雲桂香米線專門店

营业中

休息中

雲桂香米線俘虜了大眾的心，無論男女老少都去食。主打米線及薯粉，我最鍾意的是重慶醉辣粉，醉醉地辣辣地好開胃，念念不忘的味道。本身帶有花生、榨菜、鹹菜及蔥芫茜，另加了肥牛、海帶、腐竹，一碗麵做到五顏六色，十分豐富。我選擇了水晶粉，彎彎曲曲，掛湯效果一流。下午茶時段加$6就有一支豆漿。韭菜 $18 - 想食得健康一點所以另外叫了一碟蔬菜，都幾大碟，伴有蠔油汁。下午茶時段依然是高朋滿座，男女老少。餐廳裝修以木色做主調，更加有古色古香的味道。

一段時間無食辣米線就會好想食，好似上左癮咁😂尤其秋冬天好涼，最岩食又熱又辣的米線暖胃1️⃣港式米線$25 加餸$9貢丸及$9雲吞湯底酸酸辣辣帶麻痺感，選擇中小辣對我黎講就岩岩好，米線掛湯彈牙，仲可以揀軟啲/爽啲，份量好多，一個女仔食唔哂。雲吞好大粒，係丸類既3-4倍大！完全係意料之外，而且餡多肉汁多，好食！2️⃣港式米線$25 加餸$9金菇及$9竹笙金菇同竹笙份量多，絕無呃秤😆落單後無幾耐就上菜，速度快

接近秋天，想食啲熱辣辣又唔係太多嘅午餐，想簡簡單單，又唔想食辣，朋友建議下試吓雲桂香米線😃有吾同嘅湯底可以選擇，有魚湯、雞湯，有好多種辣俾你揀，睇我啲相就知道。怪唔得有咁多人喺度排隊🙂🙂點左一碗腩肉小窩米線，要咗麻辣小辣。呢度嘅小窩米線已經有一定嘅配料，而且通常揀一個餸嘅份量會比較多，抵食啲。個湯已經有肉碎，夠晒香，加上麻辣中大辣真係幾辣，自己配多一個餸，要多咗個魚蛋，10分抵食。雲吞湯雲吞非常大隻，餡料勁多，大食嘅人士不妨試吓😋

禮拜六唔使返工又唔使煮飯，就落街食個米線，呢排食開嘅米線餐廳最熱門就係雲桂香，食過一次真係返唔到轉頭。今次嚟到呢一間旺角嘅雲桂香，首先呢度環境都尚算舒服，地方闊落，我同媽媽二人點了一份雲吞湯，一碗雲吞湯有六隻雲吞，而且每隻都大大嚿餡料好足，這個是菜肉餡料，仲會有啲酸菜同埋生菜，成個湯底酸酸妹妹好開胃。另外再點着個熱拌紅薯粉，這個熱拌紅薯粉就有微辣肉醬，花生，榨菜，鹹菜，秘製撈汁等等，紅薯粉晶凝通透，十分之彈牙，撈埋所有嘅配料，又真係幾好味㗎，而一碗嘅份量都足夠食飽飽啦。另外在點左兩杯凍飲，買單$80都真係好抵食㗎，所以話雲桂香都成為左我另一個飯堂，大家都可以嚟品嚐下。

蟲草花雞湯米線 $48身為「雞精」既我，梗係要試吓呢度嘅雞湯米線啦～雞件雖然唔係同米線分開上，而係放喺熱湯上面，但係都仍然保持到雞肉既嫩滑，食落無過熟的質感。湯底就較係清淡，飲落帶有蟲草花同雞油既香味，配上爽口既米線已經好足夠👌蒜泥白肉 $37有別於普遍餐廳就咁放d白肉係碟到，餐廳既做法同擺盤就較為特別，肥美的白肉拌上香辣惹味既蒜泥，再包住新鮮既青瓜咁比客人食，呢個食法較少見，但食落減低咗油膩感，好清新啊！👍

