金鶴拉麵 (閩街)

营业中

休息中

鰻魚飯既鰻魚十分厚肉，期間限定龍蝦湯拉麵很出色，龍蝦肉十分彈牙，湯底好濃郁。蟹湯拉麵湯底相對之下較清，但都好食。串燒亦很不錯，雞翼有三款鹽可以配搭。員工服務態度非常好，會介紹菜式，十分值得去食。😊😊😊😊————————————————————————————————————————————————————————

知道金鶴出名雞白湯拉麵，得知有新分店同同事來試，最後比佢個蝦蟹湯吸引左。🔹北海道濃厚蟹湯拉麵一心黎試雞白湯 但比個蟹湯吸引左蟹湯個做法同雞白湯一樣都係起哂泡同埋好綿滑拉麵面有好多蟹肉 料同份量都夠但略嫌蟹味未夠濃 食唔到鮮🔹極濃龍蝦湯拉麵至於同事的龍蝦湯我試了一啖真係好濃龍蝦湯味 好鮮甜跟餐炸雞炸得超脆又juicy 要試餃子都熱辣辣 但味道算正常發揮另外download apps可以儲積分$1當1分，100分可唔換可樂1000分更可換拉麵

今日見好耐冇食拉麵佐敦果頭又冇乜拉麵點埋去食下其實之前都食過佢招牌以外既拉麵覺得正正常常 不過不失咁見佢果個極濃雞白湯係招牌 今日就叫左個試下一食落去 嘩 非常之唔好食個湯冇日式風味 似西式湯個條炸蔥我自己唔識欣賞最好食就係炸雞 但平心而論 佢只係一舊普通既炸雞 只係對比起來顯得出色咁上述都係我個人口味意見最差就係佢D service 收人HKD 150 average 坐bar 榙坐邊個坐都冇自由叫餐好似睇你唔到咁finally 係kitchen 煮拉麵個師傅幫我叫人 (師傅好人位就冇得你簡 但收餐就驚死你唔走 一食完就收你個餐去食既自己諗下係佐敦食$150 係咪有更好既選擇

我鍾意食呢間拉麵，最鍾意就係佢嘅極濃雞白湯拉麵🍜佢嘅濃厚雞白湯底好清甜，有豐富嘅骨膠原，但一啲都唔鹹！加上佢嘅慢煮雞胸肉同埋叉燒，食落真係好夾好好味😋😊🤗🤗

想食拉麵，但佐敦有什麼選擇？朋友介紹呢間拉麵，於是便在此食晚餐啦！由於我本身不算好餓，也不是大食之人。所以餐牌有「細碗」選擇，實在太好啦！面底沒咁多，也不用浪費食物。good!價錢都平少少。因此先有空間可以試食呢度得串燒啊！我點了一個細的「黑蒜雞拉麵」，友人點了有炸牛蒡雞拉麵（因為我忘記了叫咩名🥹）。不過佢食正常份量的。之後再點了三個串燒。先來拉麵🍜！黑蒜味講真不算十分之濃郁，有少少偏淡。不過，湯底不咸，有本耳絲，有青蔥，有荀。面底對我是足夠，但男士便未必啦！不過，面的質地算ok! 都算有口感，不錯👍🏻！ 至於面都有半隻溏心蛋。呢個蛋煮得個心真的不錯，很靚，都好食😋！ 可是，個雞肉不是不好食，但又沒想像中咁好食，而且偏好淡味，不是有好多雞味。到串燒，先來是「串燒鰻魚」，個鰻魚好好食，肉質好彈牙，而且厚肉，燒得剛剛好！讚👍🏻！之後到炸餃子🥟，一碟4件，餡料算不錯，不過，可能太炸，皮少少硬（但都可以接受）。我個人覺得煎可能會教好食。最後是「黑豚肉腸」，4條。 肉質偏瘦（good), 因為好怕太多肥膏！我覺得似台灣腸，都是好食😋！整個晚餐，都是好食😋會再來幫襯！

