隆姐泰國美食館

营业中

休息中

平時夜晚先會食泰國嘢，由於晚市禁堂食，唯有提早啦食啦！lunch menu 飯麵包埋嘢飲五十零蚊，先叫咗個泰式雞肉濕炒河坦白講賣相並唔討好，睇落有啲太濕，河粉非常粗，剪開咗一塊塊正方形咁，但食落竟然有、鑊、氣！！蒜蓉炒椰菜苗食親泰國嘢必叫，椰菜苗好嫩，唔會辣芒果糯米飯家姐一啖都唔留比我，正係不斷話好好食，仲話想叫多個不過本身食咗嘢，食唔落放棄咗，無食到嘅我唯一可以品評嘅係...賣相唔錯😂留返下次有肚再嚟食過啦！*仲有杯龍眼冰無影到

在九龍城周圍都係泰國菜，都唔知點選擇，行下行下見到有間叫「隆姐」，有很多人在門口排隊，於是我又排啦，叫左串燒，生菜包，海南雞飯，怪不知咁多人排隊，原來全部都好好味呀！

話說最近比公司流放左去九龍城, 咁九龍城多好野食就係人都知啦, 好似清真牛肉, 金寶, 黃珍珍etc, 不過本人最想去食嘅方榮記就因為第四波疫情就自動放14日假了, 去到先知, 搞到要臨時轉場去左呢間隆姐食lunchlunch menu, 都ok 多選擇, 重有幾款湯河, 不過冇影到, 我就叫左香葉辣椒雞肉炒河加凍奶茶呢個就係雞肉炒河, 河粉比平常嘅粗得多, 不過唔韌, 糯米味唔重, 比較爽口, 有青紅椒絲, 香葉, 木耳絲, 豆角同紅蘿蔔片, 重有你見到一粒粒嘅雞肉裏面重有炸蒜粒, 咁整體係好食嘅, 有d 似人地嘅四川香煱咁, 每樣野外面都炒得香口乾身但咬落去就水份十足, 河粉都炒得有微焦, 不過可惜嘅係雞肉真係少得可憐, 比宮保雞丁嘅雞粒更細粒例湯一碗, 手掌心咁大碗, 非常之辣口, 味道係幾重芫荽味, 豬骨同紅蘿蔔都煲到快溶了, 不過口感清爽而冇咩起膠加3蚊嘅凍奶茶, 好細杯好多冰, 一啖飲得哂, 係泰式奶茶, 略甜, 茶味豐富, 奶味中和得剛好, 不過真係好細杯埋單48蚊, 樣樣野都有好味同自己唔中意嘅地方, 有機會試下佢嘅晚市可能會好d

假日黎食呢間餐廳 好多人！坐得比較逼同地下好污糟 就算有隔板 但太多人 好容易會有感染嘢食唔錯 價格相對算係比較平啲 三個人埋單五百有找不過員工態度可以好少少 雖然係繁忙時段 但係問有無乜嘢 都即時答無 但係答完繁之後又攞到我要嘅嘢過黎🤷🏽‍♀️🤷🏽‍♀️ 不過剩係收現金呢樣嘢真係好不滿 依家咩年代呀 credit card 都唔收？🤷🏽‍♀️ 落街食飯都唔會拎住咁多cash 係身，只收現金呢點真係好需要改善 尤其是佢唔係街邊啲平民美食 一餐至少都幾百蚊

本來想去小曼x食午餐，但原來假日是沒有午餐，後來去了對面見到呢間隆姐有午餐全部$45，見咁平就入去一試…叫了泰式肉碎炒河餐 $45，雖然有辣咗小小，但好好味! 青咖喱雞飯餐 $45，都唔錯…另加了一個炭燒豬頸肉 $75 唔會好乾，但是唔係我想要果隻泰汁，但都ok， 泰式奶茶一般，送例湯-送就無要求，還可以 …但下次一定會再食，會食晚餐 😊

睇完戲突然想食泰菜就走落九龍城搵嘢食🙈見到隆姐生意都幾好應該食物質素唔差門口見到$260 2人餐包咗前菜，湯，菜，炒飯同甜品 晚市免加一每位收$2 茶錢一坐低落好order 幾分鐘，櫈都未坐熱好快手已上齊d菜泰式鳳爪夠酸夠辣，好開胃，但有西芹😂唔食嘅朋友注意⚠️冬蔭功湯略嫌甜咗少少🤏唔會太辣份量都足，每人可以飲到2碗，入面有菇同2隻開邊蝦，乾淨炒飯中規中矩唔中意食飯，無咩點食炒菜正正常常系列☺️西米露正常唔會死甜

