銀座炎蔵燒肉

营业中

休息中

藏身長沙灣D2 Place的「銀座炎蔵燒肉」，宛如工業區中的精緻綠洲。掀開和風布簾而入，深木色調與靜謐光影營造出低調奢華的日式氛圍，隔絕了外界的喧囂。「極致」和牛6點拼盤，嚴選六款頂級部位：濃郁緊實的「和牛芯芯」，肉質緊實卻不失細嫩，獨特的纖維感在火熖輕吻後，散發深邃濃郁的肉香。天鵝絨般柔嫩的「和牛友三角」，幾乎入口即化，油脂甘甜在舌尖溫柔漫開。油花如霜「和牛羽下」，肩胛部位的精華，只需短促炙烤，豐腴脂香瞬間迸發，肉汁飽滿欲滴。紋理如藝術的「和牛龜之甲」，其名如形，油花分佈堪稱藝術。口感在彈牙與柔嫩間取得絕妙平衡。經典軟嫩的「和牛上等肋肉」。佐以岩鹽或秘製醬汁，純粹肉香已令人沉醉。日本產豚三味：厚切豚腩肥瘦相間，烤至金黃焦脆，脂香豐盈；梅花肉柔嫩多汁；赤身肉則肉味醇厚。三味交織，滋味無窮。月見紫菜飯（配蘭王蛋）：劃破濃郁如熔金的蘭王蛋黃，蛋液溢於熱飯與烤海苔。裹上剛烤好的和牛，蛋香、肉汁、米飯甘甜交融昇華，是絕配亮點。炎蔵沙律：以新鮮蔬菜與開胃醬汁，適時洗滌味蕾。從嚴選頂級食材、寬敞靜謐的日式空間、到講究的器皿細節，處處體現「精緻」真諦。這不只是一餐燒肉，更是該處一塊飲食文化的綠洲。

上個月去到日本旅行，由於老婆食嘢偏向少食紅肉，而和牛一類油脂咁重嘅就更加唔啱，所以，一餐日式燒肉都無試。而日式燒肉都好一陣子無食過，搵番好此道嘅親友聚一聚兼食番餐。今夜，就嚟到「D2 Place One」嘅「銀座炎藏燒肉」探店，佢喺東京銀座嘅過江龍，主打日本和牛同多處罕有部位，值得一訪。一室傳統日式嘅木系環境，配以柔和燈光，感覺幾舒服，我哋被安排坐晌卡位，感覺寧舍闊落，最鍾意喺挨背加高咗個屏風，令前後嘅騷擾度大大減低。此外，近門口有個凍櫃，放滿唔同部位嘅和牛，望上去蠻吸引。餐具、紙巾、簡單嘅調味早已放好晌枱上，玄米茶亦由侍應緩緩送上，下單可用枱旁嘅二維碼。而烤爐抽風採用下抽式，且夠強力，所以，食完成晚都唔會一身油煙味，讚。講到食物選擇，單喺用嚟烤肉用嘅黑毛和牛就已經非常之多，有啲更喺稀少部位，睇圖都令人留晒口水。當然，食烤肉就仲有豚肉、雞肉、海鮮、野菜……等等供應啦。此外，食事、一品料理、飲品、酒類及2、3、4人套餐，都一應俱全。不過，掃二維碼進入點餐版面，會發現選擇仲會多啲。菠蘿乳酸梳打、草莓番石榴乳酸梳打 $42食烤肉咁熱焫焫，梗喺要飲凍飲啦，所以，我哋同樣揀嚟冰凍嘅梳打邊食邊飲。

🥩銀座炎藏燒肉🥩每個月盡量安排一日不帶小孩的約會❤️ 今個月安排咗位於荔枝角嘅銀座炎藏燒肉😎吃到很多和牛稀有部位，大滿足🥰.🥩和牛極致定食（3種）$248廚師嚴選3個部位，選擇困難症嘅解決方法係，將問題交俾專業人士決定😂1️⃣龜之甲：第一次食，原來係和牛大腿四頭筋，油脂分布較少，口感清爽，食多玫塊都唔怕漏☺️2️⃣和牛肋肉：肉味更濃郁，油花更重，有嚼勁，食肉獸的摯愛😍3️⃣和牛友三角：牛腿肉中一個三角形的部位，油花極多（欣賞下佢優美嘅霜降紋），卻同時吃到瘦肉的強烈肉味，雙重享受💕.🥩和牛羽下。貝身燒肉定食 $198我仲專登google邊個位置比較油先order😎1️⃣羽下：和牛肩胛位置，油花分布如羽毛細緻🪶，口感軟嫩有彈性😋2️⃣貝身：和牛中腹接近腰脊位置，肉汁豐沛，吃著齒頰留香🤤.🍳月見紫菜飯（配蘭王蛋）$48已經叫了定食（有白飯）還是要另外點的月見紫菜飯，總覺得吃和牛燒肉不能缺少它🙈 餐廳超有誠意地選用蘭王蛋，美麗的橙紅色蛋黃，蛋香撲鼻，這樣的蛋才經得吃生吃的考驗👍🏻.🍹白桃乳酸梳打 +$22🍹巨峰提子乳酸梳打 +22

