韓大叔大排檔

营业中

休息中

朋友想食韓國野就黎試下新開嘅餐廳book左630 早左10分鐘到就話正常我地有個半鐘用餐 俾多10分鐘地到8點 已經感覺怪怪到左8點就話提醒我地仲有幾分鐘 有客人到左我地就急急腳走見倒出面有幾張吉枱 同門口根本無人等其實我地明白餐廳生意難做 要做多枱客但真係甘做真係有d肉酸....講番食物芝士炸雞 炸得好嘅肉都好嫩 不過咸左d年糕 係幼身嘅 味道正常 個醬如果濃稠d會更好雪龍湯 係牛骨湯足料嘅 不過較油 好似同我上次喺韓國飲嘅唔一樣 印象係湯係白d 不過唔記得影相泡菜煎餅 係滿意嘅食物 煎得香脆

環境雖然唔算好靚，但個feel 真係好似去咗韓國大排檔咁！韓大叔醬油拼盤醬油蟹既鮮味，鮑魚嘅煙靭口感，鮮蝦嘅肉汁，爽、甜、滑😋正！海鮮煎餅🫓海鮮多，煎餅香脆味濃，加埋醬料，滿意👍🏻傳統泡菜阿豬媽炒年糕泡菜味濃郁，年糕煙靭，加上配菜，都幾正宗😁😁原味炸雞🍗半份冇得頂嘅係個芥末醬，令到個炸雞昇華晒😋😋😋泡菜牛肉豆腐湯泡菜濃郁，原汁原味，所以我要加少少鹽花，令肉味和豆腐味更加出。桂花烏龍水果茶桂花和烏龍味道，只是比較細杯😂梅子果醋梳打好味，梅子味濃🥳🥳

好耐都冇食韓國菜，今日就同朋友去咗銅鑼灣登龍街韓大叔大排檔，聽個名就好似以前啲舊式小店🤣餐廳又的確係帶給人有一種親切感，服務員好友善，雖然第一次去食，但都覺得好親切。首先叫咗餐牌必食嘅醬油拼盤，揀咗醬油蝦，我其實幾鍾意食生蝦，新鮮又鮮甜，醬油鮑魚彈牙又入味😋海鮮煎餅，呢個最好趁熱食，海鮮舖面，餅底都煎到脆脆地幾香口，不過凍咗就會冇咁脆，所以要盡快食。韓式牛肉飯卷非常足料，一口一飯卷，有一種好滿足嘅感覺。傳统泡菜阿朱媽炒年糕，呢個係比較辣少少，但係又忍唔住係咁食。原味炸雞，半份都幾大份，外層脆卜卜，新鮮炸起熱辣辣，肉質嫩滑。食韓國嘢就比較濃味，又有啲辣，飲番杯凍嘅桂花烏龍水果茶即刻透心涼。另外草莓牛奶又香又滑，配上蜂巢甜甜地夠晒特別，打卡仲好靚。

銅鑼灣韓大叔大排檔👨🏻🇰🇷韓風真係吹唔停(寒風都係🤣)，好想食啲辣辣地嘅嘢刺激吓，去銅鑼灣行大叔大排檔食泡菜國嘅嘢就啱晒。鍾意佢Menu夠多款式，醬油系列、煎餅、炸雞、熱湯、炒年糕、咩都有！想講店員👦🏻真係好好服務態度，又得意，下次要再黎搵你玩炸彈酒💣🔸海鮮煎餅一開4件有魷魚、青口，夾雜住椰菜絲、洋蔥、泡菜，點一點酸汁，好開胃😋🔸醬油鮑魚、醬油蝦呢度都有好幾款醬油海鮮，無叫最貴的醬油蟹，要左鮑魚同蝦，新鮮夠入味，無肚痾😆合格🤜🏻👍🏻🔸原味炸雞半份半份有4件啱我呢啲小型聚會，炸得香口無得輸！🔸泡菜海鮮豆腐湯🌶️🌶️呢個算係今晚最辣，仲要熱辣辣，泡菜湯個底真係唔惹少，但勝在真係好足料，差啲想叫個飯撈埋一齊食😆🔸韓式豬五花炒年糕🌶️呢款小辣味道帶點甜，年糕煙煙韌韌，幾好食😋🔸馬格利生米酒🍶店員會幫忙倒成4小樽，之後我哋自己再慢慢斟，亦都可以加配新鮮蜂巢，可惜我哋呢日無貨，如果唔係應該會再好飲啲！📍#韓大叔大排檔 (#銅鑼灣美食)銅鑼灣登龍街28號永光中心10樓