黎過兩次第一次黎無記性唔記得寫🤦🏻‍♂️冬陰功海鮮湯真心推薦，唔會太重口味，重點海鮮好多👍🏻炭燒🐷頸肉都好好味，兩個人份量啱好咖哩軟殼蟹大包反而覺得嘛嘛哋，咖哩唔夠熱，隻蟹油炸過，食多反而會覺得滯😅最後埋單嘅時候可以叫姐姐送椰汁西米露，正姐姐嘅服務都好熱情❤️兩個人消費348，都算平靚正

由於屋企人鐘意食泰國野既關係，細細個已經好鐘意帶我去食九龍城既隆姐今日剛巧同媽咪經過九龍城，就異口同聲話一齊食隆姐由細細個隆姐得一間鋪食起，到經歷佢增加多一間鋪，到依加裝修重開，地方闊落左好多之餘，俾人既感覺亦時尚不少，但不變的，係果一份味道。我特別鐘意食鴨金邊粉，鴨金邊既湯底同其他粉麵不同，係一種甜甜地好濃郁既湯底，同鴨肉非常配合，每啖都香濃惹味，簡簡單單一碗金邊粉，十多年黎已經食過無數次了，好味。自問都幾鐘意食泰國野，發現坊間既椰汁雞湯味道迴異，有清甜既、有椰香味濃既，而隆姐既椰汁雞湯則係有一種微酸既味道，至於鐘唔鐘意飲就見仁見智了，我就麻麻地依種風味。另外，佢既雞肉亦有少少雪藏味，都令依味菜打左個折扣，整體就唔太岩我口味了。最後都希望大家可以去九龍城試下，午市都非常實惠，50蚊內仲包一杯野飲，龍眼冰（不用加錢）必試！

/🔻環境/ 服務 (3/5). 九龍城係泰國菜嘅集中地，選擇眾多。今次就嚟試下呢間頗有名嘅隆姐。疫情期間光顧，佢地依然係高朋滿座，可見佢地嘅棒場客果然唔少🇹🇭 . 餐廳光猛，裝修簡約，有圓枱有卡位，只要要求的，服務員亦都樂於提供👍🏻-🔻食物/ 飲品 (3.5/5)🍽 泰式生蝦 HKD. 最怕食到啲未完全解凍，又有雪味嘅生蝦，好彩呢度無呢個問題。佢地嘅生蝦肉質爽彈，亦有配備泰式辣汁同蒜頭等配菜，如果可以加埋苦瓜就perfect🦐. 另外明白到生蝦需要keep 住佢嘅溫度保持新鮮，但如果可以做到用保鮮紙包住冰鋪喺嘅方式，無論賣相或者口感都會更好🧊.🍽 蒜蓉炒椰菜苗 HKD65. 炒得好嘢味，有鑊氣，無太多可挑剔。唯獨覺得呢個價錢，份量大少少就更好👌🏻.🍽 肉碎生菜包 HKD52. 味道同一般出面食嘅生菜包差唔多🥬 只係餐廳選用較瘦嘅豬肉，如果可用半肥瘦嘅豬肉，口感會更佳🐷.🍽 泰式辣椒膏炒大蜆 HKD98. 全晚嘅精髓落咗喺呢道菜上💛 雖然硯嘅數量唔係好多，但佢嘅醬味做得好開胃，微辣帶少少酸少少甜，唔食辣嘅朋友都應該可以handle到，食食下會地都忍唔住要叫碗飯嚟撈汁🍚-🔻總結 (6.5/

最近因為疫情關係都少咗出去食飯，但講到去九龍城都要去食下泰國菜！有朋友推薦食呢間，因為之前食過話好抵食因為疫情所以餐廳唔係好多人，所以落咗單之後就火速上菜第一樣嚟嘅竟然係串燒，我哋叫咗串燒拼盤，熱辣辣嘅肉串配搭香濃嘅沙嗲醬好好味😋之後有鐵板上嘅蚵仔煎蛋🍳一上枱就聞到好香嘅煎蛋，蚵仔大隻而且唔會好腥，鍾意食辣嘅朋友仲可以配埋嘅辣醬小食拼盤嘅炸物配上酸甜醬，味道唔錯但無咩驚喜大蝦炒金邊粉都係熱辣辣上菜，有四隻大蝦，份量都幾大係炒粉同埋焗飯之間我覺得芋頭焗飯好食啲，一上菜就聞到陣陣芋香，而且份量好多，可以有椰子🥥肉，可惜海鮮小啲最後諗住埋單嘅時候店員話有糖水送，當然食埋先走啦埋單一個人一百蚊多啲，都幾值食

