霸嗎拉麵 (屯門市廣場1期)

营业中

休息中

屯門日本過江龍拉麵又出新款！來自日本廣島拉麵店 今次又有新搞作限定就係：蒜山黑蒜醬油拉麵 $95重口味人士必試！拉麵上面佈滿蒜頭🧄望落都有幾十粒！蒜頭咬落都吾會太硬上面淋左少少黑蒜汁令到碗拉麵好香～加上濃厚既豬骨湯底 啲拉麵一般硬度入晒味好正😍辛辣炙燒豚肉味玉拉麵 $98呢個有辣度揀 我哋揀咗中辣 豚肉有好多肥膏咬落啖啖肉好正！最緊要係有粒溫泉蛋😍沙拉唐揚炸雞（5件） $38件件雞都新鮮炸魚勁香脆，再配埋沙律醬超級邪惡！辛口燒餃子（5件） $38表皮整到勁酥！餃子鎖住晒啲肉汁～辣汁勁惹味都幾辣青森縣富士蘋果酒 $18千葉縣和梨酒 $18霸嗎拉麵 (屯門市廣場1期) (屯門)屯門屯順街1號屯門市廣場1期3樓3233號舖

今期霸嗎拉麵大癲推介!!! 蒜山黑蒜醬油拉麵 !!!痴線~ 我一知道即刻叫埋我朋友一齊陪我去食呢個蒜之拉麵!!!蒜山黑蒜醬油拉麵 HK$95- 呢個拉麵一擺低~ 個陣黑蒜味已經香到不得之了!!! 而且黑蒜多到真係成個「蒜山」~!!! 身為蒜鬼的我~ 梗係覺得好鬼正啦痴線~佢個醬油湯頭都幾濃身~ 黑蒜油香濃厚~ 湯頭香濃得黎唔會乾喉~另外每粒蒜頭蒜香同高温油炸處理過熟成度剛好~ 有咬口亦帶有甜香感及蒜頭香味好足夠~ 因為叫左炸雞，所以我無再係個拉麵度ADD-ON加其實材料同配料~ 反而咁樣更加突出呢碗大癲拉麵之精彩之處~雞叉燒味玉雞白湯拉麵 HK$95- 雞白湯也是湯頭濃郁非常滑口~ 麵條掛滿湯汁~ 食落去有層次雞叉燒，厚身又大件~ 係霸嗎本身特色~!!! 溏心蛋不過不失~ 就是蛋香不太夠~ 燒汁唐揚炸雞 (5件+汁另上) HK$38-炸雞痴線地大大舊~ 一咬落去鮮嫩多汁~ 肉質相當滑~ 呢個真係必點推介~!!! 而呢度最好地方就係汁可以另上~ 我呢D唔鐘意多汁人士~就岩晒我啦~ KIRIN 一番搾 (1/2 PINT) HK$24真心~ 如果唔係食拉麵~ 黎飲杯啤酒加叫份炸雞都真係幾正

我又一次去霸嗎拉麵食嘢啦番工番左成日，梗係尹D好嘢食慰勞一下自己先啦，就去左屯門市中心霸嗎拉麵度食野，係大電視側邊既大直扶手電梯一上到去3樓就俾門口既期間限定拉麵宣傳廣告牌深深吸引住，俾碗蒜山黑醬油拉麵搞到我流曬口水🤪🤪🤪，上面有好多蒜頭。作為蒜頭fans既我梗係吾會錯過啦蒜山黑蒜醬油拉麵蒜頭超級好食，經過高温油炸處理過既蒜頭反而變得冇咁大陣蒜頭味，蒜頭上面淋左少少黑蒜计令到碗拉麵超級香。拉麵末上枱咋離遠已經被蒜香味深深吸引住，加上濃厚既豬骨湯底，簡直正到爆，冇得彈將近萬聖節，餐廳都佈置得好靚，好有萬聖節氣氛，雖然只係簡單佈置但係都值得一讚同埋服務員既招呼態度，環境清潔環生各方面都讚架咁先至係今時今日既服務態度

偶然到了这家拉面館，雖然地方不太大，但店里装修很特色，很有日本感觉。店员招待也很暖心，热情欢迎加上「冰水」，真是高级感觉。随意点了个雞白汤拉麵，吃后真的像到了东京一遊之感！！！正！！！！超级诚意推介！

