雄記

最近我到訪了屏山的一間名叫雄記的餐廳，這裡以手工意粉聞名。這次的用餐體驗讓我留下了深刻的印象，值得一提的是，餐廳的老闆在客人點菜後會立即開始製作麵條，這樣的新鮮感讓整個用餐過程更加期待。我點了兩道意粉：明太子海鮮意粉和紅酒燉牛肉意粉。明太子海鮮意粉的海味鮮美，意粉的口感煙韌，彷彿可以感受到每一根麵條都是用心製作的。紅酒燉牛肉意粉則帶有濃郁的醬汁，肉質柔嫩，與手工意粉的搭配相得益彰，讓人忍不住一口接一口。除了主菜，餐廳的甜品和飲品也相當出色。特別是他們的Tiramisu，與一般的做法不同，裡面加入了小小的朱古力碎，增添了口感的層次，讓人感受到一種意想不到的驚喜。整體而言，雄記餐廳不僅提供了美味的手工意粉，還帶來了難忘的用餐體驗。無論是食材的新鮮度還是料理的用心程度，都讓人感受到這家餐廳的獨特魅力。強烈推薦給喜愛意粉的朋友們，來這裡絕對不會失望！…查看更多

今日專程入去Oscar Kitchen, 試一試馳名的手工麪，剛剛開門，不用等待，老闆態度很好，招呼周到！－人包辦所有工作，實在唔簡單！星期日沒有提供湯品及意大飯，只提供手工意大利粉，我們二人叫了一下客海鮮意粉及一客蘋果西班牙豬扒意粉，海鮮意粉的蝦很新鮮，味道不錯！但西班牙豬扒炆得太腍，味道一般，這個手工意粉就比較乾和味道較淡，套餐配以一杯果汁，人均消費$180 ，價錢不算便宜，溫馨小店，不妨一試，還可順道遊覽屏山文物徑！…查看更多

地點都幾偏遠！加上入夜了Google指示又要兜路！落咗鐵路都要行一段時間！店舖裝修普通，只有14位客人枱的小店！但都見到已經有4枱人在坐了！有些還是預定客！我們才發現有些食物是要預訂！我們點了豬豚肉法包及海鮮手工意粉！有果汁跟餐！因為只得老闆一個人，所以要耐心等上菜時間！豬豚肉好夠冧入味，有配菜萍果粒更好味，十分配合豚肉！海鮮主要是蝦，非常有口感的正蝦，手工意粉好有煙韌口感！正！下次一定要試吓預定菜色！…查看更多

平時餐廳外永遠都排滿人 今晚落大雨把心一橫揸車去碰碰運氣 果然可以直入餐廳👏🏻 餐廳雖然小小的 但全部都係老闆一腳踢 老闆不單止對食物用心 佢仲唔會吝嗇分享比食客試如何做手打意粉可能真係要有心理準備 上菜時間係真係需要等 趕時間就真係唔好黎 但我覺得值得等 意粉好彈牙好入味 紅酒燉牛肉 蘋果黑毛豬 2個汁都好好味 黑毛豬淋到我以為係燉 但原來係焗 最後食埋個panna cotta作尾 雲呢拿味好出但唔會覺得膩 下次有機會再去試埋老闆其他預訂菜式 …查看更多

與好友一早嚟試試手工意粉，店內整潔，大概十張台左右，當日我地系第一台客，好快就爆場，我哋點左明太子海鮮手打意大利麵、烤蘋果黑毛豬手打意大利麵及Tiramisu 明太子意大利麵口感煙韌，蝦麵好大隻，另外黑毛豬煮到好淋瑞配上酸酸甜甜既蘋果好開胃 ，好岩夏天食，最後試埋佢個Tiramisu ,喜出望外，濃度咖啡味配上酒味餅底，中間仲有層Nuts口感豐富，一定要試♥️建議一早未開門好排定，店內只有十張台左右，好快爆場…查看更多

特登踩單車入去試，去到老闆話未開，開1230，咁遺有附近行下，預車少少1225返去試，佢居然坐滿哂人，重要話我自己唔等…環境一d都唔吸引，加上佢吐一既態度，唔會再去試👎🏾👎🏾👎🏾👎🏾…查看更多

見到人哋介紹呢間小店，門面連個名都無，但評價又出奇的高，所以就去試吓，好彩之前有電話訂位，如果唔係， Walk In未必食到，因為老闆預嘅材料真係啱啱好是日餐湯，蟹肉蘑菇湯，好好味，蟹肉真係人手拆，雖然價錢平，但係真係真材實料，會encore! 想飲餐湯要早啲預訂，唔係就冇材料另外，燴牛肉好林好好食，值得推介烤蘋果西班牙黑毛豬牛角包，出奇地好食，牛角包朔晒啲汁👍🏻不過手工面的煙韌度就唔係我鍾意，大家不妨試試…查看更多

