順酸辣粉

营业中

休息中

叫左個酸辣粉，同一個“求其豬扒”， 酸辣粉配料都好足，有炸醬，花生，芽菜，酸菜等，好似炸醬咁，好多，啖啖肉，味又濃，好惹味！ 仲有酸菜，有咬口得黎味道唔會話太酸，配埋個辣湯底，中和返個辣之餘，很醒胃！ 仲加錢叫左個辣腩肉（＄7），價錢咁抵以為唔會太多，點知都有三舊，十分抵食，而且滷得好入味同好淋身，入口即溶又唔太辣，只係有滷水味又太單調，而家辣辣地，味覺更豐富！可以一試！！除左碗粉，個人覺得個炸豬扒仲好食，上枱熱辣辣，仲好脆，好似食緊薯片，又薄又脆，但內裹肉質仲好滑同唔乾，好好味！點解可以炸得咁好食？我會再返黎絕對係因為個豬扒！

最鍾意食車仔麵，因為鍾意叫唔同嘅餸，每次我都忍唔住叫成四/五個餸，叫到成碗d餸仲多個d麵～今次叫咗沙嗲肥牛湯麵，再加左魚皮餃，芝士腸同魚蛋，沙嗲肥牛湯麵＄28， 每個餸都只係加＄6，3款加埋＄18， TOTAL ＄46，個麵仲附上菜同蛋，好抵食！！個麵底好彈牙，份量很多， 魚蛋彈牙， 魚皮餃一咬下去皮唔會爛灑散開，煮得啱啱好，有淡淡既魚味，算彈牙！！ 湯底沙嗲味香港濃，好惹味，配埋肥牛好正！！夏天食倒是很開胃，整體不錯，價錢實惠，會再來幫襯！！

超級鍾意食酸酸辣辣嘅我，好鍾意食米線，食過呢間幾次，覺得好好味。酸辣湯米線呢度招牌菜， 香辣又酸酸地，好開胃，本身睇落個湯無咩色，以為唔太重味，一嚐之後發現個湯底濃而香，十分好飲！! 米線好彈牙。另外加左我至愛嘅滷水大腸，超愛食大腸，大腸肥美，滷水非常入味，咬落彈牙爽口，十分好味，價錢又好抵，必食推介！!

最期公司有個project要喺屯門兩至三個月，所以lunch time經常係呢頭出現，食在屯門，每次中午食飯時間經過呢間「順酸辣粉」都人頭湧湧超多人排隊～ 今日特別天氣熱嘅時候會特別想食酸辣野開胃d，所以的起心肝排隊，今日中午時間如常都係咁多人，等左成30分鐘先有位～叫左冰鎮米線配炸雞扒，透心涼， 夏天食一絕！米線唔淋，爽口彈牙，米線仲有D酸菜，酸酸涼涼更開胃！雞扒脆口肉滑，跟餐加錢叫左杯凍檸樂，消暑好味抵食嘅一餐！極力推介！嚟緊仲要係呢區跟project嘅時間我會繼續黎幫襯

很少跑到屯門覓食, 但最近還是要去捉pokemon, 所以約埋朋友去新界區, 俾我地搵到間平靚正之選.除了有拌麵及湯粉, 更有飯類. 全部都可以追加配料, 所以絕對合適我地口味不同的朋友, 一人一碗自己口味, 不用打架了.沙嗲濃湯粉 $28, 追加紅腸$6, 魚蛋$, 豆腐卜$6. 還叫了凍檸茶 $7.平時的沙嗲湯底都比較深色, 但這款好像加了點奶. 味道有沙嗲濃香惹味, 又似馬來西亞喇沙, 椰香味頗重帶點甜味, 又不會太辣, 連一向不食辣的友人也食到. 原來沙嗲同喇沙, 兩個口味可以咁夾. 米線夠順滑, 而且煮得不會過淋, 有點彈性. 有齊濃香爽滑彈既味道同口感.牛肉有點似肥牛, 有油脂香, 入口不用點咬就食到, 肉質嫩淋好味. 貪食的我仲追加了幾款餸, 有紅腸,魚蛋,豆腐卜. 豆腐卜吸左好多湯汁好入味, 一咬落去滿口湯汁, juicy到爆好好味.重點是碗米線追加餸後超大碗, 兩個人先食得哂, 好抵食飽到勁滿足.