好少喺香港食拉麵，因為好怕食到好似日本咁超級鹹。但係依一間就唔會有依種感覺，拉麵主要分雞叉燒同豚叉燒拉麵，落單時亦都可以自選少蔥、走蔥、走荀同麵質軟硬度👍🏻值得一讚同朋友都有分別叫雞同豚肉拉麵，再另外唐揚炸雞同餃子🥟湯底濃厚，豚肉整得好軟腍，唔會好難咬開或者好柴，而溏心蛋亦都無過熟，有流心效果👍🏻同行朋友食雞叉燒，見佢成碗成晒無剩就知道唔錯🤤🤤炸雞新鮮炸起外脆內軟，一咬仲爆汁。餃子就有做埋日本冰花效果👍🏻好好食期待佢有其他期間限定湯底，可以再食過👍🏻

今日星期一，晏晝放lunch就行咗上去屯門市廣場三樓果度尹野食，經過有一間叫霸嗎拉麵既餐廳，睇見一個店員招手叫我睇一睇個餐牌。店員好有耐心介紹左佢地餐廳有邊D 招牌拉麵 同埋期間限定嘅拉麵， 咁好啦，還掂諗吾到食D咩，就求其食一餐，於是就跟左個店員入左去食拉麵，店員都有用日本語 歡迎光臨 入去坐低左之後，店員就我用電話掃 二維碼落單 ，我想叫左碗 豚角拉麵食 ，由於店舖更新左落單電腦系統，我吾係好識用，店員耐心解答我既問題，有一種 賓至如歸既 感覺😊，食過咁多間餐廳以黎未試過有e種感覺， 由於我畀現金嘅關係，店員領導我行出去櫃檯 埋單畀錢，出餐效率都好快手，D豚角肥瘦適中， 食飽之後， 店員好有禮貌用日本語同我講多謝哂，下次再見我會再番黎食I will be back

返工午餐過左去屯市搵野食，比碟梅漬蕃茄慢煮雞胸冷沾麵吸引住，上面有好多雞胸，感覺涼浸浸應該幾正！梅漬蕃茄慢煮雞胸冷沾麵蕃茄超好食🌟🌟🌟梅漬過後蕃茄變得更甜，味道酸甜可口又開胃，側面嘅蕃茄汁用上新鮮蕃茄所以有種清香又不會太甜！麵份量好多，雞胸大大片，沾上少少汁已好好食！濃厚醬油豚角拉麵入面有好多豚角，肉煮得夠淋，有少少脂肪位所以好香。湯底好大陣肉香味，拉麵口感彈牙份量多👍🏻沙拉醬炸雞但係要等一陣先上枱，應該係新鮮即炸，炸粉好薄身而且香脆通透，沒有多餘粉漿。一咬落去好多肉汁。梅酒食日本野一定要有😎👍🏻少少地淺嚐已經好正！

今日朋友帶我嚟到屯門市廣場呢間 霸嗎拉麵🍜 話帶我嚟食佢新出嘅梅漬蕃茄慢煮雞胸冷沾麵 喜歡食沾麵嘅我二話不說就跟咗佢入去😆 入去坐低睇餐牌 原來仲有勁大個蕃茄😬 即刻點咗呢一個！再點埋其他嘢食 用QR code落單 快捷方便～ 先嚟嘅係飲品～綠茶可樂 $25係可樂味 加少少清新嘅綠茶味 好夠氣 食拉麵飲佢一流😌 雞叉燒味玉雞白湯拉麵 $95一上枱已經聞到佢嘅香味😍 兩件雞叉燒厚身又大舊 糖心蛋做得好出色👍🏻 雞白湯好香又唔會過鹹 幼拉麵配湯底啱啱好😋 梅漬蕃茄慢煮雞胸冷沾麵 $88主角出場😙 勁大個剝咗皮嘅蕃茄 配上六件慢煮雞胸 肉質食落幼滑唔會柴 沾埋呢個梅漬蕃茄汁 仲有啲蕃茄蓉喺入面 幼麵都做到掛汁效果😌 呢啲咁熱嘅天氣食 真係開胃好多👍🏻 羽根燒餃子 $35啱啱煎好就拎上枱 熱辣辣外脆內軟 咬開入面仲有汁😋 辛辣唐揚炸雞 +$18沙拉唐揚炸雞 +$18兩個拉麵都可以追加炸雞 叫咗兩個唔同嘅口味 炸雞好大嚿 炸得外脆入面仲有汁🤤 特別推薦辛辣味 辣得好香好過癮😬 柚子雪葩 $28最後仲追加咗呢個柚子雪葩 酸酸甜甜 食完拉麵再食個凍嘢真係一大享受😙 整體嚟講 呢間 霸嗎拉麵🍜 環境

