雲南味味小食

营业中

休息中

呢間小店既雲南米線好食，有好多種唔同既口味。佢地既麻辣雞米線好正，食得辣既可以一試。而我自己就最鍾意手撕雞米線，好味！米線有大中細，中size都好適合我正常人既食量，男士可以選擇大既。店舖空間唔係好大，不過有外面同裡面既位可以坐，都唔洗等好耐。

呢間店系人地介紹黎食，佢話佢細細個已經開始食老實講店真系好細，座位之間都好迫，真系身形肥少少行過都會撞到人。不過好在食客食完都唔會坐底hea所以交枱速度都好快同行叫左手C雞米線～我就好中意食佢既麻辣雞，炒得好香又夠辣仲有好多洋蔥好甜好易入口。酸菜肉大米線35蚊，酸菜肉都好多夠食哂成碗米線米線口感偏淋，尚算滑身如果中意食爽口米既呢間就應該唔岩你啦湯底全部都系清湯，所以唔怕重口味～每碗有少量芽菜同九菜2碗米線，一份麻辣雞，2罐汽水，埋單84蚊，今時今日既香港黎講好平架啦～

好似無係馬鞍山食野。人人都話馬鞍山係美食沙漠，我就話其實馬鞍山都有好多好野食！今次要介紹既就係——雲南米線！呢間舖開左好多年，每次黎到都keep住有客。店內位置唔太，只有五張枱，呢張係一張四人枱。價錢非常之實惠煎蛋腸仔唔計，而家邊度仲搵到$10蚊一塊煎豬排$9 有八隻雞尖！$1 有一隻 仲想點！雞翼係好入味，好稔又好滑不過就有啲油，一個人食哂8隻真係吃不消再黎係豬頭肉～呢個咁有特色其實好難搵 酸酸辣辣非常之開胃！醬汁夠多，每一條都食到酸辣味佢既辣度係bb辣黎，而肉係凍既不過有時候會比豬毛吉到😂$34作結 咁既價錢 咁既份量 我好滿意架啦

之前聽過同事話呢一間米線好味, 所以早排有晚就過黎呢度食, 佢D米線份量有大/中/小揀,  我唔係好清楚D份量有幾多就叫個中size試下吧. 我叫左麻辣雞米線 (中size) ($32), 本身落單時有問店員有冇得揀辣度, 但原來只有一種辣度.而呢個雖然叫“麻辣雞”, 但我由開始食到最尾...好細心咁樣食...都完全食唔出有任何麻辣味一味得個死辣..仲要係好辣下....麻辣雞除左有D雞肉, 仲有唔少洋蔥. 其實呢味餸個味道係唔算差, 但係就好好好油膩... 而且最重要既麻辣係完全唔合格...或者就咁叫辣雞米線會適合D吧!

如果問米線店有邊間係食極唔厭，呢間一定榮登三甲由細食到大，最鐘意佢嘅酸菜肉同麻辣雞今次兩樣都叫晒，再加隻雞翼，同一杯豆漿，食到飽一飽先走。呢度唯一唔好係鋪頭細，坐得唔太舒服，但我都牀鐘意成日黎因爲太好食啦個米線比我撈到樣衰左佢啲酸菜肉即炒即入湯，香噴噴嘅味撲鼻而來，麻辣雞大家都好鐘意，少食辣嘅人會食到眼紅同咳豆漿解辣就一流，呢個係完美配塔。至於雞翼係第一次試，平時都係食米線為主，比較少叫小菜。雞肉幾淋，好入味，不過就唔夠上面講嘅組合特別講起麻辣雞，想試又怕辣嘅話記得另上，咁就可以自己調節米線嘅麻辣程度啦～～

這間米線舖，也算是馬鞍山的特色小店之一，米線雖非常之林，但是每一款配料都非常出色。腩肉，大大片，肥肉不太多，瘦肉較多，不會吃到滿口痴牙，而且非常入味。米線分為大中細，我的小米線，也覺得米線不少，如果吃大米線的話，其實非常之多。有人的麻辣雞，辣味不算非常濃，不會吃到很嗆口的感覺，麻的味道更加強烈，吃到滿口麻麻的感覺。小食，臭豆腐才是精選，有點兒辣味鹽攤在碟邊，輕微辣口，味道也非常香濃，真的有內地那種臭豆腐的韻味。雞翼尖也是被迫吃的，因為我今日本身，不太有興趣吃雞翼尖。溫度好像微冷，但仍算入味。雖然老闆兩夫婦，看起來好像沒有什麼笑容，但是工作非常爽利，手腳又快，在馬鞍山這個美食沙漠（跟青衣一樣），這也算是一間不錯的小店。

這間雲南米線可算是由細食到大食極都不厭！有時候外出旅行十多天 就會想吃一下 ！招牌有麻辣雞米線 ，臭豆腐 ， 豬頭肉， 豬扒等麻辣雞又香又辣用洋蔥炒起， 配落米線真係一流。 這店的米線不會煮得很硬身， 軟軟的。 臭豆腐和香港街頭小食的不同。 他們碟碟都是新鮮即炸 ，臭味不會遠播 值味道已夠臭， 配上丁丁華鹽， 正！ 豬扒就算幾飽都會忍不住加一加送， 很入味很軟常味道的豬扒。 家裡沒飯吃 在這吃碗面的確是不錯的選擇。當然小店環境不是很舒服 ， 但是老闆禮貌很好 很有人情味 。

