陳儀興牛什粉麵 (鴻祥大廈)

营业中

休息中

陳儀興的店名，好似認識一位老朋友一樣的稱呼，再看看內部的裝修，有懷舊的鐵閘，牆上面掛上的圖畫，真係返到舊時啊！今日同家姐叫左兩款麵食1)沙瓜(傘肚)牛腩河粉$70 第一次食牛沙瓜😋💗牛沙瓜是牛第四個胃，每個胃都有不同名稱，而牛沙瓜較爽。牛胃裡面分有瘤胃、網胃、重瓣胃及皺胃四個部份，而牛沙瓜(又稱牛傘肚)正是最後一個胃👉皺胃。💗牛腩就是指記得加辣椒油，食粉麵好滋味。(自家潮式辣椒油)2)牛邊肚、牛膀河粉$63💗牛膀是指牛的胰臟它含有豐富的蛋白質和低飽和脂肪酸，還含有維生素C、低鈉鹽、鐵、磷、鉀、鋅、鈣、鎂、葉酸等營養成分。真係食住都覺得有益，河粉又滑，成碗食晒。3) 炸爆佢🤭炸魚皮、炸雲吞、炸魚蛋、炸木丸炸章魚丸 、炸蝦棗丸 你要晒🤣$40其實每樣一件，沾埋佢嘅酸甜醬就更正。4)蠔油芥蘭$15我哋怕芥蘭硬，但又想食，姐姐就幫我哋滾耐啲，姐姐真係貼心👍

✿╮❤╭✿✿雜感女生   好味日記✿˚*•✰。陳儀興牛什粉麵．好好味的崩沙腩。✰•*˚✿✿小資女的Dolce Vita✿✿❤餓底飯聚．食勻全世界❤❤吾係POL - Peggy On Line．Proof Of Life❤  ❤ 出旺角行街一陣湯香飄來聞到牛腩的香味真係會令人忍唔住的  所以，今次和朋友直入「陳儀興牛什粉麵」進行第一次探索 粉麵選擇不少店員推介崩沙腩而且各款麵食加HKD20即可成套餐包括油菜/魚皮，冷熱飲品其實算是幾吸引見到餐牌更有久違了的炸醬麵那就和朋友happy share 只要見到炸醬麵的橙橙紅紅非常開胃醬汁很香，是傳統港式炸醬的味道幼麵麵質彈牙，吸汁力強撈得好好食，確是撈得喜！  蠔油芥蘭，切成適當長短易入口灼熟後仍脆身鮮甜味道不錯  崩沙腩麵據說是此店名物看湯頭就充滿香氣一試味道果然有飽滿牛油香 一口咬入，肉汁爆出好香，好滑，因為有牛筋的口感爽軟不硬，膠質豐富，非常好食這是值得再吃的味道  腐乳通菜幼身嫩滑，喜歡幼通的口感配腐乳最是惹味最後配一杯茶餐廳口味的凍檸茶爽！   小評：味道：★★★★☆環境：★★★★☆服務：★★★★☆衛生：★★★★☆抵食：★★★★☆ ❤

本身都鍾意食粉麵，見到呢間新開就試一下，當日下午時間都多人，排一陣就入了，見到餐牌都有幾多牛雜特別部位食先點杯凍啡提提神，啡味都好香濃唔會淡見到有牛肚邊就點咗，係金錢肚附近啲邊位，本身都炆得好嫩腍入味，仲帶有一啲爽嘅口應，米粉爽身無行味，啲辣椒油都夠香辣仲有叫咗剩雲吞，大大粒皮薄適中，都幾多大大粒蝦肉，好鮮甜爽口，肥瘦豬肉比例都好，雲吞食落好香又滑嫩估唔到呢到都有炸物食，叫炸爆佢系列，炸章魚丸炸到金黃色，外層好香口微微脆身，入面都仲好多汁又夠爽口彈牙

享受假期絕不會開爐煮野食, 同丫姨去咗旺角搵食, 兜咗陣就隨意入咗呢間粉麵店, 估唔到咁好食!呢度主打多款潮洲牛雜不同部位、丸類、小食, 配搭粉麵/飯類。崩沙腩河:崩沙腩好林, 每件有薄軟膠質, 爽軟唔硬, 其中一面連住爽口感嘅肋骨, 牛味清香; 湯底加入了牛腩汁, 河粉索咗個湯汁, 有淡淡牛味, 正!牛三寶河:集齊牛腩、牛筋、牛肚於一碗, 豐富又滿足!牛腩肉味香濃, 肥瘦適中冇渣; 牛筋軟硬適中, 腍得嚟又不失口感; 牛肚係選用金錢肚, 爽口勁入味;炸雲吞: 即叫即炸, 炸皮金黃脆卜卜. 雖然唔算大粒, 餡料嘅鮮甜爽口蝦肉比例多於豬肉餡, 鮮香味十足, 爽口有層次, 點上甜酸醬, 味道更提升。

