麵麵俱到

营业中

休息中

雞地食街成日嚟，但旁邊呢條小巷就比較少入去了，是日見谷友介紹有間麵店叫麵麵俱到，賣相唔錯，價錢又唔貴，一於嚟試下佢。店內只有一張長枱，約十個位左右，八點多來到都全店滿坐，等左陣先有位㗎。估唔到咁難搵嘅店舖位，都咁多人識嚟。⭐醬油慢煮豬軟骨配脆脆豬皮豚骨湯烏冬+溫泉蛋朋友點咗豚骨湯烏冬，見呢款烏冬冇溫泉蛋，於是就加咗一隻。上面有幾大件豬軟骨同埋唔少豬皮，十分豐富。豬軟骨炆得軟淋，豬皮又香又脆，豬骨湯底濃厚，烏冬煙韌，加上滑滑嘅溫泉蛋，真係好好食喎😋⭐溫泉蛋牛肩胛壽喜燒湯麵自己就揀咗壽喜燒湯麵，上面鋪滿牛肩胛肉片，有溫泉蛋，旁邊仲有唔少配菜，望落真係食香味俱全，顏色吸引。麵條爽口彈牙，壽喜燒湯底甜甜地同牛肩胛肉好配，好食到湯都飲曬👍⭐升級套餐兩碗麵都轉咗升級套餐一個要咗和風沙律，另一個就係唐揚炸雞，轉做餐有小食又有飲品，抵啲呀嘛。⭐椒鹽炸雞軟骨另外朋友仲叫咗款小食炸雞軟骨，炸得好香口，雞軟骨喔喔脆，好食喎🤤⭐津路烏龍茶 & ⭐波子汽水朋友戒甜就揀咗烏龍茶，自己就揀咗童年回憶嘅波子汽水，真係有好幾年冇飲過了。食咗咁多嘢都係人均消費100蚊左右，抵食啦😋

超正嘅日式小店「麵麵俱到」，食物好味又chill，平民價格但質感一流！王牌咖哩吉列豬排飯（套餐：烏龍茶＋沙律 @$15）呢碟咖哩吉列豬排飯真係王牌！豬排炸得金黃酥脆，外層喀滋，內裡嫩滑多汁，肉香滿滿。咖哩醬濃郁香辣，微甜微辣好開胃，掛喺飯同豬排上，食落好滿足！套餐仲有清爽沙律，酸酸甜甜解膩，烏龍茶清香順口，$15超值，食完覺得好抵！日式濃汁燴牛肋條壽喜燒湯烏冬（套餐：烏龍茶＋唐揚雞）呢碗壽喜燒湯烏冬係靈魂之作！讚岐烏冬煙韌彈牙，吸滿濃汁，入味到爆。牛肋條炆得軟嫩，唔會太腍，咬落有口感，掛上甜酸酸嘅日式濃汁，香到停唔下來！湯底用骨湯，鮮甜濃郁，好有靈魂！套餐配嘅唐揚雞炸得脆卜卜，雞肉juicy，配烏龍茶清爽解膩，整體好澎湃，超滿足！海苔薯條配黑松露醬海苔薯條真係驚喜！薯條炸得金黃酥脆，灑上海苔粉，帶點海味同鹹香，超香口。黑松露醬濃郁香滑，點薯條食好正，簡單但好有高級感，當小食一流！

禽晚收工帶同事舊地重遊～佢話以前住元朗都無發現呢間拉麵店今次叫日式濃汁燴牛肋條壽喜燒湯烏冬 $92牛肋條非常入味，炆得幾腍，烏冬煙韌，壽喜燒湯底甜度適中，唔錯王牌咖哩吉列豬扒飯 $78吉列豬扒外脆內juicy，炸粉唔算厚，咖哩汁都幾多，撈飯一流兩個主食都加左$20升級套餐～有汽水+唐揚炸雞唐揚炸雞上次食過已經好鍾意熱辣辣一啖爆汁，雞肉嫰滑海苔薯條加3蚊要埋黑松露醬 $28海苔薯條配黑松露醬都幾配，薯條口感都唔錯

2個人各嗌左一個碗拉麵，蝦拉麵同豬軟骨(定叉燒？)拉麵，加一個小食2碗既湯底都好味精....麵好淋.....蝦係爽脆冰鮮蝦.....唐揚炸雞似係CP雞粒炸返熱.....唯一正常既係豬軟骨，軟淋入味完全唔明點解咁多好評😅不過公道講句，環境同衛生幾好，舖頭位置喺巷仔所以唔會好嘈，所以用餐時算係幽靜感受良好，而且店員有禮貌，有留意顧客需要，我臨走時，唔小心漏低左野，佢都有追過黎提我拎返，所以印象唔錯。

