順。越南牛肉粉

营业中

休息中

餐廳位於好運中心，沙田火車站行幾分鐘就到，餐廳岩岩新開無耐，環境都好乾淨企理，裝潢都幾別緻，有充滿藝術感既牆畫和格仔鏡，大大增加左空間感。街頭生牛肉湯河粉（$75）生牛肉經滾熱既湯底慢慢灼熟，半生熟令口感豐富有層次感，牛肉味保持濃郁之餘肉質鮮美粉嫩，牛肉味同時亦有滲入湯汁，令湯底更加鮮甜可口。素扎肉撈檬（$65）素扎肉雖然主要用麵粉製成，但味道一點都唔覺得素，口感爽口Q彈，幾適合素食人士，除左檬粉外，配料還有胡蘿蔔絲、青瓜絲、蝦米、蔥油、生菜等，食落意外清新消暑。珍多冰（$30）椰汁味濃郁，外觀裝飾有心思，打卡一流。

今日有需要入中文大學。原本想去石門試試那邊的美食。不過，在看youtube 時，看見有人介紹好運中心有新的裝修，從小便在沙田長大的我，都想看看裝修完之後的好運是什麼樣子。個咖哩不錯，好香茅。有d似st paul (HKU對面)的後門飯堂外賣，有一定水準。雞排好熱氣，所以很好。而且個drink，有香茅又有薄荷葉，不錯不錯。今次彩蛋好多方面可以寫。不過，不是每個沙田友都知道的，便是劉天王從前都有來過好運拍電影的。如果你想看看，hints 是和玻璃有關

沙田好運中心重新裝修，特意同老公去行吓，不經不覺到了下午兩點左右，途經順，越南牛肉粉餐廳，於是就入去食下午茶。餐廳裝修清雅，座位舒適。扎肉蝦餅撈檬$62大大碗的撈檬，有三片扎肉，三片蝦餅，紅蘿蔔絲，青瓜絲，羅勒等，非常豐富，涼涼哋的檬粉再加埋酸酸甜甜的魚露，開胃醒神，最啱夏天食。河內香茅燒春雞配咖喱汁、米飯 $66雞肉嫩滑多汁,外皮焦脆,而且仲帶有芳香四溢嘅香茅味道!配埋香濃滑順嘅咖喱汁,同埋Q彈嘅白米飯,簡直是無可挑剔嘅組合!春卷$22春卷薄脆酥香,內餡餡料充實, 非常美味可口。蓮藕蝦餅$32蓮藕蝦餅,蓮藕新鮮爽脆，加埋彈牙嘅蝦餅，好好食!凍話梅鹹柑桔水同凍老姜蜜 跟餐$0凍話梅鹹柑桔水酸甜可口,十分消暑;至於凍老姜蜜,就帶有一股溫和嘅薑香,非常清新舒服!

行街街去沙田新城市或好運中心一帶，無論打風落雨或酷熱天氣都冇有怕， 行到腳仔軟又肚餓更加冇有怕，今次行到好運中心見到呢間食越南菜嘅店舖，餐廳環境坐得舒服，亦有好多卡位，最緊要係有下午茶添😋🥢生牛肉牛肉丸湯粉$62生牛肉上檯時夠哂粉嫩，牛味濃香，質地軟腍得嚟亦有口感，牛丸爽彈juicy，河粉幼滑，加上九層塔及洋蔥絲嘅加持並配上青檸角及辣椒粒，夠哂惹味🥢順化香茅豬扒飯$58大大塊豬扒，煎得夠哂香口，香茅味亦夠濃，並配上乾蒜及香蔥油非常惹味，仲有兩塊特色蛋餅，裏面有木耳絲及粉絲🥢街頭蓮藕蝦餅$32兩片蓮藕中間夾住蝦膠，口感有層次，爽脆得嚟又帶Q彈🥢蒜蓉牛油雞翼(兩隻)$28極濃香牛油味，同時亦有蒜香味，炸得好脆☕️越南老薑(跟餐+$0)薑味夠濃，甜度剛好☕️青檸紅茶(跟餐+$0)清新解膩

