霸嗎拉麵 (屯門市廣場1期)

最近成日都食中西餐，想轉轉口味食拉麵，就叫左朋友黎霸嗎拉麵食晚餐🍜。地點方便，氣氛放鬆，最重要係今晚想食返d重口味同暖胃既嘢，拉麵就最岩啦！.辛辣炙燒豚肉味玉 $98 拉麵一大碗上枱已經好有驚喜，湯底帶辣但吾嗆，香氣有少少炙燒香同層次既辛味；麵條彈牙夠爽；筍切得適中，吸湯又有清脆口感；炙燒豚肉肥瘦相間，炙過表面帶微焦香，油脂同瘦肉既比例好平衡，每啖都夾到肉既嫩同油香；味玉半熟溏心，醬香滲到蛋白入面，整體好滿足又有份量👍🔥.雞叉燒辛辣雞白湯拉麵 $95雞白湯濃郁滑潤，辛味溫和地提升層次但吾會蓋過雞味；雞叉燒係圓形既，幾厚身，切開有肉汁，口感厚實但嫩滑；湯入面仲有木耳，帶d爽脆，跟住吸d濃湯，好有口感對比，整碗食落去係溫暖又有驚喜既組合🍗🌶️.羽根餃子 $35 日式餃子底部煎到金黃酥脆，形成一層輕薄如羽毛既縷空薄餅，入口第一口係脆既聲音，跟住就係餃子內餡既多汁同香味，皮身同羽根既層次分明，口感好有特色，配埋少少醋同辣粉更提味🥟✨.沙拉唐揚雞 $38大大粒既唐揚雞球，外皮炸得脆身但吾油膩，一咬就爆汁，雞肉嫩滑有汁，調味吾會太重，配搭埋沙律醬，好creamy🍗.Zero 可樂 $15 無糖既可樂帶緊爽快既氣泡感，cola味夠，飲落去可以好好清走湯既油膩，特別係食完辛辣或者炸物之後，喉頭即刻清爽返黎🥤❄️…查看更多

好耐冇食霸嗎拉麵，見佢出左新嘅期間限定拉麵，決定試吓。鴨肉蔥拉麵 $118鴨肉有6-8塊，份量十足，包你每食一啖麵都配到1塊鴨肉，而且口感嫩滑，好足鴨味，鍾意食鴨嘅一定要試吓。另外值得一讚嘅係個湯底，味道濃郁但唔會過於油膩。麵底亦唔會太淋，配搭埋大蔥一齊食一流。炙燒豚肉拉麵 $90霸嗎常駐拉麵，舊豚肉厚過我個面皮，炙燒到外焦內嫩，充滿罪惡感。湯底方面會比起鴨肉蔥拉麵稍微濃厚，但依然保持到平衡。麵底都係差唔多，同筍干一齊食令口感豐富唔少。照燒餃子 $38之前幾次食都未食過照燒餃子，今次終於試咗，發現有驚喜。餃子外皮脆，內餡豐富多汁，配搭埋照燒醬嘅甜味，仲有少少芝麻，令到每一啖都包含住唔同嘅味道層次。信州蘋果梳打 $28平時去親日本旅行都會飲呢隻梳打，宜家唔洗去日本，去霸嗎拉麵都飲到，鍾意食日本蘋果都會知道信州啲蘋果有幾好食，呢枝梳打保留到蘋果嘅甜味之餘加埋碳酸嘅爽感，夏天飲真係一流。可樂 $15經典口味可口可樂，味道相信唔使我多做介紹，如果你咁都未飲過，一係你就古代穿越過嚟，一係你就係外星人。霸嗎拉麵 (屯門)屯門屯順街1號屯門市廣場1期3樓3233號舖…查看更多

