鉄火堂 (厚福街)

【油尖旺區】【鉄火堂】颱風樺加沙吹到香港亂晒，好多餐廳都冇開，放 break 落尖沙咀搵嘢食都唔容易。見到呢間有開，侍應要喺門口睇吓有冇潛在客人，見佢咁慘，就入去睇吓有咩食。原來佢呢間係出名食刺身丼嘅，不過亦都出咗燒肉丼，我好似想食燒肉丼多啲，就叫佢啦。叫 $69 嘅「自選燒肉丼」配「日本生雞蛋」，餸就揀咗「燒鰻魚」同加 $10 嘅「鹽燒特級牛舌芯片」。上菜嗰時望落略嫌佢有啲細份，不過睇返價錢又覺得其實係合理。食落亦都唔覺得好細，啱啱好咁囉。味道方面，啲肉都燒得幾正，撈埋隻蛋黃同啲汁仲正。我仲叫咗 $35 嘅「酥炸三文魚鰭」兩件，都炸得唔錯，枝骨可以慢慢啜。而 $18 嘅「蟹肉忌廉薯餅」就有一件，個蟹肉忌廉都幾香濃，都係炸得唔錯嘅。佢哋啲嘢食質素都幾高，價錢亦都唔算貴，加一後 $145 走人，有機會都要食埋佢哋啲刺身丼再講。。。（地址：九龍尖沙咀厚福街10號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖沙咀 #尖東 #鉄火堂 #自選燒肉丼 #日本生雞蛋 #燒鰻魚 #鹽燒特級牛舌芯片 #酥炸三文魚鰭 #蟹肉忌廉薯餅 #1am1908 #1ambackup…查看更多

📍 鉄火堂不嬲出名食丼飯嘅鉄火堂竟然出左燒肉丼，🐷2個都揀咗食燒肉丼✨$69自選雙拼燒肉丼真係好抵食，出面行行地都要$100up🤑💡係厚福街！平時好多人可能要排下隊🙈—————————————————————❣️ 自選燒肉丼（2款） $69+$20+$20▫️ 燒鵝肝▫️ 汁燒美國黑牛安格斯牛小排（50g）.❣️ 自選燒肉丼（2款） $69+$20+$30▫️ 燒鵝肝▫️ 汁燒日本A5極級黑毛和牛（50g）厚切鵝肝油香核爆💥 表面焦脆～入口即溶！兩款肉都揀咗燒汁，日本極級和牛紋理靚到，濃濃牛香！呢個set仲包左麵豉湯，同蛋，可以揀生蛋或者溫泉蛋！戳破蛋黃撈飯🍳 黏住肉汁好食到飛天！.❣️ 珍寶巨峰梳打 $48❣️ 珍寶蜜桃梳打 $48勁大杯！應該有成1公升🤣飲極都仲有！.💬真係好抵食！—————————————————————不專業評分👅好味指數: 8.5/10 💰性價比: 9/10👍🏻推薦: 9/10 —————————————————————🏡地址: 鉄火堂 (尖沙咀)尖沙咀厚福街10號地舖🕑營業時間: 12:00-23:00（3-6落場）—————————————————————…查看更多

11月22號，中午想食丼飯，上去Doraya，但係幾多人排隊，落樓下經過見到呢間，都係等兩個人，所以就想試下，等了十分鐘可以入座，環境冇乜特別，用手機點餐，叫了中拖羅，三文魚子。。。三文魚腩。。。等了五分鐘左右服務員送到上枱，麵豉湯微暖。。。丼飯比較細碗，刺身很薄，完全明白價錢反映一切，唔緊要因為好肚餓，唔好咁高要求。。。當我加了wasabi同豉油喺個飯度。。。用筷子輕輕撥開，見到一條頭髮捲住啲飯，那一刻我冇影相，只係放低筷子叫服務員過嚟望下，我指住碗飯佢望到，即刻攞走話換過一碗畀我，隔離台嘅太太問我係唔係見到小昆蟲喺碗飯度，我話唔係係一條長頭髮，坐去佢對面個女即刻望下自己碗飯，幾分鐘後服務員送上另一碗給我，我已經冇諗佢會唔會純粹撥開有頭髮嘅飯重新砌過畀我，或由頭做過一碗畀我。。。由於我好肚，食飽畀錢走人。。。下次冇人排隊我都唔會再嚟，我寧願畀返價錢貴啲啲，但係食得安心啲。。。影了前後兩碗嘅相作對比。。。🤣…查看更多

~自選魚生丼(4款 $69,6款 $99, 8款$129)~仲有自選燒肉丼(2款 $69 ,3款$99 ,4款 $129)🥢🍱自選魚生丼 6款 $99刺身好新鮮🤪 令人難忘魚生選擇款式幾多👍🏻仲好肥美🤤下次會想試吓其他店員服務態度幾好👍🏻Lunch time時間都幾多人建議大家先book位…查看更多