📍金鶴拉麵 (閩街) (佐敦)佐敦閩街3號地舖==============================呢間拉麵店好幾次經過都想試下，因為佢個門口設計好特別，好有問日本特色，今日放工終於有時間可來去試下喇～==============================1️⃣蟹湯拉麵🍜蟹湯拉麵湯底超濃蟹味，配埋一大堆拆左殼ge 蟹肉淨係飲湯都超滿足，麵質彈牙又吸收湯汁，每一啖都超好味2️⃣龍蝦🦞湯（配龍蝦尾）龍蝦湯拉麵每碗都有半隻開邊龍蝦尾，肉質新鮮彈牙，賣相非常吸引之餘都非常好味🤤3️⃣秋葵🥬燒秋葵都好有驚喜，個秋葵唔會燒到好乾之餘又唔會有過多ge 黏液～4️⃣味醂魚乾🐟呢個魚乾拎出來果時係燒到外層脆卜卜同埋好香，每一條都充滿魚香味，配埋可樂一齊食簡直一流🥰🥰🥰

裡面裝潢簡約 有幾盞燈籠🏮 企理燈光舒服 主要黑色藍色格調記得去參觀吓佢哋嘅洗手間 勁有日本感覺雞白湯拉麵 套餐加配 $98慢煮赤雞 $20 套餐飲品 ZERO雞白湯濃郁鮮雞味 濃稠不油膩 搭配細麵條糖心蛋 炸牛蒡 日本叉燒 慢煮赤雞食得出嘅鮮嫩虎蝦（2串）$68蝦紅外殼上烤痕 虎蝦肉質有彈性且飽滿加入少許鹽和胡椒以突出虎蝦本身鮮味唐揚炸雞（3pcs） $38呈現金黃色 外皮酥脆 不會過於油膩 內部肉質鮮嫩三嚿都幾大嚿 啖啖肉啖啖蛋白質

之前係旺角分店食過招牌嘅雞白湯拉麵，今次黎左佐敦店，店鋪係小街到，餐廳環境坐係吧檯更有高級感😉🔸香辣豚骨湯拉麵（HK$98）我就鍾意重口味啲，揀左呢款香辣湯底，湯底用左8個鐘煮，微辣幾開胃😎拉麵軟硬適中，有雞肉、叉燒同溏心蛋，食完好飽～🔸 醬油拉麵（HK$98）湯底係用日本直送醬油配鰹魚高湯，味道都幾濃，拉麵旁邊仲有即炸嘅脆牛蒡，好特別啊🍜🔸鹽燒五花腩（HK$48）鹽味好突出，五花腩偏肥，鍾意油脂感嘅可以試下😆🔸照燒黑豚肉腸（HK$48）味道食落甜甜地，咬落外脆內軟，幾好食😊

金鶴拉麵是一家非常有名的拉麵店，🤓分店都好多，最近我終於有機會去嘗試一下他們家的招牌雞白湯拉麵。✨雖然店面不大，但即使在平日也總是客滿。他們的雞白湯拉麵湯底非常濃郁，🐤雞湯的味道香濃，麵條口感細膩有彈性。慢煮的日本赤雞和叉燒，搭配得非常好，🍜整體來說我可以給滿分。面上的炸牛蒡更增添了許多美味，讓人回味無窮。店員非常細心地提醒我們，🔥炸牛蒡最好先吃，這樣會更脆口更好吃。拉麵的湯底真的非常濃郁，麵條也很好吸附湯汁，🥢還有兩片雞肉和一片豬肉，我更喜歡雞肉，它更嫩滑可口。

一早聽過金鶴拉麵但就未試過，見佢越黎越多分店，原來真係幾好食!叫左雞白湯拉麵同埋醬油拉麵，雞白湯顏色純白，口感比醬油湯rich，味道鮮甜😋配上脆卜卜招牌炸牛蒡同蔥花木耳絲一流。醬油湯質感薄而清澈，但啖啖都係醇香既醬油鮮味。慢煮豚肉叉燒無乜脂肪都做到好軟熟♥️肉香而不酥👍🏻慢煮雞肉嫩中帶爽口，雞味濃厚😋好味到我地叫多碗白飯同埋雞肉，變左雞肉泡飯飲哂所有湯‼️整體感覺哩度既湯底同食材都係真材實料，好似慢煮肉咁無需調味食番食材原味已經好足夠，有質素👍🏻