1. 食材搭配:除了主料牛肉,金邊粉還常與各種香料和蔬菜搭配,如香菜、青檸、芝麻菜等,為口感提供清新與層次。有時也會加入牛肉丸或炸豆餅等配料。2. 口感特點: 金邊粉的質地很細軟,搭配牛肉的嚼勁,營造出軟硬搭配的細膩口感。湯汁通常會保持清亮透明,但香味濃郁,可能有香菜、八角等調味料的芳香。3. 地域特色:這道菜源自越南,但在東南亞許多地區都有類似的吃法。不同地區可能會有一些細微的口味調整,比如湯底的調料會有所不同。4. 營養價值:牛肉和金邊粉都是優質的蛋白質和碳水化合物來源,可以提供豐富的營養。加上蔬菜的纖維,這道菜可算是一頓營養均衡的餐食。5. 烹飪工藝:製作這道菜需要一定的烹飪技巧,如控制湯汁濃郁度、把握肉質嫩度等。用心烹製的金邊粉牛肉湯可以體現出美味的層次感。

成就解鎖🎉🎉今次跟住喺新界東嘅朋友搵食，發掘沙田好味道😂。街頭生牛肉湯檬粉 $56生牛肉鮮紅粉嫩，非常大塊。搭配埋青檸同紅椒，散發陣陣香氣❤️非常足料，食完非常滿足。煲仔咖喱牛腩配法包 $63賣相像普通咖喱牛腩，但味道卻非常有驚喜。牛腩份量不少，非常入味。最正是咖喱汁，香濃得來帶點點辣味，味道剛剛好，我同朋友停不了手🤣。法包非常大條，不是一片片，而係一整條😍😍鍾意用包點汁食嘅朋友，完全滿足你嘅需要。蒜茸牛油雞翼（兩件） $28蒜蓉牛油味非常突出，香氣十足，雞翼非常大隻，我同朋友食到舔舔脷😋。烤豬頸肉（半份）$38彈牙又爽口，份量非常多，配上甜酸雞醬，十分惹味😋😋。越南老薑蜜、薄荷青檸梳打飲品非常特別，特別係越南老薑蜜，超級有特色。飲得出陣陣薑味，但又不會搶喉，青瓜帶點小清新，感覺非常之好。下午茶真的十分超值，款式多，價錢相宜，真的是一個不錯的選擇。

下午在沙田工作完，約了朋友食early dinner。到步時還未夠六時，還可以叫下午茶餐。下午茶選擇很多，飯，湯粉，撈檬都有，還有越式法包。越式傳統街頭法包之前吃越食法包都是掃街時邊行邊吃，難得可以坐在餐廳舒舒服服又優雅地吃，當然要點一客。法包烘得很鬆脆，札肉加上豬肝醬，口感和味道很特別又搭配，芫茜、青瓜和蘿蔔絲等現菜更增加了口感和味道的層次。烤豬頸肉撈檬豬頸肉烤得很香，亦很厚切，能吃到陣陣的焦香味道，肉也醃得很惹味，我和朋友吃到停不了口。下午茶餐還可以追加小食，加了蒜蓉牛油雞翼及馬拉盞通菜。以下午茶的價錢，吃到豐富又美味的early dinner，開心開心

去開沙田，就週圍行下緬懷一下以前。喺啲商場度行嚟行去，發現原來好運中心已經翻新咗好多。好多餐廳都已經唔係以前嗰d，換曬新嘅。見到有間越南嘢嘅餐廳裝修好靚仔，叫順。越南牛肉粉，應該係新開嘅就入去試下。佢入面環境好新淨，同埋啲座位都好闊落，坐得好舒服。咁佢個舖頭名叫越南牛肉飯梗係要叫返牛肉粉啦。我就揀咗個綜合牛肉粉$88，入面有生牛肉牛丸同埋牛腩。佢生牛肉啲料都幾靚，喺半生熟，粉粉地嘅情況之下食，會有肉汁爆出嚟同埋啲牛肉都仲係好滑。個牛腩就普普通通冇乜特別。最有驚喜反而係佢個牛丸，一開頭以為係普通香港食開嗰隻牛丸。佢應該係加咗一啲跟腱嘅位同埋一啲脂肪粒入去。咬甩牛丸會有汁爆出嚟之餘，有某啲部分食落去會好有咬口越食越出個牛味。同埋個份量真係大一定食得飽👍👍👍