平時出街都喜歡食米線既我，貪佢好味便宜又大碗。早幾日「米線」癮起，今次就近近地係屋企附近搵到間雲桂香米線食個靚午餐～海鱸魚米線$65一上餐見到咁大條炸海鱸魚，真係呆左一下😱條魚炸得超級香脆，脆到可以魚頭魚骨都食埋，而且魚肉都算香滑😋另外佢個米線都好爽口，特別魚湯十分清甜，配埋津白，豆卜真係好正～🤤雲吞湯$38雲吞好大隻，餡料都多汁鮮甜，外皮薄番d就更好了😋麻辣海帶絲$20海帶絲食落好爽口，而且個麻辣汁都幾過癮，重口味之選啊🤣醬伴皮蛋$20甘香既皮蛋沾上帶麻辣味道醬汁同辣油，十分美味，必點之小食～

天氣開始涼涼地，總會想食返碗熱辣辣嘅米線。而其中一間我會經常幫襯嘅米線就係雲桂香。因為就算朋友唔食辣都好，呢度都有其他唔同嘅湯底可以選擇，例如有魚湯、雞湯，所以比起其他米線，就更受唔食辣嘅朋友歡迎。今日就同唔食辣嘅朋友嚟到呢間雲桂香，我就梗係揀返一碗麻辣味道㗎啦。點左一碗腩肉小窩紅薯粉，要咗麻辣中大辣。呢度嘅小窩紅薯粉已經有一定嘅配料，所以揀餸嘅時候揀一個餸就夠啦，而且通常揀一個餸嘅份量會比較多，抵食啲。呢度嘅小窩紅薯粉已經有肉碎，夠晒香，加上麻辣中大辣都真係幾辣，夠晒過癮。而朋友就揀咗蟲草花雞湯米線，另外加竹笙，夠晒滋補養生。蟲草花雞湯米線唔止剩係得雞湯，仲有接近成隻雞髀份量嘅雞肉，雞肉係連骨嘅雞，食落雞味都唔錯，而且雞肉唔煮得過熟，唔會太鞋。

做完facial，一個人真系無咩好選擇，食米線就最岩，又吾想又食譚仔甘厭，一search米線就見到呢間，見到紅噹噹既湯底，好吸引！【小鍋米線】$28 湯底濃厚到不得了，超岩重口味人士，有酸菜小小酸酸地又幾夾。【炸醬】$9呢到d炸醬同譚仔既好吾同，香辣口味，粒粒既肉燥，不過加左入湯底會偏鹹d，撈黎食會正好多。【豬頸肉】$15絕對要叫豬頸肉，邊位炸到好脆，肉質爽脆，浸落湯到又好入味。【炸龍蝦券】$22包左春卷皮既龍蝦丸，吾系特別出眾。

這家雲南米線店是常吃及喜愛的連鎖米線店之一，很多地方都有分店。在旺角逛完就到這裏吃碗麵醫醫肚吧。新裝潢後環境較以前舒適、乾淨企理。餐牌上都附上圖片，尤其是那些濃郁的湯底，特別吸引，不過不想吃太濃味道的湯底，還是選擇清湯健康點就好。還以為清湯會很寡，但其實本是胡椒湯底，而且原來也可加辣。港式小鍋米線本身內有腐竹、芽菜、韭菜。配料挑選了兩款，雞絲及雲吞。雞絲都是瘦雞肉撕成的雞肉，健康又大量。另一配料是雲吞菜肉餃，水餃皮煙韌夠厚，放久了也沒有破掉。米線靭度剛好，很掛湯。雖說是清湯，但也點了小辣，辣度也不小的，過一過口癮。