元朗雞地小店林立，是不少街坊覓食好去處。小店座位不多只有一排吧檯，狹窄空間無阻區內學生來報到，垂吊於天花的和紙傘和富士山牆紙強調了日本主題，和傳統拉麵不同，店家麵底採用了香港的手工蛋麵和讚歧烏冬。——————————————————✨蟹肉海老鮮蝦味噌湯麵✨$78份量驚人，女生單吃配料已經半飽。手工蛋麵感受不到有什麼加成作用，類似伊麵的軟滑口感但沒有吸湯效果，蝦的鮮味未能融入當中，更何況湯底實際蝦味亦欠奉。爽彈蝦仁有挽回一點分數，筍絲亦沒有不討好的臭味，整體而言不過不失。✨ 醬油慢煮豬軟骨配脆脆豬皮豚骨烏冬✨$62欣賞軟腍入味的豬軟骨，脆豬皮在我角度是畫蛇添足，換成半顆味玉會更得我心。豚骨湯底同樣普通，兩碗麵的湯底和麵質都不突出但相比之下豬軟骨湯麵更符合主題，性價比亦更高。✨ 唐揚炸雞✨套餐加配$20連飲品整餐的高光點，熱氣騰騰的雞件外表乾爽，內裡仍然保持嫩滑多汁，油溫控制得宜。——————————————————從當日座無虛席甚至有人要落空而回的場面看來小店無疑憑實誠價格走入街坊的心。味道中規中矩，定然不是會讓我長途跋涉入元朗特意品嘗的滋味。店家在湯底和麵的處理不及配料用心，若然嚴格地

呢間麵麵俱到裝修好有日式風格，天花板掛左好多日式雨傘，店內亦掛咗好多日式燈籠，座位唔算多，但都坐得舒服。麵麵俱到麵全食套餐 配壽喜燒湯麵呢個麵超級豐富，入面有牛肋條、豬軟骨、豬皮脆脆、虎蝦同蟹肉等等，好多料，牛肋條煮得唔錯，唔太腍，亦都唔太韌，佢嘅湯底都好飲。蟹肉海老鮮蝦味噌湯麵套餐我好鍾意食蝦，叫咗呢個湯麵，佢嘅虎蝦彈牙，蟹肉幾鮮甜，而且有好多配料，感覺好豐富，個湯底都幾好飲，烏冬口感煙靭，唔錯。我哋加錢升級咗套餐，價錢都幾抵食，加$12有沙律同汽水，加20有唐揚炸雞同汽水。

走入元朗食咩好⁉️今日為食🐑去咗呢間日系風格嘅麵店，位置唔多但好爆場‼️店員推介食💖燒汁雞皮餃子 $28🥟果然係好食嘅，外皮煎到非常之香脆，入口Juicy識得爆汁，香口得來又唔會話十分之油膩，仲加咗少少辣粉，更香必食‼️🦀蟹肉海老鮮蝦味噌湯 $78呢度嘅麵配料非常之豐富，賣相好澎湃，湯底充滿蝦嘅香氣，有少少似食北海道蝦拉麵，主要鹹香味，個湯底入面仲加咗紫菜同埋炸蒜，增加風味，建議加少少辣更好食！🦐都算爽口，仲有好多蟹肉，食完勁滿足！🤎麵麵俱到麵全食 （牛肋條、豚軟骨、豬皮脆脆、虎蝦、蟹肉、鳴門卷、味付筍片、蔥花、紫菜絲、芝麻、炸乾蔥）🐃牛肉壽喜燒湯：充滿香濃嘅醬油味 ，牛肋骨肉質好腍，同時有少少口感，蛋麵彈牙有蛋味，全部嘢加埋一齊真係勁豐富，份量多到食唔晒，建議加$12可升級套餐，仲有充滿芝麻醬嘅日式沙律🥗同飲品！

