鐵板燒海賀

鐵板燒海賀15周年特選二人套餐鮮蝦柚子沙律 鮮蝦鮮嫩，爽口彈牙，清新的柚子果香，酸甜開胃，口感清新，蝦肉表面加了蟹子，入口鹹香，卜卜脆，厎部沙律菜新鮮爽口鮮甜薑蔥拖羅蓉海膽三文魚子杯 薑蔥的香氣融合海膽的鮮甜和三文魚子的鹹香，口感細膩，拖羅蓉軟棉棉，而且鮮甜，海膽鮮濶，入口即化，甘香回甘，非常新鮮鐵板燒鵝肝 鵝肝外皮微脆，內裡絲滑柔嫩，入口味道醇厚，帶有濃郁的奶香與甘甜，回甘悠長鐵板燒南非鮑魚 鮑魚肉質鮮美，彈牙爽口，入口鮮甜鐵板燒A4宮崎和牛厚燒 和牛肉質極為細緻，油脂均勻，口感滑嫩，入口即化，牛脂甘香和牛炒飯 香氣四溢的炒飯，和牛的豐富肉香味，融合了每一粒米飯，炒飯粒粒分明，入口甘香，回味悠長味噌湯及漬物 味噌湯香濃順口，帶有微微的鹹味與甘味，漬物則清新爽脆，味道酸甜，口感爽脆抹茶蕨餅和黃豆蕨餅 抹茶蕨餅帶有淡淡的清香與微苦，口感柔軟，而黃豆蕨餅則香甜可口，煙煙韌韌…Read More

今日去咗呢間尖沙咀The ONE 19樓鐵板燒，一坐低就可以飽覽維港海景！我哋叫咗海賀15週年 特撰二人套餐，非常抵食1️⃣ 鮮蝦柚子沙律 🦐🍊  柚子汁酸香十足，開頭食已經好開胃！鮮蝦夠大隻，新鮮爽口，啱晒做前菜。2️⃣ 香蔥拖羅蓉海膽三文魚籽杯 🐟🍣  味道偏鮮甜，拖羅蓉有陣陣魚香，好想即刻撈白飯食。三文魚籽大量又鮮甜，海膽Creamy得嚟仲帶少少海鹹味，好正。3️⃣ 鐵板燒鵝肝 🦆🍞  鵝肝唔算厚，但兩面燒得超脆，配多士食盡顯油香。黑蒜醬香味濃郁，吊出鵝肝鮮甜味，食完回味無窮。4️⃣ 鐵板燒南非鮑魚 🐚🔥 簡單調味，食出鮑魚本身嘅鮮香。肉質爽彈，加埋魚肝醬更提鮮。燒鮑魚肝好特別，肝味濃郁又唔膩。5️⃣ 鐵板燒 A4 宮崎和牛厚燒 🥩🧄  五成熟啱啱好，油脂豐富入口即溶，牛味濃郁。兩款醬各有特色：辣根醬輕輕帶辣，突顯牛肉鮮味；另一款有蘑菇同酸醋味，酸酸甜甜幫手解膩。再配炸蒜同蕃茄仔，成碟食材好豐富！6️⃣ 櫻花蝦炒飯 & 和牛炒飯 🍚🍤  鐵板炒飯火喉足，粒粒分明，櫻花蝦同和牛嘅香味好突出，味道層次豐富。7️⃣ 味噌湯及漬物 🍲🥒  味噌湯暖胃收尾，漬物酸酸甜甜好醒神，幫手清味蕾。8️⃣ 精選甜品 🍵🍡  抹茶蕨餅同黃豆蕨餅軟糯香甜，配紅豆蓉食更添風味，為整餐畫上完美句號。💰 二人套餐 $1680，偶爾放肆食一餐，睇住維港夜景再加上豐富鐵板燒體驗，絕對值得！…Read More

