雲川 米線．紅薯粉 (富麗大廈)

营业中

休息中

🙈五一黃金周唔同遊客迫，反方向入屯門試米線。呢間雲川間唔示都有人係米線關注組大讚，咁遠由港島區入黎非常期待😚🐧湯頭唔油非常討好，聽講小辣小麻有啲淡所以叫左中麻中辣🌶。個麻辣度係其他米線舖嘅小辣level大家可以留意番。辣椒渣唔會過多好加分，但係個酸味似係狂落陳醋而成，所以人工味出較重🐷豬頸肉係必點，醃得好入味烤得好香🌼一個餸10蚊睇落幾貴下，但係佢分量比起其他舖多，食極都有😂味道😋😋😋環境💐💐💐💐服務🍄🍄🍄🍄值得黎試但唔需要特登黎🌾

米線係我其中一樣食極都唔會厭嘅正餐🤪🤪雖然已經搬左去另一區住 但每次返大西北都係必食既店！米線關注組都會成日提起既一間暫時只有屯門區專屬 已經開到街知巷聞屯門牛牛冇可能冇聽過佢個名 仲要有好幾間分店～唔食得太辣 所以叫咗酸辣湯微辣 好惹味 酸度岩岩好🥴睇介紹必點嘅豬頸肉 果然好味 肉質爽口 外皮脆 米線質地岩岩好唔會太硬太淋👍另外叫咗鹽酥雞 個人覺得可以唔使點醬都夠味 反而配泰式辣醬唔太夾😆幾時先會衝出屯門區 唔想隔咁耐先食到😭😭

事關我唔係屯門人，唔係成日食到，今次係第3次食，就叫左個酸辣豬扒米線，上次食金湯好似好味啲，呢個酸辣個味有少少怪咁，不過食得耐又ok，接受到，但金湯真係好食好多。除左米線叫左2個餸，一個係竹筍同炸豬大腸，炸豬大腸真係好好好好味，除左自己本身都鐘意豬大腸外，佢炸得係外脆內軟，竹筍就同出面差唔多咁，事關係我朋友愛所以叫。另外，呢到唔同既係好似成個餐係包埋野飲但個價錢就比出面貴少少，可能因為包埋野飲關係。唔係成日去屯門，下次入黎都會再食嫁。

其實呢個餐廳我都黎左好多次,作為大西北的我食一次已經返唔到轉頭我通常都係食晚餐,晚餐較多人去食,15分鐘左右有位,餐廳環境中中挺挺,坐位較細,有機會要搭枱,但最重要都係食物質素。第一麻醬萵筍絲,佢呢到麻醬萵筍絲份量多！萵筍絲幼細好食,我通常都叫多醬,店員直接比外賣裝的醬比我,我試過直接食2份就夠，推薦！炸大腸,新鮮炸,外脆內軟又大舊份量多,未食過既人必食一次至於湯底有辣有唔辣,唔辣外面一般係豬骨湯,呢到豬骨湯正常同一外面一樣,但呢到有魚湯,魚湯鮮甜我每次都飲完,味精較少,唔太口渴至於酸辣湯,味道唔太辣,適合食少少辣的人推薦！總結：真心好評,可以一試,屯門都有幾間分店

涼拌萵荀 $24好清新！ 而家天氣開始熱！ 都幾岩用黎做餐前小食。條條都好爽口🤗 食得好過癮😙用芝麻醬涼拌，味道好夾好match。每次都必叫小食之一❤️脆皮花枝丸 $28 好有心思， 剪開左小花形狀。令有更多位可炸得到。🤗成件事好香口，好脆。😋無油膩感。🙆🏻‍♀️花枝丸本身都好有口感，食到小小花枝肉仔架🥰 鮮魚湯小窩米線 兩餸（香茅豬扒+魚腐）麻湯湯小窩米線 一餸（香茅豬扒）唔食辣既朋友，揀鮮魚湯一定唔會錯。白白的魚湯，味道香香濃濃。有別其他米線鋪既口味。一試難忘！ 食辣既朋友，麻辣同酸辣都值得一試。今次試左麻辣小辣。有麻既感覺，但唔覺有花椒的味道出現。辣味係符合小辣程度， 無愈食愈辣既感覺。🤗反而同個米線好夾。好配合。米線口感適中，份量適中。唔太淋或太硬身。重點係！ 好吸味道 ！ 吸收哂湯的味道。香茅豬扒可以話係必叫！ 口感鬆軟，仍然保留肉質的口感。雖然放左落湯到，但仍感受到小小煎香過既香味！