最近去咗間主打刺身丼嘅鉄火堂，見到有最新推廣——$69起任選兩款燒肉丼，價錢親民到不得了，當然要同朋友一試👭我哋今次叫咗兩碗丼飯，點咗四款不同的肉：🔶️鹽燒美國黑牛安格斯牛小排（50g）+$20肉質厚實，油花平均，鹽燒簡單帶出牛味的香濃本色🔷️汁燒特級牛舌芯片（50g）+$10口感爽脆，加上甜香醬汁，咬落超有層次🔶️燒鵝肝 +$20份量都幾大件同厚🫨，入口即化，香氣濃郁，配飯一流🔷️鹽燒日本A5種級黑毛和牛（50g）+$30油香滲透每一口，肉汁飽滿，配生蛋黃簡直邪惡到極點每個丼都可以加生蛋或溫泉蛋🥚，拌飯後滑香濃郁，完全升級咗味道層次↗️飲品方面🍹，我哋加咗珍寶青蘋果梳打🍎同珍寶荔枝梳打，仲要係超浮誇嘅1000ml 巨型杯！食肉之餘解膩一流，打卡效果更係滿分📸整體嚟講，呢個燒肉丼推廣真係高性價比，肉質質素有驚喜，份量啱啱好，飲品夠晒豪邁，CP值爆燈‼️…查看更多

劍魚腩帶温和清雅的鮮味，淡淡奶香與油脂甘香，火炙左口魚邊，它的味道極致享受，爆炸性油脂鮮香，蟹膏極鮮味濃郁，令人愉悦的鮮味充滿口腔，帶子肉質飽滿，口感冰涼，帶有微軟彈牙感。…查看更多

永遠諗唔到尖沙咀有咩食都會行入厚福街，然後俾佢嘅自選四款魚生丼飯$69吸引咗入黎，不過最後嗌咗自選燒肉丼兩款😂佢價錢真係好貼地，可以用$100唔使嘅價錢已經食到燒肉或者魚生，我嗌左燒日本A5極級黑毛和牛（50g），同埋牛舌心（50g），而另一個fd除咗嗌咗黑毛和牛之外，仲嗌咗牛五花（50g），加埋杯嘢飲$300都唔使就已經食到燒肉🤭仲要佢杯梳打勁大杯，好似係平時出邊嘅Double份量😂兩個friend share飲都好夠🤣🤣…查看更多

來都來了⋯⋯⋯今日2025年8月26日行完尖沙咀區幾個大型商場 而家真係冇乜人流 今非昔比矣 我行Isquare 大約PM8:00 真係小貓幾隻 好多商店招租 ⋯⋯此時大家都肚餓 咁我地行去厚福街搵野食先 其實都有幾年冇去厚福街了 因爲星期卞 日而家都係北上多 因爲國內真的平、靚、正今晚坐低 好滿座 我地2人叫6餸刺身自選、曼魚+a5和牛飯、海蝦沙津、中華沙律、餃子 大概10分鐘內已上食物到齊 （中華沙律份量小過一田買果d,不過味道5錯！曼魚飯太太話好食，而其間有個小插曲，本人一時快手按咗2次同一款6餸飯 但係我同個4眼男店長說不好意思 他竟然也說不打緊其實我本身預計因爲自己錯誤選擇都要食埋 不過今次真的覺得佢地服務態度5錯😍😍😍）套餐有面屎湯跟埋，不過比較淡口啲⋯，而白飯其實可以選擇多飯 我冇咁做所以份量就覺得適合女仕食用 男仕或者大胃王記得叫多飯呀整體來講呢間食店如果係繁忙時間會排隊等候20分鐘左右 大家要注意‼️ 我亦會再來試吓其他美食⋯⋯…查看更多

自選魚生丼四款 $69｜六款 $99碎蔥吞拿魚，拌飯一流，令人一口接一口停不下來。火炙左口魚，表面微微炙燒至金黃，魚脂在火焰下釋放出濃郁香氣，入口滑順，油香在口中緩緩散開，極具層次感。開邊赤蝦，蝦身飽滿，色澤晶亮，肉質彈牙且鮮甜。厚實的帆立貝口感柔嫩，帶有自然的甘甜與海味，搭配醋飯後更顯鮮美，是低調卻令人驚喜的一款。北寄貝略顯平淡，口感一般；火炙三文魚雖有炙燒香氣，但油脂分布不均，整體表現中規中矩，適合喜歡清淡口味的食客。店員態度親切，反應迅速，整體用餐體驗流暢舒適。位於尖沙咀，交通便利，是想吃魚生丼的好選擇。…查看更多