今日係佐敦附近行街，Lunch又想食拉麵，就試下呢間人氣爆棚既金鶴拉麵我地呢左兩個lunch set, 加 $20 轉為套餐 配小食及汽水雞白湯拉麵 $98配上以低溫慢煮的雞肉及豚肉叉燒,仲有好吸引糖心蛋，雞白湯夠哂濃夠哂香，仲配埋塊炸得好精美既炸牛蒡香辣豚骨湯拉麵 $98呢碗拉麵擁有豚骨湯的順滑而濃厚的口感及香辣味增的複雜辣味的衝擊，拉麵質感夠煙韌日式唐揚炸雞 2件日式餃子 2件小食新鮮炸起夠哂香脆鹽燒冬菇 2串 $28冬菇燒得唔會dry,夠juicy

近年興起食雞白湯拉麵，呢間喺香港都有好幾間分店，去開佐敦順便試吓~🔘極濃。雞白湯拉麵 $138 個湯底真係非常濃厚，雞味極濃，杰身creamy，滿滿骨膠原嘅感覺，雞肉同豚肉叉燒因為係低溫慢煮，肉質細緻柔軟，配菜嘅炸牛蒡絲都幾好食~🔘蟹湯拉麵 $138一樣用上招牌雞白湯底，但就加咗唔少蟹肉，拆晒肉方便食，蟹肉鮮甜好味，拉麵口感都軟硬適中，唔錯唔錯~鍾意食雞白湯拉麵嘅朋友可以嚟試吓呢間，個湯底值得一試~

内外環境都幾有日本格調，就算位置處於閩街街尾，都吸引到幾多人去食。menu都幾多野簡，拉麵以外還有串燒，飯等。即場做會員有飲品送，之後儲分就可以換到更多，做法幾好。黑蒜醬油拉麵係l佢嘅口感同味道都好出色。拉麵嘅麵條彈牙有嚼勁，帶有啲彈性。而黑蒜醬油嘅味道濃郁而香甜，有濃郁嘅大蒜味同醬油嘅鮮味，味道非常豐富。食落去，嘴裡面好快就會充滿迷人嘅蒜香味同醬油嘅滋味，令人回味無窮。辛味拉麵配食落去非常過癮，拉麵麵質口感煙韌有勁，辛味湯底有辣味同香味，係一種辣得剛剛好嘅味道，夠辣夠味非常惹味。糖心蛋入口滑嫩，蛋黃流心，好濃郁，令拉麵更加添味道同豐富層次感。豚肉亦帶嫩嫩的唔會乾。鰻魚串燒即叫即燒，鰻魚肉質鮮嫩多汁，入口即化，口感非常滑嫩。經過炭火燒烤後，鰻魚表面燒得金黃焦脆，內裡仍然保持著鮮嫩的質感，這種口感的反差驚艷。鰻魚的味道濃郁而鮮美，帶有微微的甜味和燒香。

每次落大雨，最想食嘅就係一碗又濃又熱嘅拉麵☔️而家來呢間拉麵店即時down app做會員🐓極濃雞白湯拉麵$138/全份原隻雞烹調熬製8個鐘以上，所有嘅精華同骨膠原去曬個湯底到，飲落超黏超濃🍜雞塊好嫩，完全唔dry❤️🦀北海道蟹湯拉麵$138/全份加入蟹肉之後，湯底瞬間變得更有鮮味同層次🫢將濃郁入味嘅溏心蛋加埋湯底一齊品嚐，滋味十足😋 呢度仲有好多串燒選項任你揀，下雨天嘅晚餐可以來嘆翻碗熱辣辣嘅拉麵同即烤嘅串燒實在太寫意太有feel

鐘意食拉麵嘅真係唔可以錯過依間，無論湯底、配料、麵底都幾好！而且除左拉麵之外，仲有日式串燒，味道都唔錯首先試左北海道蟹湯拉麵($108)，依到有得揀全份同小份，因為想試其他嘢食，所以我就叫咗小份，無論湯定麵都係全份嘅一半！但女仔黎講我覺得份量都幾夠，配料又足，除咗好多蟹肉仲有蛋同一大塊慢煮豚肉。湯底濃厚，入口已經好香蟹味麵質軟硬適中，都幾彈牙另外仲叫左汁燒安格斯牛柳($68)，牛肉味道濃郁，入口柔軟又多汁，正！依間整體質素都幾好！