金鳳大餐廳

营业中

休息中

今日午餐去咗食金鳳大餐廳，先講杯凍奶茶，啖啖都係香滑的奶茶味，茶味非常濃郁，正宗港式奶茶😋🍹忌廉湯同牛油餐包，都係作為扒餐嘅前菜，忌廉湯十分濃郁唔會太稀，牛油餐包上到嚟仲係熱辣辣配搭上牛油超級香口🥣🥖美國安格斯肉眼扒餐主菜方面，今次試咗金鳳推介的美國安格斯肉眼扒餐同牛柳扒餐.美國安格斯肉眼扒餐，扒面金黃酥脆，一刀切下去，嫩滑多汁的牛肉露出來，真係令人食指大動配搭上生蒜嘅調味非常惹味🥩🔪牛柳餐牛柳鮮嫩，肉質之間有嚼勁，扒面煎得恰到好處，依然非常嫩口🍖🍽️總結而言，金鳳大餐廳真係實至名歸香港老字號扒房嘅招牌，香港嘅經典味道🇭🇰😇🥤

金鳳算得上係香港歷史既扒房之一，重好記得細細個屋企人帶我去食。屯門市中心既呢間分店，裝修得幾靚，入面位置都算多，但仍然大排長龍，可見係幾咁抵食我地叫左兩個扒餐，都包左餐包、餐湯、餐飲。餐湯有紅/白湯揀，我地揀左紅湯，雜菜都幾多，微辣。叫餐既時候會叫埋扒餐要咩汁，黑椒/蒜蓉汁，個扒上枱後，職員就會過黎倒汁招牌牛柳餐 $138牛柳叫左七成熟，份量好多，有兩大件，而且係好厚身，男仔都好夠食。牛柳肉質嫩滑，牛味香濃，加左$2蒜蓉，更加滋味。配有薯條、翠玉瓜、紅蘿蔔貴族牛扒餐 $208貴族牛扒既係美國牛肩肉，呢個應該係最貴個款扒，有分鐵板/碟上，係一樣價錢既，所以緊係揀鐵板😌。職員建議叫五成熟，因為鐵板上淋完汁熟度會再高少少，黎度又真係熟度岩岩好，易咬無筋，一樣加左$2蒜蓉。呢個應該係最貴個款扒，有分鐵板/碟上，係一樣價錢既，所以緊係揀鐵板😌。職員建議叫五成熟，因為鐵板上淋完汁熟度會再高少少，一樣加左$2蒜蓉。

一個人肚餓想食豪小小唔洗稔，食肉獸一定啱金鳳最近多分店，所以食佢都方便左d lunch set 夠平，所以lunch 飯堂地點方便，donki 樓下貴d 嘅menu, 仲有其他 lunch menu夠哂熱，合哂格凍檸檬茶，跟餐貴族牛扒可以碟 or 鐵板上打卡緊係鐵板，夠old schoold 肉淋，又夠厚，最正宗嘅港式西餐份量好足料，一定飽冇飯意粉都ok仲有d 炸薯條同菜地址: 屯門屯順街1號屯門市廣場1期地下G076-G080號舖

第一次食，入到嚟門口個位完全冇冷氣，34度天氣，要客人門口等，入到嚟落單流程OK，首先個湯，正常茶餐廳罐頭，冇乜特別，有餐包and 牛油，個湯一路飲，一路滴汗，熱到嘔，有冇風扇，用餐體驗十分之糟糕，明知呢啲天氣，連把風扇都冇，隱約聽到有人講好熱。牛扒上到，老到，唔得，雞扒同樣，一句講晒不推薦不過，同桌嗰個叫咗個D 餐，黑松露炒飯，還算不錯，炒飯正常發揮，黑松露味幾香另外一樣嘢抱怨，不停上錯，原本炒飯係炒意粉，齋啡變咗加奶

第一次寫食評, 食完嬲左成晚, 一肚氣, 不吐不快先講結論: 超差服務, overpriced 價錢, 超差環境等位安排超差, 混亂, 有無得入, 睇門口阿姐心情Waiter 語氣極差, "食乜, 要咩汁, 飲乜"點完餐隨手飛餐牌落地下上鐵板時撞落枱上D刀叉度收枱大大力扔野, 成枱汁都唔抹枱,  但仲有野食未上態度衰過中午大排檔D阿叔侍應環境污糟, 嘈吵不堪, 滿地垃圾張枱窄過老麥 (好好奇竟然有人話坐得舒服)D員工收工係我食緊野, 餐廳張枱隔離, 除哂衫, 吹水換衫最離譜係夜晚九點半, 剛剛上牛扒, 食左兩啖, D熱氣都未炸完收銀就叫我出去門口俾錢先幾個人排完隊俾完錢先可以返去食埋餐飯自稱扒房, 收近$200一個餐, 實際係茶餐廳的水平, 仲要收加一服務費我覺得服務係全區最差