元朗鳳攸南街(雞地)一帶有不少特色餐廳，而這間<麵麵俱到>人氣麵店絕對值得一試！🍜✨溫泉蛋牛肩胛壽喜燒湯麵 🥩🍳，壽喜燒湯底鹹甜平衡，濃郁卻不膩，牛肩胛片肉質嫩滑，帶有濃厚牛味，CP值極高。溫泉蛋滑順，蛋黃與湯頭融合後更添香濃，搭配 香港傳統手工蛋麵 🍜，蛋香濃郁，麵條筋性彈牙，完美吸收湯汁，使整體口感更有層次。配料如鳴門卷、筍片、蔥花、紫菜絲、芝麻、炸乾蔥，提升整體風味。麵麵俱到一面全食壽喜燒湯烏冬 🦀🍤，選料澎湃，包括牛肋條、豚軟骨、脆皮豬皮、虎蝦、蟹肉、鳴門卷，每種配料均精心烹調。牛肋條軟嫩入味，豚軟骨膠質豐富，豬皮香脆，虎蝦鮮甜，蟹肉細滑，讚岐烏冬煙韌彈牙，吸收湯汁後更添風味，每口都能感受到食材的精心搭配。此外，加 $20 即可升級套餐，包括炸雞🍗與飲品，性價比超高，絕對值得！😋✨

【🍜元朗麵麵俱到｜走到橫町拉麵烏冬小店🎥】元朗鳳攸南街食店林立，無論早午晚下午茶都人丁兩旺，食物亦幾多元化，今次行入少少去咗一間隱秘感重嘅拉麵店，好有日本橫町覓食感覺！.✴️麵麵俱到-麵全食 配壽喜燒湯麵大大碗，牛肋條豚軟骨表現出色，牛肋條炆得好香好好味，仲有超級多配料：豬皮脆脆超想添加、虎蝦、蟹肉、鳴門卷、筍片、蔥花、紫菜絲、芝麻、炸乾蔥再加溫泉蛋！揀咗香港傳統蛋拉麵，有筋性彈牙感，食起上嚟有咬口，而且吸晒啲湯汁和配菜嘅味道，仲有份蛋香！.✴️溫泉蛋牛肩胛壽喜燒湯烏冬牛肩胛片、溫泉蛋、鳴門卷、味付筍片、蔥花、紫菜絲、芝麻、炸乾蔥。揀咗烏冬麵，烏冬屬粗身，麵質較硬淨煙韌，湯浸住都唔會過份軟腍。.✴️加錢升級配沙律炸雞飲品

今日屋企阿媽冇煮飯，就想媽咪食日本嘅麵，經過一間充滿日本氣息嘅餐廳，就決定同媽咪入去一試！日式龍汁燴牛肋條壽喜燒湯烏冬$72入邊有牛肋條、鳴門卷🍥、筍片、蔥花、紫菜絲，芝麻，同炸乾蔥，湯底係好濃郁嘅壽喜燒湯汁，甜甜鹹鹹，牛肋條肉味很濃郁，而且唔會太韌，口感軟身，成個配搭充滿味蕾嘅衝擊。蟹肉海螺鮮蝦味噌湯烏冬$78入邊有好大隻虎蝦，蟹肉，鳴門卷🍥，蔥花，紫菜絲芝麻和炸乾蔥，隻虎蝦啖啖肉🦐，而且仲有啲蝦膏係入邊添，蟹肉份量很多，配搭其他配菜一齊食，簡直絕配，手打烏冬亦都很煙靭，鍾意食煙靭嘢嘅人一定唔可以錯過！炸雞連可樂$20（跟套餐）炸雞塊很大，外脆內軟一咬肉汁必晒出嚟，再飲一啖可樂非常之清新。日本波子汽水$20小時候最喜歡飲嘅就係波子汽水，味道清新，仲可以自己將波子整落去添麵麵俱到 (元朗)元朗鳳攸南街3號好順景大廈1座地下48號舖

我見朋友介紹話呢間日本野好好食🍜佢地個湯底好鮮甜，入面既配料都好足又好好食，仲有佢地可以揀烏冬同香港傳統手工蛋麵，食落去係煙煙韌韌，好有彈性，極力推薦🌟牛肉壽喜燒湯烏冬佢係用左讚岐烏冬食落去既口感煙韌，好有彈性，煮到連烏冬都好入味，而個湯底用骨湯🍜好鮮甜好足料，係一個有靈魂既湯底。入面既牛肉肉質嫩口，好有牛味好高cp值🥩仲有蟹肉，鮮蝦，炸蒜，紫菜等，超足料🌟蟹肉海老鮮蝦味增湯麵入面配料豐富有鮮蝦🦐蟹肉，櫻花蝦，炸蒜，筍，一望落去就好有胃口。入面既大蝦好爽口，而個湯底係味噌湯底，會有先鹹後回甘，成個湯底香味有北海道拉麵feel🍜呢個我揀左香港傳統手工蛋麵，食落去係有筋性彈牙仲有蛋香味，超推薦🌟原味波子汽水呢度竟然有童年回憶既波子汽水🥤呢個飲完真係會爽一爽，永遠無得輸