好耐都無嚟ikea買野，逛下街去到好運中心發現喱間好似新開嘅越南餐廳都幾多人，決定試一試。原本想叫小食，但發現有個西貢三色撈檬有齊我想食嘅蝦餅、扎肉同胡椒豬肉串，又真喺幾好食，特別喺個蝦餅同豬肉串，用料十足，絕對唔喺麵粉，蝦餅食落好彈牙，同埋豬肉串個調味好好。另外選擇困難嘅我哋都喺揀啲咩都有嘅，特色綜合牛肉粉，有齊生牛肉、牛腩片同牛肉丸，牛太都真喺啖啖肉果隻。生牛肉都好新鮮嫩口，整體上都好唔錯。喱到啲粉麵嘅配料配搭得幾唔錯，一碗粉可以食唒幾款餸。

呢間高質越南牛肉粉必推！價錢合理之餘大大碗，味道高質👍🏻👍🏻👍🏻生牛肉牛丸湯河好足料，生牛肉片鋪滿成碗粉，牛丸彈牙爆汁！湯底以大量牛筒骨加入上鮮制嘅越南河粉，味道層次千變萬化，令人一試難忘！個人認為呢碗牛肉湯河比某間好出名嘅連鎖牛肉河店👍🏻👍🏻👍🏻👍🏻性價比高得多香茅燒春雞飯原隻燒春雞上碟，好重香茅味，直情食到一啲香茅嘅香料。食雞本身啲肉好爽滑，一啲都唔會，以咁嘅價錢食到咁嘅質素真係覺得性價比好高！餐廳座位仲坐得好舒適，多咗一個食飯嘅選擇👍🏻

開心好運中心開左越南菜餐具喺餐桌下面自取入座先會提供兩杯水順化湯檬粉$88食落微辣好惹味燻蹄、牛腩、牛丸牛丸細細粒但好有味同有汁唔會好乾好柴牛腩夠軟身易入口河內番茄蟹檬粉$88聞落酸酸味味好開胃好多番茄🍅有連殼蟹殼唔會太硬易咬有扎肉、蝦丸想辣少少可以加辣椒粒就會變得酸酸辣辣粉面可以揀檬粉/河粉/金邊粉個人鍾意食越南河粉多啲越南河粉對比起港式河粉幼身啲但又食落較金邊粉軟身餐廳坐得舒服座位一啲都唔逼下次想試下飯類

星期五得閒來沙田行街，好運中心和沙田廣場有很多食肆。我12:15pm 揀了这間越南店，食評也讚食物好味道，而且不到10mins就位。我選了春卷扎肉撈檬，春卷的確熱和好吃，凍飲揀香茅橙飲，但人多，凍飲遲遲未到。飲料杯是一個薄薄的玻璃杯，里面有2塊橙，有纸飲管和1枝類似香茅的東西。我飲了覺得比較甜，便隨意拿1隻鐵匙按壓橙肉，按了大約8下忽然成枱都是飲料，原來玻璃杯底部裂開，结果我成條牛仔褲都濕了。因我之後還有其他活動，所以要立刻買新褲更換。结賬時我要求老闆免我的食物價錢，但他最後只给我9折，並告訴我不主張顧客用鐵匙，因此他們亦不提供。我的天，好彩这是凍飲，如是熱飲，我必定要入医院，而且你們也沒說这玻璃杯容易破裂，小心使用。PS因服務員快快取走破杯，來不及拍照片。