荔枝角D2 Place有間日本過江龍燒肉店，主打黑毛和牛、西冷和牛等高質靚肉，店內環境闊落，座落舒適，抽風設備好好，食完無油煙味，店員親切有禮，經過可試。私心推介和牛「極致」4點拼盤，包含臀肉蓋、上後腰脊肉、和牛鞍下同和牛羽下，輕輕一烤就熟，油脂四溢，牛味突出，入口即化，建議加配日本蛋漿，更上一層樓。前菜小食有蕃茄同炎蔵沙律，大大份，十分開胃、唐揚烏賊下足炸至脆身，外層夠薄，熱辣辣上，咬落彈牙，越食越上癮。一口蟹唐揚比較少見，金黃酥脆，鹹香味足。主食方面有石鍋拌飯，咋咋聲，仲有飯焦，粒粒分明，帶淡淡香氣 ，份量適中，適合分享。相比之下和牛咖哩烏冬更出色，湯底香濃，掛汁，配飯一流哦！

荔枝角這一家和牛要來試試！週末和朋友逛街就想吃高質牛肉！就在D2place上面！環境很好，座位也很寬敞😊午餐定食包含肉+湯+飯+沙律！和牛上等牛肋肉定食💰198紋理很好看，不會很肥，不用烤太久，剛剛熟的程度就好！有嚼勁！和牛西冷大判燒&赤身定食💰298追加和牛羽下💰好大的一片和牛西冷，雪花❄️紋理看著就很好吃！這個烤的技巧要講究，因為不是很厚，所以注意火，不然很容易燒焦！配上雞蛋液一起吃，滿口都是牛油味，入口即化，好吃😋

前排行完D2 place，諗住食埋夜晚先返去～原來依家D2啲餐廳選擇都幾多！諗住唔想食太連鎖店～所以簡左依間日式燒肉我地簡左適合2-3人的舞@特盛，另外再加左上等牛舌，內容豐富- 沙律前菜-炎藏和牛「極致」4點拼盤🥩包括和牛鞍下、和牛芯芯、和牛肋肉以及和牛龜之甲。每一片和牛都經過精心挑選，肉質細嫩，油花分布均勻。特別是和牛龜之甲，肉質滑嫩，入口即化。-夢之大地豚三昧🐷肉質鮮美且富有嚼勁，搭配燒肉醬更添風味。-日本產雞肉三昧🐔則帶來不同的口感選擇，雞肉鮮嫩，燒烤後的焦香讓人無法抗拒。-上等牛舌👅牛舌雖然薄片，但帶有濃郁的肉味，令人驚喜！-巨峰提子乳酸梳打｜白桃浮酸梳打🍹都給人耳目一新的感覺，特別係白桃梳打，清甜的味道讓人感到無比舒爽，適合搭配燒肉享用。

終於去食D2 Place燒肉控必到既超人氣燒肉店環境充滿日式風情，燒肉香氣一秒勾魂!!和牛極致定食3款頂級和牛：和牛龜之甲：肩胛骨內側稀有部位，一隻牛只得2-5kg，油花靚到犯規，入口即化！💎和牛友三角：後腿股肉下側三角位，肉質嫩滑，燒完香氣四溢！🔥上後腰脊肉：腰部到臀部，油脂均衡，肉味濃郁，食完仲想再encore！🥰每款肉質滑嫩，油脂適中，燒後肉香爆棚，完美！日本產雞肉盛合定食3款雞肉，驚喜推介：雞頸肉！😲口感爽脆又Juicy，燒後味道絕贊，隱藏神級選擇！追加豪華日本豚肋肉：肥瘦平衡，燒到金黃香脆，入口即溶！😋冷麵：清爽冰涼，解膩神器，燒肉最佳拍檔！🍜食物顏值同味道雙滿分勁豪華勁滿足!!!

