雲吞仔

今日做完野完喺尖沙咀搵食，行到赫德道呢間邊，平時食開另一間老字號既雲吞麵，見到佢比起我平時食嗰間平一半，真係要試試係咩貨式😌🍜 雙拼粉麵 $46揀咗招牌虎蝦雲吞拼新鮮騸牯牛肉，竹昇麵底。一上枱就知掂，個湯底清得嚟帶金黃色，飲落有濃郁大地魚香，完全唔係味精湯🍲虎蝦雲吞每粒都脹卜卜，咬開見到入面有三隻蝦，好彈牙，食左兩粒已經好飽肚；騸牯牛肉切得薄身，汆得剛好粉嫩，牛味濃得嚟帶啖啖油脂香。幼麵索晒湯汁又夠爽身，我連湯都飲清先肯放碗！🥬 蠔油芥蘭 $20芥蘭揀咗最嫩嘅部分，焯水時間啱啱好，保持翠綠爽脆。蠔油正常發揮，量好多叫做幾抵食。🌶️ 自家辣椒油枱頭呢樽辣椒油先係重點！聞到好香蝦米味，辣度啱啱好，落少少已經幫碗麵加晒分。臨走見隔離枱個師奶買樽返屋企，原來$50有交易🍘 酸甜炸雲吞 $33即叫即炸！雲吞皮薄到透光，炸到金黃鬆化，咬落「咔嚓」聲。其實同雙拼麵入面嗰隻雲吞係一樣，只不過係炸嘅版本，點埋酸甜汁開胃得嚟解膩一流。下次要同朋友share，因為真係好大粒🥄隔臨走見到外賣不斷，原來呢度嘅生雲吞、竹昇麵同辣椒油都可以單買，呢個價錢喺尖沙咀，真係抵到爛！…查看更多

餐廳：雲吞仔 (尖沙咀)地址：尖沙咀赫德道1-3號利威商業大廈地下3號舖除咗茶餐廳之外，我平時比較多會去嘅就喺粉麵舖，皆因我鍾意佢哋大份夾抵食，可以慳住荷包之餘，又可以醫飽肚仔😋最近行過尖沙咀見到呢間10月10號先正式開張嘅雲吞仔，門口仲有唔少花牌🌺，原來老闆想繼承返老竇多年前嘅生意，延續以前喺觀塘吸引咗唔少捧場客嘅生招牌，希望憑住自己嘅創意同革新可以打出一片新天地✨餐廳環境以六七十年代嘅香港做背景🇭🇰，懷舊嘅設計，包括霓虹燈牌、紅膠櫈、木製圓枱、天花吊燈等，好有情懷特色🤩雲吞仔主打港式粉麵，有河粉、米粉同粗幼麵比你揀🍜，而主食就有三款高質素食材：招牌虎蝦雲吞、陳皮鯪魚球同新鮮騸牯牛肉，全部食材都喺餐廳每日新鮮自己整👍，湯底更加熬足10個鐘，務求精益求精，提供最高質嘅港式粉麵比每一位食客你可以揀單拼($38)、雙拼($46)或者三拼($54)，識食就緊喺三樣都要啦😋，騸牯牛肉肉質鮮嫩，油脂唔多而且分布均勻，肉味濃郁帶有甘香；鯪魚球夠晒大嚿，夠彈牙而且一啲都唔腥，仲有陣陣陳皮同蔥香；呢度嘅雲吞一定要食，同出面餐廳唔同，佢哋所用嘅喺虎蝦🦐，咬開見到勁多蝦肉，相當足料飽滿😎。鍾意蝦香味嘅仲可以加蝦籽(+$8)，鍾意食辣就可以試埋餐廳自家製嘅辣油🌶️，各有千秋另外叫咗碟都幾新鮮嘅菜芯🥬($20)，飲品就嗌咗低糖豆漿($9)同無糖可口可樂($9)，雖然雲吞仔唔多嘢食揀，但性價比都真喺幾高😌…查看更多

趕時間做瑜伽之前食個快飯😜 見到新開試下～雲吞河粉🥳🥳大大粒雲吞，餡料豐富，食得出係鮮蝦！仲見到佢喺旁邊即包即煮驒古牛炸醬撈麵❤️❤️好耐冇食炸醬撈麵啦，意外地同牛肉好夾，按自己嘅份量加入湯汁，好食菜心🫶🏻🫶🏻做運動冇理由唔食健康啲，所以叫咗個菜心share ！岩岩好～軟硬適中飲品😆😆餐廳都有幾款飲品可以加錢配搭，例如低糖豆漿、津路烏龍茶、無糖可樂等等。我一定係揀低糖豆漿。😜地理位置都幾方便…查看更多

