雲南小鍋米線

营业中

休息中

細細聲講比大家聽🙊但我就其實係米線達人❗️#食勻葵涌 #米線關注組🍜-一直我都好中意食米線，所以佢成日都會帶我食佢覺得一試難忘嘅米線店。無可否認港島好少好食嘅米線，好多出名嘅都會喺荃灣區🥲今次介紹俾大家呢一間雖然唔係荃灣區，但係都可以話喺新界數一數二嘅米線😋-🤩皇牌米線 走辣($57)今次已經係第二次過到嚟呢邊食，兩次我都係叫皇牌米線，因為實在好足料。雞絲，腩肉，肉碎，配菜韭芽走唔甩，仲有螺旋藻，夠晒特別。值得一提嘅係，佢本身啲腩肉已經有少少辣，如果唔食得辣嘅朋友，建議可以學我叫走辣。食得辣嘅朋友仔，不妨可以試吓佢哋嘅辣，記得帶紙巾呀❗️🍜🐽豬軟骨蘿蔔炸醬米線 小辣其實都係熟客仔，坐低Menu都唔洗睇已經識嗌。因為皇牌入邊已經有腩肉，所以就叫左最入味嘅豬軟骨，蘿蔔夠鮮甜，加上炸醬嘅刺激感，必食。🍹飲品方面，我地叫左一杯凍利賓納解下辣，唔知係咪好耐冇飲過，特別好飲。

雲南小鍋米線 (葵涌)♡︎𝗖𝗔𝗨𝗦𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$57 皇牌米線(9/10🌟）❤️ᴡᴀɴ ɴᴀᴍ sɪᴜ ᴡᴏᴋ ɴᴏᴏᴅʟᴇ -ᴀ❤️皇牌米線🍜特別之處係有好多雞絲🍗同螺旋藻🌱。雞絲同螺旋草鋪滿左成碗，每啖麵幾乎一定有好豐富既配菜一齊入口，好正✨。店舖指雞絲係用雞胸肉煮熟再人手撕碎🫡，極度容易索湯。而當中既腩肉亦都燘煮咗兩個鐘，非常入味😋。$56 過橋米線(9/10🌟)❤️ᴡᴀɴ ɴᴀᴍ sɪᴜ ᴡᴏᴋ ɴᴏᴏᴅʟᴇ -ʙ❤️過橋米線🍜材料一樣好豐富，有蟹柳、腐竹、火腿、紅腸等鋪滿咗半個碗。同時亦有好多配菜包括🥬芽菜、酸菜、韭菜、肉碎🥩。湯底酸度辣度都適中，唔會太酸太辣，湯底用豬骨雞腳熬咗9個鐘，飲落相當惹味😙。而且個碗好大，分量十足，紅腸亦都大大塊啖啖肉。食物：9/10環境：4.5/10性價比：9/10📝小店有兩層，下層環境較狹窄，上層環境裝修較好，坐得會舒適啲。📍葵涌梨木道112號葵寶大廈地下5號舖#hotnoodles #noodle #chickenbreast #bigbowl #ricenoodles #sausage #spirulina #hkfood #food

🌟石蔭雲南小鍋米線🌟⁡幾年前食過呢間米線印象幾深🍜今日難得泥到葵涌睇下keep 吓唔keep到當年水準！！話說呢間米線鋪長期都係米線關注組嘅頭幾位🤣⁡🎀<雞絲豬軟骨螺旋藻小鍋米線$61> ⁡雞絲係呢度嘅人氣之選🐓🐔份量好多軟綿綿 亦好健康❤️⁡豬軟骨比雞絲更驚喜🤩有三大嚿🐷🐷🐷全部都煮得幾腍又入味～友人都狂讚嗰豬軟骨😎⁡螺旋藻爽口🌱配搭米線唔錯唔錯⁡講反正題米線煮得夠煙靭湯底酸度恰宜筆者無叫辣嘅關係就唔評論辣嘅部分了但聽友人評價都算幾辣🌶😂⁡題外話每碗米線可加錢加飲品但原來小店無熱奶茶 只有凍嘅～雖然係咁但呢間小店值得回頭一試👍⁡🌠環境: 6/10👄味道: 8/10 💰價錢: 7/10 👍性價比指數: 7.5/10⁡*☼*―――*☼*―――*☼*―――*☼*―――*☼*雲南小鍋米線 📍葵涌梨木道112號葵寶大廈地下5號舖📞（852）2424 2510⁡⁡⁡⁡

呢間米線小店喺米線關注組出哂名，但因為地方實在太隔涉，今日終於搵咗個地膽fd帶我去🤣佢離港鐵站係好鬼遠，所以點都要轉程小巴/巴士上嚟～我哋大約兩點去到，唔洗等位～鋪頭就係一般米線小店格局，一定唔好預會坐得好舒服🤣我就叫咗雞絲冬菇螺旋藻小鍋紅薯粉 ($62)，好大碗😌而雞絲真係幼到好似雪花咁，可以溶埋落湯一齊食～冬菇厚身入味，而螺旋藻就係好爽口☺️好欣賞佢啲薯粉煮得啱啱好，煙韌得嚟又唔硬😋湯底方面，佢得一款湯底再揀辣度，我覺得佢本身偏甜少少，啲肉碎好惹味，辣度小辣算好適合我～食辣嘢就梗係要叫嘢飲，凍柚子蜜 (加$8)非常足料，好濃好飲😋始終都期待咗好耐，期望有啲高，食完又唔覺得有種好驚艷嘅感覺，未必值得咁長途跋涉去食，但都算係一碗好食同會令人上癮嘅米線～

