風雲丸

营业中

休息中

今次是第二次來風雲丸，上次食過覺得不錯所以就帶埋朋友來。今次算是滿足了我上次的小小遺憾，因為上次午膳時段來，沒有龍蝦沾麵，今次特意選擇晚餐時段，所以可以嘗試到龍蝦沾麵了。賣相非常非常吸引，足足一整隻龍蝦放麵上，滿滿地膏，叫人胃口大開。我選擇了冷面，十分彈牙。麵條掛汁，所以味道十分足。味道方面，其實沒我想像中全是濃郁的蝦味，因為它除了蝦味，也帶有很濃的香料味，大概也有濃郁的黑椒味，所以其實味道層次就蠻多的，我覺得重口味喜歡香料的朋友會比較喜歡飲品就叫了波子汽水，算是懷念一下童年，可惜店員服務太周到了，直接幫我開了汽水，我沒有機會再次感受按下波子的快感😂值得一提的是叫龍蝦沾麵有雪糕送的哦，有幾款口味，大概也是柚子、紅豆之類，但有款比較特別的，它的口味是“米”，所以我特意點了這款。個人覺得米味道就不算突出的，反而很重奶味，當是牛奶雪糕吧。

大半年冇食過沾麵, 一想到沾麵, 第一時間諗起大半年前去過風雲丸, 印象中味道唔錯, 今晚收工我地再去!風雲丸尖東站出去, 過條馬路就到, 夠方便! 呢間沾麵確實係人氣之店, 每次經過, 店內總有滿滿食客~ 等左陣, 很快被安排入座, 呢度地方唔大, 座位較窄, 但食物味道總比環境佔優!沾麵湯底配搭主要為魚介湯, 至於可自選麵既份量, 400g以下都係free~ 麵既溫度更可自選冷同埋常溫,而且亦可因應個人喜好走掉某些配菜~【咖哩豚骨魚介沾麵】HK$93今晚特別餓, 揀左400g size麵, 湯底以熱辣辣石鍋盛裝, 湯底還是熱得滾滾下, 散發著陣陣咖哩香~湯底較杰, 容易掛湯, 味道濃郁兼有魚香味, 鹹中帶少少咖哩既香辣, 非常惹味~ 揀左冷麵底, 其實唔係很冰凍果種, 但沾上湯汁後, 外熱內暖, 感覺很正! 麵質彈牙, 至於豚肉肥瘦相間, 咬落唔會成口油, 表面煎至焦香, 質地很林~  另外加左HK$12叫多個【粟米粒】增加口感~【信州提子蘇打】HK$28出面較少機會見到呢款提子汁, 夠汽~ 甜甜地, 唔錯!【沙拉唐揚炸雞】HK$38對上一次食過呢度既炸雞, 今次再order! 驚

今日同朋友出去尖沙咀Shopping，行過呢間店，個肚又咁啱打起鼓來，見他的環境好有日本的拉麵店Feel，所以就行入去醫肚了。入到去都見全滿座，侍應要我們等一等，她說好快有位，等了一陣，就有客人離席，我們便入座了。這裡環境好有日本風味，入面仲有個類似開放式廚房，同日本的拉麵店無異。仲有好多燈籠裝飾添。我們一行三人入座後睇下餐牌，原來呢度除左湯拉麵，仲有沾麵食，呢度仲標榜係自家製拉麵，仲有客人可以揀選溫麵同冷麵，仲會話俾你知兩者既分別，除左呢樣，食店還可以俾食客自選拉麵軟硬度同份量，可以俾客人食到自己想要的拉麵，要做到咁多野去迎合食客要求，唔係咁多拉麵店可以做到。枱面還貼上公仔，教食客點食沾麵才食到最好食的沾麵添！這裡可以揀選自己所需要的拉麵份量，除左要食到800g要加錢外，其他一律都可以唔使額外加錢！我們見呢度都推介一款豚骨魚介湯底，所以我同朋友都分別點了唔同的豚骨魚介拉麵，朋友叫了一個石燒濃厚豚骨魚介味玉沾麵，個沾麵汁係豚骨魚介濃湯，用上300度熱力的石鍋盛載，可保持濃湯的溫度，就算你揀溫麵或冷麵都唔會覺得個麵食落唔夠熱既感覺。朋友第一啖飲個濃湯，真係好濃味，好有木魚既味道，隨沾麵會

