鉄火堂 (厚福街)

营业中

休息中

爭鮮質素，但唔係爭鮮嘅價錢 😓一入到去鉄火堂，我就充滿期待，但結果真係令人大失所望。首先，講到丼飯，壽司飯係重中之重，但呢度嘅壽司飯簡直係災難。味道上好似用咗過量嘅醋，飯同醋嘅比例完全唔啱，味道極之奇怪，爭鮮嘅飯都好過佢好多。刺身方面，真係一言難盡。蝦有腥味，好似啱啱從冰箱拎出嚟未解凍咁；帆立貝刺身更加係完全唔新鮮，入口有種奇怪嘅味道，食完仲驚自己會唔會肚痛。再講講餐廳環境，鉄火堂嘅座位安排非常擠迫，動作大少少都會撞到其他客人。呢度嘅環境衛生亦不整潔，豉油樽比我嘅感覺係一天只清潔一次，真係令人對衛生情況產生懷疑。最終，埋單above350蚊連加一，兩個人。呢個價錢，真係建議去排壽司郎，保證質素又好，而且最緊要係可以食得飽。鉄火堂，真係令我一次就夠。總括而言，鉄火堂喺食物質素同環境方面都令我失望。若你追求性價比高嘅壽司體驗，真心建議你去其他地方。

今日喺尖沙咀同朋友喺厚福街試呢一間餐廳，主要係食日本嘅魚生飯，餐廳位置如果喺地鐵站B出口行到比較方便，行過去嘅話我估大概5分鐘，餐廳喺夜晚嘅人流唔算太多👍🏻✔️嚟到點少得叫魚生飯，個人比較鍾意食佢嘅吞拿魚蓉，味道非常新鮮，好似返咗日本嘅感覺！另外佢嘅甜蝦都比較新鮮，食落去都有甘甜嘅味道！三文魚就比三大片，非常厚身，而且充滿魚油嘅香味，質素唔錯，整體成個魚生飯都幾好食，而且份量我都覺得可以接受，呢個價錢嚟講唔差！

上個禮拜去過尖沙咀，有人話好想食壽司等等日本菜🇯🇵 我就搵吓有冇啲抵食嘅餐廳，最後見到有二人套餐幾吸引，就決定試吓好似喺厚福街屹立咗幾多年嘅鉄火堂😀 二人前套餐 ($398)➿ 迷你蟹籽沙律（2個）➿ 豐盛刺身丼➿ 炸物盛合 (芝麻雞翼 • 餃子🥟 墨魚咀🦑)➿ 是日甜品豐盛刺身丼好滿足到想食刺身嘅慾望😆 入邊有16款配料咁多，食材新鮮，真係每一啖飯都係有唔同嘅口感🤤 有三文魚腩、油甘魚腩、厚切赤身、八爪魚、烏賊、北寄貝、馬刀貝、帆立貝，又有相對比較少見嘅劍魚腩，啖啖豐富嘅脂肪，肉質細滑豐腴～ 甜品亦都好特別，有煉乳士多啤梨🍓口感好似雪葩～ 有焦糖布甸味嘅大福🍮 好味啊！另外店員仲推介我哋食「鉄丼家」，形式就好似點車仔麵咁，自己剔丼飯嘅配料～➿ 鉄丼家 ($110)厚切中拖羅（+$23) • 松葉蟹鉗 (+$5) • 火炙厚切三文魚 (+$10) • 碎蟹肉 • 蟹膏 (+$5)中拖羅充滿魚油，帶點甘香 同埋濃郁嘅魚味～另外就揀咗啲豐盛刺身丼冇嘅配料，唔覺唔覺叫咗唔少蟹🦀 大推蟹膏配碎蟹肉，呢個組合真係無敵的😀 同埋呢度可以叫菜底，咁就啱晒減醣人士喇～

今晚又唔知食乜好，經過厚福街由街頭行到街尾，最終決定嚟呢間食魚生飯嘅舖頭，可能而家尖沙咀市道差，以往經過都會見到入邊坐咗好多人，但今晚見到入邊有座位唔使等位，所以就決定食呢間，一坐低店員都好用心介紹新產品和牛丼，但本身對食和牛麻麻地，最後都係叫咗個自行配搭嘅魚生飯，魚生飯嚟到買相唔錯，食落魚生都尚算新鮮，整體嚟講都合格，兩個人埋單$280 ，同食壽司差唔多，不過下次都係會去食壽司好似好啲，因為性價比好似食壽司會高啲。