糧尾又想食好啲⁉️69蚊起自選燒肉丼😍 今日試咗佢哋嘅自選燒肉丼，可以自由配搭幾款肉，仲有得揀日本生雞蛋或溫泉蛋撈飯食🥚 試咗四款肉：1️⃣鹽燒美國黑牛安格斯牛小排肉質軟熟，油脂分佈均勻，鹽燒帶出肉香，油香豐盈得嚟唔膩，配飯一流😋2️⃣辣汁燒日本北海道豚五花辣汁惹味，五花肉肥瘦相間，油香十足，辣度溫和，非常開胃🌶️3️⃣鹽燒日本A5極級黑毛和牛品嚐到A5和牛獨特嘅濃郁風味，肉質偏向紮實有口感🐄4️⃣汁燒特級牛舌芯片口感爽脆有嚼勁，汁燒味道幾入味，鍾意爽口感覺嘅會啱👅另外點咗杯燒酎＋梳打($39)，清爽解膩，幾襯燒肉🍶…查看更多

👈🏻鉄火堂自選燒肉丼 (2款) $69鹽燒美國黑牛安格斯牛小排 +$20牛小排燒得外脆內嫩燒完都勁Juicy❤️揀咗鹽燒 鹽燒令牛味更加濃郁咬落有嚼勁又美味鹽燒日本A5極級黑毛和牛 +$30A5和牛軟腍入味🤩🤩鹽燒保留咗天然牛油香入口即化 超正 必叫燒鵝肝 +$20鵝肝燒得外脆內滑油香濃郁 撈飯一流😘配埋少少鹽味更突出鮮味汁燒特級牛舌芯片 +$10牛舌芯片嫩滑有彈性🤤汁燒入味 帶啲炭香食落嘅厚薄程度好滿足珍寶荔枝梳打 $48珍寶巨峰梳打 $48巨峰葡萄勁清甜荔枝又夠甜香兩者同梳打氣泡完美融合清新得嚟又解渴最重要係勁大杯 一定要嗌返杯嚟試吓💕Overall食評最高5粒🌟)📌好味程度：🌟🌟🌟🌟📌回頭度：🌟🌟🌟🌟📌環境：🌟🌟🌟🌟📌服務：🌟🌟🌟🌟…查看更多

「鉄火堂」真係好耐無食啦，今日心血來潮想食日本壽司丼飯，第一時間就諗起佢自選魚生丼（6款）揀左馬刀貝、帆立貝、火炙左口魚、劍魚腩、油甘魚腩、藍鰭吞拿大拖羅配壽司飯，劍魚腩、油甘魚腩、藍鰭吞拿大拖都係滿滿既油脂，仲附上一件甜蛋、枝豆 & 味噌湯自選魚生丼（6款）揀左北寄貝、馬刀貝、帆立貝、火炙三文魚 & 2份火炙左口魚配壽司飯，北寄貝、馬刀貝新鮮彈牙，帆立貝新鮮鮮甜，火炙後既三文魚同左口魚d油脂出晒黎，每款都好好味魚生好新鮮，最鍾意可自選自己鍾意既魚生，仲要叫多叫少都得，仲要性價比好高，真係沒有唔幫襯既理由…查看更多

賣相都幾吸引嘅～但係味道嚟講1.5/5分😂刺身冇乜味，尤其第二碗，三文魚味完全食唔出😂😂 另外，左口魚燒得唔夠火候，油脂冇爆出黎，食落真係有啲失望😵‍💫 …查看更多

呢間餐廳之前翻新裝修，所以一段時間冇嚟食，今日下晝特登過嚟食。裝修完之後明顯光亮同乾淨咗，比起之前燈光昏暗嘅環境好好多，有日式簡約嘅風格，落單亦都變咗喺QR code落單，快捷方便。我地兩人叫左一個自選魚生飯，一個燒肉丼。自選魚生丼，三文魚子份量好多好滿足，另外嘅帶子，油甘魚同埋三文魚都好肥美。不過今次火炙左口魚燒得比較唔夠，如果再燶啲，應該會香口啲。之前佢哋淨係會跟麵豉湯，今次多咗毛豆做伴菜，不過超級好食，因為佢有落黑椒同埋鹽調味，十分欣賞。之前黎唔覺得佢哋有燒肉丼，今次菜單好似豐富咗，我哋仲加咗一件鵝肝，煎得都好香好好味。呢間餐廳性價比仍然好高， 10分推薦大家嚟食。…查看更多

自選魚生飯嘅餐廳越來越少，鉄火堂絕對係我嘅私心推介。佢性價比係好高嘅，魚生種類多，份量適中，質素高。只要我想食自選魚生飯，我都一定會嚟呢一間食。呢度店面雖然細，座位都好迫，但係都係可以接受嘅。我經常叫嘅款式有：三文魚，三文魚子，吞拿魚蓉，炙燒左口魚，蟹膏，油甘魚，赤蝦。大概七個餸，埋單唔使$200 ，仲包咗一碗麵豉湯。大食嘅朋友仲可以免費添飯。不過我哋通常一碗飯都夠食。佢啲刺身真係好新鮮好正，三文魚子係我最愛的刺身，佢係大大粒嗰隻，鮮甜美味。香港嘅小店越嚟越少啦，希望呢一間可以一直長做…查看更多