之前聽朋友介紹風雲丸，行經尖沙咀發現有一間所以決定去試下。餐廳位於尖沙咀K11附近地點方便。餐廳以漁船為設計主題。主打沾麵，麵條備有並盛（200克）、大盛（300克）、特盛（400克）三種份量選擇，而且仲有其他款式食物可供選擇。唐揚炸雞，外皮鹹酥香脆，雞肉鮮嫩。照燒餃子，皮薄，底部金黃酥脆。豚骨味玉魚介沾麵，冷麵較有咬口，掛湯效果都一流，糖心蛋流心，叉燒微微煎香，沾湯以高溫石鍋盛載，令何時都食到熱辣辣的新鮮滋味。原隻龍蝦味玉龍香沾麵，溫麵富有麥香。龍蝦大大隻很多膏，肉質爽口彈牙，可於湯中擠進適量檸檬汁，增添清新感。香鬆飯，湯底加入香鬆飯，嚐盡所有精華。信州蜜桃蘇打，元組彈珠汽水，凍冰冰味道一流。米雪糕，米味濃郁，仲混合埋一粒粒嘅米粒，口感味道特別。

這天約了朋友到尖沙咀這間拉面店吃拉面，很近尖沙咀地鐵站，出對出口就在對面。我們大概下午4點多到那裏，人不多，有 2 3台客。店員有禮貌的安排我們入座選菜方面，我們叫了2個拉面，我的是肉盛豚骨魚介拉面，朋友的是超濃厚海老拉面。 先說我的，上菜的時候我真的有點嚇壞了，那麽大塊日式叉燒！？ 而且燒出來的色澤非常好，配上石鍋裏滾燙的湯，很吸引人。 這個湯底很濃，也夠粘，把面放進去拉出來上面佔滿了汁，吃起來很香很好吃而肉方面更不用說，很厚，而且鬆化。最享受的是咬到肥的那邊。而朋友的海老拉面也很鮮。原隻海老感覺很豐富。 我們還叫了辛辣炸雞塊，不過真的有點辣。我們也叫了波子汽水和蜜桃汽水，2種都很好喝。 總的來說，這家拉面店我是推薦的

星期日，朋友請去尖沙咀睇戲。太耐冇食拉麵啦，搵咗間人氣不俗嘅拉麵店試新嘢。位於街角的風雲丸，裝修別樹一格，非常吸睛。當日我哋來到嘅時候，餐廳剛開門營業，店員忙碌於準備各項湯底食材。解釋了店舖推介及寫紙仔嘅嘢。餐廳特色推介係石鍋沾麵系列，不單止麵的份量可自選，麵身溫度仲有冷&溫可選。全店只有一款拉麵配味玉，其他拉麵全部都可根據喜好追加味玉。餐廳很貼心，為12歲以下兒童設有子供套餐。我哋分別order咗一個石燒肉盛豚骨魚介沾麵同一個豚骨魚介拉麵。落完order一抬頭，餐廳已經幾乎坐滿。店員仲溫馨提示等候時間約15分鐘。店員送上無肉不歡的男友order嘅石燒肉盛豚骨魚介沾麵嗰時，我哋都有d意外—400g嘅麵真係幾多；嗰四塊五花豚肉係名副其實嘅厚切；石鍋盛載的熱辣辣沾麵湯滋滋作響。不得不說，相比其他拉麵店的沾麵，個人真的很喜歡這間的石鍋系列。由於石鍋可以更持久地保溫，吃完整份沾麵的時候湯也不會冷掉，湯頭也非常濃郁。是次用餐，雖然男友自選的麵身溫度為溫也不錯，但他覺得如果選冷麵，沾熱湯，口感可能會更佳。至於厚切豚肉，嫩滑、甘香、肉味濃，但如果不是特別肚餓的嗜肉，份量還是會有點多。由於剛起床不久，