開業多年，係來自日本廣島既拉麵店🍜，久唔久就會食下😂係我既保險之選。今次屯市食，位置多，店内外都有位，外面環境大啲，坐得舒服啲。-💕 「期間限定❣️」煮干魚介豚骨拉麵 $108加配+沙拉唐揚炸雞(2件/$18)👅好味指數：8/10面層鋪滿洋蔥粒、京蔥、魚乾😳湯底充滿魚介、鏗魚香味，魚香>豚骨味，再有蔥同胡椒粉帶岀微微清香，增加層次又減低油膩感，依款比較食個魚味而唔係食重豚骨味，平時鍾意食魚乾🐟零食😂可以一試！沙拉唐揚炸雞，大大件😚外脆內軟，好juicy爆哂汁，沾沙拉醬特別惹味好食🩷-💕 炙燒豚肉味玉拉麵 $95加配+厚切豚肉（1件/$20）👅好味指數：8.5/10望落清淡，食落香濃濃郁🥰，湯底以豬脛骨、豬背骨熬製而成🍜，豚肉味濃厚，炙燒豚肉燒到好香，肥瘦相隔又好厚肉嫩滑，忍唔住追加左件！麵叫左硬麵，煙韌又掛汁👍🏻-💕 辛口辣餃子 $35👅好味指數：8/10皮薄脆煎到金黃色，肉汁多😋，餃子🥟面層落左辣椒油同粉，辣度中上級，怕辣可以叫其他口味。-💕 zero $15-環境：8/10服務：8/10整體味道：8/10回頭率：8/10…查看更多

今次專登山長水遠走入屯門，就係為咗霸嗎拉麵嘅期間限定！果然無令人失望，由湯底到配料都感受到心思，今次就同大家詳細分享下。🍜【主角一：煮干魚介豚肉拉麵 (期間限定)】 4.8/5👉 湯底：一上枱，個鼻就已經俾個種濃郁嘅魚干香氣攻陷！湯色係深邃嘅琥珀色，飲一啖，係非常純粹嘅煮干（小魚乾）鮮味，層次好豐富，由初入口嘅鮮甜，到喉嚨回味嘅甘香，一氣呵成。最誇張係佢嘅濃稠度，用湯匙舀起再倒落去，真係見到湯身可以掛係碗邊，真材實料無得呃！👉 豚肉：放棄咗常見嘅薄切叉燒，改用厚切慢煮豚肉，呢個決定非常正確！肉質極之鬆化，脂肪同瘦肉比例完美，入口真係有種融化感，而且佢個面燒過，帶微微焦香，同魚介湯底出奇地夾，完全無違和感。👉 麵條：揀咗中太麵，口感煙韌，掛湯能力一流，每一条麵都索滿魚介精華，正！🌶️【主角二：雞叉燒味玉辛辣雞白湯拉麵】 4.5/5👉 湯底：雞白湯底本身已經非常醇厚，帶住膠質感，再加入自家製辣油，辣度溫和唔嗆喉，反而帶出咗湯底嘅深度，香而不燥，好適合鍾意惹味但又怕太刺激嘅朋友。👉 雞叉燒：呢個係全場第二大驚喜！平時食開豚肉叉燒，估唔到雞叉燒可以做到咁嫩滑多汁！有輕輕炙燒過，迫出咗雞油嘅香氣，口感軟淋到差啲以為自己食緊和牛，真心推薦！👉 味玉 (溏心蛋)：醃得入味，蛋黃呈完美嘅琥珀色流心狀態，一篤穿，蛋漿流出嚟撈埋辣湯一齊食，邪惡度爆錶！🍗【小食雙雄：辛辣唐揚炸雞 + 辛口燒餃子】👉 辛辣唐揚炸雞：外層炸粉超薄，咬落去「咔嚓」一聲，跟住係澎湃嘅肉汁湧出！醃料帶微辣，非常開胃，唔點任何醬汁已經非常好食。👉 辛口燒餃子：餃子底煎得金黃香脆，好似食緊薯片咁脆！肉餡加入咗辣味噌，味道濃郁，點少少醋食可以平衡返油膩感，惹味之選。🍾【飲品配搭】· 波子汽水：童年回憶返晒嚟！冰凍清爽，波子「叮」一聲跌落樽底，即刻有種儀式感，完美中和拉麵嘅濃味。· 清新富士蘋果酒：輕甜，氣泡感細緻，蘋果清香好突出，好啱女仔，同濃味拉麵形成絕妙對比。回頭率 ：80%…查看更多

