配菜，最後兩碗上枱時都走晒蔥筍，朋友頓時失望。餐廳並非一人一張點單紙，而係一張枱 share 一張，點單紙設計方面由灣仔舖開始已經有問題，如果我們一行三人都點同一款食物，但全部有不同的 preference，究竟要點樣填店員先會明白？今次呢張單已經由店員幫我哋填寫都有出錯，希望將來會改善。朋友同我點同一款食物，但兩碗湯的

今日去尖沙咀新開的風雲丸晚飯，叫了一個豚骨魚介味玉沾麵（溫），麵叫了400g份量，味玉即溏心蛋。等了一陣子，沾麵到了，一上枱最吸晴的是香噴噴、熱辣辣的醤汁，放入石頭鍋𥚃面既特別而且保持醬汁溫度，急不及待立即開動，麵條彈牙適中，再沾一點醬汁一齊食，醬汁香濃，充滿魚介味，與麵一齊食，囗感順流，自行隨意加入少許檸檬汁，食落更有層次。豚肉方面，令人驚喜的是豚肉厚身，但食落一㸃都不嚡，入囗即溶，肉汁緊緊鎖在豚肉入面，如果不是叫了400g大份量很飽，真的想另加$15豚肉🤣。另外，味玉溏心，流心效果不俗。友人說佢點的豚骨魚介湯麵亦出色，嚐了一口，湯汁較沾麵的為淡，可連湯飲。整體來講，食物、環境、服務亦佳。

一直都好想試風雲丸嘅沾麵，知道佢喺尖沙咀開分店，就趁星期六放假自私食。未到餐廳，已見到店內大排長龍，等咗半個時，終於有得入去啦！店內坐無虛席，由於得自己一個人嘅關係，店員安排我坐bar枱。可以一邊食一邊睇住師傅烹調沾麵，非常過癮，又多一份享受呢！翻開餐牌，諗咗一陣，決定揀辛肉爆彈野菜豚骨魚介沾麵（大盛）另外再添加一份味玉同粟米！等咗一陣，沾麵到啦！熱鍋入面，野菜份量十足，除咗有椰菜之外，仲有芽菜、木耳、京蔥，非常豐富。豚骨魚介湯味道濃厚，微辣惹味！配合冷沾麵一齊食，一凍一熱，非常過癮！麵條係自家制，略粗，口感一絕！食沾麵又點少得粟米同味玉呢！份量比想像中多！食到一半嘅時候，突然發現原來餐廳貼有食沾麵嘅正確方法，先知道原來加入檸檬汁會令到味道口感提升！今日真係長知識了！

這天早餐都沒吃主要是想來吃吃這家剛於尖沙咀開新舖的風雲丸. 灣仔的店不論何時都見大排長龍, 剛開店的這時間不久已有數枱客人. 店子的座位編排以4/6人桌為主, 反而吧枱的數目不多. 第一次光顧的拉麵店, 我一般點選基本口味, 這次沒有加點香鬆飯來伴湯, 待試過這次味道OK下次再試. 這裡的200g, 300g, 400g都是同價, 這次先試吃普通的300g. (但下次必然選400g了)座位前有漫畫形式介紹沾麵的吃法. 每座位有放冰水壺, 食具, 並沒有食具提供. 上桌的賣相很好, 用石鍋盛著的熱湯在沸騰中. 因為沾麵很多時會配著冷麵, 湯很多時在吃至後段已變冷. 麵是稍粗身的白麵條, 配料有味玉, 厚身的炙燒豚肉, 還有2條荀. 粗身的麵條掛湯能力不錯, 冷的麵條配上熱湯, 吃出麵條的煙韌口感. 流心蛋做得不錯, 調味也做得不錯. 最想大讚的是竹筍. 平常在其他拉麵吃到的都帶有一陣臭味. 這裡的完全沒有臭味. 而且口感一流. 炙燒豚肉的厚度有點嚇人的厚, 但肥瘦均勻. 吃畢後可以加湯繼續品嚐剩餘的美味濃湯. 餃子做得皮薄而肉饀多汁, 合格水準. 飯後的一款日本蘇打, 帶青提子的酸甜味,

午餐同同事去了這間在尖沙咀新開的風雲丸，下午茶時間外面都大排長龍，餐廳裏面約能容納40人。餐廳主要以沾麵為主，還有石燒飯及小食等。麵質有分了冷麵及溫麵，冷麵會比較煙韌，溫麵則較有麥香，各有風味。麵量亦都有分多少，視乎自己的食量而點。我的野菜豚骨魚介沾麵，麵質煙韌有咬口，而且比較粗身，豚肉切開粒粒滾在湯內，肉質腍而不膩，還有很多芽菜及椰菜等配菜，湯底鮮甜有肉香，而且濃淡適中。同事的豚骨魚介味玉沾麵，豚肉是一大片的半肥瘦腩肉，還有原隻糖心蛋。