今日係TIMES SQUARE買完野，就去左隔離食街搵食，太耐冇去韓國，好想食韓國野，見到呢間好多款式，搞到我樣樣都想食。醬油蝦之前係韓國食過醬油蟹，醬油蝦就係第一次食，蝦肉肉質爽彈惹味，味道鮮甜。芝士炸雞 (全份)炸雞上面鋪滿芝士粉，雞肉嫩滑，仲可以配蜜糖芥末醬同辣雞醬，不過我覺得芝士味就已經好好食。泡菜煎餅麵糊不會太厚，食落非常有口感，啖啖都有泡菜明洞燒汁牛肉粉絲肥瘦均勻的牛肉片炒得惹味，有白芝麻、菇片、紅椒、青椒等等，口感十分豐富，明洞燒汁好惹味，粉絲非常有彈性，而不油膩泡菜海鮮豆腐湯泡菜味道又辣又清新，伴魷魚、泡菜、翠肉瓜等材料，味道夠辣。桂花烏龍水果茶桂花烏龍茶底真的很讚！水果茶亦夠大杯，水果味濃！

看見餐牌有醬油蝦和醬油鮑魚、於是點了一份來吃，蝦的鮮味和醬油混在一起，非常美味，肉質依然保持爽口、以醬油調味的鮑魚入口更加鮮美，肉質彈牙點了半份原味炸雞、外層酥脆、咬落多汁的口感，加上香氣四溢的炸雞香味，即叫即炸熱辣辣,十分惹味韓式熔岩芝士蛋卷、一層一層的蛋卷被熔岩般的芝士覆蓋、入口香滑帶點甜味、每一口都充滿了奶酪的香濃、口感豐富天氣突然轉冷，來一個牛肉石鍋飯、牛肉經過煎烤後，仍然保持嫩軟和多汁、加上特色嘅韓式醬同切了絲的蔬菜混埋一齊食，味道豐富有層次感紅葡萄柚子梳打，甜度適中，清新解渴這裏的環境就像置身於韓國一樣、適合三五知己吃吃喝喝、門口仲有靚靚打卡位

又係時候同老公去搵好嘢食、今次揀咗尼間新開冇幾耐啊韓國料理店、門口充滿韓式風味醬油蝦鮮甜爽口、鮑魚好大隻、醬油好入味加上鮑魚好彈牙、流心蛋可灑上芝麻和麻油就更加美味最喜愛食海鮮煎餅，煎得外皮香脆可口、海鮮材料豐富、食落充滿鮮味生菜豬腩肉、雖然豬腩肉比較肥，但包上生菜減去油膩感，腩肉香口、油脂香味留在口腔內原味炸雞（半份）咬落外層卜卜脆，炸漿不太厚、熱辣辣肉質鮮嫩美味韓式熔岩芝士蛋卷、蛋卷煎至金黃色，芝士在蛋卷上融化，入口充滿濃厚的奶酪風味。口感豐富美味

新開張1個月，有85折優惠，星期五入座率也有80-90％，menu清晰簡單，選擇跟一般韓式餐廳不多，但裝修、設計、擺盤等細節都可見有放心思。《原味炸雞》鮮嫩多汁，外皮香脆可口。全份包括：4隻雞中翼、2件上肶、2件雞槌。吃了3件，其中一件特別鹹，不過整體很好吃。《五花肉石鍋飯》本身是很標準的味道，但桌上那瓶韓國麻油絕對畫龍點睛！這種小細節正是看出店舖對自己的堅持！《芝士蛋卷》偏甜，沒有我期待的拉絲效果，不過味道其實可以。不是特別推薦但可以一試。---------------用餐期間店員很細心一直留意顧客所需，友善而熱情。剛好鄰桌點了燒酒/燒啤，看了一場「炸彈酒」小表演，氣氛熱鬧，絕對會再次到訪～ 也期待菜單能加入一些甜品選擇～

[ 韓大叔大排檔 ]銅鑼灣登龍街有好多餐廳，最近網上有人介紹呢間韓式🇰🇷大排檔，食物好多種類，有醬油海鮮、部隊鍋、韓式炸雞、韓式煎餅、石頭鍋飯、韓式炒年糕/炒粉絲/水冷麵等等。✿ 韓大叔醬油拼盤 $388 🦀🍤呢個拼盤好豐富，有原隻醬油蟹、2隻醬油鮑魚及2隻醬油蝦。鮑魚肉質鮮嫩彈牙，蝦肉飽滿爽口，蟹膏蟹肉滑溜鮮甜，連同醬油撈埋紫菜拌飯🍙一齊食仲可以索盡精華。韓國炸雞 🇰🇷🔥🐔✿ 原味炸雞(半份) $98半份炸雞份量正常，有雞上髀、雞下髀及雞中翼。外層炸粉薄而超脆，肉質嫩滑多汁帶點辣味，非常之惹味，想味道更有層次可以配韓式辣醬或蜜糖芥末醬。韓式煎餅✿ 海鮮煎餅 $88 🍕🐙🍤煎餅外層煎至金黃色，口感煙韌唔會太黏口，餡料有魷魚、蝦肉、韓式泡菜等，配埋辣魚露鮮味更突出。韓式炒年糕系列 ✿ 傳統泡菜阿朱媽炒年糕 $78好受歡迎嘅韓國小吃。條狀韓國年糕較幼身，份量十足。醬汁味道帶點酸辣，而且口感煙韌，愈食愈想食。韓氣推介✿ 人蔘雞湯(半份) $88 🐔🍲見天氣涼涼地飲返鍋人蔘雞湯暖下身。材料有人蔘、雞肉、糯米、栗子等，夠足料。雞肉煮得軟嫩，湯底濃郁，係傳統嘅味道。飲品🍹✿ Haitai青葡萄汁

