順。越南牛肉粉

营业中

休息中

餐廳位於好運中心，沙田火車站行幾分鐘就到，餐廳岩岩新開無耐，環境都好乾淨企理，裝潢都幾別緻，有充滿藝術感既牆畫和格仔鏡，大大增加左空間感。街頭生牛肉湯河粉（$75）生牛肉經滾熱既湯底慢慢灼熟，半生熟令口感豐富有層次感，牛肉味保持濃郁之餘肉質鮮美粉嫩，牛肉味同時亦有滲入湯汁，令湯底更加鮮甜可口。素扎肉撈檬（$65）素扎肉雖然主要用麵粉製成，但味道一點都唔覺得素，口感爽口Q彈，幾適合素食人士，除左檬粉外，配料還有胡蘿蔔絲、青瓜絲、蝦米、蔥油、生菜等，食落意外清新消暑。珍多冰（$30）椰汁味濃郁，外觀裝飾有心思，打卡一流。