一人經營的小店，老闆好好人，因為天氣熱，專登開涼冷氣，等我地去到就可以涼到，仲倒水比我地休息。我地一行三人，雖然只叫左兩個套餐，但老闆完全沒有不滿，仲主動送多杯果汁比我地，依加咁好嘅服務態度真係好難得。廚房係開放式，所以見到老闆做手工意粉嘅過程，無論係手工意粉還是意大利飯都好好味呀，感受到老闆嘅用心製作，大家都比手指公呀，真心讚賞👍🏻臨走聽到老闆話可能做唔到幾耐，因為無咩人幫襯，覺得好可惜，因為真係好好味，如果之後食唔到就好可惜。如果大家鐘意食意粉，希望各位都可以比個機會「雄記」，相信大家都會覺得值得一試的。…查看更多

之前炎炎盛夏，帶狗狗到遠啲的地方食嘢，人同狗都辛苦。等到轉季又適逢放假，終於可以一齊行遠啲。呢間餐廳係即日搵，即日聯絡，即日去架~餐牌全日通用，老闆話夜晚有時會做私房菜。餐廳的環境清幽、舒服，位於小路旁，人少，安寧。初時諗住帶埋狗狗一定要坐室外，但老闆喜歡狗，仲歡迎狗狗入店裡面坐，更幫我放埋狗繩，讓狗狗隨意探索，放飛自我。點咗黑松露雜菌手工意大利麵，同老闆講食素但旁邊素亦可，最後，老闆製作咗蛋奶素版。黑松露雜菌手工意大利麵（$150）：忌廉蘑菇意粉係成日食，因大多西餐只提供呢個接近素食的選項，而呢度的黑松露雜菌手工意大利麵係即點現製，老闆即場將麵團以製麵工具製成麵條。同其他餐廳的同款菜式好大分別，單係視覺上的差異已非常明顯，呢碟意大利麵係淺黃色，唔係忌廉白色。佢的醬汁濃稠，質感creamy，味道勁香、豐富。手工意大利麵粗身，有咬口，帶raw的感覺，佢具備我喜歡的口感。我唔係好識描述，但佢絕對係出色的意大利麵！可能有人會唔鍾意濃味，但聽老闆講，佢唔主張用調味料，取而代之會用心製作湯頭同利用食材的原味作取替，令食味更豐富、多層次。所以，雖然呢款意粉係素食而令老闆放棄加入一貫的雞湯底，但佢就以帶肉味的牛肝菌令麵食的味道非常濃郁。喺度食嘢，唔需要怕重口味，因為都係非常天然的食物原味。咖啡：意大利麵會跟1杯果汁，我估計可能係現成飲料，所以補差額點咗咖啡。咖啡一般，有少少苦，冇乜特別Tiramisu：質感同其他餐廳唔同，佢係比較結實，老闆話係以傳統方法/食譜製作，單係酒已有2種，其中1種係12年以上的威士忌，取其醇香味道；而芝士亦係2種混合，包括日本的忌廉芝士（可能記錯/寫錯）。較特別的係Tiramisu底部有黑朱古力。雖然望落甜品唔係好大件，但因為佢唔係平常食到的輕身版Tiramisu，所以幾有份量。可能個人口味，我覺得如果黑古力可以軟身少少（似truffle咁）會再夾啲，而家有少少似食到朱古力釘的口感餐廳的整體感覺令人放鬆，加埋從落地窗引入舖頭的午後陽光，令人同狗都好舒服。狗狗揀咗一個近窗位置訓覺，仲一度打鼻鼾，訓到伸曬脷，見到佢咁都好chill~~老闆健談，願意分享，包括佢採用的食材、烹調步驟、煮食心得、營運餐廳的原因、對其他餐廳的評價等。佢的成廚之路係無師自通，而佢亦表明唔鍾意煮嘢食，呢樣嘢令我諗到，好多人會將do what you love放於love what you do之上，其實呢種心態亦唔係心然、必須，因為professionalism就係喺自己做緊的事情上精進、有要求，唔妥協，單係呢種匠人精神已經值得欣賞。知道餐廳的工作同作為照顧者的責任已令老闆的身體有少少不勝負荷，令佢喺餐廳營運同食物預備方面需要作出調整，希望佢多啲自我關懷，保持健康呀！！…查看更多

呢間餐廳應該六七年前都已經知道存在，當然媒體上面好多都報道。老闆平易近人。一個人的遭遇及命運，有不同的故事，有了故事，很多事情就會發生。我們買的衣服奢華品牌名錶，要不然有故事你也不會買。這裏的食物就是一個故事。預早一天預訂，講明這裏家庭式款待，大家不要有太多的服務要求。食的是食物裏面的溫度及味道。龍蝦湯有自己的烹調方式，我覺得味道是比出邊好，但因為食物太夠料，所以有一點濃味而引起有少許鹹。有百吉麵包咁應該問題不大。不過自家麵包都好似係老闆自己焗。意粉當然比出邊餐廳做得出色，不過始終正宗的意大利粉係確實分別到。由意大利人做意大利粉，當然是原汁原味。不過比其他餐廳那些罐頭的意大利製作方法，當然就立見高下。爽口的。不過意大利粉裏面的層次以手工麵來講其實仲可以進步。那個橡木豬扒有些乾，但那個蘑菇汁確實非常夠專業。芒果沙律就係作為家庭式伴菜，有些酸。問題是在生果。甜品果凍亦做得恰當好處。提拉米蘇有另一類嘅製作，份量絕對足夠。整體這一餐其實係滿意，如果你要抱着五星級食物質素，這裏是家庭的五星級。地方騷擾性小，當然有車係比較方便。其實一班人三五知己其實都OK。…查看更多

