風雲丸

营业中

休息中

一直有留意這一間吃沾面既餐廳因為每次放工 都見到排曬隊 好多人而且 佢裝潢 都好日式 好吸引星期日返工前 11點半 剛開鋪 巳經有幾位食客 見唔洗排長龍就入去試下啦💃🏻餐廳光線充足我覺得自然光很重要 好怕d暗暗黑黑我選擇餐廳窗口位 位置好寛鬆滿意👍🏻打開餐牌 見到好多款沾面亦有幾款飯 同炸雞供選擇見到身旁好幾位客人點了沾面外都有點炸雞 可惜 當日我喉嚨有d發炎就沒有叫了🌝和朋友一人點了一個沾面朋友是一名食肉怪二話不說 就點了一個 特盛🤣 大大塊日式叉燒❤️面的分量 任供選擇 朋友食量 驚人 叫了多面 佢非常滿足👍🏻我就叫左個正常分量呢個亦都係最多人叫既沾面我覺得好好食🙈💁🏻‍♀️食面 最注意最著重 一定係面質 呢間餐廳既面 面質非常出式軟硬適中 好彈牙 💓💓滾滾既濃湯配上彈牙既面非常可口❤️一定會再黎👍🏻👍🏻

［超濃郁.滋味］因為午餐時段先到尖沙咀，於是先搵了間餐廳吃飯，在K11附近見到這間，都想食拉麵，於是約友人齊食午餐中午一點半左右，排不用10分鐘就有位，排隊時等埋友人，看看餐牌餐廳從外觀到內部裝修，都有講究，充滿日式風情特別是大大的紅白燈籠本質的台椅都是走簡約日式風格在等位時已經選好餐，餐牌除了拉麵、飯，石燒沾麵絕對是餐廳賣點麵的份量有4款，都是免費的：200g,300g,400g和800g ，今次我選了300g首先來了蜜桃梳打和煎餃餃子煎得很香，友人和看都感覺不錯。友人點了牛油玉子豚角飯，一端上就聞到陣陣香氣，拌勻食更香石燒濃厚豚骨魚介味玉沾麵，石燒湯鍋被端上時仍翻滾著，侍應提點要小心石鍋很熱。可以將檸檬掙壓入湯內，再沾麵去吃，有開胃和中和濃湯腻感，麵身夠彈、煙韌，配上厚厚豚肉，很有滿足感

有時經過麽地道呢邊都見到幾多排隊食呢間風雲丸, 通常沾麵店都係細細間, 呢間就開喺大路轉角位大大間, 呢間同朋友在附近搵食, 可能時間比較夜, 見無乜人排隊就黎試下。除咗主力沾麵, 仲有拉麵石燒飯/丼飯可選, 小食有炸雞同餃子, 比一般沾麵店多選擇。 有一樣野幾好係可以選擇麵量, 200g/300g/400g都可以免費揀, 大胃王既可以揀富士山盛(+$45 800g)。豚骨魚介味玉沾麵有一大塊叉燒同半熟玉子同荀, 沾麵都係屬於粗麵, 湯係用石燒鍋裝住非常熱, 湯底非常濃郁啱哂沾麵食, 我自己就覺得有點偏鹹, 落埋檸檬汁會更加好無咁漏。見到餐廳推介最後可加香鬆飯, 我地就叫咗一碗試試, 滿滿既味素, 食哂麵後淨返既湯可撈咗香鬆飯吸哂湯汁, 勁正。 如果唔加飯, 亦可以加湯品嚐又得。

