雪山冰廳

营业中

休息中

今日經過長沙灣，好肚餓，入左呢間外觀好企理既冰室試下！- - - - - -- - - - - - -- - -榛子醬西多士 茶餐 包飲品 ($32)第一次見入面係榛子醬既西多士 當然要叫來試試啦! 店員仲會成支糖拎埋過黎俾我地用，真係好邪惡呀!! 不過唔理得咁多啦，呢個中間又甜但出面又脆既西多士真係非常出色!!一定一定要黎試試🤤-芝士蛋牛肉漢堡 茶餐 包飲品 ($44)本身諗住嗌個漢堡填下肚, 但都估唔到呢個burger咁出色! 中間果塊蛋仲係流心架!牛肉都唔會煮到好老，好味好味！😍-波士頓龍蝦叻沙摻摻 ($98)至於呢個叻沙亦都係呢間冰室既一個招牌，冇理由唔試啦🥰非常足料，一整條龍蝦放左落一碗叻沙入面真係好奢侈!, 龍蝦D鮮味都入曬個湯入面，食完D麵都忍唔住飲左一飲D湯@@肥死haha-避風塘炸蒜雞髀 茶餐 包飲品 ($35)呢個炸雞髀係老闆特別推介，本身已經食左好多野，但都冇得唔試下，避風塘瀨尿蝦就食過，用黎整雞脾咁奢侈都真係第一次，但又出奇地十分夾，好味好味!🥰

本人一向都愛吃小炒，覺得街巿嘅小菜先至夠鑊氣，但朋友話試過雪山冰室啲小菜唔錯，所以就過嚟試一試我地今次叫左一個二人餐，會跟一個原盅燉湯同兩個小菜呢個雞腳湯味道非常清甜，飲得出係冇落任何味精，健康好飲係足足有半隻雞，份量十足，雞肉都好嫩滑，有雞味一上枱比佢嗰份量嚇親，好大碟，其實留意到其他人客嘅小菜份量都比較大，所以唔會怕食唔飽😄味道方便佢嘅豆腐外脆內軟，入邊係熱辣辣滑嘟嘟嘅豆腐，食到停唔到口，另外椒鹽鮮魷都鑊氣十足，非常之惹味，正因為我哋三個人所以散叫多咗個漢堡包，想讚一讚佢塊漢堡肉做得好好，調味亦都相當好食，配埋芝士同蛋一流，好快又俾我地ko哂另外我哋在叫咗支樽仔咖啡，鍾意飲甜兼且多奶嘅我對此十分滿意！如果依餐係冰室來講價錢好合理，最緊要係佢真係幾好食，值得推介

今日行遠少少食lunch，因為有人介紹我食個芝士煎蛋牛肉漢堡，原本以為好細個，但原來都幾大個，所以叫個叻沙摻摻，可以share食就岩岩好。經典芝士煎蛋牛肉漢堡包$32即叫即做夠哂熱辣辣，份量幾大個。睇下d 蛋黃汁，流哂出來好吸引，牛肉漢堡厚身有肉感，鬆化帶點咬口，牛味濃郁，加上半溶芝士，好滋味，麵包也鬆軟及大個，所以都幾飽。波士頓龍蝦叻沙摻摻 $98，豪少少食個龍蝦，其實海南雞都好吸引，樣樣都想食。龍蝦有半隻，仲超大隻，佔左半隻碗，非常吸引，仲連蝦鉗位都整開左，好易食到龍蝦肉。先食啖龍蝦膏，好甘香濃郁，拌埋湯同麵食，好正。龍蝦肉十分爽彈，味道突出，配帶奶香叻沙湯也很夾。摻摻有2種粉麵混合，米粉同油麵，前者幼細爽口，後者軟滑有口感，吸哂叻沙的湯汁，味道豐富。湯底微辣帶香，仲多份奶香滑，味道好又唔會過咸，越食越開胃。仲有樽仔奶茶/咖啡 @$15(自取價)，太滿足飲唔哂，仲帶左返公司飲。平時唔飲咖啡的我，今次飲左少少，令我改觀，我接受到咖啡啦，味道濃郁但唔會好苦，因為好有奶香又滑又順喉，甜度會高少少，所以我反而好喜歡飲呢款樽仔咖啡。樽仔奶茶唔算好濃，有奶香，口感滑有茶甘味，而且唔會好甜。

