霸嗎拉麵 (屯門市廣場1期)

最近成日都食中西餐，想转转口味食拉面，就叫左朋友黎霸吗拉面食晚餐🍜。地点方便，气氛放松，最重要系今晚想食返d重口味同暖胃既嘢，拉面就最岩啦！.辛辣炙烧豚肉味玉 $98 拉面一大碗上枱已经好有惊喜，汤底带辣但吾呛，香气有少少炙烧香同层次既辛味；面条弹牙够爽；笋切得适中，吸汤又有清脆口感；炙烧豚肉肥瘦相间，炙过表面带微焦香，油脂同瘦肉既比例好平衡，每啖都夹到肉既嫩同油香；味玉半熟溏心，酱香渗到蛋白入面，整体好满足又有份量👍🔥.鸡叉烧辛辣鸡白汤拉面 $95鸡白汤浓郁滑润，辛味温和地提升层次但吾会盖过鸡味；鸡叉烧系圆形既，几厚身，切开有肉汁，口感厚实但嫩滑；汤入面仲有木耳，带d爽脆，跟住吸d浓汤，好有口感对比，整碗食落去系温暖又有惊喜既组合🍗🌶️.羽根饺子 $35 日式饺子底部煎到金黄酥脆，形成一层轻薄如羽毛既缕空薄饼，入口第一口系脆既声音，跟住就系饺子内馅既多汁同香味，皮身同羽根既层次分明，口感好有特色，配埋少少醋同辣粉更提味🥟✨.沙拉唐扬鸡 $38大大粒既唐扬鸡球，外皮炸得脆身但吾油腻，一咬就爆汁，鸡肉嫩滑有汁，调味吾会太重，配搭埋沙律酱，好creamy🍗.Zero 可乐 $15 无糖既可乐带紧爽快既气泡感，cola味够，饮落去可以好好清走汤既油腻，特别系食完辛辣或者炸物之后，喉头即刻清爽返黎🥤❄️…查看更多

好耐冇食霸吗拉面，见佢出左新嘅期间限定拉面，决定试吓。鸭肉葱拉面 $118鸭肉有6-8块，份量十足，包你每食一啖面都配到1块鸭肉，而且口感嫩滑，好足鸭味，钟意食鸭嘅一定要试吓。另外值得一赞嘅系个汤底，味道浓郁但唔会过于油腻。面底亦唔会太淋，配搭埋大葱一齐食一流。炙烧豚肉拉面 $90霸吗常驻拉面，旧豚肉厚过我个面皮，炙烧到外焦内嫩，充满罪恶感。汤底方面会比起鸭肉葱拉面稍微浓厚，但依然保持到平衡。面底都系差唔多，同笋干一齐食令口感丰富唔少。照烧饺子 $38之前几次食都未食过照烧饺子，今次终于试咗，发现有惊喜。饺子外皮脆，内馅丰富多汁，配搭埋照烧酱嘅甜味，仲有少少芝麻，令到每一啖都包含住唔同嘅味道层次。信州苹果梳打 $28平时去亲日本旅行都会饮呢只梳打，宜家唔洗去日本，去霸吗拉面都饮到，钟意食日本苹果都会知道信州啲苹果有几好食，呢枝梳打保留到苹果嘅甜味之余加埋碳酸嘅爽感，夏天饮真系一流。可乐 $15经典口味可口可乐，味道相信唔使我多做介绍，如果你咁都未饮过，一系你就古代穿越过嚟，一系你就系外星人。霸吗拉面 (屯门)屯门屯顺街1号屯门市广场1期3楼3233号舖…查看更多

开业多年，系来自日本广岛既拉面店🍜，久唔久就会食下😂系我既保险之选。今次屯市食，位置多，店内外都有位，外面环境大啲，坐得舒服啲。-💕 「期间限定❣️」煮干鱼介豚骨拉面 $108加配+沙拉唐扬炸鸡(2件/$18)👅好味指数：8/10面层铺满洋葱粒、京葱、鱼干😳汤底充满鱼介、铿鱼香味，鱼香>豚骨味，再有葱同胡椒粉带岀微微清香，增加层次又减低油腻感，依款比较食个鱼味而唔系食重豚骨味，平时钟意食鱼干🐟零食😂可以一试！沙拉唐扬炸鸡，大大件😚外脆内软，好juicy爆哂汁，沾沙拉酱特别惹味好食🩷-💕 炙烧豚肉味玉拉面 $95加配+厚切豚肉（1件/$20）👅好味指数：8.5/10望落清淡，食落香浓浓郁🥰，汤底以猪胫骨、猪背骨熬制而成🍜，豚肉味浓厚，炙烧豚肉烧到好香，肥瘦相隔又好厚肉嫩滑，忍唔住追加左件！面叫左硬面，烟韧又挂汁👍🏻-💕 辛口辣饺子 $35👅好味指数：8/10皮薄脆煎到金黄色，肉汁多😋，饺子🥟面层落左辣椒油同粉，辣度中上级，怕辣可以叫其他口味。-💕 zero $15-环境：8/10服务：8/10整体味道：8/10回头率：8/10…查看更多