一食就知道老闆對意粉果份要求同執着。每一啖都食得出老闆嘅要求同誠意。非一般意粉，出面真係食唔返，每次都專登揸車入嚟食。今日有幸食到佢個是日限定-蕃茄龍蝦湯大虾意粉，好唔好食真係呃唔到人，尤其小朋友把咀，小朋友自己一個人隊晒成碟意粉。🤣🤣🤣另外，提拉米蘇必食推介，每日限量發售售完即止，每樣食材比例啱啱好，酒味唔會過火。隱世餐廳，真係名不虛傳！…查看更多

今日去咗同朋友三個人一齊食一間小店，位置有少少偏僻。店面非常清潔乾淨，座位唔多，得三四張枱。老闆一個人做晒樓面同廚房。首先我哋叫咗兩個湯試吓，第一個，係南瓜湯。南瓜湯非常濃郁，感覺到非常足料。跟住係洋蔥湯，我自己本身麻麻哋飲洋蔥湯，不過試咗一啖都覺得非常之甜，如果鍾意食洋蔥嘅朋友應該會覺得幾正。跟住叫咗兩個牛角包，牛角包係老闆自己整，非常酥脆，好香牛油味，非常推介。然後我哋叫咗一塊牛扒，提提大家，牛扒要預先訂，去餐廳之前同老闆講聲就得，因為老闆話要攞定出嚟解凍，有客人訂先會準備，睇得出老闆對食材準備非常有要求。因為朋友唔係好食得生，我哋叫咗medium，火候啱啱好，牛味非常重。我哋叫咗一個意大利飯同一個意粉。紅酒燴牛肉意大利飯煮得啱啱好，唔會過硬，牛肉煮得好琳同唔好入味，分量亦非常多。明太子海鮮手打意大利麵，意粉係老闆自己整，同現成買嘅意粉口感非常唔同，明太子味道濃郁，蝦亦都好新鮮。最後叫咗一個Tiramisu，本身自己唔太鍾意食甜野，但係都覺得幾好食，質感好棉滑，有香嘅酒味。…查看更多

幾個人來吃午餐，訂了枱，麵是即叫即拉，十分有口感，牛肉入味，意大利飯濕度剛好。環境清靜，邊食邊傾，一流。味度方面，汁比較濃味。這是個人口味，朋友話好好味。不過沒有預訂菜式，餐牌上有些菜式未能即場提供。整體很不錯，一定會再試。價錢方面，正常合理價格，四個人食4個餐餐，4杯果汁。每人約230左右。…查看更多

按食評去幫襯，天水圍西鐵站輕鬆行10分鐘便到，沒有華麗的門面，是一家親切的小店。我們預先訂位，一行10人分2枱已經坐滿了小店，熱熱鬧鬧的吃了一頓十分滿意的晚餐。前菜試了牛角包、紅酒燴牛肉及烤羊架，滿意！主菜點了黑松露雜菌意大利麵和明太子意大利飯，好味到要即時加多一份。雖然甜品有小小貴，不過Tiramisu 、意式奶凍和紅酒啫喱都做得十分出色，酒店級的水準，絕對值回票價！值得一提，我們自己帶酒和小小的生日蛋糕，老闆也沒有收開瓶費，讚！…查看更多

呢間小店位於屏山，地點都算偏僻，店面亦唔顯眼，餐廳主打手工意粉同意大利飯。全店只有店主一人打理，所以上菜速度一啲都唔快，但我覺得同朋友悠閒地傾住偈咁等，其實時間好快就過。因為小店座位有限，只有十幾個位，所以建議大家先打電話訂位，避免去到但無得食。如果有想食既食物，訂位時可以順便預訂。🔍烤紐西蘭羊架（$278）呢個係預訂菜式，羊架叫左7成熟，肉質好好，一啲都唔韌，而且好入味。重點係：羊架完全無羶味！！！配上秘制薄荷醬，完全提升左成個味道。🔍紅酒配牛肉手打意大利麵•跟果汁（$130）牛肉份量一啲都唔少，而且牛肉炆得好冧，好入味，手打意大利麵好有咬口，彈性十足，但對我個人黎講就硬左少少。🔍明太子海鮮意大利飯•跟果汁（$158）意大利飯煮得煙韌同有咬口，而每粒飯都被醬汁包圍，好creamy。海蝦彈牙，鮮中帶甜。但如果一個人食，可能會太膩。🔍飲品兩杯跟餐既果汁，我地左橙汁同蕃石榴汁。同行友人叫左一支「有機英國接骨木花有氣果汁（$38）」。我地一行人對今次晚餐都好滿意，大家都覺得好正同好食😋😋…查看更多