順酸辣粉

营业中

休息中

2017.12.24 😐【拒絕一式一款集團式米線】食在屯門除了譚仔外 其實食米線還有很多選擇聖誕節假期的第一日平安夜🎄小妹就先來個清清地的早餐為迎接一連數天的暴飲暴食假期來個熱身😎位於屯門井財街的這間米線鋪門口不太起眼打開門卻發現牆上畫上一幅吸睛的塗鴉豬骨湯紅薯粉 $33聽說小店的酸辣湯是王牌由於小妹不太能吃辣友人介紹豬骨湯亦是不錯的選擇🍜有如別家的米線店 配菜都是一樣可以自己配搭每款亦只是$6-$8而本身湯面亦有少量配菜：炸醬、腩肉、生菜、蔥花、花生、莞茜🥜雖然配菜的名字不陌生可是跟平日常見集團式的卻多了一份人氣的味道都不是一式一款的 腩肉亦有煎過紅薯粉軟硬度適中不過有個小意外 小妹不知情下選擇了酸菜原來是辣辣的 咀巴都麻了跟餐配豬扒 $16豬扒雖然談不上外脆內軟🐖但亦是新鮮炸成的 呈現漂亮的黃金色惟豬扒的肉質較硬 需要花上點牙力順記 💌屯門井財街6號地舖Mon-Sun: 1000-2200

星期六到屯門買野，順便試下評價很高分的這一間米線😝是日最想試的螺旋藻賣完，只能求其次。酸辣米線好味，沙嗲紅薯粉也很不錯，唯獨凉拌小食味道普通，份量也少，有點貴.

順其實都算係多元化嘅米線店，唔止有米線紅薯粉，仲會有飯。呢度好多湯底我都鍾意食，胡椒豬肚同沙嗲濃湯都好正，但我最愛嘅都係撈薯粉！呢度撈薯粉薯粉分量好多，配料又勁多，基本上男仔都好夠食。呢度唯一有樣野幾好食嘅係原本張menu啲字甩到已經睇唔到，但又唔收埋，放多張外賣紙menu係度就算😂雞絲撈紅薯粉，估唔到咁大碗，好足料。雞絲落左啲汁，唔柴，幾好食。酸菜都幾辣，所以唔食得辣嘅我咁食就啱啱好，肉碎甜甜地幾惹味，仲有啲花生同芽菜。個撈果個汁有少少似鹵水肉汁，好有味。

今天在屯門區放工，有點餓，便上open rice看看有那些推介的餐廳。這間順的排名也很不錯，便決定進來一試! 點了 沙爹濃湯粉 $30它有得選不同的粉，我選了 紅薯細粉。因為是下午茶時間，加3蚊便有野飲，所以點了個凍檸茶。東西很快就來到，它很足料， 有肥牛，生菜，蛋，酸菜，芽菜，蔥，洋蔥，花生。光是賣相已經值5分了! 它的肥牛不會鞋，與吉野家的肥牛差不多。這間的酸汁是獨家配方，我十分喜歡吃，每次來這裡吃面也會加它的酸汁。酸汁很夠酸，很開胃，同時亦十分刺激味覺，超好吃的! 即使是沙嗲湯，仍會照加酸汁在面中，哈哈！凍檸茶味道正常，茶味不會有很澀的味道。

叫左酸辣炸醬撈米線, 撈米線應該乾身D, 但佢果D 入面仲有好多水.... 米線煮得太林.... 不過夠大碗, 肉碎都多, 一開始食係酸, 食食下無哂酸味...得番辣味, 睇來佢D 酸, 只是源自酸菜, 而唔係湯底本身係酸辣.... 最奇怪係, 才夜晚8時多, 已經無哂芫茜, 蔥, 水餃, 來貨太少了吧?蒜泥白肉都OK, 唔會太肥, 蒜泥唔算多, 但都有蒜味GE, D 汁甜甜地, 幾醒胃。

食譚仔食到悶，閒日都要同兩個女係出面等位等死人，打開openrice搵到一間超好食米線我酸辣適中，酸菜芽菜等等材料多，加16蚊個炸豬排好味到似食薯片咁，一定再來下次試菜飯先得