跟朋友一起點了一份炸魚肉卷及一碗魚片頭沙爹麵配自家包水餃。 炸魚肉卷會連同甜酸醬一起奉上,一起吃起來香脆開胃.至於沙爹麵的湯底應該是喇唦,椰奶味非常香滑,很有馬來西亞風味。而自家製水餃內有雲耳,韮菜和豬肉,味道不錯。至於飲品方面點了一杯Triamisu凍鴛鴦,味道比想像中更突出,喝起來很細滑,味道與沙爹麵很配, 價錢方面也很合理.值得再光顧。

下午茶時間完左之後黎到,唔洗排隊位置都好鬆動。今次叫左雞排菜飯加辣腩肉同一杯冰勁阿華田。先講個菜飯,雞排炸得好脆而且唔會乾,菜飯唔似平時食開嗰啲,菜既比例好足,即使有炸雞排都唔會覺得熱氣,至於另外加既辣腩肉真係一流!!半肥瘦既腩肉真係冇得輸,辣得黎超惹味,簡直食得出個層次!一個人食絕對夠晒飽。至於杯阿華田都冇得輸,夏天熱辣辣當然要飲凍野,可能入面加左薄荷汁,飲落口夠晒涼爽,仲唔會令杯阿華田太過甜,亦好足阿華田味,夏天食個咁既午餐簡直係享受!下次一定會再試唔同既野食!

雖然係酸辣撈紅薯粉既忠粉但有時都會睇下有冇其他野 值得我跳槽四川涼麵 $23原本睇個名以為係挑戰辣度新境界點知未入口 聞到少少酸同埋甜味放入口油麪煙煙韌韌 帶似醋既少少酸味慢慢咀嚼有彈性既麪 微辛漸漸出來夏天消暑就最啱食蔥油拌麪 $28油麪同上面係一樣 雖然個麪份量應該一樣 但碗跟配料都小了 感覺冇咁抵下面有類似甜豉油既醬汁撈起食下食下 會掛係麪度主要甜 少少鹹 味道其實唔錯但如果多少少配料可能冇咁寡

今次黎到順酸辣粉,叫左碗胡椒豬骨湯粉,有紅薯粉,米線,麵同埋寬粉可以選擇,種類都算,而配料方面就有粟米.蔥花.生菜,花生.芫茜同埋豬頸肉。黎到既時候好大碗,超抵食,湯入面既花生抄得好香口,放入口食得出陣味,而個豬頸肉好有炭燒味,醃得好入味,食落爽口唔會硬,至於個湯底胡椒味好夠重,非常暖胃,食完麵都忍唔住飲左半碗湯。可能係因為個湯底好開胃,另外仲叫左個炸辣雞翼,外皮脆得黎入面唔會乾,食得到肉汁,炸皮既醬亦唔厚,食落唔會好辣,小朋友都會啱食。

做左成年醫院，成日食三哥，食黎食去都係個幾款選擇，今日同同事轉戰順酸辣粉，可能食飯時間，所以都等左十分鐘先有位，座位唔多，要搭枱。一打開餐牌，超多選擇，光是湯底都有酸辣，豬骨濃湯，胡椒豬肚，麻辣，沙嗲。。。粉又可揀紅薯粉，米線，麵，配餸都有40﹣45款，花多眼亂，唔知揀邊款好睇左好耐，諗住天氣熱，唔好食辣，要豬骨湯米粉($25)，內裹本身都跟炸醬，南肉，同生菜，我只加左豆卜同辣腩肉(每款$6~$7)，份量幾多，很豐富，豆卜一般，不過沒有簡水味，最怕食到好似洗潔精味的簡水味；辣腩肉肉質軟身，辣度十足，又麻又辣又香，喜歡食辣的人會食得很過癮，好彩我叫左杯青蘋果七飲，解渴又唔算甜，好飲。好過其他餐廳飲黎飲去都係奶茶咖啡檸茶檸水!!另外同同事SHARE左個炸豬扒($19), 豬扒外面香脆,厚肉多汁, 醃得好入味, 好食不過都幾大塊, 建議一定要同人分, 一個人好難食得曬食完到夜晚都飽到唔係好食到晚飯價錢實惠又好味，我會多些來食或外賣的了。