✨ 二人餐 💰$398豐富刺身丼💰有成16款魚生刺身三文魚腩、油甘魚腩、厚切赤身、厚切劍魚腩、八爪魚、烏賊、北寄貝、馬刀貝、帆立貝、芝士蟹籽、海膽魷魚、帝王蟹棒、中華沙律、飛魚籽、碎葱吞拿魚、珍寶赤蝦，呢個size一定夠二人份量，刺身夠新鮮，好鮮味，拌飯食夠多款式，好豐盛套餐亦都包埋炸物盛合，有餃子、芝麻雞翼、墨魚咀，各款炸到金黃香脆，亦都有醬醬汁可以點嚟食，會更加好食，另外仲有味噌湯、沙律、甜品，一個價錢已經包晒全部嘢，性價比高，全日供應✨ 鉄丼家 💰$110一款厚切吞拿+四款自選配料+米飯底，另外配埋味噌湯，自選配料有成40款，任選任搭，可以試唔同嘅刺身配料，我今次就揀咗壽司飯底+厚切赤身+碎葱吞拿魚+赤蝦+汁燒帆立貝+帝皇蟹棒，刺身新鮮，份量好夠，一個人食夠晒

⭐️ 自選魚生丼 ($79起/5款) ❤️8.0之前都食過幾次呢間抵食嘅日本菜，因為佢哋嘅自選魚生當真係超級抵，而且質素唔錯！可以揀嘅魚生款式十分多，有部份係要加錢嘅～ 今次我要咗火炙厚三文魚(+$10)、碎蔥吞拿魚、赤蝦、帆立貝(+$3)同埋松葉蟹鉗(+$3)，仲要埋香菇壽司飯(+$8)🙊 松葉蟹鉗比較細隻我覺得可以唔使試，但係其他海鮮全部都幾鮮甜，性價比好高👍🏻 我仲試埋咗朋友嘅甜蝦同埋松葉蟹棒，都唔錯！ 今日嚟follow 社交平台仲可以用優惠價叫蟹籽沙律同埋芝麻雞翼～ 前者唔會太多醬，清爽開胃，後者新鮮炸起熱辣辣👍🏻 整體嚟講午市嘅性價比十分高，想喺尖沙咀平平哋食碗丼飯，又想自主選擇嘅話，呢度不妨為一個好選擇☺️

有得揀先至係老闆😋鐵丼家：有1款厚切藍鰭吞拿魚+4款自選配料，第5款自選配料，就每款$16起。我揀咗1 x 冬菇壽司飯1 × 汁燒帆立貝（3片）1 × 帝皇蟹棒1 × 碎蟹肉1 ×蟹膏+$5汁燒帆立貝、帝皇蟹棒正正常常，預期範圍內；而碎蟹肉、蟹膏有鮮味，食得出係新鮮嘅，撈飯一流，唔錯！仲有一舊玉子燒，甜甜地幾香蛋味，好食！😆另外，我揀咗冬菇壽司飯，又幾特別喎，平時好少見呢個組合，食落又幾夾，令個飯更加香，成件事升華咗！👍🏻值得一提，呢到免費加白飯或壽司飯架😆我今日都加咗一碗😝包你可以食到飽🤣單品壽司：1 × 蟹籽紫菜杯 1 × 玻璃蝦壽司 1 × 醋鯖魚壽司1 × 泰式生蝦壽司每項都唔錯，刺身夠新鮮，壽司飯醋味適中，唔會太酸！我最鐘意蟹籽紫菜杯，用紫菜整成杯嘅形狀，好可愛，而且蟹籽份量都好多😝

朋友嘅營養師最近推薦佢食呢間 所以就過咗嚟入到嚟見到menu 選擇都幾多 單計飯已經6款比你揀，仲有沙律菜可以代替飯。刺身每樣份量唔多 咩都想試嘅人嘅福星當日夜晚唔太多人 等咗15分鐘就有得坐空間不大 但環境舒服 可以慢慢同朋友傾計期間店員會主動幫你斟水 同問需唔需要添飯我叫咗自選飯 (主要係唔特別再加錢)壽司飯+吞拿魚厚切赤身+北寄貝+碎蔥三文魚+八爪魚+玻璃蝦吞拿魚咬落去有厚實嘅滿足感 果然係招牌。其他刺身中規中距 唔算出色 但都唔差。至於壽司飯份量都唔少 有一碗半份量。雖然可以無限添加 但飯嘅質素唔差 軟硬度適中。個人覺得比起壽司飯 佢嘅味增湯都驚喜 算幾出色 好怕鹹嘅我難得可以飲曬得曬 如果你都係想飲味增湯 但成日覺得好鹹 呢間可以放心了總結嚟講 呢間餐廳唔算話好出色 一定要試 但論價錢食呢個水平嘅魚生飯就真係幾抵食！( ´▽` )ﾉ