居高臨下，海景相伴高質鐵板燒，坐鐵板燒枱氣氛好，若然想欣賞維港夜景，倚窗而坐亦是好選擇，樓底高，開揚舒適。今晚我們選擇了$1680的「海賀15週年特撰二人套餐」，整體水準，煎得很香，生熟度恰到好處，調味不俗。鮮蝦柚子沙律。香蔥拖羅蓉海膽三文魚子杯柚子醬汁非常酸甜，味蕾隨即被喚醒，大大隻鮮蝦，新鮮肉彈。一開始就有最愛的拖羅海膽，淺嘗也滿足。鐵板燒鵝肝鵝肝很香軟，剛熟，入口即化，伴以柚子及桃肉，自然果甜配合多士，口感鹹甜變化，非常討好。鐵板燒南非鮑魚生熟度剛好，柔靱味香，旁邊配以紫菜汁及鮑魚肝。鐵板燒AA宫崎和牛厚燒半成熟是最佳效果，外脆內粉嫩，入口即化，山椒燒汁令味道昇華，脆蒜片與辣根忌廉合拍。樱花蝦炒飯粒粒分明，香而不膩，味道不錯。味噌湯及漬物最後以一碗熱湯作終結。精選甜品紅豆蕨餅，煙煙韌韌，輕甜味美。#鐵板燒海賀 #尖沙咀 #日本菜 #鐵板燒…Read More

去尖沙咀 The One 嘅海賀食晚餐，揀咗佢哋嘅「盛夏祭」menu。餐廳環境舒適，視野開揚，坐喺19樓望落去成個彌敦道，夜景靚到不得了，好啱同朋友慢慢傾計又食嘢。 頭盤先嚟個三文魚親子沙律，個沙律新鮮爽口，三文魚切得厚身又嫩滑，啖啖肉，配搭晶瑩的三文魚籽，咬落去一爆油香，層次好豐富。刺身三點，每款魚生都保持冰涼爽口，新鮮度滿分，無半點腥味。帶子大大粒，煎到表面金黃色，內裡仲係保持嫩滑多汁，配埋香橙同西班牙辣肉腸汁，好Juicy又惹味。白鱈魚肉質軟綿，食落去好冧，燈籠椒同煙肉嘅鹹香令魚肉更入味，唔會搶走鱈魚嘅鮮甜。大蝦爽口彈牙，蝦肉好結實，紅咖喱蝦醬帶微辣，將蝦嘅味道推到另一個層次，食到停唔到口。 日本愛媛雞肉，雞肉外皮香脆，肉質依然嫩滑，調味適中，食落去啲肉汁好豐富。牛肉眼薄燒片片油脂分佈勻稱，入口軟嫩又有牛味，咬起嚟煙靱但唔韌，好有層次感。 蕃茄醬煙肉炒飯，飯粒粒粒分明，帶微微焦香，蕃茄酸甜同煙肉鹹香好夾，食到尾都唔覺膩。飲品Passion Times 同 Lychee Luna，前者帶果香同微氣泡，好清爽；後者荔枝甜香突出，飲落去又Chill又解膩。甜品係紅豆抺茶奶凍，細緻收尾 。…Read More

餐廳環境舒適，飽覽維港靚景。鐵板套餐有鮮蝦柚子沙律、香蔥拖羅蓉三文魚籽杯、鐵板燒鵝肝、鐵板燒南非鮑魚、A4宮崎和牛厚燒、櫻花蝦炒飯、味噌湯及漬物和精選甜品，另加甜品拼盤。🔸鮮蝦柚子沙律 ~ 酸甜的醬汁與新鮮的沙律菜混合一起，配上鮮蝦，開胃美味。🔸香蔥拖羅蓉三文魚籽杯 ~ 賣相精緻，新鮮又美味的拖羅蓉和甜美的三文魚籽。🔸鐵板燒鵝肝 ~ 鵝肝入口即溶，肥美而不膩。🔸鐵板燒南非鮑魚 ~ 鐵板師傅烹調得剛剛好，鮑魚彈牙鮮味。🔸A4宮崎和牛厚燒 ~ 和牛的油花、肉質和色澤都不錯，有濃濃的牛香味，加上蒜片和特製醬汁一起吃，增添滋味。🔸櫻花蝦炒飯 ~ 炒飯粒粒分明，炒得夠乾身。🔸味噌湯及漬物 ~ 最後有熱辣辣的味噌湯和酸甜解膩的漬物。🔸精選甜品 ~ 甜品是白桃奶凍。🔸甜品拼盤 ~ 再加甜品拼盤作慶祝生日之用。整體環境靚，服務好和價錢合理。🏷️溫馨提示～ 整個用餐體驗均屬個人分享意見， 只作參考😊。…Read More