到了街坊價美食之地:【長沙灣】這間隱世冰廳幾有特色的, 食物質素高之餘, 價錢又超親民🤩！去懷舊冰廳必點紅豆冰！💁‍♀️茶餐廳必叫！紅豆粒份量非常之多, 大大粒, 好香甜呢！餐廳另一特色飲品是樽仔奶茶/咖啡, 奶茶控或咖啡控試完之後覺得不夠喉, 還可以外賣帶回家慢慢嘆!日本櫻花蝦炒蛋配厚多士 - 炒蛋炒得夠滑, 櫻花蝦味道突出, 🦐當中的咸香令整份炒蛋的味道更有層次。烘過的厚多士幾酥脆, 帶奶油香味。經典芝蛋牛肉漢堡包 🍔 - 芝麻包裏面有芝士、牛肉、煎蛋。蛋黃是半熟的, 一咬開去, 蛋黃漿便慢慢流出來。上湯香菇浸時菜 - 小白菜🥬鮮甜, 上面放上薑絲以增添味道。

〰️爆餡蛋牛治 $27呢個 不得了 近排食過高質蛋治之一!餐牌寫明係爆餡蛋治果然冇呃人，兩塊烘至金黃嘅多士，夾着厚厚嘅嫩蛋！炒蛋好滑好多蛋汁好重蛋香 份量重好足！有加埋蔥花同免治牛一齊炒，食落帶有蔥香，牛嘅比例就相對較少。多士底面塗有牛油，咬落去重蛋香之餘好有牛油香。呢個蛋治真心誠意之作，每一啖都好滿足！唯一美中不足就係太多蛋汁麵包好快會淋，所以一定要襯熱快啲享受左先！！〰️經典芝蛋牛肉漢堡包set $44呢個係下午茶餐，見好多食客都有叫，我都唔執輸叫埋一份。中間牛肉食得出係自己製，食落好嫩滑帶有黑椒香，成個感覺就好似食緊大排檔炒牛柳咁，但係漢堡朳版！配上芝士，半熟蛋同醬汁，呢個睇落平平無其但最有驚喜！平時唔好牛嘅我都愛上左！〰️波士龍蝦叻沙摻摻 $98聽講呢間冰室嘅主打係叻沙，連常餐都有配叻沙，但我就俾佢嘅龍蝦吸引左，所以就冇叫常餐叫咗啲款龍蝦叻沙。第一次食摻摻，估唔到呢間冰廳都有供應，今日先知原來摻摻係指米粉加油面，係兩款面底加埋一齊，兩組唔同口感同吸湯能力嘅面一齊食，真係幾有趣。龍蝦嘅肉量唔多，有少少失望，不過相反個湯底就好惹味好好食，面底都唔錯，仲有好多配料。〰️樽仔奶茶 茶餐廳當然要

雪山冰廳嘅食物一向都唔錯既，所以今日去左近荔枝角既一間分店食野⭐️⭐️感覺呢一間分店既地方大啲，裝修都係走簡約風，餐廳好光猛💓💓食物既選擇兩間雪山冰廳都係一樣既，選擇都十分之多🤝❤️經典芝士煎蛋牛肉漢堡係必點❤️鬆軟既麵包，加上半溶超濃味既芝士，牛味勁重既漢堡扒，同流心煎蛋，呢個組合真係無得輸😝😝勁值得推篤😋😋❤️另一個必叫既係海南雞飯，雞皮既脂肪比例岩岩😛😛雞肉口感唔會（鞋）口之餘仲好嫩滑，加埋專用既海南雞醬，完全帶出雞既鮮味，油飯勁好食❤️蛋牛治烘底嘅蛋真係多到好震撼，香口炒蛋加埋味重既牛肉真係勁夾呀，烘左底既麵包外脆內鬆軟，夠哂吸引🤩🤩❤️蕃茄雞扒蛋包飯塊雞扒勁大塊呀，而且煎雞扒唔會好乾，雞扒勁juicy,蕃茄汁我覺得近羅餸湯既味道好特別，滑到飛起既炒蛋加上炒飯底完美既組合😊😊❤️飲品方面一定係出哂名既樽仔奶茶，超級香滑，而且茶同奶既比例岩岩好，凍檸茶同齋啡都唔錯💓💓

