雲桂香米線專門店

营业中

休息中

小鍋米線+腩肉(中辣) $40對於食開三小嘅我 中辣比我想象中冇咁辣🙈湯底小小麻同辣 都算濃但好彩唔會好咸 食完唔會超口渴 份量好多🤰🏻米線煮得太淋 腩肉都係凍冰冰的🥶要自己放入湯浸返熱不過以宜家物價水平係旺區40蚊食得飽飽 可以過下辣癮 未嘗唔係好選擇 糧尾恩物🎉👛

買外賣買到一肚子氣，外賣湯盒亂擺，湯都倒瀉一大半，坐車擺係大脾仲要燙到大脾都紅嗮，嗰袋連塊紙皮都濕嗮，D炸雞翼仲衰，小過麥當勞24蚊嘅雞翼，好意思連埋嗰盒收人地29蚊，好離譜，係其他分店買都無呢D問題，同職員理論仲要話呢批係咁嘅，呢間真係只幫襯一次，下次決不再幫襯🤬😡😡

讀書時期很喜歡雲桂香米線，但已經很久沒去了， 有日心血來潮，就去旺角店重溫味道。點的是重慶酸辣紅薯粉， 加了腩肉、墨魚頭、蘿蔔。點了中辣，但湯頭並沒有想像中上頭的辣，吃得不是太過癮，可能太耐沒吃， 下次要來個大辣吧。酸辣粉本身已有很多配料：花生、榨菜、鹹菜、蔥、芫荽等，再澆上醋，令成碗粉口感味道更豐富。腩肉是我吃雲南米線必點的菜式，肉質算是肥瘦適中。蘿葡甜美，索滿了湯汁更好味。墨魚頭略小但肉質爽口，味道都不錯。

🍜熱伴紅薯粉 加海帶黑木耳 $49紅薯粉口感煙韌唔會一咬就斷而且麵條粗粗的 掛汁效果一流海帶切成一絲絲 有粗有幼但係凍嘅 同熱粉有少少唔夾另外海帶並無調過味所以撈埋其他料食會比較好說好的黑木耳上枱變咗雲耳😂不過好彩我兩樣都愛就無所謂啦雲耳爽口但都係凍嘅

15:02分落完外賣 落咗成個鐘都未由分店到我工作舖頭只需要行10分鐘打過去就話個外賣出咗 然後勁快就收咗線放飯時間得一個鐘 仲已經喺放飯前半個鐘有多叫咗外賣 就用咗半粒鐘等外賣🤗

今日去到旺角，突然間好想食碗麵，就見到呢間雲貴香我個朋友話都幾好味，所以就入去試吓啦，咁我哋就叫咗一個涼拌麵仲有一個雲桂香米線重加左個小食炸蝦卷。個雲桂香米線就咩餸都有d,如果黎到諗唔到食咩，都可以試一試但係味道就普通啦冇乜咁特別。我就喜歡佢個涼拌米線好香麻油味，仲有好多嘢肉碎和花生，不過叫嘅時候就要小心啦，如果你就咁叫涼拌麵係冇送嘅，要加$15揀個餸，如果唔係就要食齋麵啦不過謝謝都會同你講：「冇餸嫁喎。」個小食炸蝦卷都唔錯，炸得好脆不過應該都係凍肉舖買返嚟嗰啲唔係手工製造。整體來講想食粉面都可以試一試。

作為一個80後，我第一間接觸米線連鎖店，唔係譚仔，係雲桂香。但由於分店相比譚仔之下少好多，慢慢食食下，唔經過附近就唔會幫襯，慢慢又唔記得佢嘅存在。就我記憶到嘅雲桂香分店，應該喺銅鑼灣沙田屯門都有。而今日我經過旺角，發現佢開咗喺兆萬商場對面二樓嘅樓上鋪。腩肉重慶米線+凍菜物 $45由於又係糧尾嘅關係，我淨係叫咗一餸嘅重慶酸辣米線($38)，以晚餐黎講個價錢都算正常，只係比三哥($33/$34?!)貴少少依度嘅湯底口味偏重，佢嘅中辣同譚仔差唔多，味嘅湯道就各人口味不同，難比較；但淨係以食材本身嘅質素黎講，配料、米線、豬腩都比譚仔好。米線煮得剛好，軟硬適中，個腩肉腌得幾好，有肉味，而且唔係剩係得啲肥👍唯一要挑剔就係佢嘅湯係真係偏重口味，鍾意食淡嘢嘅人未必鍾意，但本人就覺得幾正，酸酸辣辣，一路食一路流汗再飲番杯凍飲，感覺良好。綜合評分：6.5/10 真係幾好食，但重口味，我應該會翻兜🐽👍

