雲南味味小食

好耐冇嚟食呢間雲南米線，有鑒於呢間米線平靚正（因為我簡單餸，雞肉而且細碗）我阿媽個碗就要成$56 因為加多個餸就要加14 ，媽咪就嗌餃子中size 麻辣雞米線麻辣雞零上嘅 見到其實都多油，所以唔好直接落唔落去而且都真係幾辣我阿媽食得辣，自然面不改容🤣🤣我覺得好勁，我食幾粒洋蔥都已經覺得好Spicy😳😳🙈不過係好香口辣得好過癮嗰種，所以加落去我個碗做湯底就一流 我對佢呢種厚皮餃子冇咩興趣， 個餡料唔係好多不過好香韭菜豬肉味 阿媽就食開係啦，麻辣雞嗰啲洋蔥好香㗎，平時經過見到佢啲來貨都覺得好新鮮 勁大粒洋蔥今次反而我個雞肉米線冇咁好味，果然係自家製小廚師未到次次都唔同 記得上次啲醃料嘅味道好好味今次就淨係好鹹好鹹，雖然有兩粒大姜見到好開心 不過又唔係好食得出鹹以外嘅未雞肉大概12粒 好足料 $35咋 我少米線多芽菜 不過今次就見到韭菜少 得兩條嘢😭😭搞到冇咁香米線彈牙就好味今日唔多人平日，就算正午時間一點幾都好多位，我就揀咗個好爽嘅卡位，喺風扇隔離 食到熱嘅時候吹一吹幾開心服務方面梗係好啦，全家人都繼續係老闆！好有親切感㗎所以整體而言就算今次嘅味道 冇咁達標，都好滿足👅…查看更多

今日星期六咪食個午餐，好耐冇來食，有啲掛住呢度呢米線 🍜今次地區走到就過嚟食橫掂我阿媽都啱食我以前係食粟米火腿，而家發現雞肉米線陣加抵食，而且大份 有多啲肉飽啲我阿媽就真係十年如一日，非常中心咁樣嗌餃子，中等size米線，加麻辣雞 2+ $42一碗加$14 ，都要56 ，咁樣相對之下，我個碗$35就抵得多份量有勁多，我數過我仲有大概14件雞粒，好實在好飽肚，好多芽菜老闆幫我落單 小店係唔同啲，座位唔係話好舒服，但係都OK 舖頭入面嘅位就會有冷氣我阿媽個碗個餃子就同平時差唔多尾最緊要有韭菜，但係個肉碎酸菜同埋個麻辣雞就好似冇以前咁好味，今次唔知點解覺得啲雞冇咁辣整體而言$91買單抵食…查看更多

好耐冇食米線，呢日就同阿媽encore呢間由細食到大嘅雲南米線以前鍾意食火腿粟米，而家就鍾意食雞肉米線！因為佢啲雞啖啖肉得來又唔會太肥啱晒我太好啦，最近都冇乜加價聽日嘅中午都多人，我哋啱啱好開到張枱唔使等嗌咗雞肉米線細 一上枱覺得好靚仔我就食開都知道係唔少雞肉架🫶🏻今次阿媽第一次見我叫，講咗幾次都幾多雞肉喎 我都話係，因為之前都唔少，但係今次好似食極都有🤣🤣🤣老板今日好好🥰食到勁滿足好飽 大食鬼嘢我鍾意食一餐滿足晒阿媽食開麻辣雞，就話我呢啲冇味，我叫佢試一嚿佢就覺得係喎幾好味 反而我覺得阿媽個碗水餃麻辣雞米線嘅雞肉，好似冇嗰啲咁好食 辣嘅味道就都係嗰種加嘅秘製味道但係雞肉鞋少少🤏水餃係真係雲南水餃嘅煙韌口感，入面嘅韭菜餡都好香 唔大唔細嘅size啱晒呀媽:)人情味小店， 支持支持…查看更多