之前一直幫襯開旺角嗰間鉄火堂…自從旺角間執咗之後都無機會再食…難得今日經過尖沙咀…又唔係好多人排隊👯‍♀️👯‍♀️…決定繼續支持！！🫶🏻🫶🏻我哋幾個都選擇咗佢嗰自選魚生飯…由飯底、配料到小食…都可以自由配搭…飯底可以選擇白飯/壽司飯🍚🍚… 又或者加錢轉其他調味嘅壽司飯甚至係沙律菜…然後搭配4-5款嘅配料…雖然部份配料需要額外加錢…但性價比仍然好高！！💃🏻💃🏻💃🏻以後我會多啲去食㗎啦！！！🥰🥰

加價之前嘅鐵火堂，我係常客～ 而家轉戰立g $68 lunch .以前大約估計一星期都會食兩次到三次，自從我食每一款食品，都要再額外加錢嘅時候，我大約差唔多都有九個月冇食過～最近減肥。夜晚唯有食魚生飯，感覺係蛋白質冇咁多罪惡感。又醒起鐵火堂 仲有沙律菜可以選擇！呢個係佢新推出嘅宵夜套餐。價錢非常之吸引。可惜連三文魚基本嘢都冇～ 咁就有啲失望！！咁唯有轉嗌普通晚市餐牌啦食晚餐，終於有返甜蛋。加$10厚切三文魚🍣咁又真係好厚嘅；而且味道新鮮。食完兩片又想encore~芝士蟹籽 可以食到一粒粒碎芝士，十分濃味，而且蟹籽超脆口係好懷念嘅感覺！🥹好味！限時優惠 +10食中呑。平時+$23～ 冇三文魚咁大塊，但係都好滿足。油脂合格。有好少筋。最後甜蝦合格。埋單總結：出品依然新鮮；服務態度友善；份量合適（可添飯）；價錢 我呢餐$150 你又點睇？

又嚟食呢間尖沙咀超抵食嘅壽司飯店呢排好似加咗價一個飯$110 包一款藍鯨吞拿魚+4款其他刺身飯都有幾款唔同嘅選擇今次就揀咗赤身吞拿魚另外幾款刺身揀咗赤蝦、吞拿魚蓉、鰻魚同埋三文魚腩鰻魚同埋三文魚腩都係需要額外加錢第一次叫鰻魚，估唔到好有驚喜冇骨得來肉身好嫩滑吞拿魚羽絨就不嬲都有鮮甜又好味不過赤蝦就略嫌食落唔算非常新鮮，但係都冇異味吞拿魚腩夠晒肥美，不過如果可以厚切啲就好啦另外朋友就叫咗蟹膏份量都好大下同埋三文魚子鹹香送飯一流燒三文魚都非常唔錯跟餐會送一碗味噌湯飲完暖笠笠不過應該都係粉沖㗎啦🤣呢個價錢嚟講性價比好高

🌸 香港餐廳紀錄🍧ღ『 尖沙咀🍽️鉄火堂 』有冇人同我一樣都係超中意食壽司飯❤️❤️今次紀錄一間尖沙咀‘任添飯’🍚既日本料理店‼️$56起的自選丼既魚生都有56款選擇🫶🏻岩曬我去食😙最近食左兩次 可以睇下晚餐同宵夜既分別🤣🌕🌕🌕🌕晚餐🍽️🌕🌕🌕🌕【 鉄當家 $𝟭𝟬𝟴 】-奉送味噌湯1️⃣-藍鰭吞拿魚(2切) + 自選配料選4款🥢三文魚(2切)🍣 穴子🥢火炙三文魚(2切)🍣 赤蝦(2隻)2️⃣-藍鰭吞拿魚(2切) + 自選配料選4款🥢北寄貝(2切)🍣 三文魚腩(2切)+$8🥢碎蔥吞拿魚🍣 劍魚腩(2切)依個餐好抵食😋魚生份量幾多😍魚生有一定厚度 吾係是但hea❣️魚生正常質素‼️壽司飯同醋嘅比例 對我黎講岩岩好😃米飯都有六款選擇😍壽司飯粒粒分明😋🌒🌒🌒🌒宵夜套餐🌒🌒🌒🌒-4款自選配料+1款小食+1款甜品 $891️⃣-吉列蝦(2隻)+迷你焦糖布甸大福🥢烏賊(3切)🍣穴子🥢碎蒽三文魚🍣赤蝦(2隻）2️⃣-吉列帶子(2粒)+ 迷你士多啤梨雪葩🥢碎蒽吞拿魚🍣北寄貝(2切）🥢汁燒帆立貝(3片)🍣 赤蝦(2隻)宵夜餐主要就樣樣有啲❣️有刺身又有炸物🍱刺身份量同晚餐一樣多😍吾會平左而去偷工減料👍🏻👍🏻不過依個餐就冇咗三文魚刺身揀