荔枝角發掘到一間幾高級既日式燒肉店，原店系東京，有個雪櫃裝住日本直送到港既和牛，座位亦都幾闊落舒適，燒肉個網亦都幾有質素。炎藏和牛「極致」6點拼盤 $588和牛龜之甲：由大腿四頭筋（赤身部位）中只能取得2成左右油脂分佈較少，口感清爽。上後腰脊肉：和牛較少運動既部位，肉質嫩度適中，油花少但分布均勻。和牛鞍下：和牛背部靠近臀部既位置，油花分布同樣均勻，肉質軟嫩且帶有彈性，較重肉既鮮美。 和牛芯芯：細膩柔軟，喜歡赤身肉之人首選。和牛上等肋肉：高級既肋骨部位，油花同樣分布均勻、肉質細緻。和牛肋肉：同樣肋骨部位，不過無上等級數高。海鮮三味 $188海解盛有3款海鮮，包括：蝦、帆立貝同魷魚，蝦夠大隻多肉, 蝦頭仲有金黃色既膏，肉幾爽彈，帆立貝用原身個貝殼裝住去燒，燒完記得留返d汁，因為d汁好鮮甜。魷魚好大隻，燒完好惹味。日本產豚肋肉 $88用北海道夢之大地既豬肉，即系由日本四個最佳豬種混種育成，得到最佳既基因，加上飼料以小麥和薯仔為主，含有高量油酸，增加鮮味。月見紫菜飯 $42每次食燒肉都鐘意叫碗月見紫菜飯，呢到用日本雞蛋，撈勻之後再將燒肉放上去，飯吸收埋和牛油分更好食。

位於荔枝角D2 Place三樓嘅燒肉店，位置非常方便📍，環境亦都好舒適🪑✨，適合朋友聚餐👫👭或家庭食飯👨‍👩‍👧‍👦。我中午時段去🍴，店內大約坐滿一半左右，唔使等位⏳，感覺非常輕鬆自在。👍😌 中午定食選擇多💰📈。我哋叫咗兩款定食，一個係 **和牛西冷薄切大判燒及赤身定食（$298）**，另一個係 **和牛、北海道豚、日本產雞定食（$158）**。和牛西冷薄切燒完入面油脂分布均勻🥩🔥，燒一兩下已經可以食👌，肉質軟嫩，唔會太油膩😋；而赤身牛肉就更加考驗燒烤技巧🎯，燒得啱啱好，牛味濃郁，絕對係值得一試嘅選擇！🤤🤤 定食仲包埋生菜沙律🥗、白飯🍚同味噌湯🍲，配搭相當豐富✨。味噌湯特別令人驚喜🎉，加入胡椒後多咗層次，唔再係傳統鹹鹹嘅味道，而係香辣開胃🌶️；生菜沙律份量十足，食落脆口又新鮮🥬🥬。白飯方面，建議試埋加$20嘅蘭王蛋紫菜🥚🟢，令整體更升級📈。

同朋友去咗荔枝角嘅銀座炎藏燒肉食飯，店舖環境帶有濃厚日式和風，木質裝修同獨特花式屏風好有氣氛，氣氛舒適，啱晒同朋友聚會。店內設計私密，令人感覺放鬆。🥩 上等牛舌牛舌厚切彈牙，燒後肉汁豐富，表面焦香，簡單撒上鹽或蘸醬汁，牛味濃郁，質素一流。 🥩 炎蔵和牛「極致」6點拼盤6款和牛部位包括和牛唐辛子、羽下、鞍下、友三角、芯芯同上後腰脊肉，油花均勻，燒得嫩滑入味，擺盤精緻，令人回味。 🍗 日本產雞腿肉雞腿肉鮮嫩多汁，炭火燒出香氣，皮脆肉軟，配上自家調味醬汁，味道平衡又美味。 🍙 月見紫菜飯(配蘭王蛋) 紫菜飯軟糯香濃，蘭王蛋流心濃郁，配上海苔同醬油提味，簡單又滿足，幾有特色。 🍦 沖繩海鹽雪糕雪糕滑身牛奶味濃，沖繩海鹽帶微鹹增甜度，鹹甜交織嘅口感獨特，收尾清新。 銀座炎藏燒肉嘅和牛質素高，環境舒適又有日式特色，係荔枝角搵燒肉嘅人氣之選。

上次食過覺得幾好食，今次朋友喺附近返工，就同佢一齊食吓。餐廳嘅座位坐得舒適唔會有油煙味，空氣都幾流通。🤤我哋每人各叫咗一個套餐，分別係三種和牛極致定食同埋和牛霜降。赤身定食。 每個定食都有日本米飯、昆布清湯、醋汁沙律同埋泡菜及飲品，非常豐富而又傳統嘅配搭。當天的牛肉種類分別有1️⃣和牛龜之甲、2️⃣和牛羽下及3️⃣上後腰脊肉。要講到霜降最多的，就是🥩上後腰脊肉，因為佢嘅位置比較貼近西冷嘅臀部肌肉，所以肉質比較柔軟，同時帶有豐富嘅油花，所以肉汁豐富，最適合配白飯嚟食。其次霜降同肉質分布平均嘅就係🥩和牛羽下，佢係屬於全部肩胛位嘅稀有部位，喺油花同肉質方便攞到個平衡點。而肉味最濃郁嘅就係🥩龜之甲，佢係屬於牛臀部內側嘅瘦肉，肉質非常柔軟，加上油花比較少，係一個清爽嘅牛肉！🍚牛肉同白飯果然係一個絕配嘅配搭，因為米飯真的很有口感，今餐食得好滿足😋