係附近睇傢俬，路經勁多本地冰廳，最尾撰咗雪山冰廳，真心幾唔錯，平！靚！正！避風塘炸雞脾雞脾唔算好大隻，炸到皮脆肉嫩，好入味同好香口！榛子醬西多士超好味😋中間一層係榛子醬，甜甜地，就算唔加糖漿都得！沙茶牛肉公仔麵牛肉好厚身，而且好嫩，公仔麵煮到啱啱好，咬落去好彈牙！但味道徧鹹咗少少🙈香蔥碎牛三文治🥪麵包烘底好脆，連埋厚厚嘅香蔥碎牛蛋，超飽肚樽仔奶茶滑滑嘅奶茶，奶味會重啲，唔會太甜，而且好方便攜帶雜果賓治底底有好多雜果粒，配上雪碧，食小食飲呢杯野好解渴

週末放工，成班同事去左住長沙灣的同事家打麻雀，臨近晚飯時間，大家提議食完飯先開始打，同事説，他家附近有間雪山冰室，有中西套餐好抵食，味道不錯！餐廳裝修簡潔，座位以卡位為主。主菜可單點或加錢升級做套餐。焗太極鴛鴦扒飯：鴛鴦扒是雞扒和豬扒，豬扒和雞扒都是厚切，預先煎香再放在飯面加上醬汁，雞扒一邊用芝士白汁，豬扒一邊用茄汁，焗至微蕉，一個焗飯食可以到兩種唔同口味，不錯！凍飲加9元，凍鴛鴦香濃，不會太甜！招牌海南雞飯：雞已去骨啖啖肉，皮爽肉嫩，有兩種醬汁可以點，甜醬油和辣椒蒜蓉汁，可以令雞肉味道提升，油飯顏色雖然比較淺色，味道一d都唔淡，夠香又夠味，飯面加左些炸乾蔥增加香味。還有一些酸羅白條，可以醒醒胃。特飲加9元，點了港式茶走紅豆冰：紅豆份量不少又林甜，奶茶香滑，冰凍好飲！咸旦黃一字排：先炸熟一字排，再用咸旦黃爆炒。令所有一字排均勻地沾滿咸旦黃，一字排肉質嫩，咸蛋黃鹹香好惹味！加錢升級套餐，有白飯一碗。加15元有蟲草花燉赤肉：用迷你湯煲盛載上檯，打開蓋已聞到陣陣蟲草花的清香味，湯內有雞腳、蟲草花、赤肉。相當足料又夠火喉。加15元有大大杯紅豆冰，奶味香濃，紅豆林甜。芝士煎旦牛肉漢堡包：見到好多

充滿懷舊味道的經典－雪山冰廳在長沙灣工作時已經知道老字號『雪山冰廳』，招牌旁邊寫著1956年,想必一定是歷史悠久的冰室了。深水埗都有一間分店，不過相比起，我認為長沙灣比較舒適。店內光猛，又被人感覺乾淨舒服的感覺。見我們有小朋友，安排了卡位座，旁邊牆上有一條大金魚壁畫，好特別。而杯和碗都充滿著懷舊味道。我們點了雪山芝士牛肉漢堡包$32 ，避風塘生炸脾$28，蕃茄濃湯牛肉炒滑蛋通粉$35，芝士焗波士頓龍蝦海鮮飯$108，燉湯- 花旗參燉赤肉，忌廉薄荷朱古力，華田曲奇妙趣。必食推介：雪山芝士牛肉漢堡包。好正， 熱辣辣上枱，切開一半時.. 入面流心煎蛋即時爆出黎，牛肉漢堡扒唔會好老。而因為夠熱，芝士開始溶溶地，又未到溶晒，連面包都烘到少少脆。避風塘生炸脾，好大隻，雞脾外皮炸到脆卜卜，但入面就係嫩滑的雞肉，火侯控制得岩岩好！搭配雞脾上面的炸蒜脆脆，都幾辣。蕃茄濃湯牛肉炒滑蛋通粉，為左大小姐而叫的。有驚喜，估唔到個湯真係充滿濃郁蕃茄味，湯色紅紅好靚又開胃，而牛肉份量唔少，又大大塊。另外真係嫩滑炒滑蛋黎的，無呃人。另一必食推介：芝士焗波士頓龍蝦海鮮飯。無諗過真係有一隻龍蝦，仲要有好多膏，而上面舖滿多