拉麵、沾麵，好多人對呢兩種日本麵食意見兩極🤔🤔🤔鍾意拉麵嘅人，可能對「沾麵將湯麵分開」好多疑問。恰巧地，男朋友‍係一個不折不扣嘅拉麵控，而我係絕對會揀沾麵嘅人🙋🏻‍♀️同事介紹「風雲丸」嘅沾麵好食又正宗，今日lunch time一於試下！Weekday嘅中午等大概10分鐘左右就有位，喺尖沙咀呢啲繁忙區域算幾快。不過落左單之後，等左20分鐘先有嘢食，對於lunch time比較緊迫嘅朋友，要預多少少時間先好嚟食🤔除左沾麵，餐廳仲有拉麵同飯嘅選擇。沾麵麵條熱度、分量、葱同筍嘅量都可以自己揀。其中麵條嘅分量分為並盛（200g）、大盛（300g）、特盛（400g）同富士山盛（800g），客人可以按照自己食量選擇，為免浪費抵讚👍👍👍期待已久嘅沾麵終於到啦！沾麵湯用石鍋盛住，上菜時仍然滾緊，沸騰嘅狀態維持左3分鐘，將湯嘅溫度保持住🔥魚介湯帶有濃濃嘅鯷魚味，一啲都唔腥，仲有好多魚肉碎。另外配有一角檸檬，加入湯之後，中和湯嘅油膩感。我嗌左冷麵，小麥味甘甜突出，麵條彈牙有咬口，可惜湯偏稀，麵條掛唔到湯😔另外一個重頭戲，就係沾麵中嘅炙燒豚肉，肥瘦相間，入口即融，不過減肥中嘅女仔慎入🚫裝修同佈置帶著東洋風，環

尖沙咀風雲丸經常大排長龍，難得在附近找下午茶吃，決定一嚐風靡一時的沾麵。無論店面及店內裝潢都很日式，座位比較窄身，體型比較大的可能要特別安排。原隻龍蝦味玉濃香沾麵 期間限定龍蝦原隻肥厚多肉，肉質新鮮飽滿結實，咬下彈牙爽口。龍蝦蝦膏豐腴，配搭麵條享用，豐富沾麵口感。以168港幣吃上原隻龍蝦，實在划算。醬汁濃稠味重，入口麵掛湯汁，油潤香口，特別適合香濃湯底的朋友。羽根燒餃餃子皮厚度適中不易破，肉餡飽滿多汁，餃皮入口外皮香脆，咬下肉汁溢出。整體來說，在尖沙咀中心地帶，能選擇沾麵麵底重量，最多可400g，貪吃的你也一定滿足，價錢划算。

早排，男朋友系歐洲飛黎度假探下我，咁我哋就去咗尖沙咀行吓街啦，行到餓餓地就查吓尖沙咀附近有咩拉麵好食，一查就查到呢一間！大概十二點、一點左右，店內已經排咗六、七個人左右，本來以為六、七個人大約排半小時就可以啦，點知我哋足足排咗一個鐘，如果趕時間嘅朋友千祈千祈唔好去呢間餐廳！因為排完入餐廳，落完order又差唔多等左半個鐘先有嘢食👎🏻👎🏻👎🏻叫極落order啲待應都不停叫佢你等、等、等最過分嘅係，午市都未完佢嘅拉麵已經賣晒，只剩返沾麵可選擇⋯⋯ 魚介湯底好濃郁，但是後都要飲返幾支水先唔口渴，至於佢嘅豚肉，對我來講係非常之肥，但係又凍冰冰，十分之肥膩😨需要減肥嘅朋友建議要考慮下

試過就算嘅沾麵這間日本麵店在公司附近開了一段日子，剛剛開的時候也有不少人排隊食，星期一中午沒有什麼人排隊，便來吃午餐，試試這間日本麵店。我叫了咖喱豚骨魚介沾麵，大約10分鐘後，便上枱。它是石窩裡放熱湯，所以湯好熱。沾麵就一大碗，麵的分量都多，小小暖。餸不多，麵上只有一塊肉和兩條筍⋯⋯只食麵是沒有味的，需要夾麵落熱湯，好似撈麵咁食。咖喱湯是用石窩裝著，溫度高，連沾麵食，都辣口。我覺得麵同咖喱湯不太好味，餸又不多，整體來說，味道一般，價錢貴，不抵食。

