雪山冰廳

营业中

休息中

雪山冰廳係附近開左分店，分店味道同舊鋪一樣，上次已經試過佢既喇沙，今次一於要試吓佢嘅波士頓龍蝦叻沙摻摻，超大碗，好多餸，最欣賞佢既半米粉米油麵，米粉索哂啲叻沙汁，仲有隻糖心蛋，必食推介。今次試埋個咖喱吉烈豬扒蛋飯，咖喱辣道適中，吉烈豬扒外脆肉淋，可以一試，大熱天時，老闆仲推介左我地飲佢地既新飲品黑糖圓肉杞子桂元肉，飲完透心涼。

最近常常經過這間新開的冰室，一直都想試試，據說這裡的漢堡很有名氣，今天終於有機會下班和男朋友來品嚐一下。我們點了一份雪山檳城特餐、一份海南雞飯、燉湯、樽仔奶茶、還有最最最期待的雪山芝士牛肉漢堡。雪山檳城餐有一碗有惹味的叻沙和櫻花蝦炒蛋多士。炒蛋有蝦的鮮甜，但最意想不到的，是那塊有微甜的多士，非常獨特，是不曾在別處找到的味道。至於海南雞飯，肉質鮮美，油飯也是非常出色，淡淡然滲出油香又不至太鹹，吃出真正新加坡風味。吃完喝一口清潤燉湯，感覺實在錦上添花。基本上每一桌都有下單燉湯，我們都不例外，蟲草花燉赤肉果然材料十足。再配上懷舊的樽仔奶茶回憶不禁一絲絲浮現。最最最期待的雪山芝士漢堡留在最後，亦是叫我們最最最喜出望外，即叫即製，整個漢堡都熱呼呼，實在令人驚喜。牛肉配上燒汁，加上半熔的芝士，入口香味四溢，叫人齒頰留香。無論早午晚下午茶，如果想不到吃什麼，可以試試這間隱世冰室。

留意左呢間餐廳一陣㗎啦。見佢新開張一個月左右喇 收工諗住同朋友去試吓嗌左三個餐 三個都係佢哋推介嘅食物 第一個椒鹽豬扒飯啦 我諗住炒飯底都幾好 所以試吓啦 點知個炒飯一啲味都冇 要自己加鹽去調味 食咗三份一就冇食啦 之後嗌咗個印尼炒飯 問題刀系一樣 無味 ！根本就同圖片不符 食物唔新鮮！最後帶咗個煎烏冬 本身嚟咗兩個飯之後已經覺得完全中晒伏 一啲期望都冇 個烏冬因為有燒汁所以令到佢味道都算還正常 但係雞蛋一啲調味都冇 你好明顯知道系好her煮岀黎既 幾位朋友都係食咗三分之一就冇食啦 杯凍奶茶少甜 茶味非常之淡 成杯嘢飲好似水加奶咁 真係好失望 另外講下服務 其實普通茶餐廳係唔會有服務可言 呢個我好明白 但係望住自己嘅餐已經放咗喺枱到一段時間 都沒有職員送餐 還在聊天 啲嘢食上到嚟完全唔熱嘅 我對呢間餐廳非常之失望 從來都唔會喺OpenRice度唱衰人 但係真係相當之難食！

聽聞60年傳統冰廳- 雪山冰廳開分店之前試過食舊店既野食 至今都念念不忘今日特登帶埋愛食港式風味🇭🇰小食既好友放工黎食分店既環境都幾大 可以容納到唔少座位皇牌推介⭐️又香又滑既枝裝樽仔奶茶新店新推出名為”雪山港式漢堡包🍔”其實即係芝士煎蛋🍳牛肉包包身烘至 外脆內軟 煎蛋睇落似蓋哂成塊漢堡肉但其實入面既手打牛肉漢堡排勁厚肉 仲勁juicy😋除此之外 包入面仲加左d芝麻醬 層次感好出👍🏻熱辣辣新鮮”足餡榛子🌰流心西多”加埋慢溶牛油同蜜糖 好邪惡😈另加配香脆炸薯條🍟即叫即炸勁大隻”避風塘炸蒜雞脾🍗”