今日試咗豚骨魚介沾麵，有店員話凍食好味啲，麵會爽啲，但我決定熱食。湯上黎嗰陣仲係是噴緊煙，就算熱食，啲麵都吾會話稔！👍🏻麵身夠煙韌，吾會淋完湯就稔。湯用料實足，好濃稠，好快會比麵索曬。豚肉好大塊，啖啖肉，好嫩滑，吾會似食柴皮咁。外外我叫咗個糖心蛋，但有啲失望，個蛋吾夠糖心。

近n出口。見到燈光明亮，又有日本氣色。遠遠都會望見，9點半左右都要排隊就知一定無排錯😁😁點餐紙都好清楚列明，沾麵可選擇份量，我選擇了中size,因為怕肥😆又想食。點了豚骨魚介味玉沾麵，湯同麵分開上，本身湯底會較濃，我見有檸檬就落左沾麵上，每次食都浸落湯度。麵彈牙。有小小湯底燶，有小小偏咸但只要唔好浸太耐。其實係剛剛好。幾特別，加上一大塊豬肉，淋淋的，不錯食法，好特別辛口炸雞件，即炸入口帶辣，雞肉唔鞋身餃子有5隻，皮簿，肉同菜好幼細。底部煎到翠口。好好味最後我朋友叫了碗豬骨魚介拉麵，拉麵幼，彈牙，湯底有濃濃豬骨味。不錯的選擇

前言唔多講早幾晚睇完戲見到呢間野（因之前經過見好多人排隊）諗住入去試試一入門口 除左收銀員外幾個員工企埋一邊喺度吹水 冇招呼 冇帶位我再行入少少示意自己入左黎 先有一位員工hea嗌一聲歡迎光臨 然後幫我安排位置坐低發現水壺冇水但冇人Fill放筷子個盒得番一「支」筷子 又係要提先Fill叫野食魚介豚骨沾麵 湯底唔算好油 但味道亦唔濃身 都算OK最大問題係個麵嘅掛湯能力非常差好似湯還湯 麵還麵咁食 兩者完全混合唔到當晚大約夜晚十點 冇乜客人（大約三四台）但樓面員工有三至四個卻只顧吹水放低野食同水壺都唔知點解好大力放低野食時又唔講邊碗打邊碗 要自己分辨三個字：冇下次

去過日本廣島既朋友仔，除左佢地既廣島蠔之外，應該都會試過當地既沾麵，廣島沾麵真係一試難忘，個時去廣島自由行，真係每晚都會係酒店附近食碗細沾麵先返上酒店，唔係會好似有蟻咬瞓唔著咁...宜家係香港隨時都食到啦，呢間沾麵專門店，最正係佢既醬汁勁濃厚熱騰騰咁送到你面前。麵既份量又可以按自己既食量點多點少，建議一般食量既女士點最少份量就夠，唔使做大嘥鬼！除左濃厚醬汁，彈牙拉麵之外，真心贊佢既豚肉，勁軟身，超強入口即溶feel，當然長期on diet既女士會食到皺晒尾頭，個種恨食又怕肥既矛盾真係好難頂呀🤪

去K11買完嘢，同朋友一齊行嚟行去搵餐廳醫肚，出到去見到風雲丸原來是吃日本沾麵的，一於就去試吓先！門口都幾大好易認，入到去坐低環境都幾舒適，下午2:30都差唔多坐滿晒人，人氣應該幾旺盛👍沾面我嚟啦！好耐冇食，原本想試吓原隻龍蝦濃香沾面，但係見到豚骨魚介果舊豚肉10分吸引，係三心兩意之下，最後作出決定，豚肉豚肉啖啖肉😍😂🤣坐左一陣終於有得食，嗰個沾面濃湯真係不得了，熱辣辣冒着煙，極度吸引！湯底味道一流，好香魚湯味之餘，還有淡淡的黑椒味，令到個湯唔會太過油膩！件豚肉又大又厚，應該是燒過的，油脂分佈均勻，食落滿口油香！溫泉蛋做得剛剛好，有流心嘅效果！麵條煙銀彈牙，而且份量仲有得選擇添，好似要去到大盛先至要加錢其他一律不用加錢！抵呀！