-呢排多咗出街食飯 有幾餐仲係報復式消費🍽 唔覺意駛大咗💵 今日同朋友行街 唯有慳住個荷包👛 食餐經濟實惠嘅米線 反正佢飽肚又健康-🐟#倉魚米線 ($65）原條煎倉魚跟一碗魚湯米線 營養價值高 卡路里又低🤸‍♀️ 倉魚煎得香口 魚肉魚皮都唔腥 喺度食 好過去街市買返屋企整 魚湯🥣每日新鮮熬製 低鈉少鹽🧂少油 飲完之後亦唔覺口乾-🥤#凍檸茶 (+$7）$10都唔使 有大大杯凍檸茶🍋 我每次食米線都會追加-🍜#小窩米粉 ($28）煎倉魚實在大條 我哋另外叫咗一個素食版嘅小窩米粉 走肉🥓走蔥 貪佢湯底味道濃稠 熱度十足 芫荽🌱香氣撲鼻 食得一樣滋味-📍#雲桂香旺角西洋菜街南2號一樓

經常吃雲桂香，最喜歡吃炭她家的燒豬頸肉，多汁不膩，又大塊有嚼勁，，再就是酸辣肥牛米線，酸辣度剛剛好，開胃好味！疫情期間經常叫外賣回家吃，因真的沒勇氣除口罩在外面用餐！總體來說感覺食物品質不錯，希望保持！

適逢新冠肺炎，晚市禁堂食，僅僅一兩名員工上班。但即管客量絕少的情況下，員工態度散漫。對下單及外賣食物的問題，都充耳不聞，忙於自己在收銀處的私人空間中。多次高聲提問，也只是不屑地抬起頭望一眼，便繼續無視，埋頭做自己事。食物質素也只是一般，令人大失所望。

明天(7月29日星期三)開始，香港實施世無前例的措施，全港所有食肆一律禁止堂食，只准買外賣。而限聚令由四人收緊至兩人。以及室內及室外公共地方必須佩戴囗罩，暫時為期七日，至到8月4日。為左把握最後機會出街食午餐，今日黎到旺角雲桂香米線專門店食午餐，都幾多款式選擇，有辣有唔辣。我揀左港式米線，加一個餸，我原本要日本鱈魚豆腐，點知黎到比左豬紅米線，問職員話比錯我，佢話鱈魚豆腐另外上。但係食到最後都無黎到，其實佢落錯單😅。凍檸檬茶偏甜。米線好大碗，份量十足。

食辣嘢係一個抒發情緒嘅途俓我鍾意食四川麻辣米線因為又可以揀唔同辣度又平我就算心情唔好，食完辣野之後都會覺得好滿足，好似同好朋友傾完心事一樣，成個人好舒暢但我今次食米線第一次食到咁唔開心（發生係三月既事）食到個米線一半，feel到個口入邊有啲嘢好似咬唔斷咁我即刻lur出嚟，原來入面有條電線!嚇死我仲係斷咗嘅tim，可能已經有一啲溶解咗係啲湯入邊我懷疑成日都會發生呢啲事我同店員講，佢好冷靜咁收咗我個碗米線佢真係寫番張單話E碗唔計錢全部冇講唔好意思或道歉完全唔會再嚟，好彩冇肚痛，如果食咁多金屬遲啲搭飛機過唔到關😂

今次第一次來吃堂食，沒想到幾失望，坐的位置比較迫，男人坐完差點難轉身，我地一人一碗米線加飲品和小食一百四十六元。男人叫的雲桂米線大碗六十元都唔平，但入面的材料十分少，每款只有二片，而且米線份量不多，男人食完之後都不覺得飽肚，而我就叫了二十八元小辣米粉，份量都是偏少，但選擇了米粉吸晒湯汁是好味道，湯底都做得不錯幾香，但一餸的豬潤十分不好吃，好鞋又沒有味道，好失望，小食要了口水雞四十二元，雞份量都不少，但不入味，辣度微小辣不夠香。飲品加七元就有一杯，但檸檬茶不酸比較偏淡。