今次专登山长水远走入屯门，就系为咗霸吗拉面嘅期间限定！果然无令人失望，由汤底到配料都感受到心思，今次就同大家详细分享下。🍜【主角一：煮干鱼介豚肉拉面 (期间限定)】 4.8/5👉 汤底：一上枱，个鼻就已经俾个种浓郁嘅鱼干香气攻陷！汤色系深邃嘅琥珀色，饮一啖，系非常纯粹嘅煮干（小鱼干）鲜味，层次好丰富，由初入口嘅鲜甜，到喉咙回味嘅甘香，一气呵成。最夸张系佢嘅浓稠度，用汤匙舀起再倒落去，真系见到汤身可以挂系碗边，真材实料无得呃！👉 豚肉：放弃咗常见嘅薄切叉烧，改用厚切慢煮豚肉，呢个决定非常正确！肉质极之松化，脂肪同瘦肉比例完美，入口真系有种融化感，而且佢个面烧过，带微微焦香，同鱼介汤底出奇地夹，完全无违和感。👉 面条：拣咗中太面，口感烟韧，挂汤能力一流，每一条面都索满鱼介精华，正！🌶️【主角二：鸡叉烧味玉辛辣鸡白汤拉面】 4.5/5👉 汤底：鸡白汤底本身已经非常醇厚，带住胶质感，再加入自家制辣油，辣度温和唔呛喉，反而带出咗汤底嘅深度，香而不燥，好适合钟意惹味但又怕太刺激嘅朋友。👉 鸡叉烧：呢个系全场第二大惊喜！平时食开豚肉叉烧，估唔到鸡叉烧可以做到咁嫩滑多汁！有轻轻炙烧过，迫出咗鸡油嘅香气，口感软淋到差啲以为自己食紧和牛，真心推荐！👉 味玉 (溏心蛋)：腌得入味，蛋黄呈完美嘅琥珀色流心状态，一笃穿，蛋浆流出嚟捞埋辣汤一齐食，邪恶度爆表！🍗【小食双雄：辛辣唐扬炸鸡 + 辛口烧饺子】👉 辛辣唐扬炸鸡：外层炸粉超薄，咬落去「咔嚓」一声，跟住系澎湃嘅肉汁涌出！腌料带微辣，非常开胃，唔点任何酱汁已经非常好食。👉 辛口烧饺子：饺子底煎得金黄香脆，好似食紧薯片咁脆！肉馅加入咗辣味噌，味道浓郁，点少少醋食可以平衡返油腻感，惹味之选。🍾【饮品配搭】· 波子汽水：童年回忆返晒嚟！冰冻清爽，波子「叮」一声跌落樽底，即刻有种仪式感，完美中和拉面嘅浓味。· 清新富士苹果酒：轻甜，气泡感细致，苹果清香好突出，好啱女仔，同浓味拉面形成绝妙对比。回头率 ：80%…查看更多

霸吗拉面今次介绍喺屯门市广场1期3楼有一间拉面店叫「霸吗拉面」，呢间拉面店入面唔算好大，但都好欢迎轮椅人士入去食拉面，商场出面都有户外位可以坐，户外位阔落好多，商场户外位又唔洗吹风同暴晒，坐嘅地方多咗一个选择！1.炙烧豚肉拉面$90+日本抹茶雪糕$28+零系可乐$8（10/10）呢碗炙烧豚肉拉面个豚肉简直入口即溶，只有一大旧豚肉，拉面好弹牙，汤底好浓稠，笋粗幼切得啱啱好，必叫之选！日本抹茶雪糕都系必叫之选，雪糕好香滑，抹茶味非常香浓，正！2.鸡叉烧辛辣鸡白汤拉面$95+辛辣唐扬炸鸡（2件）$18+雀巢柠檬茶（罐装）$8（10/10）呢碗鸡叉烧辛辣鸡白汤拉面个鸡叉烧好大旧，有两大旧鸡叉烧，口感厚实同嫩滑，仲有一粒溏心蛋同木耳，汤底都算几辣，拉面好弹牙，钟意食辣嘅你，可以试下呢碗拉面！辛辣唐扬炸鸡估唔到都几辣，咬落好脆，鸡肉肉质嫩滑有汁，必叫之处！3.麒麟一番榨（大杯）$46（10/10）食完拉面同炸鸡当然唔少得饮返杯，麒麟一番榨无得输！2人总共价钱$296个人口味总评分：10/10@bariumahk 地址：屯门屯顺街1号屯门市广场1期3楼3233号舖Please follow me🙆‍♂️ @wheelchaireatinhongkong 如果钟意我嘅分享，麻烦请follow我，仲有记得Like同Share！🙏🏻🙇🏻‍♂️#霸吗拉面 #拉面店 #屯门 #屯门好去处 #屯门美食 #香港美食 #无障碍餐厅 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多