終於等到真冬天啦，新界地區仲特別凍！所以賴生同屈小姐都好掛住《順酸辣粉》既胡椒濃湯呀 又好味，食完成個身仲暖笠笠添！所以賴生就帶住屈小姐向虹橋出發啦！就係呢個時候，屈小姐問賴生間野係邊度，賴生答佢係新墟附近囉，咁(路痴)屈小姐話不如行過去⋯賴生就嚇到個心都離一離話：下？咁凍，而且好遠嫁！元朗去屯門，賴生跑都要45分鐘喎，行既可能要成個幾2個鐘嫁啦！最後，賴生選擇左帶屈小姐坐輕鐵去⋯一黎快啦，2黎可以係輕鐵攬住屈小姐一齊企！去到既時候，已經天黑啦！我地梗係第一時間過去祭五臟廟啦！今次去既時候，門口多左個凍櫃，放左唔同既醃製小食，不過太凍啦，我地唔想食凍野，既然已經諗好叫胡椒濃湯，梗係第一時間就睇食咩餸啦！1）胡椒濃湯 （5星）- 本身配料已經有生菜、粟米、花生、白芝麻同豬頸肉！- 湯底超濃胡椒味，食落有胡椒辣，而且超暖胃，直頭由胃暖番出尼！而且用尼浸菜好好食，D菜會索晒個味！我地都叫左碟油菜全走$14加落去- 粟米好正！本身個湯辣辣地，而粟米就勁甜，夾埋一齊食，既有口感，又有層次！- 豬頸肉係滷水既，好淋好入味！都好正嫁！跟湯送3舊過你食配料篇： 2）螺旋藻 $6 （4星）- 基本上，如

申利：自費。難得入屯門搵fd籽，記梗係叫佢介紹下有咩好食醫下個肚，佢帶左我嚟附近呢間酸辣粉，見到都肚餓！成兩點幾都人山人海好似幾得，就食佢！望到隔離枱個麻辣粉上枱好香，等我又試下先，哈哈～～因為唔想食米粉，問侍應有無其他可揀，佢話可以揀薯粉，所以點左薯粉，另外我仲加左螺旋藻，肉醬同豆卜～～～同另加一份炸豬扒（＄15）！首先要講個湯底真係無得輸，辛辣度一流，辣得相當過癮，又麻又辣，我叫既只是中辣，都相當辣，建議食唔到辣的千其唔好點～～好彩我好辣，同埋有個螺旋藻中和下辣，無咁辣～～豆卜同肉醬同薯粉都吸收灑個湯既精華，入口先辣後麻， 喜歡好辣的就是要這種感覺＝）炸豬扒口感相當唔錯！！外脆肉多汁，而且炸粉唔算多，份量仲相當大份！一個人真係食唔灑，兩個人分就差唔多，真係大件夾抵食～～～

酸辣薯粉 - 酸辣比例平均，上枱見到酸菜同肉醬成半個碗面咁多＠＠　酸菜酸而不咸，肉醬肥瘦恰好，味濃開胃，湯底很辣，辣得有油香，幸好有酸菜同肉醬中和返，如果唔係成碗都食唔到！！　有些芫茜同蒽很香口, 薯粉吸灑個湯底既酸辣味, 很入味，煙靱彈牙有咬口，我又揀左螺旋藻同豆卜本來無咩味既配菜，但配埋個湯頭，　吸灑湯，就變得相當好味，這感覺你懂的～～加上螺旋藻又係好野黎，健康又有功效，　食多多都唔怕！！下次會再黎試其他湯底～～

食左一次呢間我絕對覺得比三哥酸辣粉有過之而無不及， 真心好食是日上朋友屋企打機，　打到肚餓佢就帶我黎醫肚，　不過佢話叫一個湯米同一個小食就夠兩個人食，　既然佢食開咁我緊係信佢啦～真係份量好大，　食到飽住走人＝）全程朋友發板，　叫左一個酸辣湯米線跟豬紅豬肚，　再散點一個叫＂求其豬扒＂＝　炸豬扒酸辣湯米線酸菜同肉燥好足料，　好多，　啖啖酸菜同肉燥，　撈埋米線一齊食，　酸菜同滷水肉燥令你食得更滋味同開胃，　唔似三哥肉醬都要散點，　呢度就有埋，　感覺好似多一個餸咁。　豬紅同豬肚都係本人既至愛，　豬肚要洗得好乾淨先無左＂簡水＂味，　這裡洗得幾乾淨，　陳年滷水味濃，滷得很軟，　入口即溶，　很好，　豬紅本身無咩味，　但配埋個湯底一齊食，係好好味，豬紅口感夠滑，食多幾舊都唔覺膩。最鐘意係湯加左大量芫茜，令個湯頭更清新同香。炸豬扒炸粉滑同薄唔會話食到成口粉，炸得相當脆同熱辣辣，朋友話呢個係必食既，因為豬扒口切，　很有口感，而且炸粉完全鎖住肉汁，所以豬扒仲好鬆化，有口感，好難係其他地方食到咁正既炸豬扒！！我食完都相當應同，　可以得一間係屯門，如果可以開係九龍灣就好了！

這間順酸辣粉係屯門區都幾出名, 因為好味之餘又抵食, 我們一家都很喜歡幫襯, 有時一個人不知道吃甚麼的時侯, 它是一個不錯的選擇。這裡的沙嗲, 胡椒, 麻辣湯底都做得很不錯, 各有特色, 要辣有辣要麻有麻要濃有濃, 不過今天不想吃太多濃味野, 所以選擇了清湯底, 也是選配我最愛的米線(還有面, 薯粉等選擇, 不過個人偏愛米線, 覺得軟硬度適中, 味淡淡的, 跟咩湯底都好夾叫左豬紅, 麻辣腩肉等餸($7-10) 價錢抵但份量都不少, 很抵食, 麻辣腩肉每次我幾乎都點, 因為真係很好吃, 入口鬆軟, 辣味足, 能刺激味覺及食慾, 另外仲會加左些花生落個湯度, 花生炸得乾脆味又濃, 一路食米線再吃一粒花生更有咬口, 有時會諗外賣些花生俾爸爸送酒一樓, 可惜無這個服務!! 