深水埗雪山一直為人熟悉由以前老店到裝修完轉型新型冰室依加更開多一間分店去長沙灣店內一幅大金魚牆 乾淨簡潔鋪面 感覺舒服平日晚上早到都已有好幾枱客 有晚餐餐牌 專為一家大細食小菜而設可惜今日母親大人想食其他野 唔叫小菜了分別叫了叻沙摻摻特餐 + 海南雞飯餐再另外叫多一個 雪山芝士牛肉漢堡飲品當然係樽仔奶茶啦 無冰的凍奶茶～首先海南雞飯係最早黎到 見到擺盤唔錯賣相都幾好 食落更好 食到海南雞雞肉好滑唔點醬料到有味 食到雞皮下的冷啫喱油脂配上油飯 真心好食再黎就係叻沙摻摻 感覺份量細 但其實剛剛好因為特餐跟櫻花蝦蛋+厚多士在此特別要讚下叻沙湯底 好香又夠濃味母親大人好中意食 話有椰漿令湯底更滑配上易吸湯的米粉 格外入味其後見到隔離小朋友食緊一個漢堡包我都忍唔住叫左個試下 同母親大人一人一半蛋有點流心 中間芝士唔多 但溶得夠徹底蛋漿同芝士溶埋一齊食非常好味牛肉煎得香又唔燶 仲夠厚身一大塊講真$30一個雪山漢堡 抵過食快餐店扁漢堡總括而言 分店都保持到水準 令人感到安心老店果然是有品質保證

雪山冰廳開了分店？朋友告知我時，以為只是說深水埗裝修後的店（較早前已試過 - 是一間性價比高的冰廳）原來他說的是長沙灣 - 雪山冰廳。裝潢跟總店差不多，簡潔懷舊設計，加插了小窗，營造了家一般的感覺。熱騰騰的食物都會從小窗從廚房出來。還偷偷看到他們售賣的海南雞一隻隻的掛上，保證製作新鮮嫩滑。長沙灣雪山王壁畫當然唔可以缺少，今次以錦鯉為題，真的像水中的活寶石般閃耀。壁畫真的好漂亮，栩栩如生，不知下一分店又會是什麼呢，有點期待。避風塘生炸脾 - $28金黃色炸脾，加上避風塘炸蒜，令味道更香。雞皮炸到十分鬆脆，雞肉飽滿且嫩滑，加上炸蒜辣辣地，非常惹味。榛子醬西多士 - $28普通西多士就食得多，榛子醬西多士就真係第一次。一切開滿滿的榛子醬便湧出來，食落甜甜地，唔會太膩，加埋糖漿食更加好味，雖然邪惡，但又唔係成日食，食左先算😋。波士頓龍蝦叻沙摻摻 - $98午餐食龍蝦真係好富貴，但以呢個價錢就可以食到波士頓龍蝦真係唔食都對唔住自己。唔好以為平就食唔到好野，尾位有肉就唔需要講，但大大塊蟹鉗肉就真係唔好睇少，肉質彈牙，唔鞋口；叻沙湯底濃郁惹味，絕對是絕配。紅豆冰 - $25無睇錯呢個係紅豆冰，因下單

該是新開張吧! 服務由你未去就已經招呼到你埋單，絕不冷塲。連冷氣温度大小都担心又貼心咁叫你坐去邊度最適合，簡直係無微不至。餐牌種類算多，問侍應點解餐牌食物名旁有個雪山標記，佢就幽你一默咁叫我問老細，老细同佢互望而笑，真係內有乾隆？？既然咁神秘，就叫了木魚蝦球煎烏冬。無錯，真係煎。成個薄餅咁，侍應又開玩笑咁講，" Pizza到啦"，"吓，你來錯啦"，我睇真D，底層係烏冬，上面蝦仁，再上面蛋液，煎好成形，放上燒汁加木魚，外形特別，連隔離食客嬸嬸都好奇咁問係咩尼。至於味道就一般啦，烏冬有D淡。另外又叫了一個椒鹽豬扒炒飯，賣相普通，好似有D辣，但食落又無，只係D飯炒得唔乾身。兩款各$58，另加$6可飲湯或熱飲。再來？？都可能既