今晚在尖沙咀工作完，一行五人在棉登徑附近搵嘢食，經過呢間見裝修唔錯就入去試下，叫左一個spicy豚肉沾麵，一個餃子，炸雞，再加個豚肉拉麵。先來了餃子同炸雞，餃子幾好食煎得幾脆，炸雞外脆內滑。跟住來了碗豚肉拉麵，拉麵魚湯底好一般，個豚肉有點乾同「鞋」，個麵質沒特別。之後嚟咗個spicy豚肉沾麵,所有沾麵用石鍋上，非常之熱👍🏻個汁比較辣同濃味，但個豚肉同樣失望，好肉回好乾，像overdone般。比較失望。之後仲叫咗杯北海道啤酒，最後五個人食咗五百幾蚊。至於服務比較差，侍應唔熟悉麵的分別，上菜比較混亂。

今天下午，帶媽媽到尖沙咀試奶奶衫，快到大日子，心情好不興奮。適逢我又要減肥，不想吃飯，於是便選了這間日式沾麵店，我又不用吸收太多澱粉質 媽媽又可以大快朵頤！我們十一時半便到了尖沙咀，吃個early lunch。乘搭西鐵十分方便，在k-11乘升降機，上到G樓，過對面馬路就到了。想不到，食店已經有不少顧客。我倆一人點了一個麵餐，等了十分鐘麵就到了。媽媽點了原隻龍蝦味玉沾麵，溫麵，特盛麵量。龍蝦果真跟圖片相差無幾，大大隻，媽媽吃得津津有味。我試了一口麵，溫麵比較有麥香，但不失嚼勁。我點了豚骨魚介沾麵，冷麵，我吃得少，大盛麵量就夠了。先嚐一口濃湯，果然是濃味十足，絕對童叟無欺。冷麥比溫麵有嚼勁，加添一份咬口。豚肉浸煮了十個小時，唸口但肉質不鬆散，而且脂香四溢，果真是慢工出細貨。幸好我們早到，十二點幾一點時已經座無虛席，而且不不少旅客光顧，證明今天的選擇是正確的！

經朋友推介今日試左個辛辣豚骨魚介拉麵👹同 豚骨魚介拉麵🐷🐟此麵家令人感到意外❗❗辛辣湯底比一般麵家更破地獄👹👺😈湯底味道豐富，更加入左少肉碎🐷主菜豚肉以慢煮烹調而製，好juice,軟冧冧🙈麵家亦十分照顧到女生至大胃皇既需要，拉麵由輕食200~400g特盛隨意配搭不另外收費😍大胃皇好抵食❗本人係唔中意食筍，但亦覺得店家的荀係不錯的。5星為最高食物味道：🌟🌟🌟🌟(4)環境衛生：🌟🌟🌟🌟🌟(5)顧客服務：🌟🌟🌟🌟(4)整體CP值：🌟🌟🌟🌟⭐(4.5)

每次經過都大排長龍的人氣沾麵店，今次特意五時多就過來，吃個早飯。裝潢方面又怎少得吧枱及燈籠呢。菜單方面選擇眾多，除了主打的沾麵外還有拉麵，米飯及各樣小食；而麵條可以選擇份量及冷/熱，很貼心。第一次光顧，當然要試一下招牌味玉魚介豬骨沾麵(HKD 93)，順道加個沙拉唐揚(HKD 38)。沙拉唐揚炸雞(HKD 38)6件左右的即製炸雞皮脆多汁，加上酸甜沙拉汁，整體不俗。味玉魚介豬骨沾麵(HKD 93)來到今天的主角，包括有自家製麵條、豚角煮、味玉及石鍋上的魚介沾汁。石鍋上的沾麵汁相當燙口，建議放涼一下才作食用；質感方面不算黏稠，味道卻十分濃厚惹味，魚介香味撲鼻以來，很足料；豚角煮亦算軟稔入味而且份量喜人。自家製的麵條煙韌有嚼頭，而且掛湯力不錯，冷麵加上溫燙的沾汁入口溫度剛剛好，400克的麵條轉眼吃光，相信以後還會再光顧。