食過咁多間米線🍜最鍾意都真係呢度❤最推介係個雞絲同埋腩肉！兩款都好好食😋雞絲絲到好幼 超級索湯～腩肉都好入味！仲有好見嘅螺旋藻都唔錯！米線嘅湯底有好多肉碎 好惹味！

📍 📍 雲南小鍋米線 (葵涌)葵涌梨木道112號葵寶大廈地下5號舖呢間長期係米線關注群組頭幾位既店，住附近既我一直都係粉絲，間唔中就會想食😋👉皇牌米線 💰57😋😋😋😋/5米線配料份量好多，有菲芽、酸菜、肉碎、仲有腩肉、螺旋藻，同埋雞絲。腩肉少肥唔會乾，又醃過帶微辣幾過癮，雞絲真係撕得好幼細，好索湯，仲可以叫佢多酸，走米線多芽菜，呢啲咁客製化既野只有小店做到😆😆❤️❤️回頭:yes，食左咁多年一定會繼續食😆😆

喺谷友介紹之下，試左聲稱全港頭三甲之一既米線🤤本人本身偏愛食酸辣湯底😝因為咁出名所以我都嗌左幾個餸豬大腸,雞絲,腩肉,炸醬👍成碗面都好大碗, 女士真無係未必食得哂豬大腸味道普通無咩臭味，而且切得比平時出面見到既幼細。雞絲必定係少少鞋既,但係夠碎,撈埋啲湯汁食好味👍腩肉唔鞋，而且本身醃左味，所以呢個都好食👍炸醬係我最欣賞既，因為佢係有炒過,所以係乾身既,味道辣辣地好惹味！總括而言，由於地點比較隔涉,唔係揸車真係未必會特登再去! 米線屬中上級數😝

呢一間喺葵涌嘅米線 一直都係我心目中嘅最愛！嚟到一定要食佢哋嘅雞絲！！真係鋪到半個碗都係 超級足料😋而且佢勁索湯 超級惹味 湯底都好濃 但係食落唔會好油膩👍🏼腐竹都好誇張 係原塊上 好食價錢又親民💕

米線係其中一樣令我着迷嘅食物，口感獨特，軟棉棉又索湯，只要湯底夠靚基本已經一定好味，呢次係我第一次食小鍋米線今次黎左葵涌，呢有分新舊店面，新店只係舊店行上幾級樓梯就到，今次店員帶咗去新店，唔算等咗好耐已經可以入座-自選小鍋米線 我就揀咗雞絲 &同埋炸醬炸醬大大碗都幾有睇頭，雞絲同埋炸醬嘅份量都非常之多，湯底唔錯，唔算係好出色但係都OK，炸醬略嫌鹹咗少少，米線口感不過不失，食完都幾飽，但就無一種要再食嘅衝動

🍜 皇牌米線 $57評分： 3.8/5配料份量好多，除左有韮芽、酸菜、肉碎、仲有腩肉、螺旋藻，同好出名既雞絲。腩肉帶少肥唔會乾爭爭，帶微辣幾過癮，雞絲好幼細，吸左酸辣湯汁，係重口味之選。叫左小辣，辣度十足，但小編覺得辣味有D蓋過左米線既酸味。🍜 雞翼尖、腩肉小窩米線 $49評分： 3.5/5份量一樣好足料，雞翼尖有醃過，但相對腩肉，比較普通。🌶 麻辣雙拼 $39評分： 3/5有豬肚、鴨賢同豬耳揀，最後揀左豬肚同豬耳，味道正常。總結：1️⃣ 份量超多，好抵食。2️⃣ 腩肉、雞絲值得一試，但湯底酸D會更好。3️⃣ 上次係星期六去食，1、2點開始要等位，建議早少少去。