今次同朋友去咗銅鑼灣食韓國菜，揀咗間叫做「韓大叔大排檔」嘅餐廳。入到去，見到佢嘅裝潢好有氣氛，令人好期待。我哋嗌咗幾款嘢食。首先，韓大叔醬油拼盤，有蟹、鮑魚、蛋同蝦。佢哋用醬油醃製，味道好香濃，令人食得好過癮。特別係蟹肉，肉質鮮甜，真係好好味。之後，我哋試咗泡菜海鮮豆腐湯。湯底醬香四溢，裡面有豆腐同海鮮，令湯嘅口感豐富。湯底嘅酸辣味道都好開胃，一啖落肚，真係好舒服。韓式豬頸肉係我哋一定要嗌嘅菜式之一。豬頸肉燒得好入味，肉質嫩滑多汁，配上韓式醬汁，味道更加豐富。好掛住嗰啲韓國味道嘅人，一定要試下呢個。原味炸雞係我哋另一個菜式，我哋嗌咗半份，再配埋蜜糖芥末同辣雞醬。雞肉炸得香脆，肉質好嫩，配上呢啲醬汁，味道更加出色。好適合嗰啲鍾意韓國辣味嘅人。泡菜煎餅係我哋另一個試食嘅選擇，煎得香脆，餅底有咗泡菜同辣魚露，增加咗味道層次。一啖落肚，啲酸辣嘅滋味好開胃。最後，我哋試咗紅葡葡柚子梳打。呢杯飲品清新而且有啲酸甜嘅口感，好清新。而韓國炸彈係啤酒同燒酒撞埋一齊，好正！「韓大叔大排檔」嘅嘢食味道好好食，份量都好足夠。服務員服務態度都好熱情，令我哋嘅用餐體驗更加愉快。如果有下次想食韓國嘢，我會再嚟！

同兩個朋友放工想搵個地方食個飯傾下計，無乜idea下，上網見到新開決定試下。餐廳喺食肆臨立嘅燈籠街，地理位置比較方便，餐廳都好有設計，真係好似韓式大排檔咁，有種好岩三五知己飲兩杯嘅感覺朋友仲有幾日結婚唔敢唔敢食醬油蟹，所以試唔到，叫左幾款常吃嘅韓式菜式，包括泡菜煎餅（$68）、韓式鰻魚飯卷（$98）、辣伴醬鮑魚水冷面（$108）同一個大叔部隊鍋（$148），同埋三杯飲品先講份量，每樣食物份量都比較細，我哋三個人叫左4樣野，食完好似都係食過野咁。韓式鰻魚飯卷只有6舊，感覺一般飯卷份量都好多，然後兩個面都係每人都係淺嚐，煎餅就分四小份味道方面就中規中矩，水冷面就爭啲而家做緊85拆，可能價值算ok? 但整體黎講燈籠街選擇多，可能再耐d至有下次大叔部隊鍋（$148）韓式鰻魚飯卷（$98）辣伴醬鮑魚水冷面（$108）泡菜煎餅（$68）

今次同韓國人妻到銅鑼灣登龍街食飯，她喜歡家鄉菜式，所以試吓新餐廳 韓大叔大排檔，入到去發覺原來全部都係小鮮肉，正呀！韓大叔餐牌簡單易明，遊客點餐都冇難度，仲有雞尾酒特飲、醬油冷盤、我們吃得很開心。韓式石榴覆盆子雞尾酒真露餐廳有多款 cocktail 選擇，特飲這杯用上韓式石榴覆盆子，小鮮肉幫忙混合製成，充滿夏日感，味道清新，口感順滑，每口都充滿韓國風的味道，還有真露酒味香濃。醬油蝦我喺香港好少食醬油蝦，味道鮮甜，用新鮮虎蝦配上韓式秘製醬油、辣椒，醬汁香濃，健康開胃主菜。配合汁醬，食落彈牙爽脆，亦帶點鹹香味。醬油飽魚飽魚十分大隻又新鮮，在韓式醬油汁包圍下，仍吃到飽魚應有的鮮甜鮮味，口感煙煙韌韌。放喺枱上聞到陣陣醬油香味，配菜有溏心蛋點綴，賣相十分不錯。紫菜拌飯紫菜香脆，拌飯食落不覺得滯。韓式豬五花炒年糕這個韓式豬五花炒年糕材料很豐富，韓式豬五花肥瘦均勻，看似很多辣醬，其實入口吃到一點甜辣，醬汁反而提升了豬五花的鮮甜肉味，跟炒年糕的香味很夾。配上炒年糕，十分有嚼勁，而味道少辣很惹味。韓大叔牛肉水冷麵牛肉新鮮爽彈，配埋水冷麵汁，加點生蒜片辣椒一齊食，好醒胃。