今日同阿媽嚟食米線 🍜佢周不時都會想食呢間嘅麻辣雞水餃米線由細食到大今日我嘅口味都OK。想食呢一間。 所以就嚟食啦。我今次想食肉，所以嗌雞肉米線 米線嗌完好快上枱，我呢碗細嘅$35 雞肉嘅份量都幾多，而且我幾鍾意食佢啲雞 覺得好似好味過譚仔嗰啲真實啲 不過阿媽話其實呢啲都係雪雞識食嘅男朋友都覺得普通🤣不過我呢啲平民就OK幫我落單嘅係太子女，問可唔可以少米線多芽菜佢話OK。果然真係！好味滿足， 再落啲呢間舖頭嘅黑醋就好味晒只要唔係繁忙時間上菜都係靚啲同埋快手 可以的話真係唔好揀星期六日嚟🤣🤣阿媽嘅水餃麻辣雞都好靚仔，好快就上台！水餃米線會有酸菜肉碎 不過如果再加多個尿都要$42再加$14 $56成為佢啲酸菜都好好味 ，當我諗住問阿媽應該點樣調製，阿媽醒目地話原來係包裝來貨，見到一箱箱唔知係咩牌子㗎呢？阿媽鍾意食喇，所以食辣好過癮 我自己食少少已經覺得超級辣整體而言速度快，今日質素唔錯 因為係家庭開嘅小店，所以都覺得啲碗筷洗得幾乾淨 同埋有禮貌 有人情味…查看更多

好朋友介紹我黎依間試麻辣雞米線，佢講到好好食咁。今日同阿仔上完堂就過黎試，原來朋友話麻辣雞最好叫分開上，但我無，仲嗌左大碗$42 黎到真係好大碗米線，都唔錯，但我覺得都幾辣另外仲叫左個中碗$42 炸醬酸菜水餃米線，即係菜肉餃，呢款我覺得味道好啱我，幾好食。…查看更多

今日大男朋友第一次嚟試食 好耐冇食粟米火腿，今次過嚟就嗌，但係點知唔同以前嘅味好似啲質素唔係好穩定，好似前幾日嚟食嗰個臭豆腐就係好乾噌噌完全唔好食 今日呢個新鮮好多因為今次即刻整 雞肉米線，新鮮好味！好多八角粒粒嗌咗個手撕雞同埋皮蛋，皮蛋好好味，因為佢個黑醋好味麻辣雞真係辣到飛起，個個都食呢個，男朋友食得辣都覺得幾過癮通菜好大碟夠！服務態度都好好呀老闆！手撕雞走辣，少油好似真係有少油度男朋友食下啲好靚嘅雞…查看更多

今日去咗傳說中嘅美食沙漠馬鞍山，經過見到呢間米線舖，之前喺YouTube上面見過，咁啱有啲肚餓，就入去試吓佢個麻辣雞米線，味道連鎖店食嘅一樣，味道唔錯，唯一要扣分嘅係，啲芽菜全部有跟，食落去有渣，呢個有改善嘅空間如果我下次再經過馬鞍山，咁啱行過呢度附近，都可以入去試吓，除咗呢個麻辣雞米線好多食之外，仲有佢嘅雲吞都好多人叫，下次再去呢邊覓食嘅時候，試吓佢個雲吞，大唔大粒？足唔足料？ 不過舖頭冷氣唔夠夏天嗰陣就咪搞啦。…查看更多

從來都唔會寫食評，食咗好多年，以為好有人情味，原來人地係會冇視你。有日我地排隊等位，喺我哋就嚟等到位之際，有幾個阿嬸喺我哋後邊排隊，之後同老細搭訕，仲聽到老細話一定會做埋佢哋先收舖。然後老細就過嚟同我哋講話冇晒米線叫我哋走，於是我哋入去問老細如果我哋都冇得食咁後面嗰幾個阿嬸點算？老細避而不答。冇耐見到個幾個阿嬸坐低咗，我哋一行人嬲到即刻走咗，去食其他嘢，以後唔會再幫襯。老細好冇禮貌，擺明趕客，同埋好唔公道，如果冇米線點解後面嗰幾個阿嬸有得食？…查看更多