新開張 三日限定兩碗麵一碗半價 咪試下 晏就 排左半小時終於有得入去，點知...嗌完又要我等多半個鐘07分打單，35分先叫到碗麵我...仲耐過食茶記焗飯排隊果陣已經發現上菜唔係好快 點知原來慢成咁 我諗其實排隊排咁耐都係等佢出菜好啦終於食到，要我等咁耐可能精心炮製掛點知...馬虎到死 隻蛋又唔𠝹俾人 （相係一開二既，唔好講咩圖片只供參考人地平過你都每次𠝹到靚一靚肉呢 直情成大大舊勁厚放落去 肥膏佔左一半大家都係沾麵 點解人地咁得咁整齊呢間可以整到打風咁 d麵簡直打邊爐落烏冬咁既款要人等咁耐就係出碗咁既野湯呢 咸左d喇同埋好重黑椒味唔多食到魚同豬味 湯質稀左d總括黎講 似鋸扒d黑椒汁撈少少碗仔翅麵底都好一般 霖霖地 似烏冬另外...男友點左忌廉汁沾麵成碗湯白白地，佢覺得ok既但當食到碗底果淡佢見到黑椒 ...而碗野係本身無黑椒都唔知係咪無洗碗/係咁而沖一沖就算真係無下次！

見到有新張優惠(21-23/8/2018)，第二碗沾麵半價，昨日12點半去到已經好多人排隊，所以放棄左今日再接再勵，見到開11AM，所以11:15AM去到，唔駛排隊，直入~揀左坐吧檯，可以見到師傅煮麵~朋友唔食辣，揀左豚骨魚介味玉沾麵，$93我想試下辣嘅，揀左辛辣豚骨魚介沾麵，$93最多可以揀400g免費的~ 我地揀左300g，已經好夠食~ 細食嘅可以揀200g，唔好浪費食物~仲試左炸雞，唔錯~好彩有炸雞食住先，因為等左差不多20分鐘，沾麵先到...豚骨魚介味玉沾麵應該係有蛋的，但staff將隻蛋放左喺我果碗度，原本我果碗係無蛋，所以另外加左隻蛋，因為我果碗有兩隻蛋...辛辣豚骨魚介沾麵少少辣味，正~ 不過覺得個湯比起之前食過嘅稀，同埋無咁大魚介味(個人不太喜歡魚介，食過有d太腥...)所以比較鐘意風雲丸呢個湯~隻蛋好味~~~~未食過沾麵的，有漫畫介紹食法~

從來無寫過食評, 今次唔寫唔得!!經過見到新開既拉麵就入去試下,有個女侍應叫做Tung, 我準備坐落張二人檯既時候佢係都要迫我埋去bar檯角落頭, 個位超迫因為隔離已經有三個人坐, 但明明無人排隊又無人等緊位. 最後迫我坐左個路口bar檯位阻住人出入.等緊個麵期間, 有位叫Sze既女侍應, 見佢對其他客人都係呼呼喝喝, 好無禮貌, 期間佢喺我個位隔離整理d碗既時候好大力掉d碗.再講碗麵, 我叫左原味 300g 麵, 個湯得個鹹字, d麵好似咬緊團麵粉咁, 超差!最後我問另外一位女侍應邊個係負責人, 點知佢叫左Sze埋黎, 佢聽到我話搵負責人即刻好好禮貌, 我同返佢講我座位既情況佢話會留意返.最後總結係, 味道超差!! 服務都係超差!!

石燒豚骨魚介味玉沾麵 + 綠茶可樂簡直係絕配，先講麵，麵質有彈性，如果再彈D，更加有口感。而要赞嘅另一道配菜一一荀，真係要大贊，怕「押」味嘅我，一點都食不到。而厚切嘅豚肉，厚而有肉汁味，一點都唔老又唔肥，蛋就係温泉蛋，不過不失。最後，主角一一熱腾腾嘅濃湯，好有味，點沾麵，味道一流 (記得要熱食) 。如果覺得濃味的話，可加青檸落湯，另有番清新風味。而綠茶可樂，仲意甜味嘅你就唔好錯過，短短一個小時，簡直帶了舌尖去旅行呀。