陳儀興📇呢個大名相信各🇨🇳潮洲菜老饕🤤都應該唔會陌生，近年仲跳出🤩新蒲崗係各區開唔同類型嘅🥢食肆，今次我就來咗佢哋係🚇旺角新開嘅陳儀興牛什粉麵。呢度地方唔算好大，不過👍乾淨企理，裝修帶點復古風😊。牆身都用咗🥰懷舊款式嘅馬賽克，仲有充滿🇭🇰港式情懷嘅🖼️插畫做裝飾。作為🐮牛魔王嘅我就楝咗佢哋嘅招牌🐂牛三寶淨食，再加杯凍奶茶🧋。個凍奶茶🧋都幾有水準🤩，香濃幼滑而且🥛奶同茶嘅平衡度幾好，啱我口味😋。🐮牛三寶入面有🤤牛腩、牛筋同埋牛肚，底部仲有唔少菜🥬，十分之豐富🥰。🐂牛肚軟熟得來亦都有啲咬口，而且好😋入味。🐂牛筋十分之腍滑🥰又有牛味。🐂牛腩味道濃郁，🤤一件有整肥、瘦同埋根位👍，入口好有層次😋！底部嘅菜🥬入味得來仲保持到鮮嫩翠綠🤩，而且食起上嚟都幾爽甜。

陳儀興係旺角開潮州粉麵店，位置係正一間旺角廣為人之的老牌麵包店旁邊，好容易搵餐牌好多選擇，除咗一般丸類粉麵，牛類選擇也很多，牛坑腩，崩沙腩，沙瓜，牛膀⋯等等牛坑腩米粉, 牛坑腩肥瘦適中，咬落肉質軟熟得來有口感，不過過韌，牛味香濃牛脂香，米粉爽口，灑上蔥花和乾蒜加強湯的味道，更加惹味，落埋潮式辣椒油，味道更上一層樓淨招牌牛丸，先呷一口牛湯，味道濃郁可口、七粒牛丸份量適中，雖然牛味不太濃，但牛脂香又彈牙再黎一個小吃炸雲吞，炸得香脆，點上醬汁，更好吃龍鳳檸欒解渴，奶茶香滑

吃盡市場上所有牛坑腩 崩沙腩 挽手腩 爽腩，我最喜歡的大概是陳儀興的吧，價錢合理，出品相當有保證環境基本上就跟一般賣清湯腩的店一樣，不過這間比較乾淨企理服務水平比一般清湯腩好上一點， 侍應比較勤快，清枱有效率食物牛坑腩+崩沙腩河粉$70雙拼+15，份量算合理坑腩是牛肋骨接壤的位置，所以入口會有少量筋膜，其肥油味香濃細緻，牛味濃郁，令人一吃難忘崩沙是我最愛的牛橫膈膜位置， 肥瘦各佔一半，帶點爽脆口感，這家的還很少會有渣，更是出色海參腩飯$60經過滷水的牛腩，比較細碎但味道較濃，入口同樣帶條筋腱而瘦肉部分較多，口感爽但不肥膩，是個人滿喜歡的味道轉餐加$20加一碟油菜（生菜），生菜味道正常，澆上蠔油味道不錯熱檸水+$10檸檬算新鮮，入口帶鮮美的酸