今日去咗馬鞍山呢一邊睇醫生，跟住喺附近見到呢一間屋邨下面嘅米線，就決定同朋友試吓好唔好食，見到佢嘅評價都係一半一半，所以一開始都有啲擔心，不過食落之後都覺得正正常常豬扒$14，小息嚟講呢個價錢真係算好平佢嘅豬扒雖然唔係好大塊，但係味道我覺得都幾好，而且切好晒非常方便！腩肉米線（中）$40，米線份量都幾多，湯底嚟講唔算話太出色，不過我覺得有一個好處就係話唔會太鹹。整體嚟講都幾好，腩肉有六大件，唔會好辣，而且都幾厚飲品罐裝，檸檬茶就$7…查看更多

這間米線小店在馬鞍山紮根多年，主打雲南家常味道，陪伴不少街坊成長🕴🏻而我這個區外人，最近亦因為在YouTube上看到有影片介紹，而特意前來一試這間區內著名的街坊食堂🤔———————————————————————光從外觀上看，麻辣雞似乎非常辛辣🌶️但入口辣度卻出乎意料的低😧大概只是五小辣的程度，反而是麻香味道較重😳雞肉炒得十分入味，但肉質非常乾柴，欠缺彈性👎🏻而且麻辣雞始終經辣椒油炒過，醬汁令整碗米線變得相當油膩🥴建議落單時可要求店家將麻辣雞另上，以免米線變得過度重口味😵‍💫湯底方面是豬骨雞骨湯🐷🐔入口非常清淡，與連鎖米線店的濃味湯底截然不同🙅🏻是令人較為舒服，負擔較少的湯頭😇酸菜肉份量相當充足，酸菜鹹酸程度適中😋即使是不太愛好吃酸的我也能接受👌🏻同時湯底亦因酸菜而添加了一份酸味，非常開胃🤗臭豆腐也是這店的名物之一🤩相比起坊間小食店的臭豆腐，這裡的臭豆腐氣味較為輕淡，不算濃烈😃而所採用的豆腐亦不是一般所見的嫩滑豆腐，是種較為乾身，略帶咬口的豆腐🧐經過油炸後表面香脆，內裡十分實淨，非常有特色😎———————————————————————這間小店的食品味道質素雖然不是特別高，但能夠屹立多年，相信街坊吃的主要是情懷和回憶❣️…查看更多

呢間米線舖開咗好多年，亦都幫襯咗好多年，真係得馬鞍山先搵到嘅味道，最鍾意佢嘅水餃米線，伴有酸菜同炸醬，韭菜同芽菜就全部米線都會有，非常惹味米線仲有大、中、小嘅份量比大家選擇，非常貼心！…查看更多

老闆一家人經營，馬鞍山地道美食，屹立十幾年，係富有人情味既小食店。食物水準中上，同連所既味精米線舖有別，依間米線偏清淡，但配上麻辣雞既汁剛剛好，雞肉咬落有肉汁，洋蔥熟度剛好，個人比較鍾意食洋蔥多如果想食清淡又想試麻辣雞，可以叫老闆分開上份雞。小吃推薦臭豆腐同豬頭肉，臭豆腐外脆內軟，配合老闆自家製既辣椒粉更好食。個人每次去都叫兩份豬頭肉，醋酸味適中，唔太咸，連小朋友都鍾意食。依水餃味道清淡，比較適合小朋友。…查看更多