平時食一餐貪快通常都會揀茶餐廳或者粉麵店，行過見到呢間都算新開一段時間，店舖舒服嘅，環境用左D傳統老家具黎襯托，睇落幾香港風格嘅雲吞麵店，感覺都係傳統正宗。三拼粗麵 轉蝦籽撈 $54+$16雲吞,鯪魚球,騸牯牛肉，三拼一次過拼晒三樣咩都有，價錢唔算貴。加錢轉左蝦籽撈，蝦籽都幾多，而且雲吞同鯪魚球都幾大粒。雲吞咬開好多蝦係入面，佢地仲要係用虎蝦包，味道鮮爽好多。鯪魚球都係手打，所以特別大粒特別彈。騸牯牛肉都好唔錯，大片得黎肉感幾好。另外飲品有得跟餐價同加多碟油菜，都唔算細碟。…查看更多

🔹️下午到尖沙咀 “雲吞仔” 食碗雲吞麵🤗 店內環境簡潔衛生☘️ 食材新鮮😋 店員細心、有禮🧑🏻‍🦱👩🏻 價錢親民💰🔸️三拼粉麵🍜三拼以新鮮騸牯牛肉、 陳皮鯪魚球和招牌虎蝦雲吞配米粉🍜 陳皮鯪魚球 ~ 結合了鯪魚的鮮味和陳皮的清香, 口感嫩滑彈牙, 加入陳皮能去除鯪魚的腥味🐟騸牯牛肉 ~ 味道濃郁鮮甜牛肉味, 肉質軟腍細嫩🥩招牌虎蝦雲吞 ~ 雲吞皮薄幼滑, 餡料以滿滿新鮮彈牙虎蝦, 啖啖滋味配口感柔軟滑順米粉, 大大滿足😋🔸️甜酸炸雲吞🥟炸雲吞外酥內軟, 香甜鮮蝦餡與雲吞皮的酥脆在口中結合, 配上甜酸醬汁, 以平衡炸物的油膩感並增添味道層次🥢 🔸️蜆蚧鯪魚球🐟🧆鯪魚球口感酥脆, 肉質鮮甜彈牙, 充滿鮮魚味道, 加上蜆蚧點綴, 增添鹹鮮的風味🧆🔸️酥炸雲吞皮🫓雲吞皮炸至卜卜脆, 口感像薯片, 片片脆口, 味道帶有麵粉香氣 , 配上甜酸醬汁Yummy👍🔸️紅茶花伝檸檬茶🍋🧉味道清新、冰凍解罔渴🧊…查看更多

尖沙咀上平平哋食個晏晝都唔平，搵到間窮人恩物，$50幾蚊已經夠飽。佢嘅款式夠簡單，主要係有三款招牌菜式，分別係虎蝦雲吞、陳皮鯪魚球同新鮮馳牯牛肉，想一次過試晒絕對推薦食三拼粉麵（$54），每款菜式真係大大粒，絕不馬虎。而且個雲吞蝦味好新鮮，果然係招牌菜。就係夠簡單先至做得夠專注。 個人認為比一般茶餐廳嘅雲吞做得出色，係尖沙咀隱世地道小店。另外都仲有幾款小食同嘢飲，平時食雲吞麵最鍾意就係配豆漿，加返碟油菜，絕對係平民恩物…查看更多

雲吞仔（尖沙咀）真係值得大大推薦，雖然舖面唔大，但乾淨、出餐快，味道絕對對得住名氣。柱侯牛展粉麵好正，佢哋用嘅牛腱唔係一般街坊麵店嗰啲薄薄一片，而係台灣式厚切牛腱，啖啖實肉、質感超好，炆到軟腍但仍有咬口，柱侯汁又入味，食落真係勁滿足。炸雲吞更加係全店最癲！一咬開目測至少有五粒蝦仔，餡料飽滿、蝦爽彈、外皮金黃極脆，完全係高質手工雲吞。想食雲吞嘅，嚟呢度就啱晒。炸醬撈麵亦好惹味，醬香濃郁、撈得均勻，每條麵都入味。油菜清清地啱啱好，食落唔會覺得滯。整體嚟講，雲吞仔係尖沙咀一帶難得高水準又有誠意嘅麵店，牛腱厚切、雲吞爆滿、味道穩陣，價錢又親民，真係會想再回頭。…查看更多