霸嗎拉麵今次介紹喺屯門市廣場1期3樓有一間拉麵店叫「霸嗎拉麵」，呢間拉麵店入面唔算好大，但都好歡迎輪椅人士入去食拉麵，商場出面都有戶外位可以坐，戶外位闊落好多，商場戶外位又唔洗吹風同暴曬，坐嘅地方多咗一個選擇！1.炙燒豚肉拉麵$90+日本抹茶雪糕$28+零系可樂$8（10/10）呢碗炙燒豚肉拉麵個豚肉簡直入口即溶，只有一大舊豚肉，拉麵好彈牙，湯底好濃稠，筍粗幼切得啱啱好，必叫之選！日本抹茶雪糕都係必叫之選，雪糕好香滑，抹茶味非常香濃，正！2.雞叉燒辛辣雞白湯拉麵$95+辛辣唐揚炸雞（2件）$18+雀巢檸檬茶（罐裝）$8（10/10）呢碗雞叉燒辛辣雞白湯拉麵個雞叉燒好大舊，有兩大舊雞叉燒，口感厚實同嫩滑，仲有一粒溏心蛋同木耳，湯底都算幾辣，拉麵好彈牙，鍾意食辣嘅你，可以試下呢碗拉麵！辛辣唐揚炸雞估唔到都幾辣，咬落好脆，雞肉肉質嫩滑有汁，必叫之處！3.麒麟一番榨（大杯）$46（10/10）食完拉麵同炸雞當然唔少得飲返杯，麒麟一番榨無得輸！2人總共價錢$296個人口味總評分：10/10@bariumahk 地址：屯門屯順街1號屯門市廣場1期3樓3233號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#霸嗎拉麵 #拉麵店 #屯門 #屯門好去處 #屯門美食 #香港美食 #無障礙餐廳 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

今晚去屯門市廣場的「霸嗎拉麵」晚餐，主打日式拉麵料理，餐廳設計有傳統日式居酒屋風味，店內和店外都有座位，不用等位太久就入座了。我們點了有日式特色的波子汽水$20，很久沒有喝了，想起兒時有得玩有得飲的回憶。汽泡令人清爽醒神，甜度適中，稍後配濃味的拉麵最舒服。清新富士蘋果酒$18，蘋果香為主調，果汁味濃，酒精濃度只有3%不會醉，入口柔和，配油脂豐富的拉麵，又可平衡口感。主食點了期間限定的煮干魚介豚肉拉麵$108，厚身的湯底以小魚乾與豬骨熬製，魚乾味鮮香濃郁，鹹香中帶甘甜，好好味！豚肉是厚切的五花肉，豬肉香配上調味粉，油脂香氣四溢，肉質軟滑。麵條硬度適中有嚼勁，吸附湯汁，整體味道濃厚，魚香滿滿。炙燒豚肉味玉拉麵$95，是店內招牌菜，湯底濃郁有紅燒醬油香，豚肉炙燒過，金黃色外層，油脂香氣更突出。味玉即是鹵水蛋，入味得來，蛋白不會太老，蛋黃流心，滑順口感，很好吃啊！吃得慢，麵條仍保持彈性，不會發水變軟，很喜歡！來個小食炸雞五件$38，外皮酥脆，內裡多汁，油炸火候得宜，不見過多油脂。雞肉鮮嫩，適合搭配酒類飲品，與朋友一起分享。綜合而言，這裡的拉麵湯水準很高，期間限定拉麵美味難忘，展現出日式拉麵的用心。職員服務十分有禮，吃過會回頭，怪不得門庭若市！…查看更多

去屯門行街行到攰要食嘢😂 係中庭大電視位置一望上去🤩有霸嗎拉麵 正👍🏻好耐冇食啦，又係時候去食下 同朋友每人叫咗一款拉麵再加兩個小食🤤唔使加一，真係特別抵食😉炙燒豚肉味玉拉麵： 最經典嘅味道，超濃郁嘅豬骨湯，麵條柔軟吸晒D湯汁，仲有原隻流心蛋，真係好正。我主要想食拉麵😂所以呢碗只有一塊豚肉就岩曬我碗口特盛炙燒豚肉拉麵：我朋友食肉獸😂叫呢款真係岩曬！ 4大塊厚過手指嘅豚肉，D邊仲有少少焦香，好惹味。呢碗食完真係大滿足😌唐揚炸雞：炸雞每一塊都好大🤩 咬落去仲有好多肉汁🤤雞肉嫩滑，好juicy 羽根燒餃子：日式餃子，細細隻，但係面果層皮好香脆，如果連餃子都再煎燶D就更加正啦店舖裝修亦好有日本feel 👍🏻拉麵又大碗仲唔使加一，好味又抵食🤩…查看更多