行過屯門市中心，無意中發現依間金鳳大餐廳，仲見有扒食，就入去試下。初初以為係普通茶餐廳，但原來個環境都幾靚，服務都好好。今次同朋友叫左兩個扒餐，都包餐湯、餐包同飲品。個餐湯好出色，忌廉湯好夠味，又唔會覺得好有麵粉味，而羅宋湯亦都唔會話太辣。餐包亦都係我最鍾意食嘅甜餐包😆食完都好滿足。唔流等好耐就上扒，扒餐可以揀蒜蓉汁同黑椒汁，我哋兩個汁都有揀，由侍應幫我地淋汁，初初仲驚唔夠汁，但原來佢地係好豪落好多。帶子牛柳餐：帶子煎到岩岩好，唔會好實肉。牛柳叫左5成熟，唔會好韌身，煮到啱啱好。佢仲有我最愛既薯條，好正👍🏻美式什扒餐：入邊有腸仔、火腿、豬扒、牛扒、雞翼，豬扒好厚身，又夠口感，唔會覺得太淋太韌。出邊什扒餐既牛扒通常都會比較薄。但依間餐廳嘅牛扒係厚身嘅，而且仲到好香，又唔韌。食依個餐有咁多款野食真係滿足！整體都好好味！係會想再食既一間餐廳👍🏻👍🏻

🍽️🌟 必訪！金鳳餐廳：前菜一流，鐵板晚餐讓你回味無窮！沙律新鮮爽脆，配料豐富，每一口都令人愉悅！羅宋湯濃郁鮮美，湯底濃厚，令人食指大動！無論係沙律定熱湯，金鳳餐廳嘅前菜絕對唔會令你失望！🥗🍲🤤不過最令人津津有味嘅係佢嘅鐵板晚餐！蒜蓉帶子牛排餐帶出咗帶子嘅鮮甜同牛排嘅嫩滑，真係令人陶醉！鐵板上嘅滋滋嘅聲音同煙霧瀰漫嘅情景更加增添嘆為觀止嘅食慾！而帶子卡邦尼意粉更係一道完美嘅結合，意粉彈牙，卡邦尼醬濃郁香滑，帶子嘅鮮甜更加提升咗整體味道！🍤🥩🍝😍金鳳餐廳真係一個餐廳值得你去探索！無論係前菜定主菜，每一道菜都帶出嘅風味獨特而美味！快啲約埋親朋好友一齊去享受佢地嘅精緻菜式啦！🍽️🎉✨

今晚同老公撐枱脚，落左樓下金鳳大餐廳食牛扒，好耐冇食牛扒了，上菜時見到咁大塊肉！好耐冇食咁多肉一餐！我叫左黑椒汁7成熟，食落黑椒味濃郁，但牛扒有D鞋，不太好吃，有D失望，我食左一半放弃了！老公差不多食曬佢果份餐，佢話味道幾好！

今日放工同老公嚟到屯門巿廣場嘅金鳳大餐廳，呢間餐廳成日都好多人排隊，所以要預留啲時間去撳飛，提提大家可以喺網上THE GULU撳定飛，咁就唔使等咁耐等咗15分鐘左右，我哋就有位啦，我哋被安排到卡位，都幾舒服我哋都點咗套餐，先來一個忌廉湯，暖暖嘅餐包配牛油，非常好味。老公點咗美國安格斯肉眼扒五成熟，黑椒汁，鐵板上，鐵板熱辣辣，牛扒熟得剛剛好，好嫩滑，配以薯條同埋一啲配菜唔會溜而心多多嘅我點咗什扒餐，貪佢乜都有，有牛扒，豬扒，雞翼，火腿，同埋腸仔。估唔到塊豬扒厚得來都好Juicy, 都係有薯條同埋一啲配菜，食咗咁多肉都可以減低罪惡感兩個人食到咁飽，都只係三百幾蚊，真係好抵食，重點係好好食，下次要再encore先得

招牌牛柳餐 $138Fillet Steak配: 牛油餐包、餐湯及餐飲 w/ Bread w/ Butter, Soup & Drinks好味指數 4.5/5 🍭🍭🍭🍭🍬{這牛柳味道肉質都很不錯 入口肉汁豐富 肉質軟嫩 熟度點了五成熟 熟度剛好 牛柳分成兩件 兩件都時厚切 配上蒜蓉汁味道很好很合襯}T骨牛扒餐 $173T-Bone Steak配: 牛油餐包、餐湯及餐飲 w/ Bread w/ Butter, Soup & Drinks好味指數 2/5 🍭🍭{今次這T骨令人有點失望 T骨邊位肥膏好多 肉相對少了 點了五成熟 切開眼看熟度剛好 入口肉質有點實 不嫩不軟 牛味不多}

金鳳位於屯門屯順街1號屯門市廣場1期地下G076-G080號舖. 乘輕鐵可在市中心站或杯渡站下車, 金鳳大約在兩站正中間. 選擇金鳳的原因是以前曾經在旺角舊店幫襯, 那時的各牛扒餐較現在的更抵食夾大件, 約 $60~$80 便食得飽飽的了. 現在的金鳳價錢方便當然是有所調整了, 最便宜的扒餐約 $160, 套餐加了點一舨的配套如紅或白餐湯, 餐飽等, 餐湯不會太淡, 而餐飽亦夠熱. 扒餐方面因為我們兩人用膳, 我們便分享了野菌西冷牛扒餐及野菌牛柳餐, 我們兩人一至覺得牛柳比西冷牛扒更好吃.