孤陋寡聞原來有種醬叫 蜆蚧醬離遠就聞到類似鹹魚嘅香味又嚟腦補時間邊食邊問AI蜆蚧醬原來係順德風味而蜆芥醬＋鯪魚球 係黃金組合正宗蜆蚧醬係用泥蜆再加鹽、酒、薑&陳皮等醃製約3個月而成雖然係平民醬料但「蜆蚧」同「顯貴」讀音相似所以好多當地人心眼前嘅蜆蚧醬初體驗小醬碟內有兩塊完蜆肉醬汁閃亮有光澤有濃味亦有種好特別鹹香炸鯪魚球新鮮出爐熱辣辣用佢蘸蜆芥醬食原來覺得普普通嘅炸鯪魚球係變得好食咗吊出鯪魚肉嘅魚香味同場淨食點嘅騸牯牛同雲吞立即被比下去兩者都正常發揮雲吞好足料大粒但相對確係唔夠個炸鯪魚球嚟得驚豔！…查看更多

係尖沙咀赫德道發現咗呢間特色嘅麵店「雲吞仔」🍜一入到去，好似坐咗時光機返到六七十年代嘅香港咁🇭🇰 餐廳環境充滿懷舊氣息，霓虹燈牌閃爍✨、紅膠櫈🪑、木製圓枱同埋特色天花吊燈💡成個設計都好有心思，好啱打卡！📸佢哋主打雲吞、鮮牛同鯪魚球，可以自由選擇單拼、雙拼或三拼粉麵🍜🔸雙拼粉麵 ($54)我就揀咗雲吞同鯪魚球呢個鯪魚球大過乒乓波🏓😲 要分幾啖先食得晒一咬落去，陳皮香氣濃郁🍊，配埋芫茜🌿，口感彈牙，食得出係真材實料！雲吞用上大大隻嘅虎蝦製成🦐，蝦肉新鮮彈牙，口感爽脆！一啖咬開，滿滿嘅蝦肉喺口中爆發，鮮味十足！🥟 甜酸炸雲吞-小（三粒） ($33)呢個炸雲吞同平時食開嗰啲完全唔同！雖然係炸嘅，但食落一啲都唔油膩👍 雲吞炸得酥脆金黃，入面嘅虎蝦肉一樣係大大隻又彈牙！點埋甜酸醬🥫，酸酸甜甜，更加yummy😋…查看更多

今日去尖沙咀買嘢，路經呢間充滿老香港懷舊特色嘅麵店，就入去食麵。麵店嘅侍應姐姐做嘢非常勤快，值得一讚。見餐牌上麵食主要配虎蝦雲吞，陳皮鯪魚球，同埋骟牯牛肉三種款式食物； 另外調味架上面仲夾咗張卡仔，係介紹柱侯牛展麵。牛肉蝦籽撈麵：勁多蝦籽呀，每啖麵都充滿蝦籽嘅香氣, 麵底好大份，粗面同幼麵都咁爽口；骟牯牛肉大大塊，又夠足料，入口軟滑有肉汁，配埋鮮甜味甘嘅上湯食，正。淨雲吞：勁大粒，虎蝦肉質彈牙，皮靚餡靚，好快ko，真係招牌！油菜：芥蘭青翠味甜，點蠔油食一流。真係高質麵店，一定Encore !!…查看更多

Lunch經過呢個裝修好懷舊嘅麵檔，決定黎試下😄😄叫左個雙拼粉麵 $46 +$16轉蝦籽撈 招牌虎蝦雲吞 新鮮騸牯牛肉 雲吞好大粒，基本上每粒雲吞麵有兩隻大蝦！😍😍新鮮騸牯牛肉好濃牛味，一啲都唔韌👍而且份量好多！💗💗蝦籽撈麵落左好多蝦籽好足料，每一啖都食都蝦籽，超級推薦😄幼麵彈牙爽口，另外撈麵仲會跟碗上湯😋😋郊外油菜 $20另外仲叫左個菜心，好味😋😆豆漿 $9豆漿係低糖豆漿，唔太甜👍👍…查看更多