一年一度馬拉松式 #朋友飯聚 呢晚正式開始🤩 可能大家見我早兩個月喺 #韓國 樂而忘返，#飯聚 嘅第一餐就為我安排嚟到新開嘅 #韓式小店 韓大叔大排檔 試吓新嘢☺️ 餐廳裝飾以韓風為主調，一出lift門 #小秘書 已經被橫樑上七彩繽紛嘅燈籠吸引住👀全男班嘅餐廳服務員夠晒吸晴… 而且我仲留意到有個 #Oppa 有少少似「陳家樂」㗎，搞到我呢餐真係未食先醉🤣🤣 講返啲食物，當然賣點都係以韓式食物為主。服務員先為我哋送上 #韓式泡菜 做小食🤤 喺咁高興嘅日子，點可以少得 #韓式醬油食物？我哋分別點咗 #醬油蝦 同 #醬油鮑魚 做前菜🤤 #鮑魚 同 #蝦 嘅肉質好爽甜，配以淡淡嘅麻油香x 韓式醬油味道，正好令面前嘅海鮮食物變得更惹味🤤 跟住再嚟嘅有 #傳統泡菜阿朱媽炒年糕，#年糕 口感煙煙韌韌，味道辣辣地，好開胃🤤 #韓式牛肉飯卷 師傅已韓式反卷製作，將紫菜包喺入邊，外圍微微燒香嘅飯團，零舍香口🤤 #海鮮煎餅 材料豐富，而且師傅控制得火路非常好，海鮮跟脆脆嘅薄餅一齊入口，好有韓式風味🤤 嚟得韓式餐廳幫襯，又點少得 #炸雞 🍗 喎🤪 起初見佢咁大舊，心諗一定嚡熠熠😅 點知咬入口啖啖肉仲不知幾ju

朋友好耐冇食過韓國美食揀咗間銅鑼灣新開嘅韓式大排檔Menu 款式選擇多，仲好地道ღ醬油拼盤 $388拼盤一次過食到醬油蟹、蝦同鮑魚😍大大隻好入味唔會過鹹，將蟹肉撈埋紫菜飯食一流🤤ღ韓式豬手 $88豬手入口軟嫩，用菜包上配料同醬汁，好滋味😋ღ泡菜煎餅 $68煎餅煎得香口惹味，加上泡菜同魚露，味道層次豐富ღ 辣拌醬鮑魚水冷麵 $108平時食水冷麵，都係得少少配料呢碗有兩隻大大隻嘅鮑魚😍好軟嫩水冷麵麵質爽彈，拌上辣醬更美味🤤ღ人蔘雞湯 $88叫咗半份share食，軟嫩嘅雞肉再加入糯米、紅棗，清甜軟糯，滋補暖胃，好好飲😋ღ原味炸雞（半份） $98即叫即炸，熱辣辣🔥外脆內嫩好juicyღ草莓牛奶 $98入口好香好滑😍加上香甜蜂巢美味可口

由門口嘅燈籠，餐廳內嘅彩色圓櫈，窗台上嘅啤酒樽，牆壁上嘅poster等等，都好有韓國特色，佈置得好有心思。餐牌有好多選擇，我同朋友叫左:⭐炸紫菜卷$48⭐韓式關東煮(5款)$68- 紫菜卷同關東煮都比較特別我好少喺出邊食到⭐傳統泡菜阿朱媽炒年糕$78- 炒年糕夠曬辣，好惹味⭐芝士炸雞$98- 炸雞好脆口，仲有濃濃的芝士味⭐醬油鮑魚(3隻)$188⭐醬油蝦(4隻)$188- 鮑魚同蝦都大大隻，份量十足，夠曬醬油味⭐火山芝士熔岩飯$128- 好香濃嘅芝士，可以有拉絲嘅感覺，而且D飯好入味，推介⭐泡菜海鮮豆腐湯$98- 豆腐好滑，海鮮都夠多🍹🍹草莓牛奶(2人份)$98店員親善有禮，而且價錢都幾合理，值得推介👍