<多元化高質冰室 雪山>👍🏻呢間喺長沙灣同荔枝角既雪山冰廳 原來1956 年已經開業。 當然餐廳一睇就知裝修左 燈火通明 以白枱櫈 卡位為主 餐廳一睇就知做熟客生意 街坊同 staff老板都有傾有講 menu上面勁多試選擇 炸脾 炒蛋 飯 意粉 鐵板 中式 連蛋包飯都有 應有盡有👍🏻 🍴咖喱豬扒蛋包飯 65 蚊🐷🍚雖然外表似日本咖喱 但其實有 d唔同 只有少甜 帶 d香草味 同少少辣味 味道香濃 飯質比較煙靭 好有口感 🍚蛋整得好香滑 熟成程度剛好 🥚豬扒有兩塊 抵食 煎得好脆 入面又唔會過硬 好味 👍🏻🍴避風塘炸脾 28 蚊🐤🔥28 蚊甘大隻炸脾 好抵 ! 出面香脆得黎 佢個避風塘 調味料好香口惹味 雖然出面炸得好香脆 但入面既雞肉仍然夠彈牙嫩滑 好好食 推介👍🏻😍🍴燉湯 🔥 跟餐15 蚊 原價35 蚊 日日唔同既燉湯 一開勁香雞同花旗蔘味 仲有瘦肉一齊煲 🐷而且雞腳增加雞香味 口感夠潤十分唔錯 🍴火龍果咕嚕肉 72 蚊🐷以一個飯餐配白飯黎講係超大碟 超多 火龍果 同咕嚕肉 佢呢隻咕嚕肉 應該係近肌䤚位 好爽口 脂肪比例適中 甜酸汁調味唔錯 加埋三色椒 🌶調味 無論

聽到雪山冰廳這個名字都會想起位於深水埗間有歷史的懷舊冰廳，後來她重新裝修過，變成了時尚又保留了懷舊味道的冰廳~今次光顧的是位於長沙灣的新分店，因為父母是這區的街坊，每次有餐廳新開，他們必定要去一試，這間他們很推介~樽仔奶茶是招牌菜之一，濃厚香醇，絲滑無比，我們點了一客二人套餐，加$15飲品可轉為樽仔奶茶，必試~不喜歡奶茶，可選樽仔咖啡，也是值得一試的~二人套餐包含每人一盅燉湯，真材實料，味道清甜，比起一般茶記的味精湯好喝得多，誠意之作~招牌海南雞肉質滑嫩，皮薄，肥瘦適中，酸蘿蔔作配菜，酸酸甜甜好醒胃~加$5轉配了一碗油飯，海南雞配油飯就是絕配~黃金豆腐拼鱿魚一碟有齊炸豆腐及炸鱿魚，這餐廳夠貼心，岩哂多心的人~炸豆腐外脆內超級的嫩，皮薄，但不會夾爛，一口一件，非常香口好吃~炸鱿魚同樣外層酥脆，夠薄，鱿魚新鮮，不鯹不un~晚市二人套餐，百多元，性價比高~

之前都聽過深水埗的雪山冰廳的漢堡好正，原來長沙灣都有分店，一於來試試雪山芝士煎蛋牛肉漢堡 $32好經典嘅港式漢堡，大大個，面頭的芝蔴烘到脆脆的，內裏夾滿餡料，牛肉香口又唔會太熟，芝士微溶，加埋流心的煎蛋同醬汁，足料又有經典的味道😋👍🏻檳城特餐$52呢個特餐有檳城喇沙摻摻，摻摻即係油麵加米粉，喇沙湯都濃郁另外配日本櫻花蝦炒蛋佩香酥丹麥多士，味道也不錯呀😉避風塘生炸雞脾$35炸雞脾超大隻超邪惡，差不多大過塊面，外皮酥脆，加上避風塘蒜味更惹未，而內裏的雞脾肉亦幾嫩滑😉上湯香茹浸時蔬＄35食咗咁多邪惡野，要食返d菜才平衡一下，呢個菜有真係好驚喜，超級大碟，菜煮呢晒上湯的鮮味，仲有香菇都好正，簡單又好味😉