胡椒豬骨湯底， 胡椒味很重和偏辣，不能吃辣的建議少點辣. 但胡椒味的確很香醇，一食便知係靚胡椒而且炒到出味才下湯煲！冬天食一流！一定相當暖肚同胃還有驅風療效！而且跟大量粟米，就算覺得辣, 配上甜甜的粟米, 中和返感覺就剛剛好！因為戒咗牛肉關係，跟餐加咗辣豬腩肉同豬頸肉！ 豬頸肉好香炭燒味，且燒得好淋，醃得好入味，正！！ 辣腩肉肥肥的，入口即溶加上辛辣味，刺激到想多食幾舊！！跟餐叫左杯熱花茶，幾甘香，唔甜！！愛健康既朋友可以一試！！

同阿仔去學完畫畫, 佢話肚餓, 叫左碗米線同個豬扒兩份分, 食埋返屋企結果飽到夜晚都唔洗食, 真係相當抵食, 難怪下午茶時間都人頭湧湧。　叫左碗清湯米線，加錢叫左豆卜同辣腩肉，　豆卜阿仔好鐘意，係咁食，辣腩肉我覺得唔錯，辛辣得黎，入口回甘，炆得很入味，而且半肥瘦，腩肉極品，米線份量多唔太硬，不過不失，　炸豬扒係散點，　厚切豬扒，唔太多油但脆口，炸得不錯，肉質多汁，小朋友至愛，大人都覺得算健康。最特別係這裡有些特色飲品：我們倆點了青蘋果７同菠蘿７，唔會太甜同太藥水味，酸酸甜甜幾好飲，可以一試。 

成日無食過野, 做到訓係度>< 返到屯門先食第一餐, 入到去順酸第一時間叫左個雞扒菜飯同凍檸茶, 等左陣, 諗住對自己好啲, 再叫多個炭燒豬頸肉, 不用10分鐘所有野都黎灑, 心裡面十萬個感動, 真係辛苦搵黎自在食><菜飯多菜到不得了, 啖啖菜, 有咬口, 令個飯無咁乾, 配個炸雞扒就啖啖肉, 外脆內軟, 好味, 個人鐘意個炭燒豬頸肉, 有咬口得黎唔太厚, 重點係炭燒個陣燶與唔燶之間的味道, 十分惹味! 點埋泰式辣醬一齊食, 酸酸甜甜仲開胃! 杯凍檸茶唔太多冰, 幾大杯同好有茶葉味~~唔知係咪太肚餓, 所以這餐覺得真的好好味, 十分滿足, 會再來幫襯^^ 

井財離我的住處不遠，小區內有不少特色食店，因此成了我的開飯熱點。這家順酸辣粉由寂寂無聞，發展至今有不俗的口碑，還是要找天試試它的水準吧！這兒的粉麵選擇不少，酸辣粉、喇沙粉、胡椒湯粉、麻辣粉、蔥油拌麵......選擇十分多元化。招牌酸辣粉拼醬鈴雞翼($32)可選薯粉、寛粉、米線和米粉，薯粉非常彈牙煙靱。上桌時酸辣粉的配料整齊排在碗上，相當細心。大量的肉醬、麻辣醬、酸菜、韮菜、芽菜，令香味紛陳。將麵拌勻後湯頭帶微微麻辣香，酸度其實可再高一點，始終酸辣粉不能没有酸吧！差點就想叫店員端碗香醋來自行調味了。跟雲貴香相比，這湯頭不算濃郁，酸辣度也降了一度，不過雲貴香向以重口味馳名，對一般食客而言也許是是剛剛好，也健康一點。三寶飯拼雞翼大腸豬肚($42)鹵水清香，入味之餘配料不會因醃鹵而梅稔，像豬耳弹牙之餘極易嚼開，大腸洗得乾淨又入味。雞翼大小剛好皮薄薄的肉質嫩滑，這家的鹵水是不可錯過，配飯不妨要求多添鹵汁。可惜米飯出現「三夾底」的情況，換過後情況仍未改善，也許是時值快要閉店的時間，這錯失還是情有可原的。響鈴($10)一客三件，相信不少人會點上這個的，絕對是吸湯佳品。響鈴另上，十分貼心！可惜麵湯不夠