昨天去沙田，這裡是連接幾個商場，日曬雨淋都冇有怕。見到好運中心全新裝修完，商場變得更明亮，途經 "順。越南牛肉粉"，款式吸引，很不錯 ~餐廳新開，地方很闊落，牆上面有花朵及雀鳥圖案，設計雅致時尚，環境舒適亮麗。下午茶餐種類多，有湯粉、傳統撈檬、法包、米飯、街頭小食、飲品，好多越南特色美食。順化湯檬    $68依碗有齊三款，分別係牛腩片、牛肉丸和扎肉，牛腩片炆至軟身，都有少少咬口，牛味香濃 ; 牛丸爽口彈牙，中間好juicy，而扎肉就係越南最地道嘅食品，當然要試一試啦！湯底用上牛骨煲至多小時，所以牛骨味重，清甜唔口渴，檬粉順滑吸收左湯汁，甘甜美味，份量亦好足，成碗食完之後，好飽肚，性價比高。街頭生牛肉湯粉    $56牛肉好嫩滑，在碗內時半生熟，有咬口，肉質鮮嫩，入口鮮甜有肉汁，配搭辣椒、青檸等香料味道特別清新，湯底香氣撲鼻，就連河粉吸湯都好出色，每啖都鮮甜可口。蒜蓉牛油雞翼    $28外皮炸得很脆口，牛油味很香濃，加了蒜蓉味道更惹味，肉質不乾，有肉汁，不錯。西貢脆春卷    $22春卷炸至外脆內軟，餡料有豬肉、紅蘿蔔、木耳、粉絲等，配備生菜，用來包住春卷一齊食，可減輕膩的感覺。薄荷

今日又去咗沙田搵食，好運中心裝修咗之後多咗好多唔同嘅餐廳，突然間想食越南嘢，就同媽媽去左「順」度下午茶。叫左2個下午茶餐+追加小食+餐飲：（1） 順化湯金邊粉 $68有燻蹄、牛腩、牛丸，超級豐富。分題唔會好鹹、牛腩夠腍、牛丸咬落去彈牙多汁，個湯都夠濃味，份量都好大碗！（2） 河內蕃茄蟹湯檬一拎到埋嚟就飄過超級香嘅蕃茄味，試咗一啖湯，除咗濃濃嘅蕃茄味仲有淡淡嘅蟹香。扎肉好好味，半隻小蟹啲肉唔會好散，兩粒蝦丸彈牙好味。媽媽食咗讚不絕口。（3）春卷 （跟餐$22）熱辣辣，外面脆脆，入面多料，放咗蘿蔔絲用生菜包住，再點埋汁，一流！！！（4） 蒸粉包 （跟餐$28）粉包皮唔會太厚，入面好多肉碎，大大嘅一舊好滿足。（5） 話梅鹹柑桔水唔會太甜，都唔會太鹹，又唔會俾好多冰沖淡晒柑桔水。（6）老薑蜜辣中帶甜，第一啖飲落去有老薑嘅辣味，但係飲真啲又會有蜜糖嘅甜味，熱辣辣超級暖胃。食完之後媽媽話下次經過好運中心想食越南嘢都會再encore！！

好運中心都裝修得7788，餐廳開始進駐。今次試呢間越南野，內部環境幾光猛，新淨。🌟特式綜合牛肉湯檬粉🌟食越南野唔少得點牛肉🐂，呢款牛肉湯麵有多款牛製品：肥牛、牛丸、牛腩片。加埋經典調味材料：洋蔥、蔥花、芫荽、九層塔。牛肉十分嫩滑，肉質好好。🌟法式牛柳粒配米飯🌟牛柳粒大概7成熟🥩，可咬開唔會un，外層燒得帶焦香味😌配上特式蛋餅，主要由粉絲同木耳整成，幾特別👍🌟話梅咸柑桔水🌟出面餐廳好少有得叫，要去呢啲東南亞食舖先叫到，味道夠哂味，飲完好滋潤呀～