由細食到大嘅米線🥹🥹🥹每次都會食麻辣雞真係超好食，🫡🫡每次返馬鞍山都食，😀😀真係幾唔錯，😄😁🤣🥲😆😊有分大碗😄中館同😄細碗選擇😄…查看更多

近期居住嘅環境變左，離開左生活超過廿年嘅紅土區，黎到細個都經常打等嘅馬鞍山區生活🏡當時資訊科技冇咁發達，冇咁多人評論邊區邊區有咩好野食👀但細個果陣而家覺得馬鞍山區係冇野食，係落街食都冇咩野特別想試果種👀不過聽聞近5-10年其實呢一區都變化得好大，可能隨著愈黎愈多嘅私樓落成，唔再係以前嘅居屋集中地（除左新港城一帶）所以連帶食店都多左好多選擇😀今日自己一丁友搵野食嘅時候就搵到呢間毫不起眼但聽講已經有廿年歷史嘅米線鋪黎試試佢星期日下午兩點黎到，地理位置的確唔易搵而且店舖面積真係比較細，不過而家嘅香港，搵小店食野先係樂趣:)之前都做個下資料搜集知道佢出名d乜，所以就叫左碗酸菜麻辣雞米線+臭豆腐呢到幾好就係米線嘅size可以自己揀，咁我就叫左個中試試佢，份量都唔細，不過比較食得多野嘅男性就可能爭少少麻辣雞係呢到嘅名物，採用嘅應該主要以雞胸肉為主，不過食落唔算乾柴，咬落去麻辣味好強烈，但唔至於嗆喉，係屬於“辣得好過癮”果種，所以會令人慾罷不能不過唔食得辣又想試，就真係要分開上唔好放落個湯到，放左落個湯係會令到碗米線起碼有連鎖譚x 三x嘅麻辣5少嘅辣度，而雞就一定仲辣過個湯因為已經入曬味麻辣雞會配埋洋蔥，我個人就麻麻地，不過的確係有種清新嘅感覺，但我就覺得洋蔥配落碗米線到就唔太夾因為其實呢到嘅湯係好清嘅豬骨湯底，係似家的味道嘅果種清而不淡，可以想像下屋企煲湯，清雞湯或者豬骨湯落洋蔥嘅話就係唔太夾，反而幾時會落洋蔥？就係羅宋湯、蕃茄薯仔湯呢d本身味濃，需要透過洋蔥嘅甜黎做到個balance所以呢碗米線有洋蔥，就唔太合我河車講番碗米線，米線質感偏淋但未至於一夾就散，所以唔算overcooked，但如果好似我咁個人口味係鐘意爽身彈牙嘅，可能就唔太啱喇:)臭豆腐，相傳起源嘅故事同芝士差唔多，都係誤打誤撞將d野擺到發酵(臭)左，又有烈士食完發覺好好食，就發揚光大其實臭豆腐有好多派別，港版、中國大陸版、台灣版都有差別當然我地鐘意食嘅都係食開港版先試埋其他版本嘅，而呢到都係港版臭豆腐，黃皮乾身冇落醬汁落單前職員已經同我講，未夠時間會唔夠臭，有少少偏酸問我接唔接受？講真，我好欣賞呢間鋪嘅做法，先小人後君子，講到明話你知今日出品係唔夠臭你唔好食完嫌我唔臭呀好，我就鐘意你夠坦白，一於試試佢！拿，炸野不嬲個大原則都係即叫即炸熱辣辣實冇死，咁呢到小店就基本上唔會出事上枱的確聞落唔算臭，不過“香”味係有嘅食落去都係外脆內軟，先係有淡淡嘅臭味然後就係好薄嘅發酵酸味，食完都仲係有餘韻講真呢碟臭豆腐係收貨嘅，當然我一定會黎再試一次所謂夠時間嘅臭豆腐先可以再判斷真實嘅水準啦，不過以佢地包左底講到明嘅情況下，呢碟臭豆腐，收貨嘅總括黎講，小店嘅環境大家唔好要求咁多，熱門時間黎我諗都要等一陣，不過以麻辣雞同個湯頭黎講，水準絕對係有，值得大家一試…查看更多

💛麻辣雞米線這碗麻辣雞米線是在一家小店購得的。一到達店舖，我就被那誘人的香氣所吸引。我點了一碗麻辣雞米線，不一會兒，就將一碗熱騰騰的雞米線端到我面前。這碗雞米線的樣子非常簡潔，主要由白色的米線、鮮嫩的雞肉粒和一些蔬菜組成。攤主還在上面撒上了一層辣椒粉和花椒粉，讓整碗雞米線散發出濃郁的辣味。我舉起湯匙，第一口將麻辣雞米線送入口中。一瞬間，我感受到了辣椒和花椒的刺激，辣味迅速在舌尖蔓延開來。雞肉鮮嫩多汁，與辣味完美融合，使整碗雞米線更加美味。米線本身柔軟滑爽，搭配上辣味湯汁，讓人吃得津津有味。此外，這碗麻辣雞米線還加入了一些蔬菜，如豆芽、洋蔥等，為整碗湯麵增添了清爽的口感。…查看更多