打完羽毛球之後，幾個人食飯，各有喜好，朋友A要食burger，朋友B想飲燉湯和住家飯，我想飲奶茶，去雪山冰廳一次過滿足到晒。環境都幾大，多卡位，晚巿人流不絕。見到鮮魚就忍唔住即叫。晚飯小菜選擇多。小食都好吸引。經典芝士煎蛋牛肉漢堡包($32)，漢堡扒好juicy，肉汁爆滿，伴溶化的芝士食，味道十分豐富，好足料的漢堡包！香滑樽仔奶茶($25)係唔錯，有質素，茶香奶滑。豉汁蒸盲槽($78)要早下單，很快就沒有盲鰽了。蒸魚新鮮又大條，仲多肉，薑蔥豆豉也有不少，有酒樓質素，物超所值！燉湯(+$15)是姬松茸燉赤肉，抵飲，充滿松䇯味，補一下。花膠海鮮煮雜菜煲 ($72)，有蝦子、魷魚、鮑魚片、蟹柳、魚肉、雲耳、花膠、菜心、白菜、西蘭花、菇、粉絲，材料豐富，清清地，非常健康。始祖椒鹽豬扒炒飯 ($58)好香，肉質都幾嫩，用避風塘做法，微辣的味道很惹味。

之前吃過這間餐廳在深水埗的分店，除了小菜外，還有很吸引的小食和飲品。今晚放工後來到長沙灣的分店試試。雖然只是兩個人，但我們對各種菜式都很有興趣，尤其是小食。最後我們點了黃金咸蛋豬仔骨（$72），加$15 轉套餐跟飯和燉湯，另點了兩瓶樽仔奶茶（$25）。小菜很吸引呢！有咸蛋黃醬非常惹味，豬仔骨肥瘦均匀。小食點了招牌的經典牛肉芝士漢堡包（$32）、避風塘生炸脾（$28）、榛子醬西多士（$28）和上湯香菇浸時蔬（$35）。經典牛肉芝士漢堡包必點！雖然價錢不貴，但用材絕不馬虎，有流心蛋，非常好吃。另外棒子醬西多士甜而不膩，雖然很邪惡，但我們都把它清光了。上湯香菇浸時蔬也很實惠呢，大大碟，非常適合少吃菜的上班一族

雪山冰廳之前路過就想吃了，這次朋友來接放工，她說請食飯，我見到這家餐廳價格和東西都好像很不錯的樣子，然後疑似老板（？）的先生過來跟我們說了句：「不好吃我幫你們埋單。」我們一邊笑一邊也覺得哎喲那一定要進去試下了。首先，是四周人頭湧湧的樣子，看起來食物質素應該受附近的人廣泛認同的。我們先點了一個老火湯，味道清甜，還可以吃到湯料，很好味！另外就是這個芝士漢堡！！哇，是會在口中融化的，肉汁鮮甜在口中爆裂，牛有牛味芝有芝味我是覺得十分的「可」！這個上湯菜就沒什麼好說的，填飽肚子的纖維素哈哈哈，中上水平吧。無骨海南雞飯，竟然唔係黃色既油飯，但係食到好香的椰子味，而且我們很幸運地拿到雞脾，滑嫩的雞脾肉配上清香的飯感覺也十分不錯！特要講的就是這個！龍蝦海鮮焗飯，這個價錢食到這個質素的的龍蝦我覺得也可以說是物有所值了！龍蝦的肉我分成了三份給我們三個人吃～龍蝦肉有海水的鮮味，肯定是冰鮮的啦，不過質素也很好！還配有其他海鮮呢～另外就是樽仔奶茶﹑orea奶茶之類的，還不錯是中上水平不錯哦～