雪山冰廳

营业中

休息中

餐廳燉湯出名地好飲，食過幾次，只有一次能夠飲到，可惜打去留都賣曬，個湯係值得推介，點了以下套餐：港口味清湯牛腩飯熱檸水：清湯腩跟飯是分開上，牛腩夠腍，個湯撈埋飯超正，清甜蘿蔔有5大舊，牛腩都有6-7舊，份量唔小。芝士漢堡配薯角：唔好睇佢細細個，食落都幾飽，薯角即叫即炸夠脆，醬&芝士雖然多，但唔算膩!! 每次見到想食的餐，並唔係係餐牌見到，係朋友們order 上菜時見到嘅真實樣子，下次要試蒸魚，又大條又新鮮，更想試埋個臘味煲仔飯及羊腩煲。跟姐姐熟左，態度更親切有禮，仲好講得笑，而且上餐速度快，讚讚讚!!!

之前在附近用饍後經過蔽店, 當時已經把餐廳收藏了, 事隔多個月終於親臨用饍 😊 餐廳是60多年歷史的老字號冰廳, 除了一般茶餐廳應有的食物外, 還有越南風味食品, 更有其他創新港式美食, 款式蠻多 👍🏻避風塘生炸雞脾配紅豆冰 $44雞脾皮脆肉嫩, 用刀切開時還有咔嚓幾聲, 炸得金黃, 相當脆口! 🤩 加上避風塘口味既獨特又惹味! 至於紅豆冰紅豆份量不少, 比較多奶。綜合牛湯河配樽仔奶茶 $62所謂綜合牛, 除了一片片肥牛外, 更有牛腩和牛丸, 這個是港式與越式的組合吧 😆 牛丸彈牙多汁, 湯十分清甜, 可根據自己口味加入辣椒和青檸, 如果想單純要港式河粉不額外加配料就可以了 😌 樽仔奶茶茶味濃郁, 不太甜, 口感順滑, 難怪是熱賣之一 😋南乳雞翼 $22由於沾了南乳醬, 顏色比較紅潤, 一上碟已經嗅到陣陣南乳香味, 雞翼為全翼, 完全沒有營養不良的問題 🤣 雞翼同樣炸到金黃, 當然相對下雞脾更脆口!榛子醬西多士 $38西多士非常厚身, 除了外面的蛋香外再配有中間的榛子醬, 還有一大塊牛油和蜜糖, 既邪惡又美味! 😈 雖然二零一七年易手, 而我亦首次到蔽餐廳用饍, 但似乎保持一定水準 😉

之前食過深水埗果間雪山冰廳，已經覺得依間冰廳食物性價比幾高.今次路經長沙灣，原來長沙灣分店是在這裡，當然要幫襯下. 晚肆黃金時間，全店滿座，等咗無耐就入得，天氣涼涼哋，叫咗暖笠笠嘅秘制雙冬羊腩煲嚟食，加錢要埋好受歡迎的燉湯及白飯. 燉湯清甜好味，果日好似係牛蒡湯，配羊腩煲食可以中和羊腩煲的惹味，平衡返味蕾，食飯期間燉湯已經宣布賣晒，想飲記得早啲叫，推介👍🏻. 羊腩煲份量不少，唔太大食的話，兩個人叫多個燉湯白飯剛剛好. 支竹入味口感適中，唔會過淋身失去口感，羊腩有少少羶味，鍾意食羊嘅朋友就係應該鍾意佢依種味❤️，肉質入味淋身，個汁也做得幾好，撈飯一流食完個人好溫暖，在香港這個價錢食羊，這個份量質素，實屬不錯之選. 另外叫咗個胡志明市綜合牛河粉，河粉幾滑身，牛骨湯濃而不鹹，牛丸有肉汁，生牛鮮嫩. 全餐整體來講，不錯，下次想試吓個2 人餐，見好多人也叫好似幾正咁.

之前工作周圍走，在深水埗工作的時候經常光顧雪山冰廳深水埗總店。今日去長沙灣探朋友，見到原來長沙灣都有分店，所以帶朋友去試試🤩🤩避風塘生炸髀配紅豆冰 $44炸髀加紅豆冰是個人最鍾意的下午茶組合😍😍炸髀即叫即炸，上枱的時候熱辣辣，雞皮香脆，雞肉滑身入味。由於炸髀加了避風塘調味，令到味道帶少少辣，更惹味。辣味薯皇 +$9薯皇有驚喜，脆身香口。紅豆冰香甜美味，紅豆起沙軟糯，但保持到有咬口的口感，配上花奶味道剛剛好，不會太甜。榛子醬西多士 $38金黃色的西多士有雞蛋香味，中間是令人無法抗拒的榛子醬，加上牛油同蜜糖，是邪惡味道🤤🤤粟米雜果沙律 +$9港式雜果沙律，份量足，簡單好味。樽仔奶茶 $15 （跟餐+$9）奶茶幼滑，茶味香濃，奶同茶比例剛剛好。用樽仔裝，不會額外加冰，避免奶茶因為冰塊融化而稀釋了奶茶的味道，個人十分鍾意，忍不住叫多了一枝😂😂始祖椒鹽豬扒飯 （炒底） $70見到呢個是必試推介，決定試下。上枱已經好吸引，炸豬扒份量足，肉質鮮嫩，肥瘦適中。炒飯乾身，粒粒分明。整體調味出色濃郁，香辣惹味。餐廳裝修新淨，座位闊落，食物味道不錯，份量足，價錢親民。下午茶時間，近乎坐滿了九成客人。住附近的