同朋友係馬鞍山食米線，搵間做得比較耐諗住好些少。點知食物質素同價錢仲要衰過隔離間嘜仔。叫吃水餃米線(HKD 35) 中SIZE和豬扒米線。真係搞鬼，水餃得果三粒，食左好似冇食。隻餃一來細隻，又唔夠豬肉，完全冇味道，好似食菜咁一樣。睇返價錢牌，原來淨米線已經(HKD 23)，貴到離譜。 坦白講，米線毫無口感之言，唔彈口，食食下又有少少硬粒。食過朋友碗米線豬扒，又硬又乾又難入口。豬扒相信雪得太耐，肌肉纖維受偒了。扮野放係米線上面吸湯水會冇咁乾，玩咩。塊扒係品質差就係差，點整係都係搞得唔好食最難接受就係個服務生，同一隻手收錢，同一隻手包水餃。岩岩仲要食完.....真係不過佢有樣野最好，就係難食，好難食。

好耐都無入來這區, 如果唔係搵朋友食飯都應該唔會來呀..朋友帶路話這間米線唔錯價錢實惠講真座位都唔會舒服, 不過喜歡家庭式食店感覺親切, 這裡米線分大中小, 岩晒我胃口唔大又唔想浪費食物, 點左個手撕雞同朋友share, 細酸菜肉米線同豆漿就算點左個細米線份量都幾大份, 酸菜夠多夠開胃, 下面有好多芽菜岩晒我喜歡食菜既人, 至於個手撕雞好香麻油但可惜只有辣味而食唔到有麻味對這個小食有點失望整體上來講食物都唔錯價錢夠晒街坊價唔怪之得中午時份都幾多人幫襯.地址:馬鞍山富輝商場地下G3 , G4 舖

今晚叫了麻辣雞中米線，這裡有個特別好的地方，就是米線份量可選細中大三款size，我第一次去唔知究竟有幾細幾大，就穩穩陣陣叫中size啦～米線黎到之後發現份量都唔少㗎，如果平時細食的話，可以叫細就ok了。味道黎講，唔知係咪我未去到前已經對佢有些期望，所以吃了之後就覺得沒什麼特別。。望落去個米線湯底應該係普通清湯（他們都不像其他米線店有幾款湯底選的，湯底是冇得揀的），上面就加了一堆麻辣雞連洋蔥和醬汁，雞的份量是頗多的，但食落去真係食唔出麻辣味，覺得有辣味但麻味就欠奉了。雞肉就有少少鞋，不過都可以接受。米線的質量反而不錯，粗幼適中，很滑，吃得耐米線也沒有發漲的感覺。

我丫媽勁中意食尼間啲米線，真係好忠心，係我由細食到大。我就唔知有咩咁特別~ 通常每一次去，我都係嗌粟米火腿細米線，感覺上健康啲(我都幾著重健康) 米線有大中細簡，細嘅份量已經夠我食~ 味道正正常常，粟米甜甜地我就岩食架啦～份量可見圖。我媽就會叫水餃麻辣雞米線。水餃係自家制，有3大粒，好味嘅。雞嘅味道都唔會係加工野，家庭煮出黎嘅咁，不過我唔食得辣，要洗下先食到。我都幾中意尼2個餸，通常一齊share咁食。我諗將來都會keep住食，因為我媽太忠心

以前住係樓上, 成日會同媽咪細佬落黎食,自從搬走左, 就無返黎食,甘岩呢日黎開馬鞍山就帶老公黎懷念一下我以前細個食開既米線,甘耐無黎, 好彩無執到,叫左個餃子米線,本來想叫酸菜米線加水餃,不過店員好好, 話甘樣叫會無甘抵,不如食水餃米線會抵D,有3-4隻水餃, 有炸醬, 有肉碎, 有酸菜,老公自己都叫左豌米線, 但我唔記得左佢叫咩另外叫左碟臭豆腐同埋午餐肉,臭豆腐依舊係點果D粉, 味道依舊,豌米線一樣係以前既味道,連老公食完都話真係幾好食,真係好懷念以前所有野都好食,抵食, 唯獨係我覺得午餐肉一D都唔抵食,好薄身,3薄片, 好似$9定$10下次再黎開MA ON SHAN一定都會返黎食

因工作關係，常常在馬鞍山吃午餐，這間的米線餸菜雖然只有數種款式選擇，但已經有兩三款均是自己喜歡的。今天就專程去吃那裡的涼拌米線，沒有加湯，但有炸醬、酸菜、粟米等拌著吃，在這樣熱的天氣下吃真是不錯！另外，喜歡吃辣的可以叫加辣，很好吃呢～

雲南味味小吃今天與弟弟到了這間雲南米線餐廳吃午餐，由於想不到吃什麼好，所以便和弟弟到了這裏吃米線，因為我們都很喜愛吃米線啊！一坐下，我們便已想好吃什麼，我選擇了炸醬腩肉米線，等了大約五分鐘，米線便上枱了！湯底的味道非常濃味，腩肉是有醃製過的，吃起上來有陣陣醬油味，炸醬的味道有少少辣，炸醬肉碎慢慢溶化在湯底裡，令整碗米線更為惹味！

雖然天氣炎熱出外工作都幾辛苦, 但係出外工作就可以去唔同既地區試下美食, 咁樣動力工作先會開心.今日經過此店見到餐牌有臭豆腐, 自然要入去試下.叫左個臭豆腐, 麻辣雞同酸菜米線.個豆腐只係聞又唔覺佢好臭, 不過食落時又散發出陣陣既臭味十分過癮, 味道都唔錯豆腐炸得金黃.至於個小食麻辣雞就好一般, 又唔麻又唔辣, 雞肉又鞋煮得過火.反而個酸菜肉米線都算唔錯, 配菜夠多酸菜醒胃十分可口.