本人於結帳時用商場現金卷付款（註：現金卷是用積分換購），收款姨姨回覆不能使用，因用現金卷後的餘額未達到個人最低消費金額（我已經一頭霧水）。我立即審視亦不見現金卷有任何條文說明此項，後經爭取，另一姨姨（不知是否上司）回應現金卷已經當是現金，不存在最低消費問題，因此可繼續使用。此事反映沒有員工訓練，隨口up當秘笈。另一次，商場app提供此店買一送一拉麵，我叫餐時，落單姨姨又是一臉厭棄的幫我落單，感覺我是R著數。我本身喜歡此店的食物，亦見此店已多做promotion去吸客，係一大好事，但員工服務令人體驗不佳同有壓力，因此香港食肆愈做愈差，此為一大原因。

霸嗎拉麵在香港有4間分店。今次去到屯門一試它家的拉麵。店內環境按照日式裝修設計，有很多日式燈籠，使餐廳有濃濃的日式氛圍。而且，用餐環境很乾淨。餐廳使用電子化下單，但服務員態度有禮又熱情。「炙燒豚肉味玉拉麵」湯底採用精選的豬骨同雞骨餚成，所以每一啖湯都好濃郁。拉麵的麵質偏向彈牙有咬口，而且十分掛湯。 它家的秘製叉燒採用上等豚肉，而且頗大塊，有咬口，以低溫慢火浸煮，之後再用明火炙燒。表面金黃焦脆，但內裡仍然鮮嫩多汁。玉子流心，有濃濃的蛋香味。吸引！

今日收工喺屯門市廣場搵野食，見到霸嗎拉麵新出咗蕃茄慢煮雞胸肉冷沾麵，啱晒最近咁熱嘅天氣，我就直接入去搵位等另一半黎，餐廳嘅裝修係好有日本feel，呢度除咗有拉麵之外，仲有石鍋飯食今日想試期間限定嘅蕃茄雞胸冷沾麵，所以就冇叫二人餐，如果唔係個二人餐都幾抵食辛口煎餃子餃子底部嘅薄脆煎得好香口，加埋蔥花同辣油，口感同味道層次豐富唐揚炸雞（沙律&辛辣）炸雞都係新鮮炸起，所以都做到外脆內嫩滑，仲有唔少肉汁，加上炸雞上嘅醬料，令到炸雞嘅味道更豐富，我就比較鍾意食沙律口味蕃茄慢煮雞胸冷沾麵沾麵嘅賣相好好，有六片慢煮雞胸肉，同一隻去左皮嘅蕃茄，蕃茄係凍凍地又有鹹鹹甜甜既味道，幾清新，而雞胸肉都幾嫩滑，又有少少嘅雞味，沾麵同沾麵湯係冰冰涼涼既，沾麵湯唔會好鹹，反而有少少蕃茄嘅酸甜味，幾岩夏天食，同埋個湯都幾杰身，掛麵一流辛辣炙燒豚肉味玉拉麵湯底除咗有辛辣味外，仲食到有濃濃嘅豬骨味，而且湯底有少少厚身，掛面一流，炙燒豚肉好厚身，有燒過嘅香味，豚肉帶有少少油脂，有少少入口即化既口感，另外糖心蛋嘅生熟程度控制得好好，又有醬油味

係屯門市廣場行完 一個人想搵嘢食 最後就選擇了這間拉麵店.看餐牌發現有一人餐 價錢跟散叫一碗拉麵差不多 所以便選擇了這個「不怕單一人前」🤦🏻‍♀️拉麵可6選1 我點了雞叉燒雞白湯拉麵配小食（2選1）唐揚炸雞2件同埋有罐裝汽水 $108拉麵湯底較為濃稠 雞白湯跟外面的雞白湯有點不同 不是打了泡奶白色的那種 麵較為幼身 但仍保留到咬口 不會是很腍的那種雞叉燒其實是雞卷再切成一塊塊 再燒香表面 如果不想吃平時普通的拉麵叉燒 可嘗試這一款 .唐揚炸雞上枱熱辣辣剛剛炸起 味道符合預期 配料檸檬汁 如果有埋沙律醬會更好