🔮招牌淨牛坑腩   廚師將整條坑腩每件都切得好平均,每一件都清楚看到薄薄的一層油脂連著牛腩還帶點反光,未入口都已經覺得好正!講真識食牛腩,一定要食牛坑腩,因其肥瘦均勻,肉汁軟腍,廚師每朝一早以秘製冷腩汁炆煮牛腩數小時,非常入味,牛脂肥而不漏,又有牛香,入口非常軟滑又不孩口,加分位還有墊底的生菜都吸收了濃郁的腩汁,阿芳食到更加讚不絕口啊！ 🔮炸醬麵 這個炸醬面味道偏濃,帶鹹香的炸醬入面的豬肉條,肉身偏粗,比起平時出面的肉絲更有口感, 通常炸醬麵都會配有一小碗例湯,小店這碗例湯真的不可講笑,細問一下,原來這個是大地魚湯底用了10幾斤的魚頭魚美魚骨熬成奶白色,入口非常清甜有魚鮮甜味,剛剛平衡了較濃味道的炸醬 🔮炸魚皮所有麵食都可以$20 追加與蔬菜或鯊炸魚皮.炸魚皮入口非常香脆,一點腥味也沒有,反而有微微的咸香,簡直係潮式粉麵小食的錯配搭 🔮 腐乳通菜自家調味的腐乳汁十分惹味一定要追加啊 🔮我要哂   喺Menu見到了一個小食拼盤 個名好得意叫“我要哂”,即係小店所有炸物小食都要一件實行滿足哂你咩都試下嘅慾望,.小食拼盤有炸魚旦 ,炸魚皮,炸雲吞,炸墨魚丸,炸魚片頭 炸豬肉丸, 即叫即炸(除

#陳儀興牛什粉麵之前有唔少網友都話依間係旺角既牛雜粉麵店質素幾好，所以今日特登過海試吓。中午十二點前到，仲有好多位，但冇幾耐已經接近滿座。店唔算好大，裝修唔錯。慣例叫牛雜麵多蔥，$40，係食過最貴一間。份量正常唔算大碗，餐牌上寫到明牛雜有乜野冇花假。整體牛雜都幾唔錯，金錢肚比較淋身，牛膀牛肺都係正常水準。牛腸都帶肥，唯一係食落有少少苦味，可能處理得未太好。麵質都係正常，湯底夠濃夠味唔會過咸，有少少口乾但冇叫野飲，加埋要$50就唔太值。感覺講得最多兩個字就係正常，因為真係正常冇特別。可能之前食得太多牛雜麵，而家食落覺得間間差唔多，單計食物$40係有點貴，當然地區租金係唔同。我覺得行過旺角想食吓冇所謂，但就唔需要特登去試。陳儀興牛什粉麵 (鴻祥大廈)旺角煙廠街1-3號鴻祥大廈地下E號舖@foodiehck2022 #港飲港食平靚正 #旺角 #牛雜麵 #午餐

陪同事去好景買完game就喺附近搵野食見到出名嘅潮州菜陳儀興喺度開左間粉麵店裝修都幾搶眼 行過門口已經好香喇一於食佢啦牛三寶河粉（牛筋 牛腩 牛肚）牛腩好嫩滑重牛味 脂肪位夠甘香牛肚好爽口 牛筋腍得嚟又有彈性 勁好食加埋個靈魂辣油真係冇得頂澄海肉扎魚皮餃牛丸米除左牛腩牛雜 佢嘅潮州丸類都好出色魚皮餃層皮超煙韌 牛丸超濃味 咬落去有肉汁落單時店員主動問洗唔洗加腩汁 好nice魚蛋牛丸河魚蛋真係好爽口彈牙有魚味食完見到仲可以當火鍋料買走下次打邊爐一定要嚟幫襯先我要晒！個名真係叫我要晒 炸爆佢系列各一件最出色係炸木丸 即係正宗墨魚丸 超多墨魚粒粒好出色 各款粉麵仲可以加20蚊升級套餐包飲品同油菜/炸魚皮 淨叫油菜或魚皮麵要20蚊所以叫套餐真係抵啲 魚皮超脆口又唔太咸價錢係貴過好多旺角嘅粉麵店但食落就知真係唔同level 我覺得呢個價係值嘅

📍 陳儀興牛什粉麵🌍 旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok📝 整體評分：8／10新開張，有店員好積極招攬客人，一個人唔知食咩好就入左去~🥢淨五香牛筋牛腩🥢 $120 雙拼+15呢到既腩汁清甜不濁牛腩肉爛軟韌牛筋爽滑富彈性似啫哩既口感底下有腩汁浸生菜，青脆又掛汁，正~🥢大蓉河粉🥢 $38 自家製鮮蝦雲吞雲吞大小中規中矩但勝在皮薄，湯底清清地加左青蔥同炸乾葱提香。可轉餐+$20有油菜/炸魚皮+紫菜湯/奶茶或咖啡，都幾抵。