尖沙咀The ONE嘅海賀推出咗「15週年特撰二人套餐」，質素好高。呢間餐廳開揚舒服，飽覽維港夜景，樓底又高。前菜係鮮蝦柚子沙律，柚子醬汁酸甜多汁，蝦爽口彈牙，新鮮肉質好鮮甜。香蔥拖羅蓉海膽三文魚子杯，海膽嫩滑鮮甜，拖羅Juicy得很，配上鮮甜嘅三文魚子。鵝肝煎得好香嫩滑，火候控制得剛剛好。帆立貝賣相討好，帶子好大粒，咬落去啖啖肉。南非鮑魚彈牙有勁，食得出鮑魚嘅天然鮮甜，配上餐廳嘅秘製醬汁，好惹味。A4宮崎和牛厚燒啖啖肉，油香濃郁又好入味，咬落去Juicy到不得了。炒飯部分我地揀咗櫻花蝦炒飯，粒粒分明好Q，每粒米都吸收咗蝦嘅香氣同醬汁。飲完鮮甜嘅湯，再食埋酸甜嘅漬物。甜品蕨餅煙煙韌韌。…Read More

生日帶閨蜜打卡The One 19樓的「海賀鐵板燒」，真的揀對地方！居高臨下直望整個維港夜景，天氣清朗無落雨，畫面靚到窒息。即使不坐鐵板燒吧枱也無所謂，窗邊位一樣開揚舒適，樓底高不逼狹，邊食飯邊賞海景，儀式感直接拉滿～.今次揀了$1680的「15週年特撰二人套餐」，從前菜到甜品樣樣出色，性價比超高，慶祝生日、約會都很適合！.鮮蝦柚子沙律開胃第一名！柚子汁酸香清新，鮮蝦大隻又爽口，咬落彈牙多汁，配上三文魚親子沙律的嫩滑魚肉同爆珠魚籽，一開場就很驚喜～.香蔥拖羅蓉海膽三文魚籽杯鮮甜到難忘！拖羅蓉帶着濃郁魚香，想即刻撈白飯食。三文魚籽多到滿瀉，咬落粒粒爆汁，海膽creamy又帶少許海鹹味，層次感超豐富～.鐵板燒鵝肝雖然不算厚，但兩面煎得超脆！配埋多士吸走多餘油分，黑蒜醬香味濃郁，吊出鵝肝的鮮甜，食完回味無窮，一點都不膩～.鐵板燒南非鮑魚簡單調味就食到鮑魚本身的鮮香！肉質爽彈Q彈，加埋魚肝醬更提鮮，連燒鮑魚肝都很特別，肝味濃郁又不油膩，從未試過的口感～.鐵板燒A4宮崎和牛厚燒五成熟真的啱啱好！油脂豐富到入口即溶，牛味超濃郁～ 兩款醬料各有特色：辣根醬帶微辣突顯鮮味，蘑菇酸醋醬酸酸甜甜解膩，配埋炸蒜同蕃茄仔，越食越上癮～.雙味炒飯（櫻花蝦+和牛）鐵板炒飯火喉十足！粒粒分明又乾身，櫻花蝦的鮮香同和牛的油脂香完美融合，味道超有層次，一人一碗食到淨～.味噌湯+漬物最後用熱辣辣的味噌湯暖胃，酸甜漬物醒神解膩，清埋味蕾超舒服～.精選甜品抹茶蕨餅+黃豆蕨餅軟糯香甜，配埋紅豆蓉超搭！還有白桃奶凍，清新香甜，為整餐畫上完美句號～二人套餐$1680，看着維港夜景食住高質鐵板燒，無論生日慶祝定情侶約會都很適合！環境靚、食物正、氛圍浪漫。…Read More