同鍾意米線嘅朋友一齊黎，大家都揀酸辣小鍋米線。一個豬頸肉、一個豬扒，兩個都好食，但豬頸肉真係再出色啲，薄薄地、香脆得黎有啲蜜糖的甜味。蘿蔔都好甜、無渣。小食揀咗雞軟骨share, 新鮮炸，小小油，點甜辣醬很美味。

米線一直是普羅大眾喜愛的食物之一😆今次介紹這間雲川燒在屯門區也出名哦，他也有數間分店，方便人們去吃😋他能夠選紅薯粉，米線，熱拌，又有豬骨湯，麻辣，酸辣，金湯等，任君選擇，餸也有很多，丸，豬頸肉，豬扒等，太多了，不能盡錄😂😂小吃叫了麻辣牛柏葉🐮本人超喜歡牛柏葉，也很入味，一定會番吃😍腐皮蝦卷彈牙，而且蝦卷也有蝦在，不錯哦🦐脆皮豬大腸豬大腸很多人喜歡吃，香脆可口，豈有不吃之理🐷雲川 米線．紅薯粉屯門青菱徑6號富麗大廈地下F號舖

今日得閒揸車，入咗屯門食雲川，坐低咗之後叫咗個金湯墨魚咀炸醬紅薯粉扣底。辣到適中，而且又多蔥砂漿，未有夠湯底非常之濃郁，金湯味道夠重，雖然味精係多咗少少不過叫返一杯熱檸水補返數。另外個墨魚咀都夠彈牙，雖然嗰個米線叫咗爽口都唔係好爽口，但係嚟到梗係食佢嘅。如果比起老闆娘佢就唔算太多味精，都係好食嘅！最緊要唔使排隊！希望可以試到更加多其他嘅湯底，另外叫咗瞓手撕雞，手撕雞都好食，配埋個麻將，不過青瓜少咗啲。

食過全港大大小小唔同嘅米線鋪，呢一間絕對比起大眾認識嘅米線店有過之而無不及！先講湯底，本人唔太食得辣所以食嚟食去都係豬骨湯同鮮魚湯，豬骨湯都會有啲辣肉碎但都唔會話太辣，反而仲更加入味，如果比較想清淡啲就建議選擇鮮魚湯。食物方面，今次就揀咗香茅豬扒同出頸肉，再加一碟手撕雞，以上嘅小食可以用兩個字形容「出色」，夠膽講句比起其他米線鋪嘅小食絕對優勝，至於米線亦都唔會好淋或者好硬，非常適合我嘅口味！唯一可惜嘅就係呢間鋪只係屯門有唔同分店，期待佢衝出屯門，打響名堂！

屯門第一米線每次入屯門要食米線，我都會揀雲川，特別係麻辣湯米線，湯底出色，唔會好似其他餐廳，一味死辣，配搭埋推介嘅豬扒同腩肉，令整碗米線層次更加豐富。最可惜就係太多人排隊，足足等咗半個鐘先入座，餐廳入邊嘅座位亦都好狹窄，坐得唔太舒服。

數數下，原來雲川係屯門都有5間分店，今次就聽同事介紹去試下！我叫左豬大腸腐皮蝦卷酸辣小窩米線。酸辣都有唔同嘅程度，我就揀咗中酸（對我來講有啲辣）味道有少少似雲貴香，但香料更加多，味道更加重，我都幾鍾意！腐皮蝦卷新鮮炸起，脆卜卜，裏邊甜甜地。豬大腸就正正常常，食過其他有滷過覺得更好味。我地都叫左另一推介嘅豬頸肉（$40），有一層油光閃令令的燒得好靚，食落口都唔dry，有小小蜜味。略嫌豬頸肉切得太碎，冇左大啖大啖肉feel。另外同事都推介脆皮豬大腸（$34），有冇邊個食過？