屯門市廣場 1 期 3 樓的「霸嗎拉麵」，是逛商場時填飽肚子、解饞的絕佳選擇。店面走日式簡約風格，座位不算多但整潔有序，飯點雖需短暫等候但翻台速度快，不用耗費太多時間等位。點了招牌炙燒豚肉醬油拉麵，湯底濃郁醇厚，鹹香度恰到好處不齁鹹。自製麵條彈勁十足又滑潤，裹著湯汁入口超入味。炙燒豚肉肥瘦均勻，肉質軟嫩不柴，搭配半顆糖心蛋，蛋黃綿密流心，口感層次相當豐富。桌上提供免費芝麻、蒜粉等配料可自助添加，蒜粉撒入湯中能讓香氣更突出。人均 80 多港幣，還能選擇下午茶套餐，搭配飲品與羽根餃子等小食，性價比頗高。服務麻利不拖沓，拉面上桌時依舊冒著熱氣，逛累了來一碗暖心又管飽，是值得回購的商場美食。…查看更多

拉麵店位於屯門市廣場，室內和室外裝修都充滿日式風味，用餐環境輕鬆自在。雞叉燒雞白湯拉麵 湯底濃郁鮮味，滑嫩的雞叉燒散發著雞肉的鮮香，麵條幼滑而有彈性，配以爽脆木耳絲，口感豐富有層次。石鍋燒豚肉飯 飯粒在熱熱的石鍋中滋滋作響，飯粒軟熟，飯焦香脆，豚肉油香而不肥膩。唐揚炸雞金黃色脆香炸漿包著嫩滑多汁的雞肉，熱辣辣香脆可口。羽根燒餃子 外皮薄脆而帶有焦香，和餃子鮮味餡料形成對比，帶出風味口感。南瓜薯餅外層金黃酥脆，南瓜蓉內餡是鬆化軟糯的南瓜泥和薯蓉，滋味香甜。總的來說，餐廳食品製作認真，令人回味。…查看更多

14：00坐低自助下單首先掃code掃好耐先入到，order好按確認下單，平時正常咁樣已經落左單，我唔會知道你之後仲要等load完彈出來叫我比錢先，按完確認我已經以為落左單，你個系統又load得慢，之後見隔離枱遲我落單餐飲已到，我再掃code想睇吓張訂單，又係等好耐先入到，但完全唔見有訂單，問一位女職員，對答完全無尾音極之無禮貌，職員：呢度不嬲要比左錢先叫落左單。。(我第一次來點會知？？帶位坐低你有同我講咩？？)跟住就行左去。咁我咪再落過，又等好耐先入到落單，跟住確認唔到顯示稍後再試。重覆幾次唔得，再叫個位女職員，佢亦係用極之不耐煩語氣同我講你電話咁樣我地幫你落，吓？我電話點樣呢？你系統問題關我事？叫我去櫃台落終於落到單14：20，一路等等等14：40到碗麵，我叫二人餐有麵有小食，首先個二人餐係有兩碗麵，一個枝豆，一個小食，選配料，兩罐飲品問題來啦，到底係我理解錯定咩？配料不是for碗麵咩？配料寫住：蔥／粟米粒／味荀／海苔／味玉但我碗麵來到已經食完，追你先再上枝豆+一碗粟米粒比我枝豆睇住追佢先見直接在煲中拎，根本一早可以出唔洗煮，粟米粒我真係笑左，請問如果我選配料係蔥，係咪會直接上一碗蔥比我？問題係我碗麵已經全部食哂淨食粟米粒都話，蔥淨食？？完全唔理解，真係以後唔會來，食到成肚氣…查看更多

日式拉麵以麵條和湯底醬汁多樣性的特色，受到香港人的歡迎。這間位於屯門市廣場的拉麵店，麵食和小吃都很具特色，口感的多樣性也增加了飲食的欒趣。炙燒豚肉味玉拉麵湯頭濃郁鮮美，炙燒的豚肉外層焦香，肉質嫩滑多汁，增添了燻香味道，拉麵煙韌彈牙，爽滑得來有嚼勁，日式溏心蛋吸收醬汁，口感豐富，加添了拉麵的風味。石鍋燒豚肉飯熱騰騰的熱鍋保留飯粒的爽彈和豚肉的肉汁，底部微焦的米飯帶來香脆口感，加上醬汁，令味道更加豐富。唐揚炸雞外皮炸得酥脆，雞肉嫩滑多汁，調味恰到好處，吃得滋味。南瓜薯餅酥脆可口，香甜的南瓜和幼骨薯仔互相配合，帶來甜滑鬆化的口感。…查看更多