同樣叫「雲南小鍋米線」的香港就不計其數～但今次介紹嘅：就只此1️⃣間！喺石蔭區一條斜路上響噹噹的老字號💮今次我就叫咗👑王牌組合👑*雪花雞絲&麻辣腩肉&螺旋藻*湯底喺每日堅持不懈逐碗逐碗～新鮮熬製🔥而米線腍度適中～唔會太生/太熟另外夠辣都係呢間店既特色之一本身湯底嘅肉碎已經有一定辣度湯底亦都可以再加其他辣度唔想食辣既朋友可以走肉碎~另外佢腩肉本身都自帶辣度所以我自己就肉碎辣+腩肉辣已經好夠🥵雖然雪花雞絲喺呢間店嘅招牌菜但個人認為真正主打嘅喺-麻辣腩肉❗️唔會紙咁薄、又唔會書咁厚肉質軟腍，完全唔嚡口 ^3^秘製辣汁+新鮮湯底又入味又惹味而雪花雞絲是神助攻 (^з^)-☆將米線&湯底之間完美融合混然一體、相輔相成☯︎︎☯︎︎☯︎︎令整體提昇再高一嗰層次～所以呢兩個餸都缺一不可！至於螺旋藻☘️其實同一般食開嘅海帶&昆布喺三種完全截然不同嘅海藻嚟！螺旋藻嘅營養價值遠高於其餘兩種含有大量蛋白質&氨基酸(人體不能合成)、微量元素、0膽固醇……絕對係清腸胃嘅健康之選🌟👍🏻呢款王牌組合+小鍋米線$57其實喺呢到叫兩個餸都飽肚尤其是深不見底嘅雞絲&足料腩肉個肚記得預留定嗰位飲埋啲湯啊！！香港小鍋米線選擇眾多！但真係好食既又有

想食呢間米線好耐 奈何一定唔會係順路黎食要專登轉車入去食 因為附近無咩行暫時香港no.1米線無包野飲 $50但真係好好食湯好濃好夠味由於我食唔到辣 叫左唔辣先係我岩岩好食到既辣度見推介有雞絲 腩肉 就點左試下腩肉好食但雞絲都幾鞋 下次再食會轉試螺旋藻都係推介黎既今次唔係繁忙時間都好多人要等位

雲南小鍋米線🍜石蔭小店係4-5年前食過一次，個陣已經有人話好好食 ，但我試過之後就唔太覺得超好食眼見哩一兩年米線關注組吹捧得好勁，被稱為「全宇宙最好食」米線！決定再比次機會佢，睇下係咪真喺咁好食 ！個人認為有少少誇張🤫🔸螺旋藻豬軟骨米線(小辣）$51整體來講米線量都多嘅，價錢唔算十分抵食，而且要等位等得好耐，湯頭味道唔算好特別～但係我覺得好好好甜….本人對甜味特別敏感！湯底味精重就幾乎間間米線都係咁😂唔係超好食，但亦都唔難食所以我個人就未必會再去多次🍜😎每個人口味都唔同，以上言論只供參考📍葵涌梨木道112號葵寶大廈地下5號舖

呢間米線店已開業超過20年，儲落一班附近街坊同學生客仔，逢午市、假日必會大排長龍！店舖位置係石蔭有D偏，唔近地鐵站，喺葵興地鐵站落車行路要成半個鐘以上，所以都係轉巴士或者小巴上去。上年裝潢左個招牌，少左年代感，但店內環境其實不變，佢有兩個舖位，互相通連，可以上落，廚房煮野食係下面個舖位。眼見好多人等位同等外賣，大家想堂食要早D拎位。咁啱星期六12點到一去到就有門口2個位，直入唔洗等，但叫完野食都等左成15-20分鐘野食先到，真係太多外賣單要做，電話都響唔停，要食好西係要先學識等待！黎呢到大家唔洗諗咩湯底，因為得一款就係「酸辣」，聽聞老闆娘婆婆喺正宗雲南人，盡得佢真傳。現時小鍋米線入面嘅酸菜亦係來自雲南，為嘅係保持雲南嘅風味！呢到每一碗米線都係堅持每碗現煮，而唔係一大鑊煮哂，所以等候時間會更長。一碗好嘅米線，湯底尤其重要，係成碗麵當中嘅靈魂。呢到湯底有酸菜、辣肉碎同埋辣椒醬，辣椒醬係老闆娘自家製作，足料惹味，飲落個酸香味、辣味同蒜味好香濃同特出，而大家亦可以係碗米線見到有大量辣椒碎粒。大家叫辣度真係可以減少一度，因為有時老闆娘會重手左，小辣變中小辣。越食個辣味會越出，個麻會令到條脷發麻，

喺ig見到foodie推，咁我就跟行完城門水塘再去石蔭食啦🤩因為行耐左，5點半左右去到諗住趕到堂食，見到有人喺入面食緊，但係店員已經話冇堂食😭😭 算啦本身都諗住打定輸數趕唔到要外賣😂 好多街坊都叫外賣，嗰日清明節，未到6點都等左至少15分鐘。路途遙遠，搭巴士轉地鐵再搭巴士返香港仔，返到去碗湯都暖嘅，不過我梗係煲返熱個湯啦😎啲雞絲簡直係海量，驚你食唔夠咁😂 岩哂我要蛋白質😂螺旋藻supplement就食得多，佢嘅真身真係第一次見!又係海量，不過男朋友話佢啲味搞到個湯底多左啲海草味😂 唔加螺旋藻個湯底好正👍👍👍菜肉雲吞大大隻，不過冇咩特別🤔豬紅唔會太淋又唔會太硬，冇腥味非常好👍而辣度真係比openrice啲評價呃哂，啲人話小小辣都好辣，完全唔辣囉🥺 早知一碗小辣+一碗小小辣，屋企食辣真係唔怕🥺唔係住嗰頭真係冇機會再食，城門水塘又唔會行多次，食完冇得再食真係好sad😭😭