午餐13:45唔洗等位，不過要同人搭檯。叫左淨餛飩，上到發現佢似餃子多D，雖然6隻但每粒都好大隻，食落夠飽。味道方面我覺得清湯普通，餃子皮比較厚，入面D肉偏散，仲有幾條生菜配搭。朋友叫左小鍋米線微辣配腩肉，佢就話肉質比較鞋，似煮左好耐咁米線質感相對淋。另一個就覺得海帶就正常，都算爽口。另外，有自助取水嘅機器，我同朋友都感覺飲落口個陣D水有怪味，消毒味？唔太肯定，唔敢再飲。姐姐服務態度好，總括而言連鎖集團加上平民價錢算係過得去。

相信尼間好多人都食過，但我就第一次食，7點入去都依然爆哂場要等一陣先有位，選擇都好多，仲有幾款小食簡。-👅：肥牛小喬米線$38我就叫左小辣，但個感覺好似中辣咁，勁辣🤣肥牛就不過不失，唔會又勒又鞋，不過份量就有小小少🥲配菜就有芫荽、酸菜、韭菜。份量都適中，佢既湯底真係唔錯！-👅：芝士腸蘿蔔炸醬小喬米線$58佢既芝士腸都不過不失，佢啲蘿蔔就麻麻地，未去到話好淋，佢本身入味但加落其他湯底就無咩味🥲

好鍾意食米線🍜雲桂香係以前成日食嘅米線比較鍾意呢個類型嘅多過譚仔嘅辣米線覺得呢款辣好食d而且佢可以揀麻辣/辣/酸嘅辣到同酸度同埋比較like呢個style嘅炸醬d肉碎係香d~辣味出d嗌咗竹笙同炸醬👍🏻本身都有好多配料有少量肉碎芽菜韭菜蔥芫荽其實唔使嗌肉碎本身碗麵都有少少😆😆不過覺得多啲碗麵會好食啲😍仲叫咗個蒜泥白肉😍勁多蒜而且佢係一塊好長嘅肉包住幾條青瓜好有口感😝推介大家試吓😙😙😙

／雲桂香／太子／｜熱拌水晶粉｜撈咗先記得影，本身有肉碎喺面，仲有啲酸菜、花生。個汁喺底，要撈勻先食，不過個汁唔惹味。嗌咗bb辣都好辣，食到嘴唇都麻咗食咗一個鐘，最後都食剩咁多，細食嘅話建議嗌少麵

呢間啲米線 成日食 真系好好味 啲湯底夠濃厚 豬軟骨夠曬入味 今次叫左個小食係 蒜泥白肉 啲口水汁同同埋啲蒜蓉都好香好香 蒜泥白肉 入面夾左青瓜 口感都幾唔錯 但如果蒜泥白肉 再凍啲就爽啦

今日開心係同好朋友一齊食🤤因為又可以叫多幾款小食😆😆之前一向都係三哥fans，但實在好多時都要等位，所以都揀其他試。好耐之前都食過雲桂香，覺得冇乜特別。但又自從入咗米線關注組，搞到我都想去雲桂香食😂😂😂總括豬頸肉、墨魚頭、腩肉會係必點推介🤩🤤雲吞餡幾好，但皮比較厚🥲還可以。芽菜韭菜勁多，簡直多到似一款餸😂小食有皮蛋、春卷同埋炸雞翼😍🤤皮蛋基本嘢，辣度OK。春卷好食，我自己鍾意點返自己碗湯再食😆🤤好味！炸雞翼冇得輸，香口嘢最開心🤤😍

酸辣粉正宗好味 豬紅夠嫩 腩肉夠香 好惹味口水雞就差啲 雞比較韌 但個汁都ok嘅另外叫咗炸春捲同炸雞翼唔記得影強烈推薦呢兩個小菜✌🏻✌🏻環境就正常 唔算污糟 服務都正常 唔算好亦唔算差

雲桂香以前返學成日食，今日路過忍唔住要止止啲米線癮😜🌠小窩米線湯底有酸辣、麻酸辣，而辣度有大、中、小辣，今次揀咗麻酸小辣，最鐘意雲桂香嘅酸辣有麻辣酸香，食落有啲麻痹嘅感覺，咀唇帶微麻，好正！腩肉經醃製帶微辣味，好夠味，豬紅細嫩爽滑，真係好正！🌠熱伴米線份量真係超多，揀中辣，辣中微嗆，鐘意熱伴係因為麻辣更濃郁，腐皮非常掛汁，食落辣度更強，非常過癮！ 豬大腸經鹵水過好入味，大腸冇乜肥膏，口感好有嚼勁🌠凍朱古力食麻辣米線配凍朱古力絕對一流，朱古力帶甜夠凍，熱麻與凍朱配合真係好完美😆