行咗幾間冰室終於睇落呢間唔錯😊下午茶餐選擇有田園照燒鷄潛艇+熱奶茶$38😋🤤⋯⋯都抱有期望！等咗約12分鐘果然冇失望🤗鷄扒即燒香脆肉有彈性⋯加上外脆內暖潛艇包👍👍奶茶用咗黑白奶冲夠熱又十分香滑😘呢到卡位很多而且座位間有空間又唔迫整體氛圍都唔錯！

行咗幾間冰室最後搵咗呢間都睇落唔錯🤗比佢餐牌相片嘅田園照燒雞扒潛艇吸引住😋落單大約等咗13分鐘應該係即燒👍果然雞扒又香滑肉質有彈性！好味！加上杯熱奶茶又香滑應係用黑白奶$38高CP值🤤😊整體味道唔錯而且卡位又多座位間又唔迫!😘

長沙灣呢區都好多冰室茶記可以揀下 今次食左呢間冰室不過真係失望了 呢個蒸滑雞飯加熱檸檬茶。熱檸檬茶（ok)不過不失正常既味道蒸滑雞飯 （x)見到有蒸滑雞就諗住試下啦，點知黎到食完一塊都知不妙了，真係差唔多全部都係骨，骨全部都係骨。入邊咁多塊中，真係成堆骨無咩肉，都無幾多肉可以食，只係食左一碗白飯咁。呢個餐食完都唔飽，無咩肉食，食完既骨同未食既餐份量好似差唔多咁，見相，，呢個蒸雞應該係比較多骨既一次了。總結黎講。呢個午餐價食呢個餐完全唔值。

屋企人住長沙灣，一向都偏向鍾意食中餐，唔想吓吓去酒樓咁貴，自然搜羅一啲坐得舒服、抵食、平價又好食嘅餐廳，呢一間可算係近來至愛，二人餐非常豐富！茄子炆倉魚~倉魚香煎兩邊後，加上特製惹味嘅醬汁，令人齒頰留香而且魚肉非常厚肉！小炒王~炒得夠曬鑊氣，店家一啲都唔吝嗇，大大碟而且用到嘅海味同海鮮質素亦都唔差燉湯~坊間既二人餐多數都係例湯而呢一度竟然用燉湯！而且用料豐富，湯汁淡淡香濃！每一個菜式嘅份量都非常大，兩個人絕對可以捧住個肚走，可謂係翻兜之選！

兩個人非常夠食嘅二人餐！而且價錢非常合理！可以選擇嘅小菜亦都非常多（不過有啲需要補差額）環境寬敞，仲要坐得舒服招牌海南雞半隻~海南雞非常肥美厚肉，可多種配搭，有兩款醬汁及醃蘿蔔選擇，可以講係一雞幾食！啖啖肉！非常豐富！😆黑松露醬翡翠淮山炒牛肉~淡淡嘅「煤味」竟然可以激起牛肉嘅特別既香氣，配菜有淮山同西芹，夠曬健康！份量亦都唔少！😋配燉湯及白飯😁燉湯夠味、香濃！用料十足！而且比起坊間其他餐廳，盅嘅尺寸較大，一定夠飲！

雪山冰廳 • 長沙灣呢間餐廳之前都有介紹過，仲有間分店係深水埗。今次見推出滋潤燉湯二人套餐，一於試下。惠顧套餐可以以$178享用蒸魚/海南雞，另加一款小菜同燉湯，價錢都算幾抵食，今次一於試下蒸魚！😋😋..✅ 是日海上鮮 (清蒸盲鰽) 🐟海上鮮有幾款魚可選擇，今次揀左肉質嫩滑嘅盲鰽試一試。魚肉嫩滑，唔會蒸至過火；魚肉非常鮮味，非常新鮮。仲有其他海鮮例如倉魚、左口，都可以試一試架！😙..✅ 窩貼鮮蝦小棠菜 🦐呢道菜其實係蝦膠加上小棠菜而成，再經油炸而成。外表炸至香脆，另附上酸甜汁可蘸👍🏼..✅ 淮山杞子海底椰燉赤肉 🍲湯係套餐包埋，燉湯本身比平時煲湯更保留鮮味更有誠意，湯非常清唔油膩，飲完好滋潤！😝

