影片
以上资料只供参考，请与餐厅确认详情
今日同阿妈嚟食米线 🍜佢周不时都会想食呢间嘅麻辣鸡水饺米线由细食到大今日我嘅口味都OK。想食呢一间。 所以就嚟食啦。我今次想食肉，所以嗌鸡肉米线 米线嗌完好快上枱，我呢碗细嘅$35 鸡肉嘅份量都几多，而且我几钟意食佢啲鸡 觉得好似好味过谭仔𠮶啲真实啲 不过阿妈话其实呢啲都系雪鸡识食嘅男朋友都觉得普通🤣不过我呢啲平民就OK帮我落单嘅系太子女，问可唔可以少米线多芽菜佢话OK。果然真系！好味满足， 再落啲呢间舖头嘅黑醋就好味晒只要唔系繁忙时间上菜都系靓啲同埋快手 可以的话真系唔好拣星期六日嚟🤣🤣阿妈嘅水饺麻辣鸡都好靓仔，好快就上台！水饺米线会有酸菜肉碎 不过如果再加多个尿都要$42再加$14 $56成为佢啲酸菜都好好味 ，当我谂住问阿妈应该点样调制，阿妈醒目地话原来系包装来货，见到一箱箱唔知系咩牌子㗎呢？阿妈钟意食喇，所以食辣好过瘾 我自己食少少已经觉得超级辣整体而言速度快，今日质素唔错 因为系家庭开嘅小店，所以都觉得啲碗筷洗得几干净 同埋有礼貌 有人情味
继续阅读
好朋友介绍我黎依间试麻辣鸡米线，佢讲到好好食咁。今日同阿仔上完堂就过黎试，原来朋友话麻辣鸡最好叫分开上，但我无，仲嗌左大碗$42 黎到真系好大碗米线，都唔错，但我觉得都几辣另外仲叫左个中碗$42 炸酱酸菜水饺米线，即系菜肉饺，呢款我觉得味道好啱我，几好食。
继续阅读
今日去咗传说中嘅美食沙漠马鞍山，经过见到呢间米线舖，之前喺YouTube上面见过，咁啱有啲肚饿，就入去试吓佢个麻辣鸡米线，味道连锁店食嘅一样，味道唔错，唯一要扣分嘅系，啲芽菜全部有跟，食落去有渣，呢个有改善嘅空间如果我下次再经过马鞍山，咁啱行过呢度附近，都可以入去试吓，除咗呢个麻辣鸡米线好多食之外，仲有佢嘅云吞都好多人叫，下次再去呢边觅食嘅时候，试吓佢个云吞，大唔大粒？足唔足料？ 不过舖头冷气唔够夏天𠮶阵就咪搞啦。
继续阅读
从来都唔会写食评，食咗好多年，以为好有人情味，原来人地系会冇视你。有日我地排队等位，喺我哋就嚟等到位之际，有几个阿婶喺我哋后边排队，之后同老细搭讪，仲听到老细话一定会做埋佢哋先收舖。然后老细就过嚟同我哋讲话冇晒米线叫我哋走，于是我哋入去问老细如果我哋都冇得食咁后面𠮶几个阿婶点算？老细避而不答。冇耐见到个几个阿婶坐低咗，我哋一行人嬲到即刻走咗，去食其他嘢，以后唔会再帮衬。老细好冇礼貌，摆明赶客，同埋好唔公道，如果冇米线点解后面𠮶几个阿婶有得食？
继续阅读
今日去咗马鞍山呢一边睇医生，跟住喺附近见到呢一间屋邨下面嘅米线，就决定同朋友试吓好唔好食，见到佢嘅评价都系一半一半，所以一开始都有啲担心，不过食落之后都觉得正正常常猪扒$14，小息嚟讲呢个价钱真系算好平佢嘅猪扒虽然唔系好大块，但系味道我觉得都几好，而且切好晒非常方便！腩肉米线（中）$40，米线份量都几多，汤底嚟讲唔算话太出色，不过我觉得有一个好处就系话唔会太咸。整体嚟讲都几好，腩肉有六大件，唔会好辣，而且都几厚饮品罐装，柠檬茶就$7
继续阅读
您可能会有兴趣的...