當我走進屯門雲川，我立刻被裝飾精美的餐廳和美食的香氣所吸引。我點了他們家的招牌米線，配上煙燻豬頸肉和香腸，再加上一片半熟的滑蛋，簡直是一個完美的組合。首先，米線的口感非常好，彈牙有嚼勁，加上湯汁的滋味，讓人食指大動。其次，煙燻豬頸肉和香腸的味道都非常濃郁，完美地融合在一起，讓米線的味道更豐富。最後，半熟的滑蛋讓整道菜更加柔軟和滑順，為整個口感帶來了更多層次。整體而言，屯門雲川的米線絕對是一道令人驚艷的美食，它的湯汁、配料和口感都非常出色。如果你喜歡米線，或者只是想嚐試一下這家餐廳的美食，我強烈推薦你來試試看。

聽聞係米線關注組評價不俗的一間米線舖原來屯門已經有好幾間分店來到門口比一堆人嚇親不過其實等好快就會有位第一次黎當然叫左個必食既豬頸肉Order 左兩款唔同既湯底豬骨同酸辣，米線及薯粉湯底幾惹味，order小辣都接受到個辣度面既份量都幾多不過我個腐皮蝦卷得4⃣️小條Size 有啲瘦弱，口感爭少少豬頸肉真係要叫，肥瘦均稱份量亦較蝦卷多不過食完之後感覺有啲口乾勁想飲野總結：荃灣有更多更好食既米線選擇，絕對唔需要大老遠入黎大西北

心目中排第一嘅米線店👍🏻午市晚市時段，店外出現大量人潮排隊。外賣嘅水準亦不失堂食風味😋繁忙時間佢去咗要搭枱，如果坐卡位搭枱，都幾擠逼。超級推薦豬頸肉，豬排，同埋螺旋藻酸辣米線👍🏻湯底酸辣味濃，令人一試難忘!

平時都無咩機會入屯門🤭（九龍人表示好遠😂）難得咁啱有野做要入去 緊係要嚟試一試😍人稱屯門名物嘅雲川！✨✨有個住屯門嘅朋友話以前中學走堂都要去食🤣唔知有無屯門人都係咁？！🤣🤣今次嚟到紅橋分店 叫左最出名嘅豬頸肉米線🐷呢到仲有啲比較特別嘅湯底 包括：豬骨湯🐷、鮮魚湯🐟、酸辣湯同埋麻辣湯仲有得揀熱拌👍🏻 我朋友就推薦鮮魚湯同熱拌 餸就必揀豬頸肉！💫但究竟有無其他人講到咁好食？🧐想知就要睇埋落去啦😆🌶 酸麻金湯豬頸肉腩肉小鍋米線🐷（小辣）💰$𝟓𝟒 （$𝟒𝟒+$𝟏𝟎腩肉）首先緊係要講一講米線嘅靈魂所在 —— 湯底😆今次叫呢個係新登場嘅湯底！叫做酸麻金湯🌶～集合麻酸辣三種口味 一次過滿足我三種慾望！🥰三樣野都𝐛𝐚𝐥𝐚𝐧𝐜𝐞得好好 夠酸又夠辣 唔會太麻👍🏻雲川嘅辣唔會好嗆喉 食落係舒服個種😂可以話係我食過嘅米線鋪入面湯底令我最滿意嘅一間🥰豬頸肉肥瘦均匀 好香口 份量亦都好多！但朋友話自從變左連鎖之後份量細左好多😿但係係市區食嘅話 呢個價錢應該得幾條😂所以已經好滿意了🤣🤣腩肉切得好薄 但都好大條👍🏻都係肥瘦均匀 夠入味💫至於米線軟硬適中 夠彈牙 係我鍾意嗰種👍🏻整體嚟講雲川暫時係我心目中嘅𝐓𝐨𝐩 𝟏！