之前夜晚見到風雲丸出面大排長龍，就記住呢間鋪頭下次再黎食之後有日就專登去尖沙咀食翻呢間野但結果好失望。。佢用沾麵個麵做拉麵唔緊要重點係個湯底唔得😂好淡 好淡入到口都冇味既😭落左好多一味粉先叫做有少少味睇落去又多油 色又重又好似幾濃味但都係冇味既😭😭我有另外加紫菜紫菜都三角形好大塊咁 有3塊但碗麵我已經剔左少油但黎到嗰陣碗麵好多油😭😭我都明叫辣既油會比其他多d所以都盡量唔飲湯但當d紫菜浸落碗湯既時候就油到不得了d油係掛住係紫菜到最尾係就咁食塊紫菜都冇浸落去我冇食過佢地沾麵就唔知啦但拉麵真心唔建議食。

來到尖沙咀上嚟個快食最啱就係食個沾麵沾麵湯底同埋面會分開上暖暖地的麵心配上熱辣辣的沾麵既可以保持入口的溫度， 也能夠速 食最啱分秒必爭的香港人未交通問卷裝修佈置都非常之日式， 店員服務都非常之殷勤經典員推介我就叫咗個魚介沾麵同埋一 客唐揚炸雞首先介紹下呢個魚介沾麵， 面身暖暖地手打烏冬個湯底就非常之 味道濃沃， 輕輕把烏冬尖上湯底面神即刻暖笠笠。之後湯的味道即刻混合上面 身 入 口非常美味唐揚炸雞炸雞外脆內軟外面脆脆的炸粉鎖住雞肉嫩滑的肉質埋單人均財一百多元非常超值

星期六約左朋友出尖沙咀行街，經過呢風雲丸門口見到大排長龍，聽講好出名，裝修好有日本風味，一於試下。超濃郁豬骨魚介拉麵🍜，一上枱見到大大塊超厚豚肉好吸引，食落夠淋身，雖然好厚切但唔會好肥，又唔會好溜。拉麵軟硬適中，好彈牙，最鍾意佢個湯底，超濃厚，好香豬骨味。再叫咗客辛口沙拉餃子同炸雞小食，餃子幾特別配上辣汁同沙律醬，出邊好少食到得呢款餃子🥟，味道唔錯。唐揚炸雞入口juicy唔會炸到好乾。難怪咁多人食，等下位都值得，下次必定要再黎試下最出名既沾麵。

早幾晚約咗朋友係尖沙咀食飯，朋友介紹我哋去K11嗰頭食拉麵，去到見到間拉麵舖嘅舖面已經好吸晴👀入到呢間舖頭係食沾麵。沾麵我都只係睇過電視旅遊節目介紹，未真正試過。我同朋友叫咗個「石燒濃厚豚骨魚介味玉沾麵」、「羽根餃子」同「香鬆飯」。首先登場嘅係羽根餃子🥟，餃子煎🥟得好脆之外仲有一塊薄薄嘅脆皮，餃子嘅餡料都好juice👍🏻跟接住就係沾麵🍜，沾麵係可按自己嘅食量去order麵嘅大中小份量，另外枱面上亦有張簡介教你食沾麵🍜，沾麵麵質煙煙韌韌，塊豚肉好大塊同好嫩再夾上唐心雞，沾麵湯底味道好濃但就喊咗啲，不過加咗啲檸檬汁上去感覺就中和返啲同無咁膩😆之後再試埋香鬆飯🍚香鬆飯其實係比你食完沾麵後撈埋剩餘嘅湯食，不算太特別