做完project同同學仔過咗元朗食呢間開喺巷仔都幾低調嘅拉麵小店「麵麵俱到 」 入到去呢原來係好似深夜食堂嗰種日式懷舊小店feel 🇯🇵🏮醬油慢煮豚軟骨配脆脆豬皮豚骨濃湯拉麵 $74豚軟骨🍖 入味炆得淋 脆辣豬皮🍖咬落咔嚓咔嚓. 似平時食燒腩仔皮咁 酥脆有口感. 浸咗湯會外軟內脆keep到d脆度同吸湯👏🏻 蟹肉海老鮮蝦味噌湯烏冬 $98味噌湯底有蝦鮮味🦐 先鹹後回甘. 似喺 北海道食嘅拉麵感. 飲落仲有少少辣辣哋七味粉味道. 不過又唔會太重口味. 同埋飲咗半碗湯都唔覺口渴. 烏冬掛湯 入味🍜 煙韌口感. 配料豐富有3隻 爽口 大蝦🦐仲有脆脆櫻花蝦🍤同炸蔥. 仲有鮮蟹肉🦀唔係用罐頭貨. 抵讚👍🏻燒汁雞皮餃子 $28第一次食呢款爆汁雞皮餃子🍗升級沙律套餐連罐裝汽水/礦泉水 +$12升級唐揚炸雞套餐連罐裝汽水/礦泉水 +$20

今次又入元朗食好西，位於小巷既日式小店係舊公司附近，都搵左一陣🤣🤣見佢menu啲食物款式好豐富咁，就同朋友一齊試吓😂😂😂🔵咖哩牛肉丼配溫泉蛋無論係咖喱定係牛肉 蘿蔔 薯仔都非常足料～配埋隻流心既溫泉蛋，口感非常滿足！咖喱迷必點😳🔵溫泉蛋牛肩胛壽喜燒湯麵燒過既牛肩胛再加口感濃濃既壽喜燒湯好正！！🔵七味唐揚嫩雞帶有七味粉既唐楊雞再點埋醬好滋味，一齊食就岩岩好～另外跟左揀左沙律套餐+野飲食左咁多肉類，食個沙律就唔會太膩！🫶🏻🫶🏻

前幾日落雞地食飯，呢間元朗街坊小店座位唔多，假日需要等位🙏🏼主打湯麵，有壽喜燒湯、蝦湯同埋豚骨湯🍲另外提供咖喱飯同埋小食✨ 最推薦係麵麵俱到-麵全食🍜揀咗香港傳統手工蛋麵，入口順滑而且有筋性彈牙👏🏻有蛋香味👍🏻 壽喜燒湯底味道微甜，陣陣醬油香氣，食落唔會好膩🤓 呢一碗配料勁豐富 ，牛肋條同豚軟骨軟腍適中，豬皮脆脆增強口感😆 另外配料仲有蟹肉、虎蝦、鳴門卷、味付筍片、蔥花、芝麻、紫菜絲、炸乾蔥，份量足👅另一碗揀咗蟹肉海老味噌蝦湯🍤呢碗主要係蟹肉同埋大蝦大蝦爽口彈牙，味噌湯鹹甜適中，湯底有啲似日式拉麵feel☺️配咗讚岐烏冬，口感幾煙韌同埋吸湯🙌🏻 加錢($12/20)仲可以升級套餐，有唐揚炸雞/沙律+飲品👍🏻 炸雞有驚喜，外皮香脆入面嫩滑🥰麵麵俱到-麵全食 $89蟹肉海老味噌蝦湯 $79

Yoho附近一條巷仔內暗藏一間新開麵食店！前身係日式小丸子店，裝修保留舊日滿滿和風元素，木質桌椅襯暖黃燈光，一入門就似跌進東京街角小館。必試王牌咖哩吉列豬排飯，厚切豬排炸到金黃酥脆，一刀切開肉汁微微滲出，配濃郁辛香嘅咖哩汁撈飯，鹹甜交織超惹味！黑椒牛肉柚子汁沙律配溫泉蛋份量驚喜，牛肉片嫩而不韌，柚子汁酸甜解膩，戳破流心溫泉蛋拌勻更添滑順。小食類七味唐揚嫩雞外脆內軟，七味粉帶微微辣勁；燒汁雞皮餃子最驚喜，脆卜卜外皮裹住軟嫩雞皮，咬開瞬間燒汁爆開！最後一份海苔薯條配黑松露醬，粗身薯條外層烤到微焦，蘸濃郁黑松露醬，鹹香衝擊味蕾。整體菜式精緻又飽肚，日式情調加創意搭配，街坊下午茶或輕食正餐都啱晒！