我最近去咗雪山冰廳食下午茶，點咗芝蛋牛肉漢堡。整體嚟講，味道唔錯漢堡係用新鮮嘅牛肉製成，肉質鮮嫩多汁。加埋芝士同滑蛋，增添咗豐富嘅口感同味道。漢堡麵包微微彈牙，唔會太軟太硬，剛好啱口。整個用餐環境舒適

同屋企人食tea，屋企人想食酸菜魚，估唔到幾好食。🥢老壇子酸菜魚配薯粉：湯底唔辣但有麻味，好過癮而且啱食唔到辣既我。魚肉好嫩滑，而且配料好足，份量夠二人食。🥢芝蛋牛肉漢堡🍔：牛肉好淋，但唔流心。🥢小食拼盤：有炸雞翼、庶蝦、蝦餅同春卷。🥪奶醬西多士：厚西多士好鬆軟👍🏻，啱花生控。🧋茶走紅豆冰/紅豆冰：奶香茶唔澀，紅豆唔會太甜，而且起沙。味道：🔅🔅🔅新鮮：🔅🔅🔅分量：🔅🔅🔅🔅衛生：🔅🔅🔅速度：🔅🔅🔅（5🔅為滿分）

聽聞好多網友也說這間冰室很好吃😋經過長沙灣也便來試試。餐廳環境寧靜舒適，座位很大☺️先點了這𥚃的招牌菜「始祖椒鹽豬扒飯」上枱已經聞到陣陣香味，味相吸引🤩豬扒肉質鮮嫩多汁，炒飯夠乾身，口感唔錯。西多士也是這𥚃的名物😃炸得金黃香脆😙內有我最愛的濃濃榛子醬🍫麵包口感鬆軟，漢堡煎得香口，還有沙津醬，夠晒juicy💦再來邪惡的避風塘蒜炸雞脾🍗好大隻😍熱辣辣🔥外皮香脆，雞肉好滑，好入味🥰

餐廳9點後會出「貓頭鷹」系列，點了以下套餐：醬爆茄子斑腩飯配熱朱古力：整個飯好油膩，茄子係曾經放油炸過，班腩又係炸魚柳，醬汁係以豉汁為主，白飯份量多，同時亦多汁，可惜汁太嗆味食到好腬。熱飲方面熱朱古力有甜味, 可不用另加糖。看見店內馬拉餐是配上奄列+窩夫，不同一般常餐類別，可惜已點了以上套餐，下次再試。另外看見已推出臘味煲仔飯及羊腩煲，期待等天氣再凍啲時候食就正啦。服務姐姐態度親切有禮好Funny，上餐速度快，讚讚讚!!!

同朋友一直都好熱衷於周圍搵啲新式嘅茶記！作為澱粉控我哋今次就去咗位於長沙灣嘅雪山冰廳🧊🙆🏻‍♀️入到去就覺得環境好舒服好光猛，唔會好似其他傳統茶記咁樣食完碗麵就想嗱嗱臨走人⋯⋯😊🙏🏻雖然話係茶餐廳，但係Menu入面就有好多唔同國家嘅菜式！今次我哋總共嗌咗四樣嘢食！以港式越式為主逐樣講吓！🍡🥓🍜—————-——— ฅ՞• •՞ฅ —————————-🥢避風塘炸雞髀 張相顏色冇執過，一嚟到就係咁金黃🌼睇落去就已經好想大大力咬一啖了！雖然睇落去唔係好大隻，但係食完超級飽勁滿足😊因為佢肉質都叫做幾滑同埋好Juicy！上面嘅避風塘脆脆，令到成隻雞髀嘅口味更加有層次👌🏻係好邪惡㗎喇，不過我覺得抵quota 個🥢胡志明市綜合牛河每次見到有越南河粉都一定會嗌，超級足料！扎肉，生熟牛肉，牛丸各樣都有啲！我自己最鍾意就係食牛丸，佢入邊有啲肉汁爆出嚟的～而且個湯底亦都好清甜😊👌🏻食完唔會有口乾嘅感覺！好下一🥢牛湯浸時蔬每次食飯為咗減低嗰個邪惡嘅感覺都會嗌一碟菜食，每棵白菜仔都超級大大棵，仲有好多廿菇仔，食落唔會好dry！健康之選😘🤰🏻下一個🥢榛子醬西多士🧈🍞即叫即炸嘅榛子醬西多士！！係我哋成餐飯最期待嘅甜品，