隆姐泰國美食館九龍城衙前塱道2A-B地下今晚屋企人提議想食泰國嘢，即刻諗起黎九龍城因為好耐冇嚟過，同埋呢頭好多咪錶位方便泊車，所以就決定過黎開餐啦喺九龍城兜咗幾個圈，最後決定幫襯隆姐，呢到絕對唔係sell華麗既環境， 精緻嘅菜式，只係一間由泰國人主理既平民泰國餐廳，夠晒地道，所有食物真材實料唔花巧，我最like好重椰汁味，而且又唔會覺得太甜，岩岩好肥瘦均勻，油而不膩食落口啖啖肉，而且個醬汁都好地道同係泰國水門市場食到既都一模一樣真材實料，炒得好夠獲氣主角黎啦真係無唸過麵包係咁大個，好彩無叫白飯咖喱汁好香濃，軟殼蟹炸得好香脆麵包吸收晒d精華，真係食到停唔到口呢個就覺得比較遜色，價錢算偏貴而且唔大碟，都唔係好食得出有咸蛋既味道，應該係慳皮落得太少，有待改善最後餐廳每人奉送一碗糖水，值得一讚好濃既椰香味，加上紫心番薯真係冇得頂直情想問餐廳有無得賣，想order多碗外賣呀

細細碟夾吾抵食，春卷難食，蝦餅麻麻，咖哩炒蜆蜆未熟，仲有啲粉紅色添👍🏻烤鰂魚烤左9個字，食完前面果幾樣野就開始呆等左9個字👏🏻，結果上到黎係炸魚，係炸飯就好大碗，可以食飽到您。

好幾個食評都沒空寫，次次都記下重點，就是懶得整理，繼續有拖無欠的態度，哈哈😄今晚是特別來九龍城隆姐泰國菜館食咖哩蟹！九龍城泰國菜館成行成市，但我們就只喜歡隆姐。惠顧多年，只是以前都沒有寫食評的習慣。三人行，為免等位，6 點就到。點了一個有咖哩蟹的套餐 $645，裡面還有冬陰功、飯、菜和甜品，再加一客 4 件的蒜蓉包 $28，一個芒果冰$28。不到半個小時，就已經坐滿客人!隆姐的咖哩蟹，從來沒有令我們失望，除了味道，食材本身就已經很新鮮，這隻多肉多膏，就像咸蛋黃什麼都不管，滿足的吃、吃、吃

今日放假，諗起好耐冇去九龍城食嘢，就決定同屋企人去食泰國菜。今次試咗隆姐泰國美食館，價錢喺九龍城泰國菜來講算係幾平，舖面好大，好乾淨。頭盤小食要咗春卷拼蝦餅。蝦餅有三件，炸得幾好，外脆內熱。春卷有兩條，入面應該係包左啲菜，但係佢嘅春卷皮已經林咗，一啲都唔脆，口感麻麻。主菜嗌咗咖喱軟殼蟹，另外嗌咗薄餅黎點咖喱食。軟殼蟹嘅賣相唔錯，咖喱聞落好香，但係食落唔係好夠味，同埋唔知係咪太濕，所以啲軟殼蟹都林咗，唔係好脆。不過嗰薄餅就好香，又脆又好食。另外炸蠔餅都好出色，啲蛋炸得好鬆脆，有好多蠔仔係入面，個底仲有好多芽菜，口感特別，好好食。最後嗌咗淨金邊粉，湯底好清，一啲都唔咸。啲金邊粉煮得岩岩好，好正，中意食金邊粉嘅一定要試吓。

九龍城泰菜集中地，競爭十分激烈，能夠屹立十幾年，做到有幾間分店，實力無容置疑，講緊就係隆姐！👏🏻雖然唔係每次去九龍城食泰菜就去隆姐，但總會有時突然想去！ 隆姐食既非華麗菜式，主打平靚正快，夠平民地道！💰推介必食串燒👍🏽👍🏽我食左辣肉碎炒河，覺得唔錯，不規則肥河加粉，煱氣夠無炒到一pat pat ! 朋友食左鴨肉湯米，泰式湯底夠地道，有七八成，不過鴨肉有D鞋口，再食會選擇其他肉類配。 最後仲送甜品-涼粉一碗😂泰式奶茶就一般般，下次再叫生蝦🦐