座落在旺角的陳儀興牛什粉麵，用料高級，店家非常推薦這個崩沙腩，筋膜、油脂均勻牛味十足，肉質軟腍也不痴牙~搭埋雙拼沙瓜，是比金錢肚更罕有的牛胃部份，口感層次再昇華，不錯！+$20 可以轉套餐，配炸魚皮或油菜，見店家都落力推薦自家魚皮，果然不俗，很清脆的香酥炸感！惹味！再加自家製事頭婆涼茶都幾特別，店家推介圓肉紅棗薏米水，這個配搭不普遍，清甜少糖，推介！再來店家推介八寶麵，八款自家製丸，墨魚丸、魚角、蝦肉丸、豬肉丸等，味道很鮮甜爽口，口感層次不錯！

雲吞麵、牛腩河、牛筋米⋯ 這些耳熟能詳的港式粉麵在油麻地一向不乏好選擇，不過最近發現一家在別區已經蠻有名氣的潮州菜館，在旺角「踩過界」開設一間港式粉麵店，這天就跟朋友來試試五香牛雜撈粗 $40朋友愛吃牛雜，特意點一份來吃看看，一碗有齊牛肚、牛腩、牛膀、牛大腸跟粉腸，份量不少，鋪得差不多看不到麵條；不得不讚店家將牛雜處理得很好，每款只有剛好的調味而沒有任何怪異味道！牛肚爽口牛腩腍身，牛大腸肥美，牛膀跟粉腸的質量同樣不錯～ 粗麵煮得軟硬適中，份量蠻大的，再拌著蠔油吃感覺很好崩沙腩拼沙瓜河 $70（單點）+$20 （轉套餐）本來想點蝴蝶腩可惜賣光了，就來吃崩沙腩吧！店家非常推薦這個，肥瘦均稱的崩沙腩牛味十足，肉質軟腍但不硬，每件都切得不厚不薄，最好吃的是帶點筋膜跟油脂，豐腴香口！因這次是點了雙拼粉麵，當看到這店有沙瓜供應，從未吃過的我特意點一份來吃～ 沙瓜又名「傘肚」，跟金錢肚同屬牛胃，只是沙瓜size偏小，所以特別矜貴，不是有太多地方可以吃到！沙瓜口感特別，入口爽脆而不失嚼勁，像吃厚身的豬肚，又滿滿牛香，好吃到不得了，如果喜歡吃金錢肚的爽口，這個會比金錢肚多一分滋味，絕對有驚喜！腐乳通菜

旺角呢間粉麵由潮州菜（打冷）陳儀興集團主理嘅全新牛雜粉麵店舖🍜主打正宗潮州方法牛什同埋各款稀有部位（崩沙腩、牛坑腩、沙瓜）價錢合理，啱晒一眾牛魔王呀😝🐮崩沙腩米線$55🐮崩沙腩果然名不虛傳牛味香濃，油脂分布均勻😝肉質爽脆，食落有少少甜味而且份量好多，CP值超高👍🏻牛坑腩/牛肺牛肚河粉🐮牛坑腩相對崩沙腩較瘦食落比較乾身啲😻肉嘅側邊有一條薄薄嘅筋膜🤏牛肺牛肚都好軟䭃👍🏻抵食加配😝每碗粉麵加$20即可配🔸油菜加飲品 (菜心/生菜/芥蘭)🔸脆魚皮加紫菜湯🐟魚皮真係幾香脆，唔會好咸而且比較薄身啲😘放落湯浸幾秒仲有渣渣聲陳儀興牛什粉麵 (鴻祥大廈)旺角煙廠街1-3號鴻祥大廈地下E號舖

陳儀興呢個名相信好多朋友都聽過佢係一間食潮州嘢好出名嘅老字號最近佢喺旺角開咗一間新餐廳主打潮州牛什粉麵🍜作為牛魔王一定要去試吓🔸牛坑腩河粉 $55🔸崩沙腩河粉 $55陳儀興嘅牛腩真係好出色，有款叫蝴蝶腩未食過，可惜當日售馨。我哋今次就試咗牛坑腩同崩沙腩河粉，牛坑腩比起普通牛腩有更多脂肪，牛脂味更香，食落口感更軟腍。一碗牛坑腩河都有好多件牛坑腩，相當之有誠意，陳儀興嘅牛坑腩肥瘦適中，炆得好淋身，好高質。河粉亦都好香滑，配牛坑腩食真係絕配🤤我哋仲加咗$20轉做套餐，套餐包魚皮或油菜，仲有埋飲品，真係好抵食我哋仲叫埋崩沙腩河粉，崩沙腩食落就比較爽口，口感非常豐富，我個人就覺得崩沙腩嘅牛味更香，非常惹味😋不得不提佢哋嘅自家製魚皮，食落非常香脆，推介‼️