較早前吃過雪山冰廳的午餐覺得美味，一直想試試它的晚餐小菜，剛好經過見到新開的分店，當然是立即入內品嚐。環境光潔明亮，乾淨企理，座位寬敞。壁畫色彩斑斕，令環境和諧舒適又充滿生氣。(左)樽仔奶茶 (套餐+$15)茶味香濃、入口順滑、甜度適中。(右)黑糖圓肉杞子桂元茶 (套餐+$9)非常足料，內裡的材料清晰可見，紅棗桂圓十分大顆，絕不欺場。入口清甜，味道跟我每天在家喝的一樣，非常好喝。滋潤燉湯 (套餐+$15)打開蓋便聞到香味，湯頭清潤，湯色清澈，味道清而不淡，全無味精之感！招牌海南雞飯 ($58)雞皮有光澤、雞肉味道濃郁，口感嫩滑不韌。XO醬海斑片炒西蘭花 ($72)斑片份量多，肉質厚實、層次分明；西蘭花新鮮翠綠，配以XO醬炒非常惹味。入口完全沒有一絲油膩感，值得一讚！黑松露沙拉一字骨 ($78)外層香脆，肉質爽口有嚼勁，配上沙律醬和黑松露，味道香甜濃郁，讓人吃得更滋味。店員服務態度很好，價錢親民，菜色令人食指大動，絕對值得再次光顧！

深夜放毒黎講 一定係食呢d😂長沙灣新開分店雪山冰廳專登嚟試吓芝士煎蛋牛肉漢堡包 $30俗稱港式漢堡包首先塊包就咁食已經好好味牛肉漢堡非常厚 夠肉汁唔鞋口加埋芝士煎蛋點會輸呢食完包你唔想再食麥當當🥺(好肚餓個肚咕咕聲喇)鍾意食炸雞髀就一定架啦但係如果你又鍾意蒜味重口味可以試埋避風塘炸雞髀 $28又滑又大隻 就睇下你鍾唔鍾意呢隻味如果鍾意蒜既話要試下 滿滿的蒜粒🥰樽仔奶茶咖啡奶茶咖啡我就無乜研究幾濃味幾好飲 跟餐$9值得一試佢既雞肉做得唔錯海南雞飯 無骨霸王雞飯都幾好味啊!

早兩日行開去長沙灣嗰邊睇戲，睇完之後去搵嘢食啦，咁啱見到新開左呢間雪山冰廳。上openrice睇先知原來佢深水埗都有分店㗎。我哋望落去環境都好開揚，入面都坐滿左八九成人，咁就不如試吓佢啦！一入去，啲侍應都好好態度咁安排左個卡位俾我地坐。嗰陣時2:30到喺坐低，已經有tea set啦。咁我哋揀一個雪山牛肉芝士漢堡下午茶餐，另外加左沙律同薯條，咁就飲樽仔奶茶。另外一個叫一個檳城特餐，就係有摻摻一碗配多士同埋櫻花炒蛋咁，呢個就揀咗紅豆冰。個樽仔奶茶呢就好香茶味，同埋說凍左之後飲又有另一番風味。杯紅豆冰好快都到左，佢啲紅豆差唔多有一半個杯咁滿，雖然最尾都食唔晒，不過嗰啲紅豆都真係好大粒下，真材實料嚟㗎。等多陣呢個特餐就上嚟啦，個摻摻呢我同男朋友都覺得好香好好食，配料仲有蝦，魚片，同豆卜，而個湯底又香又好好飲。食到咁上下，個漢堡都上枱啦，個沙律都好大份，好滿足，啲薯條呢都唔少加，大大條點茄汁食就好正。而嗰個漢堡切左一半之後見到佢隻蛋係流心蛋嚟㗎 ，而個麵包仲好有心機茶埋牛油，漢堡又好厚身，熱辣辣食真係好好食。咁另外因為男朋友想飲樽仔咖啡，最尾就要多一枝。飲左就知啦呢個咖啡呢好香，又唔會太甜太濃味

今日放假，梗係約下朋友去食飯。今次朋友揀左一間叫"雪山冰廳"餐廳既新開分店食飯。以為餐廳新開既分店會無乜食客，點知六點幾黎到，都差唔多坐滿，幾甘受歡迎。今日都幾肚餓，見到想食就係甘嗌，嗌左招牌海南雞，又叫左一些小菜同特色野，如蒸三刀魚，黑松露一字骨，芋泥西多士同芝士牛肉漢堡。，嗌完之後，侍應見我地散嗌，話我地知點樣組合會抵d, 真係好好。本身以晚市價錢黎講都唔貴，組合完平左不特止，仲多左兩盅燉湯飲。本身大家都冇諗住叫燉湯，以為都係普通餐廳例湯，但係送就飲下啦，放低既時候侍應話燉湯係佢地餐廳推介。聽到時都仲有d 疑惑，但飲完就知唔講得笑。焞5湯茶樹菇燉赤肉清甜足料，好易入口，朋友女女都爭住飲，開心呢餐有燉湯飲。

