喺YouTube睇到关于呢间小店嘅报道，觉得佢嘅蟹肉忌廉汤，手工意粉同意大利饭几吸引，再加上系一间小店，觉得有需要多多支持，于是专程揾一日去试吓，却发觉无论系服务质素同埋食物质素都未如理想。首先系大部份餐牌上嘅嘢都系冇嘅，包括蟹肉忌廉汤系冇嘅，意大利饭亦都冇（老板话因为做啊时间太长😢），就连牛角包都系冇嘅。 如果餐牌上面大部份嘅嘢都系冇(可能因为生意唔好，所以唔想买太多食材），我觉得咁样做生意嘅态度同谂法就唔会做得太长久啦。 最终只可以斋点意粉- 明太子海鲜意粉，同埋牛肋肉意粉。 呢间小店标榜即制手工意粉，但系个意粉做唔到意粉应有嘅效果。 理论上好嘅意粉应该做到Al-dente, 即系意粉表面有少少腍，core系烟靭，但系佢做出嚟嘅意粉只有硬，而唔系烟韧，应该同佢用嘅材料及recipe有关系，同佢煑意粉嘅时间无关。除咗个意粉本身做得唔系太好之外，明太子海鲜意粉嘅酱做得太过Creamy同太甜，食咗唔够一半就冇办法再食落去 。相反地，牛肋骨意粉就做得有点太酸(酸味并非来自蕃茄，因为佢冇用鲜蕃茄，好大机会系来自喼汁）。除此以外，由于只有老板一个人做晒所有嘢，所以上菜嘅时间十分之慢。再加上佢并唔系跟你落order嘅先后次序嚟出菜（有两枱俾我们迟入坐嘅客人都比我哋先上菜，但奇怪系佢哋点嘅意粉同我哋点嘅意粉系一样嘅），所以你真系要有充足嘅时间同耐性先至好去食。整体嚟讲食物质素不如理想，而价钱绝对系属于偏高(加上亦都冇服务可言），性价比系属于低嘅。…查看更多