老字號真係真材實料，店內充滿傳承既故事同人情味，門口祝賀花已經感受到街坊既支持。老闆延續父親係觀塘既老招牌，不僅僅係延續生意，更加係一份對傳統風味既堅持。招牌雙拼 (虎蝦雲吞 ＋ 新鮮騸牯牛肉) / 可選擇配粉麵或撈麵湯底金黃清澈，陣陣既濃郁大地魚香，入口鮮甜而不帶味精鹹，飲得出係真材實料熬製，食材原汁原味。虎蝦雲吞每粒都似元寶咁大粒飽滿，咬開見到有整整三隻虎蝦，蝦肉爽脆鮮甜，口感爽，真材實料無欺場。騸牯牛肉薄切，師傅功夫精準，肉質呈粉嫩色澤，肉質柔嫩不韌；牛味濃郁，入口淡淡油脂甘香，與清湯、蔥花交融味道有層次。炸鯪魚球即叫即炸，外皮金黃酥脆，魚肉脹卜卜，口感彈牙緊實，魚鮮味十足；蜆芥醬有驚喜：蜆肉大粒鮮明，鹹香惹味。…查看更多

餐廳可以揀嘅食物款式唔算多，做得非常之專，主要係得雲吞、鯪魚球同牛肉可以選擇，不過款式唔緊要最緊要係味道～.🐨雲吞麵 單拼推薦度：⭐️⭐️⭐️⭐⭐雲吞麵有三粒大大隻嘅虎蝦雲吞，一上枱梗係想要多幾粒啦，但識落就明白點解得三粒，因為粒粒都非常足料，咬開每一粒都有幾隻大蝦喺入面，所以食落非常彈牙！！如果大家驚唔合適嘅話，就建議大家叫雙拼或三拼啦😆.🐨蝦籽撈麵推薦度：⭐️⭐️⭐️⭐識揀梗係要加錢試埋佢哋嘅撈麵啦，只有撈麵先會食到麵嘅精髓！！！蝦籽份量都非常多性價比高，令到成碗撈麵咸香味更濃～今次揀左幼麵，食落又咬口，少少鹼水味，非常正宗～飲埋免費添加既上湯直程係成個身都暖埋，正呀🔥.跟餐仲可以配埋唔同嘅樽裝飲品，如果多人食佢仲有炸雲吞皮等不同小食建議大家可以share幫小編試埋啦🫠 每台都有提供紙巾，絕對係依家餐廳少有嘅細心💓…查看更多

呢日喺K11買禮物比朋友，原本諗住快快手買完返屋企食飯，點知揀左好奈，見咁晏，就直頭喺尖沙咀食埋先。通常一個人又想食得方便，我都會去雲吞麵舖到食。行行下見到呢間新開嘅雲吞麵舖，都幾特別，只有三樣餸揀，於是就吸引左我黎試下。 一入門口見到職員包緊雲吞，原本就想即刻叫碗雲吞麵，但又見到小食有炸雲吞好想食，於是就決定叫平時雲吞麵舖唔見有嘅騸牯牛同炸雲吞。 枱面上仲有紙巾供應，而且筷紙好懷舊feel，寫上百年好合，龍鳳呈祥，細個屋企都有呢啲筷子，好有feel。 新鮮騸牯牛肉米粉平時因為成日打邊爐而認識騸牯牛，估唔到雲吞麵舖都食到，肉質纖維細緻，口感好柔軟。而且份量好多，基本上我都係一啖肉一啖粉，但食完啲粉都仲有牛。 甜酸炸雲吞呢度嘅雲吞係標榜用虎蝦，真係好吸引，炸雲吞炸得酥脆，蝦肉好多大大隻又彈牙，用虎蝦果然唔同。比較驚喜係炸雲吞皮，因為佢比起平常食開嘅唔同，呢度嘅係比較深色同厚身，但更加好味，好香口，難怪有一樣小食係專叫炸雲吞皮黎食啦。點埋甜酸醬就更加滋味。…查看更多

- 雲吞仔🍽️-鮮蝦雲吞蝦籽撈麵雲吞成粒乒乓波咁大🤣皮夠薄蝦肉仲好彈牙😋蝦籽麵質夠彈牙爽口👍-牛肉河牛肉都好嫩滑一定要加佢個秘制辣椒油同豉油勁好味😋-炸鯪魚球新鮮即叫即炸放低既時候脹卜卜勁大粒😂仲要勁彈差d夾唔起🤣蜆芥d蜆手指公咁大粒調味岩岩好😌-🌟評分:🏅🏅🏅🏅📍地址: 尖沙咀赫德道1-3號利威商業大廈地下3號舖-#foodieluveat#foodieluveat_hk#foodieluveat_尖沙咀#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港 #相機食先 #吃貨 #食好西 #雲吞麵 #港式粉麵 #尖沙咀 #雲吞仔 #牛肉河…查看更多