有圖有證據！未見個菜飯咁多菜，十分足料，每一口感覺都超健康，食過有D菜飯落好多油去撈，呢間食落去唔油，乾身D，清D，健康D！！始終係男人，唔可以無肉，所以揀左個雞扒，雞扒剛炸起，熱辣辣，皮薄且脆，炸漿做得唔錯，鎖住到雞扒既肉質，肉質滑而且多汁，不過始終炸的，都算熱氣！所以配菜飯剛剛好！起初驚得個菜飯唔夠飽，所以問侍應有咩好介紹，女侍應話豬頸肉好味，就叫一份試下，點知菜飯黎到我就知出事啦，因為份量係好大份，單單係個菜飯本人食完都覺得飽！不過叫左就唯有頂硬上，個豬頸肉真係幾好食，好彈牙爽口，乾身得黎可以食到少少既蜜糖味，有少少燶味，好似食緊炭燒豬頸肉，用黎配酒一流，因為太飽關係，食左兩塊豬頸肉就打包左返屋企，夜晩阿爸睇波飲啤酒攞黎食都話超正，仲叫我下次去買給他睇波用！

今日算晏食LUNCH，返到屋企見爸媽去左旅行，細佬都未食晚飯，就同佢落樓下撐枱腳，呢間順酸辣粉係度開左兩年，出名大件挾抵食，我同細佬叫一碗兩個人食都夠飽。我最鐘意呢度既沙嗲米線，湯底濃同好香椰味，最重要無味精，唔會食完勁口渴同個口苦灑！米線唔太淋唔大硬，好吃！而且仲可以無限加餸，兩個人SHARE食都夠飽！每人＄25唔洗，十分划算。因為呢個湯底，我每次都會叫埋豆腐卜，豆腐卜吸灑湯汁一齊食，勁正＝）另外呢度個腩肉都十分好食，半肥瘦，啖啖肉，仲滷得十分入味，又淋。章魚餅係細佬至愛，不過我就無食過，因為我長情，食黎食去都係豆腐卜同腩肉＝）細佬仲加＄10叫左個菠蘿冰茶，佢話幾特別，唔太甜，仲話原來菠蘿跟紅茶係咁夾既，我諗飲呢D好過飲汽水啦！有益D XD最後埋單＄57，每人＄28都唔洗，十分划算。

小妹有唔少朋友住屯門，入去搵佢地就梗係要佢地帶我食好野啦（好=唔代表貴～）今次佢地就帶左我去呢間勒～佢地話沙嗲湯底good! 甘我就要試下啦～以為係茶餐廳既普通沙嗲，但原來好唔同～沙嗲似馬來西亞嗰d喇沙，好香椰汁味同沙茶味~ 湯底都好滑，真係配咩食我都覺得好好味！入面仲有肥牛、半隻蛋、少少花生同菜～肥牛一般貨色，不過不失，反而個蛋滷得幾入味。另外仲叫左個“求其豬扒” ～其實係炸豬扒，好大份，咬落去好脆，入面肉質仲幾滑同唔乾！唔求其架XD 質素好食過好多間餐廳架啦～跟餐叫左杯花茶，入面有成大個茶包，超足料！今餐算係好抵食！

平日十年都唔入屯門一次， 今次一早去探個中同剛出生既BB，未上去之前先醫肚，通常見到邊間最多人食既食肆就一定唔會錯！！果然我係超好眼光！！好味又抵食入到去等左十分鐘度先有位，中午食飯要搭枱是常識吧！ 叫左個招牌酸辣粉，加腩肉同肥牛同一杯凍檸茶！ 等左5分鐘度就有啦！一上枱嚇親我， 係超足料勁大碗！心想兩個人食都得， 而且係勁好味，首先湯底酸辣味好出，唔會只得酸或太辣，夏天食一流，很開胃， 炸醬味濃惹味有咬口，唔會散灑係碗湯度，我可以大口大口咁食，爽！ 最有驚喜係個腩肉，半肥瘦，係腩肉極品， 最重要係滷得很入味同淋！有少少咬口之餘入口即溶！真係必食推介， 最重要係個價錢真係超級吸引，咁大碗咁多料連飲品都係＄44， 真心性價比真係超高！ 突然覺得居住係屯門的人很幸福

沙嗲濃湯紅薯粉 $28平時食開平d既酸辣撈紅薯粉見隔離枱叫左都幾香 試下先沙嗲味真係好香 試啖湯有花生香味配紅薯粉ok有滷水蛋 肥牛做配菜 滷水蛋夠味 肥牛有少少韌 但係配埋沙嗲湯底係好味既