上次去左雪山冰廳的深水埗分店食lunch，覺得質素不錯，知道他們最近係長沙灣開分店，又去試下晚市。叫左上次覺得好食的招牌海南雞，另外還叫了一些小菜同特色食品，如芋泥西多士同芝士牛肉漢堡，十分豐富。呢度都幾受歡迎，開張不久，下午六點幾，已經幾乎滿座，好受街坊歡迎。見到餐牌晚市都幾抵食，72蚊就有一個小菜，168蚊就有二人套餐，作為家庭晚飯是不錯的選擇。今餐最令我驚喜的是隨餐的燉湯，本身以為係一般茶餐廳例湯，點知讓我大為喜出望外。茶樹菇燉赤肉清甜足料，喝得出無味精，非常順口舒服，女女都爭住飲。店員話呢度晚市的燉湯係招牌菜之一，街坊之中好出名，好彩今天有試到。

雪山冰廳開左分店，附近的上班族中午食飯又多左一個選擇了。我地今天中午食飯時間來到，都大排起了長龍，人超級多。茶餐廳格局，但冷氣十分足，環境也很清潔，坐得幾舒服，中午有lunch套餐供應，好抵食。牆上粉筆字寫左午市menu。48蚊一個餐，ABCD餐，因為人太多，影晤到。而餐牌都十分多選擇，正常價錢。我揀左是日午餐的豉汁豆腐蒸魚跟白飯，是日老火湯。豉汁豆腐蒸魚很送飯，豆腐嫩滑，魚肉很入味，魚肉肉質實在，很滿足。另外又點左一份花生芋泥西多士，走左牛油。西多士就食得多，㐰芋泥西多士就第一次食。芋泥好綿密，不會太甜，很爆漿，非常好味。

#經典現代的化身雪山冰廳是每次都會叫 椒鹽豬排飯 因爲做得好出色 豬扒外層香脆，加上椒鹽，真係好惹味。更驚喜反而係炒底上嘅飯今日來到長沙灣 終於見到 雪山 的真面目 沒有以前那股風味，對於我等老鬼而言，有點與想像不同 不過新裝後環境的確比以前光猛和整潔，感覺舒服介紹一下 先樽仔招牌奶茶樽仔奶茶 但呢個茶同奶嘅比例啱啱好，茶味突出，夠滑又唔會太甜，真係原味道。另一推介 海南雞飯入口爽滑，皮下脂肪少，啖啖都有雞鮮味，水準以上 配上酸辣醬及甜醬油 雞油飯，飯粒分明，亦夠香味午餐 星州炒米比想像中大碟 足夠二人食用 炒米炒得乾身 啖啖星洲咖哩香味 材料亦豐富 有叉燒 蝦肉等配料 避風塘炸雞肶大大份 一口咬下去好香脆 D汁會滲出來 熱辣辣既大雞肶淋上辣粉 相當配合 必食推介流心榛子西多士 邪惡之選西多士外層炸至金黃色 加上牛油係面上 已夠吸引 切開後 榛子醬超多 啖啖榛子醬配上香脆面包 愛吃西多人士之選雖然無晒啲懷舊感，但食物做得好有誠意 “1956”係一個新與舊的 混合 係香港已經好難找到有水準的冰室

屋企附近見到有呢間餐廳，見到個餐牌好吸引就入去試下。因為夜晚同屋企人食，所以叫咗小菜。叫咗三個餸包括:1)花膠炆雞煲 (4/5) 一放上枱出曬煙熱辣辣。跟住試下個雞。佢有少少三色椒味，但少咗雞味，肉質都結實。但重點係個花膠好冧好入味，好好食。2)菜金銀花肉碎浸勝瓜 (5/5)講下賣相，分量都算多。跟住試下個味道，啲紫菜好爽口，用啲上湯浸住啲菜，好好食！同出面嗰啲唔同。因為落咗紫菜，感覺好新鮮。3)黑松露沙拉一字骨(5/5)面頭有少少黑松露再加上沙拉醬。一字骨炸得都夠鬆化，個味都好好食。成間餐廳都有啲裝修幾有特色同埋呢間已經係第二間分店，所以應該會有一定嘅水準。下次會試其他唔同嘅餸，值得推介。