今晚來到尖沙咀 The ONE 19樓的「海賀」，慶祝他們開業15週年。作為一家在香港屹立多年的鐵板燒名店，這裡最大的賣點除了食材，絕對是那無敵的 270 度維港夜景。一進門，深色木調的裝潢配上落地大玻璃，繁華的城市燈火盡收眼底，氛圍感直接拉滿。🌃✨這次點的是 **「海賀15週年特撰二人套餐」 ($1680/2位)**，性價比在同級數的鐵板燒中相當不錯。以下是今晚的味蕾亮點：🥗 **前菜：鮮蝦柚子沙律 & 香蔥拖羅蓉海膽三文魚子杯**開場非常清爽。沙律的柚子汁酸度恰到好處，喚醒了味蕾。重頭戲是那個「三文魚子杯」！滿滿的拖羅蓉打底，上面鋪著鮮甜的海膽和晶瑩剔透的三文魚子，一口下去，油脂的香氣與海洋的鮮味在口中爆發，層次感極豐富，絕對是相機先食的打卡之作。📸🍣🦆 **鐵板燒鵝肝**這道菜展現了師傅的火候功力。鵝肝外層煎得微焦酥脆，內裡卻保持著如慕斯般的綿密口感。搭配了特製的醬汁和一點水果解膩，完全沒有腥味，只有濃郁的脂香，配上一小塊多士，口感平衡得剛剛好。🤤🐚 **鐵板燒南非鮑魚**鮑魚非常新鮮，師傅在鐵板上熟練地將其切片。肉質彈牙爽口，不是那種難嚼的韌，而是帶有鮮活的脆度。搭配的海苔忌廉醬汁（看圖推測）提升了鮮味，卻沒有搶走鮑魚本身的風頭。🥩 **鐵板燒 A4 宮崎和牛厚燒**今晚的主角！A4 宮崎和牛的油花分佈均勻，選擇厚燒更能鎖住肉汁。五成熟的熟度完美，咬下去肉汁四溢，油脂香氣濃郁但不至於太膩。旁邊搭配的蒜片炸得金黃酥脆，是和牛的最佳拍檔。每一口都是幸福感！🔥🐂🍚 **櫻花蝦炒飯**鐵板燒的結尾怎能少了一碗炒飯？米飯粒粒分明，櫻花蝦的鹹香被高溫逼出，鑊氣十足。即使已經很飽，還是忍不住把整碗吃光。🍵 **甜品：精選甜品**最後以日式蕨餅和抹茶甜點作結，配上紅豆蓉，甜而不膩，為這頓晚餐畫上完美的句號。**總結：**海賀這次的15週年套餐誠意十足。食材新鮮度沒話說，師傅的鐵板燒技藝行雲流水，加上無敵的海景 View，無論是情侶約會還是慶祝紀念日都非常適合。人均 $1000 左右能吃到這種質素的 A4 和牛和鮑魚，加上這個地段，絕對值得回訪！🌟…Read More

【海賀 • 味蕾與視覺的雙重盛宴 🌊✨】📍尖沙咀 The One | 坐擁維港無敵海景的鐵板燒殿堂「在雲端用餐」原來不只存在於想像！今次登上The One的「海賀」，落地玻璃外就是流動的維港畫卷，——這間店根本是「景觀界的米其林」啊！(低聲說：約會成功率直接+200%💘)🍤 前菜已見鋒芒：【柚子蝦沙律】彷彿夏日微風在舌尖起舞！泰國青柚爆汁清甜，搭配彈牙刺身級甜蝦，薄荷葉與魚籽在齒間迸發涼爽火花，完美喚醒味蕾～🔥 鵝肝多士 — 罪惡感與幸福感並存！厚切法國鵝肝煎得表皮焦脆，一切開醇厚油脂如岩漿流淌… 搭配烤到酥脆的蜂蜜多士，佐以波特酒醬汁平衡膩感，這一刻只想對卡路里說：「請暫時忘記我！」（貼心提示：記得趁熱吃才能體驗天堂滋味）🐚 鮑魚的極致演繹：鐵板上的鮮活南非鮑隨着「滋滋」聲起舞，主廚精準火候讓邊緣微卷如波浪，中心卻保持溏心質感！輕蘸黑松露奶油醬，海洋的野性與森林的奢華在口腔完成史詩級碰撞～🥩 和牛鐵板燒 — 舌尖上的煙花大會！A5鹿兒島和牛雪花如大理石紋理，在高溫鐵板瞬間鎖住肉汁。推薦鹽燒原味，撒上竹炭鹽便能感受油脂化作香氣的核爆——從柔軟到濃郁的三重口感變化，簡直是「肉食者的狂想曲」！📸 彩蛋時間：1️⃣ 鐵板吧檯位可欣賞主廚行雲流水的廚藝秀2️⃣ 建議預訂黃昏時段，一次收藏「藍調時刻→霓虹夜景」的維港變裝秀3️⃣ 隱藏吃法：用和牛油脂炒飯的香氣會讓人想偷鍋子！這裏的每道菜都像被施了魔法，連平時只顧拍照的手機先食族都忍不住放下手機！雖然價位屬於「紀念日級別」，但當看着對岸霓虹倒映在香檳杯裏，只能說：有些體驗，連夢境都無法複製🌙#維港旁的舌尖旅行 #鐵板燒控必收藏 #海賀視覺味覺雙重暴擊📍 The One 19樓 | 記得提前兩週預約海景卡座！…Read More