服務態度真的太差。外賣熱線，根本係假嘅。打電話過去叫我自己上網睇新嘅菜單先打電話俾佢，但係網上根本就冇發到個菜單，幾分鐘之後打返過去，佢一直浪起個電話。15分鐘都打唔通。This restaurant does not do takeaway orders.Unhelpful staff when I called using the listed phone number. He asked me to check menu on social media page first because there is a new menu. I saw that the menu he mentioned hasn’t even been posted and tried to call back but the line was busy for the next 15 minutes straight. I called over 5 times for the next 15 minutes, after so long still a busy line. Apparently h

📌 鉄火堂 (厚福街) - 尖沙咀厚福街10號地舖🗓(29/3) 星期五 ⏰ 晚上5點左右 💈特式：復活節假期首日就梗係瞓到有咁晏得咁晏，然後出去搵下食啦，出左尖沙咀行左陣街街，經過厚福街搵左呢間鉄火堂食個靚靚dinner。🥩🍔🌭🌮🥗🥯🥘🍲🍝🍣🥟🍤🍱食物：餐廳主打食丼飯/刺身/壽司，仲有其他日式小食/沙律/紫菜杯，餐廳仲有2人套餐，方便晒我呢d唔鍾意用腦嘅食客，而家等我同大家講下🇯🇵味道先。2️⃣人前套餐 $3️⃣9️⃣8️⃣ - 呢個套餐包左2碗麵豉湯，2份迷你蟹子沙律，一個超豐富嘅豐盛刺身丼，一個炸物盛合，2份是日甜品：🦀迷你蟹子沙律 - 蟹子沙律味道正常，我本人幾鍾意佢個沙律醬唔係好酸，但食落感覺都令人開胃。🍣豐盛刺身丼 - 呢個丼真係應該用豐盛嚟形容，材料有三文魚腩/油甘魚腩/厚切赤身/厚切劍魚腩/八爪魚/烏賊/北寄貝/馬刀貝/帆立貝/芝士蟹籽/海膽魷魚/帝王蟹棒/中華沙律/飛魚籽/碎蔥吞拿魚/珍寶赤蝦共16款食材，d材料多到完全見唔到個飯底，而且每款食落都新鮮。🥟炸物盛合 - 盛合有芝麻雞翼/墨魚咀/餃子，每樣都係即炸，上枱十分熱辣辣而且炸得好香。尤其是個雞翼，入面d肉仲食到好juic

鐵火堂係厚福街已經開左好耐，每次經過都唔少人排隊，今次終於有機會試下。當晚大約夜晚8點半左右，門口冇人排隊，店內都有一半吉位，店家安排左張4人枱比我，坐得幾舒服，服務員都好醒目，未舉手就留意到客人有需要，已經識自己行埋黎提供協助。《$142 鐵丼家-自選刺身丼》 ⭐️⭐️⭐️⭐️本身個飯係$110，包左2切厚切赤身藍鰭吞拿，同4款刺身。如果想食D貴價少少既刺身就需要加番相應既錢，價錢係點餐紙已經寫得好清楚，方便客人計番自己既預算。首先飯已經有好多款揀，由白飯醋飯，到薑味調味飯，再到冬菇飯，三文魚飯，客人只要加錢就可以隨意選擇。今次就揀左最普通既醋飯，壽司醋比例剛剛好，唔會話好酸，飯粒軟硬度適中，飯既份量都配合番魚生，唔會過多，可以每啖飯配到一舊刺身，又岩岩夠填飽個肚。今次揀既刺身有厚切赤身藍鰭吞拿(2切)，赤蝦(2隻)，厚切油甘魚(2切)，帆立貝(2切)，三文魚腩(2切)，基本上全部都好厚身，解凍既部分都做得好好，唔會成到雪味，冇腥味，赤蝦爽得黎有少少黏口，帆立貝三文魚等等都係正常發揮，每碗刺身丼上面仲有一塊印左舖頭名既甜蛋，唔屬於好食到哇一聲果種，但會覺得抵食。《$49 酥炸墨魚咀》⭐️⭐️⭐️⭐️