霸嗎拉麵 |《🍜鴨葱拉麵限定惹味推介》❣鴨。葱拉麵期間限定，主角鴨肉啖啖肉，葱份量足，拉麵香口惹味，湯底濃郁好入味。❣雞叉燒味玉雞白渴拉麵雞肉滑嫩唔會鞋口，配埋半熟糖心蛋，蛋汁流心，食落滿足。❣羽根餃子底部脆皮薄薄一層，香脆好有口感，係食拉麵最佳配搭。❣野菜大量豆芽菜，食落清爽，可以中和返拉麵嘅咸味，配搭啱啱好。⋆˖ ┈︎┈︎┈︎┈┈︎ ᵕ୨♡︎୧ᵕ ┈︎┈︎┈︎┈┈︎ ˖⋆🤍🩶總結🩶🤍餐廳位於屯門市廣場，坐得舒服，拉麵可以按自己喜好揀軟硬同油份，價錢合理抵食。套餐仲有小食同汽水，份量夠大，食完好有滿足感，朋友聚餐一流🍜✨。…查看更多

一入到去呢間日本拉麵店，感覺好乾淨舒服，裝修走簡約和風路線，用咗木色同暖黃燈光，氣氛幾溫馨，好似真係去到日本細細間食堂咁。鴨•葱拉麵：湯底香濃得嚟唔油膩，鴨肉嫩滑，蔥花帶出清新感。羽根餃子：外皮煎得金黃香脆，仲有脆卜卜羽根邊，餡料多汁，口感一流。炙燒豚肉味玉拉麵：豚肉片炙燒後帶焦香，入口即溶，配埋溏心蛋＋濃郁湯底，超滿足。沙拉唐揚炸雞：外脆內嫩，唔會太heavy。靜岡密瓜蘇打：翠綠色超吸睛，味道清甜帶氣泡，好refresh，食完拉麵飲返杯一流。食物有水準，裝修有心思，氣氛舒服，幾適合同朋友一齊嚟食麵或者小聚。…查看更多

🍜 屯門市廣場｜霸嗎拉麵 🍜
✨ 炙燒豚肉味玉拉麵 $95
湯底濃厚，炙燒豚肉厚切 食落啖啖肉香口又帶少少焦香，配埋溏心蛋好滿足 ✨ 鴨・蔥拉麵 $118
少見嘅鴨肉拉麵，鴨肉肥瘦適中，湯底帶點清香，蔥味好突出，幾特別！我仲加配咗筍 呢個完全係拉麵掛湯必點！🥟 照燒餃子（5件） $38
煎得脆脆，加上照燒汁甜甜地，我每次🍜必點！🥤 信州蘋果蘇打 $28
清爽解膩，食完拉麵飲返啖好refresh🍺 麒麟一番榨 $24
同拉麵一齊飲啤酒就最搭啦～…查看更多

係屯門行街見到呢間舖頭坐滿曬人，門口仲有好多人等位，一睇原來係日本風嘅拉麵🍜📌 羽根燒餃子🥟煎到底部有網狀冰花，脆到爆，加咗餃子醋，酸香同肉味一拍即合，5件份量做小食岩岩好📌 炙燒豚肉味玉拉麵🔥🐷🥚🍜霸嗎嘅招牌拉麵！豚骨湯底濃得嚟又唔膩，熬到膠質滿滿，炙燒豚肉厚切油花均勻，入口即化仲帶微焦香！咬開流心蛋同自己揀嘅麵條硬度，掛湯效果一流📌雞叉燒味玉辛辣雞白湯拉麵🌶️🐔🥚🍜湯底雖然叫辛辣帶少少刺激感，但係唔會太過濃味或太重口味雞叉燒厚肉連皮，肉質好嫩好滑而麵條質地都係彈牙有咬口既📌 其他小食同飲品🍧🥤🍋🥤日本柚子雪葩清新解膩，汽水夠凍仲有每枱一壺檸檬水任斟，仲有紙巾提供，好細心岩曬香港人就甘揹個小廢包就落街食…查看更多