最近同仔仔去咗荔枝角D2 Place ONE銀座炎蔵燒肉，試咗佢哋嘅「極致」六點拼盤，另外加咗一份和牛笹身。拼盤由六個唔同部位組成，每款有三片：- 龜之甲：赤身部位，油脂唔多，但牛味濃，口感比較爽。- 上後腰脊肉：都係赤身，味道清，適合鍾意食原味嘅人。- 臀肉蓋：油脂分佈平均，肉質軟，食落有少少甜香。- 貝身：同樣油脂適中，可以加少少燒肉汁或海鹽，味道會更突出。- 友三角：油花靚，入口油脂香，肉味層次豐富。- 羽下：油脂分佈細緻，食落滑，加少量wasabi會減低油膩感。和牛笹身笹身係比較少見嘅部位，油脂唔算多，但肉味明顯，燒到微焦會有香氣，配飯幾好。飲品朝日咖啡生啤：有少少咖啡香，唔算太苦，配燒肉幾夾。Asahi Sour：微酸，清新，食完和牛飲一啖可以解膩。六點拼盤可以一次試到唔同部位，味道有層次，油脂分佈各有特色。笹身都值得一試，飲品方面配搭合理。唔算驚喜但質素穩定，適合鍾意食和牛嘅人。

同朋友去咗荔枝角一間主打高質和牛嘅燒肉店晚餐，地點方便，裝修是日本🇯🇵傳統卡位，店內座位舒適，氣氛放鬆，店員更會細心介紹食材特點，令人感覺貼心。主打的「無@特盛」套餐非常吸引，包括多款稀有部位，例如龜之甲（大腿四頭筋）、羽下（肩胛部位）同友三角（後腿內側），每塊都切得厚薄適中。烤完之後肉質嫩滑，油脂分佈平均，入口即溶。另外還包括日本產日本豬和雞三味層次豐富。一次過滿足不同口感，特別適合肉食愛好者。帆立貝鮮甜多汁，完全無雪味，烤完仍然保持鮮嫩感覺。和牛烏冬麵條吸足牛脂，滑溜不膩，可以完美為一餐作結。食材新鮮水準高，每一樣都令人滿意，絕對適合和朋友一齊分享。

今日朋友神神秘秘話帶我食好嘢，原來係去咗荔枝角D2嘅「銀座炎藏」預祝我生日！之前成日經過見到都想試，今次終於有機會，真係好開心❤️餐廳環境好舒服，燈光暗暗哋幾有情調，座位又夠闊落，坐得耐都唔會逼👍我哋叫咗個炎藏和牛「極致」6點盤，一次過試勻和牛肋肉、龜之甲、上等肋肉、羽下、貝身同芯芯，每款部位都有唔同口感！最鍾意羽下，油脂分布均勻，入口即溶；貝身就肉味最濃，配少少wasabi同鹽已經好正😆上等牛舌都冇得輸，燒到微微焦香最perfect！食咁多肉，配返個紫菜飯就啱啱好，飯粒飽滿有咬口，紫菜香脆，中和返油膩感😊飲品方面，柳橙汽泡酒清新解膩，朋友嘅白桃乳酸梳打就甜甜哋好少女。整體服務都好好，店員會主動換網同介紹燒烤技巧，真係好滿足😋

今次去咗一間日式燒肉店，真係大開眼界！首先講下個沙律，新鮮蔬菜搭配番茄同埋特製醬汁，清爽解膩，作為前菜真係一流。刺身都幾正，牛肉質地鮮嫩，搭配檸檬同埋芥末，食落口感豐富，鮮味十足。重頭戲當然係燒肉啦！各種部位嘅牛肉同豬肉，肉質新鮮，雪花紋理靚到爆。燒嘅時候，肉香四溢，搭配埋燒肉汁同埋泡菜，簡直係人間美味。尤其係嗰啲高質嘅和牛，入口即化，油脂香撲鼻而來。環境同服務都唔錯，店員好熱情，上菜速度都幾快。價錢雖然唔平，但係物有所值。整體嚟講，呢間燒肉店真係值得一試，下次約埋朋友再嚟大快朵頤。