經常經過但都未試過，之前午飯時間一直都很長龍排隊，今日同同事去食，12點半前去又唔洗排就入左去，座位不算很多，店內約70% Full，而且店員講明要齊人才可入座由於我同事之前食過，所以佢簡單介紹下我地就選了沾汁麵。等了又等，眼見多張台既客人都未有食物，而且感覺佢地坐了都有好一陣子⋯⋯就開始心知不妙，結果，等了三十分鐘店員才端上兩碗沾汁麵。我對沾汁麵期待很大，因為本身對比拉麵，我更愛沾汁麵。一般都會略略試一下濃厚的湯汁，風雲丸的沾汁湯可以話係超咸，好重味精，死咸果種，基本上如果你直接將麵全浸在湯汁上，應該係會咸到食不下。同事跟我說沾汁跟開業時大不如前。麵質分面無讚亦無彈，好基本。反而肉我有點驚喜，我較喜歡五花豚肉大於日式叉燒，所以他們的豚肉正是我的菜，幸好味道不算很濃，單吃也不會覺得很咸。整體而言，午餐時間去的話就算不用排隊你也要想想你有沒有等候食物的耐性。

I wanted to have Japanese ramen with my girlfriend. And we decided to go to Fuunmaru. We finally got inside after queuing for 30 minutes, once inside we got escorted to our seats, and started choosing which dishes to order. But what happened next was just more and more waiting, as the waitress just seemed to go past us every single time, or simply just ignore us. After some time we finally got our orders placed. It took an hour for me and my girlfriend to get our dishes after placing the order.

知道這間拉麵已經開業了一段時間，當天晚上，難得看見它的比較少人排隊，便進去試一試。看完了餐牌後，便點了一碗豚王拉麵，等了一會兒，終於上菜了，第一眼看見這種拉麵，我被他的份量嚇到了，一碗大拉麵配上四至五塊肉，份量驚人。我相信，這裏已經是一份東波肉的份量，再加上450g食拉麵，這碗價值$128的拉麵已經值回票價。拉麵的口感，比較像烏冬，吃落肚子時，十分彈牙，加上擔麵的你秘制醬汁，送麵一流。實在值得推薦。

成日見好多人排隊，剛好6:30pm經過未有人排就入去試下啦我叫左 “石燒濃厚豚骨魚介味玉沾麵”，朋友叫左 “石燒咖哩豚骨魚介沾麵”沾麵汁：好咸! 我食基本口味 - 豚骨魚介沾麵汁，係有d魚味，但係好咸好濃，食唔到仲有其他層次嘅味道。朋友個咖哩沾麵汁仲慘，又咸又濃，到最後都食唔到落去，咸到放棄左通常沾麵最後一個食法係可以加湯飲埋個汁，但呢到完全冇可能飲埋個汁囉….  呢間個Menu寫最後可以追加飯撈埋個汁，我地都覺得根本係挑戰腎功能極限石燒鍋：上枱時d汁都仲好滾好翻騰，呢樣係幾好，沾麵最怕食食下個汁凍晒或者唔夠熱，石鍋就唔會咁易凍晒麵底：我地都叫左冷麵，但係都唔係凍嘅，仲係微暖。質地ok，不過不失豚肉：係唯一可取之處，味道咸咸地，肉質不錯味玉：普通，冇乜特別，好似冇乜味，可能d汁太咸太濃都食唔出有味最後埋單佢送左兩張coupon俾我地下次用，我地即刻將coupon送俾排緊隊嘅人。成晚飲左幾杯大水都解唔到d咸味…