你冇睇錯 真係$500幾蚊食到晚市Omakase可能你話要去到深圳先有咁平咁你就錯啦呢到係尖沙咀 the one 性價比高過係大陸食呢個價錢包含前菜小食磯煮鮑魚好正八貫壽司迷你海鮮丼飯仲有湯同埋甜品每件壽司都配上唔同嘅調味超有心思味道配搭得唔錯又唔會太過浮誇我自己就最鍾意食牡丹蝦壽司同左口魚壽司大拖中拖好正深海池魚一試難忘最後仲有刺身丼西京燒同湯一定夠飽我就覺得份量啱啱好Happy Friday放工過嚟食就啱晒…Read More

尖沙咀呢間日式鐵板燒真係好正！餐廳15週年特別推出咗個限定二人套餐，你可以坐吧枱睇師傅大顯身手，又可以靠窗邊睇住高空夜景，同另一半享受浪漫時光！■ 鮮蝦柚子沙律清新開胃！柚子香配彈牙蝦肉■ 拖羅蓉海膽三文魚子杯必食‼️三種海鮮一齊爆發嘅鮮味！鮮甜到震■ 鐵板燒鵝肝外脆內軟！油香爆棚配多士，食一啖即刻愛上！■ 鐵板燒南非鮑魚超大隻超厚肉！加埋鮑魚肝醬，嫩滑鮮香，正到不得了■ A4宮崎和牛厚燒睇住d油花已經流口水, 配酸忌廉醬層次感爆棚■ 雙色炒飯（櫻花蝦/和牛）鐵板炒飯特別香！飯粒粒粒分明! 兩種口味都咁好食■ 蕨餅QQ彈彈，完美收尾…Read More

哇！終於食呢間期待咗好耐鐵板燒啦！今次同老媽一齊食海賀15週年特撰二人套餐，$1988/2位，貴，但值！全程食物都係即場整，師傅表演功夫一流鐵板即燒，仲有超靚維港景🤤鮮蝦柚子沙律一上嚟就係呢個清新開胃小前菜！彈彈哋嘅鮮蝦配上柚子肉，食落去超清新，瞬間醒胃！香蔥拖羅蓉海膽三文魚子杯3權分立：肥美拖羅蓉，鮮甜海膽，爆醬三文魚子！海膽勁新鮮鮮甜到飛起，入口即化！三文魚子一粒粒係口爆開，完全無魚腥味！鐵板燒鵝肝配黑蒜醬塊鵝肝好肥美，外層焦香內層軟滑，入口即溶，油香四溢，肥到不得了！黑蒜醬提升咗鵝肝嘅層次，仲有多士嘅鬆脆口感，食落去係三重享受！最後再食埋師傅切好嘅水果（奇異果+橙），瞬間清走晒油膩！鐵板燒南非鮑魚呢隻南非鮑魚足足有拳頭咁大！師傅喺鐵板上燒得啱啱好，口感一流煙靭但唔鞋！紫菜生蠔汁入面有黑胡椒粒，嗰陣胡椒香一爆開，瞬間帶出鮑魚嘅鮮甜！汁醬完全滲入鮑魚入面，鮮到喊出聲！鐵板燒A4宮崎和牛厚燒A4宮崎和牛入口有超濃牛味，但完全唔會油膩，食完一塊仲想食多塊！媽咪唔食牛，即刻轉咗雞給我，雞扒冇因臨時將義失水準，雞扒嫩滑好味。櫻花蝦炒飯超大碗飯😂！原本有6成飽即變咗十成飽。櫻花蝦勁香！每啖都有櫻花蝦鮮味！媽咪都話依個炒飯好好食！紅豆蓉配蕨餅甜品係蕨餅配紅豆蓉，蕨餅Q彈，紅豆蓉綿密甜度啱啱好，食完個餐完美ending！好飽飽！總結，雖然15週年套餐有少貴，但同食得超開心！…Read More

