順酸辣粉

营业中

休息中

平日係井財街都係食開某家米線舖，但今次朋友話想食第二間，帶左我黎順酸辣到食。我叫左碗豬骨薯粉，碗米線係包左d肉碎同腩肉。豬骨湯底味道濃郁，而且薯粉彈牙。腩物有2片，味道不過不失。我跟朋友說，以後唔洗係井財街食死一間喇，因為呢間都岩我地口味。另外同朋友嗌左碟燒豬頸肉，即叫即整，所以都需要等耐少少。單是賣相巳經令人流晒口水，好似好惹味咁。入口外皮脆卜卜，肉質彈牙，食多幾片都唔會覺得肥膩，正! 再沾埋類似泰式辣醬的醬汁更加美味可口

今日探朋友經過虹橋，係7仔隔黎見到間裝修唔錯既小店即刻入去試先！ 裝修不錯 坐位幾舒服 同男朋友叫左兩個米線，一個豬骨湯，一個沙嗲湯 求其豬扒好厚，外脆內軟，其實一啲都唔求其侍應剩係比左支飲管我，青蘋果玉露好難攪勻 主角登場沙嗲濃湯米線！好好食好濃好香feel到有椰奶香味！ 食左咁多野最後埋單盛惠$81好抵p.s. 埋單時老闆同我講沙嗲湯加左豆腐卜更加好食，下次一定要試下

今時今日酸辣粉麪店開得成行成市除左連鎖既X仔外 仲有好多選擇而要搵間有質素 適合自己的都十分重要酸辣炸醬撈粉 $24配料有:韭菜,芽菜,酸菜,炸醬,花生,蔥,配料豐富叫了少辣 味道較適合自己口味而且太辣食唔出其他味道撈起後 辣香香氣濃 看上色澤惹味酸菜炸醬融合既酸辣口味惹味十分配上韭菜,蔥 雖有刺激性但又有一股中和感麻辣的麻減少了 酸味更凸出再加蔥同花生增加不同口感 撈粉感覺滿足 味道都有水準麻醬冷麪 $21冷麪上有新鮮青瓜絲花生碎 再倒上麻醬成個麪既重點係麻醬 唔乾 而且特別在係甜甜的 果仁香配上花生碎更香醇麪食落微微彈牙 作為冷麪十分適合由麪既外貌跟彈性睇 應該係上海麪微彈牙麪再加上 爽口青瓜絲口感豐富沾上甜甜麻醬 香醇又有新鮮感一開頭因為麻醬太好味 所以不知不覺食得淨唁多之後叫了店員添麻醬 下次食要多醬先得

抱恙其間一直食得清淡, 好返後立即想食點濃味食物 , 見到這間酸辣麵店, 正合我意, 由於尚未到晚飯時間, 所以入店後就搵到位坐.打開餐牌食物種類頗多, 不只酸辣粉, 也有飯類及多種小食.  但我一心想食酸辣米線, 所以就直接選米線加辣腩肉, 水餃, 大腸,  食物好快送上, 個湯底好香, 飲落好開胃, 配料份量適中, 米線爽, 辣腩肉都很香口.  總括味道好, 價錢算平! 值得再食 

上星期到景峰探朋友跟住一齊食晩飯，去咗一間裝修唔錯既米線店。我要咗一個從未食過既米缐湯底，朋友㨂咗炸豬排菜反和一個口水雞例牌。大約十分鐘我個米線先到， 店員一放下，D胡椒香味樸鼻，先試一口湯，非常濃郁既豬骨湯，非常好的配搭。到我朋友的豬排菜反，真係估唔到$36 ，$40 都唔使就可以有一份好味兼賣相不錯的朱排菜反，簡直超直抵食！ 跟住到口水雞， 我本人食辣程度只是一般，第一啖食我已經要即時飲啖氣水，但㗳真D個味好特別唔係平時在其他店的味道，所以我下一次再來探朋友，我一定會再食這個口水雞！非常期待