今日來到屯門市廣場，揀左來吃這家～霸嗎拉麵🍜裝修好正，成架拉麵車擺左入鋪入面咁，好有居酒屋氣氛，可以一邊坐著一邊睇到及感受到廚烹調拉麵的工架🔸濃厚豬骨豚肉玉子拉麵濃厚豚骨湯，脂肪及風味足夠，味道香淳且鮮味濃郁，增量的脂肪和膠質，吃起來有能將嘴唇黏起來的濃厚。加上一大片的脂肪量大足的厚切豚腩肉，玥現上自家製的拉麵，口感獨特，軟硬度適中。🔸醬雞叉燒味玉拉麵以雞骨慢火燉煮而成乳白色雞湯底，韻味溫和順口，且較為清爽。有兩片慢煮的雞肉叉燒，肥瘦均勻，而且雞叉燒再香煎過後才上枱，配搭玉子，味道濃郁且橙黃色的糖心蛋黃，相當吸引。🔸沙拉野菜炸餃子🥟平時比較常見的是煎餃子。而這家店同時有做日式炸餃子，再配上新鮮清爽西生菜同食，別有一番滋味🔸辛口唐揚炸雞（5件）辣的蘸汁可以分開上，大大件而且外皮香脆，炸衣混合咗黑胡椒及數款香料，內裏雞肉鮮 多汁， 雞肉喺你咬開嘅地方滲出嚟🔸🍎梳打酒🔸🍍梳打酒梳打酒偏果味重D，相對易入口，而且配炸雞，絕對是一種享受餐廳宜家仲做緊激賞祭，有唔同既優惠

平時係屯門都行過見到呢間裝修十分日式既拉麵店，有朋友食過都話唔錯，今次就自己試下。店員服務態度好好，亦好樂意介紹款式，服務周到。我叫左2款拉麵同小食。濃厚醬油豚角拉麵呢款湯底係比教濃厚,賣相都好特別，有一大塊紫菜。豚肉加埋油脂十分香，豚肉砌得好厚，口感一流。佢呢款油脂位會比教多所以都係香d。豚肉係熬煮過食落去好軟滑,入口即溶。拉麵既條質地偏向彈牙有咬口，都幾岩我心水。雞叉燒辛辣雞白湯拉麵呢款拉麵食落唔叫特別辣 ，比較少食辣既都可以試。佢既辣係岩岩好唔會太刺激。雞叉燒肉質好嫩又多汁，又厚肉，配料都好好味而麵條質地都係陣牙有咬口既感覺。唐揚炸雞佢呢款炸雞有幾款醬汁，有原味，辣汁，燒汁同沙拉。咁我就簡左燒汁，食落去好脆口，肉質十分鮮嫩同好多肉汁，即炸十分新鮮。玉子玉子好彈滑入面個流心程度十分好，蛋味濃厚。枝豆枝豆作為配菜都唔錯，配左少少黑椒同鹽，增加左少少野味羽根燒餃子賣相十分靚，食落去少脆脆地，餃子食落去多汁多料，十分不錯。裝修十分日式風味濃厚，店員服務好好，野食都唔錯，價錢不太貴，十分推薦。

好多日式燈籠，食物圖片及日本畫作令餐廳有濃濃嘅日式氛圍。餐廳採用二維碼落單，如有任何要求（例如: 吃較硬身嘅麵條），記得在落單時選取。一碗好食嘅拉麵最重要當然係湯底，湯底採用精選嘅豬骨同雞骨嚟餚成, 所以每一啖湯都好濃郁。雞叉燒味玉雞白湯拉麵雞叉燒軟嫩，厚切得嚟又肥瘦相間，麵條有咬口，雞白湯味道濃郁，成個配搭相當出色。炙燒豚肉味玉拉麵豚骨湯底，味道比雞白湯更為濃厚。秘製嘅叉燒採用上等豚肉，sides頗為大塊，脂肪和瘦肉均勻，以低溫慢火浸煮，之後再用明火炙燒增添焦香，微微嘅焦香，肉質鮮嫩，脂肪位置仲有入口即溶嘅感覺，吃起嚟過癮又滿足。唐揚炸雞炸雞好大件，外層炸至金黃酥脆，內裡嘅雞肉仍保持多汁嫩滑。沙拉野菜炸餃子一個新穎嘅配搭，炸餃子配上沙拉醬帶出清新嘅口感，餃子餡用咗唔少蔬菜，非常健康。綠茶雪糕濃郁嘅綠茶味，加上牛奶嘅軟滑，口感細膩，作為飯後甜品非常解膩。