鐵板燒海賀喺尖沙咀想食一間高質嘅鐵板燒，見到呢間喺OpenRice度，睇落好好就嚟試吓。我哋兩個都嗌咗盛夏祭套餐。三文魚親子沙律三文魚食落好新鮮，三文魚卵每一粒都大大粒！係一個清新開胃嘅前菜鐵板燒帶子 配 香橙西班牙辣肉腸汁帶子食落彈牙新鮮，最特別係個Source，好少食過呢種味道，酸酸甜甜但有辣味，令成個帶子好有層次鐵板燒白鱈魚 配 燈籠椒煙肉汁師傅煎得好香脆，魚肉新鮮，食落肉質好緊實！鐵板燒大蝦 配 紅咖喱蝦醬一樣係好新鮮嘅大蝦，師傅除咗會煎個蝦身之外仲好認真咁調味埋個蝦頭，蝦頭嘅蝦膏好多，好味！鐵板燒日本愛媛雞肉 雞肉多汁嫩滑，睇落去平平無奇，但係出奇地出色！鐵板燒美國牛肉眼薄燒薄片博牛肉包住蒜頭等等配料一齊食，口感超豐富，層次分明，牛肉味亦都唔會俾其他配料嘅味覆蓋住，燒嘅熟度啱啱好！蕃茄醬煙肉炒飯最後個炒飯炒得粒粒分明，調味唔會好重，食埋呢個飯之後就會覺得好飽，俾你填返好個肚！人均$700 ，食物質素好好，最緊要係喺上面可以望到成個尖沙咀嘅景色，淨係個景都值呢個價錢！…Read More

鮮蝦柚子沙律，配搭好清新，有沙律醋做配搭，酸酸哋好開胃，面頭仲有好多蟹子！拖羅蓉海膽三文魚子杯，海膽好甜，下面配襯咗壽司飯，過到個壽司癮，三文魚子份量好多，都幾大粒，正！鐵板燒鵝肝，點埋個汁好香，鵝肝外脆內軟，咬開一半裏面少少流心，配搭咗兩塊多士，將鵝肝切開一半岩岩好！仲有少少水果俾你，最後食埋兩塊水果可以解膩。鐵板燒南非鮑魚，最特別嘅係佢連鮑魚個肝都可以食！完全冇腥味，同埋發現佢呢度嘅汁全部都好襯個主食，醬汁味道好特別，但係唔會喧賓奪主！鐵板燒A4宮崎和牛厚燒，唔講唔知以為佢係A5，一放入口油脂即刻爆晒出嚟，超滿足。兩邊都係配搭咗唔同嘅醬汁，私心比較鍾意深啡色嗰個，有啲似芥末醬，但係冇咁搶走和牛個味，反而令到個和牛再香啲！櫻花蝦炒飯，櫻花蝦超足料，每一啖都勁多櫻花蝦，食咗半碗已經好飽！和牛炒飯，粒粒金黃色，蛋香味超重，同埋佢每粒飯都好分明，炒到好乾身，完全唔會過濕！精選甜品係蕨餅，平時都好鍾意食蕨餅，佢出面啲粉唔會太過厚，食埋個甜品真係超級飽！大滿足！…Read More

鮮蝦柚子沙律脆爽既蝦肉配搭酸甜既柚子醬汁,開胃提神之餘仲有健康既感覺。香蔥拖羅蓉海膽三文魚子杯海膽鮮甜滑順,配埋鹹香四溢的三文魚子,絕對係海鮮控的至愛。鐵板燒鵝肝嫩滑鵝肝加上鐵板煎出的香味,入口化開,回甘留香。鐵板燒南非鮑魚鮮嫩多汁,鐵板處理既鮑魚唔會乾澀,仲好大隻厚身。鐵板燒A4宮崎和牛厚燒肉質入口化開，充滿油香但唔油膩，師傅將和牛切成一啖大小，每啖都能感受到和牛的濃郁香味。櫻花蝦炒飯飯粒分明，食得和牛多，特別鍾意食個櫻花蝦，鹹香好惹味。蕨餅紅豆配蕨餅為成餐飯畫上咗個完美句號，蕨餅微甜，紅豆唔會太硬，味道清新。整體而言非常滿意，今晚嘅飯局，餐廳位於尖沙咀the one 高層19樓，坐喺餐廳裏面慢慢咁樣食呢個鐵板燒，欣賞窗外美景，實在係同朋友慶生聚餐嘅好選擇。…Read More