今日要為大家介紹一家屯門的金鳳大餐廳，雖然係平日午餐嚟到多人但不需要排太耐隊好快就可以入到去這裡的美國安格斯肉眼扒餐和牛柳餐是必吃的，再搭配上他們的凍檸茶和凍奶茶，簡直是一餐滿足。首先來評價一下這裡的美國安格斯肉眼扒餐，肉質鮮嫩多汁，外皮煎得恰到好處，口感十分順滑，搭配上醬汁和蘑菇，味道更加豐富，簡直是咀嚼感十足。相對地，牛柳餐的肉質較嫩，口感也非常不錯，雖然可能不如肉眼扒餐那麼吸引眼球，但也值得一試。另外，這裡的凍檸茶和凍奶茶也是一絕，最後，再來談一下這家餐廳的環境和服務，裝潢風格比較簡單，但整體乾淨整潔，氛圍也很舒適。而且服務員態度友善，給人親切感和舒適感，讓人吃得舒服又放心。總結來說，金鳳大餐廳的美國安格斯肉眼扒餐和牛柳餐真的是很值得一試，搭配上他們的凍檸茶和凍奶茶，是一餐十分滿足的體驗。環境和服務也是不錯的，給人一種舒適感和放心感。推薦大家有機會去試試看！

金鳳大餐廳 Golden Phoenix Restaurant地址: 屯門屯順街1號屯門市廣場1期地下G076-G080號舖味道指數：⭐⭐⭐⭐抵食指數：⭐⭐⭐⭐⭐環境指數：⭐⭐⭐服務指數：⭐⭐⭐等候時間：10分鐘金牌老字號金鳳大餐廳終於在屯門市廣場開了分行，真是令我們喜出望外。還記起很多年前，想鋸扒的時候，必定想起金鳳，專程坐車到九龍幫襯金鳳大餐廳，現在屯門已開了分行，我們不需要走車勞動，就可以鋸扒，真是太好了！每次到金鳳也是很多人在輪候，所以今次我專程在晚上六點的時候早點去金鳳，用十分鐘排隊終於可以入座了。這次我們品嚐了馳名的牛柳餐和西冷牛扒餐，有點失望，因為它的肉好像不太新鮮，有點雪味，肉質還有點酸，似乎比連鎖快餐店的牛扒餐還要差。希望下次光臨的時候，沒有這種情況！

食扒最鍾意就係個餐包，暖暖地配埋羅宋湯正🍽今次叫咗黑淑汁，店員會遞上紙巾畀你遮住，淋上黑淑汁時會滋滋聲，即刻諗起細個食扒嘅回憶，係港式扒餐嘅重點！哈哈金鳳大餐廳主打港式扒餐今次晏就嚟食，有Lunch set午市套餐好抵食！叫個鐵板西冷牛扒拼法蘭克福腸，仲配埋湯，一杯飲品同牛油餐包都係$80，份牛扒同腸都唔細件，呢個價錢食到呢個set真係好吸引！另外嗌咗個車打芝士有殼蜆肉忌廉意大利粉芝士味濃，忌廉汁較凋身，好味

今日嚟到金鳳大餐廳食飯🍽紅日晚上比較多一家大細出街食飯，夜晚七點幾🤧門口大約有20人等位🫡🫡🫡不過兩個人大約5分鐘就可以入座👍🏻今日叫咗兩個餐😝是日特價晚餐 $190✨套餐包括餐湯配飲品🍹、甜品🍨蟹棒凱撒汁沙律🥗帶子西冷牛扒🥩沙律比較多醬🥲另外蟹棒雪得比較硬🫡餐包外脆內軟！仲有一定溫度，沾少少餐湯食一流！✨羅宋湯椒味突出，有少少辣😜忌廉湯有少少水，整體味道還好👍🏻重頭戲帶子西冷牛扒👀😋兩粒帶子唔會太熟，沾上黑椒汁好惹味之餘好有鮮味牛扒叫咗五成熟，冇血水，亦都唔會太韌🫶🏻🫶🏻薯條即使沾滿黑椒汁都保持一定硬度💯好食！另外店員好貼心，淋汁嘅時候有提醒我哋拎開電話同埋拎起餐巾✨✨👀👀甜品係雲呢拿雪糕🍨另外叫咗鐵板雞扒套餐 $116一上菜真係嚇親😮冇諗過係兩大塊雞扒！配上蒜蓉汁唔會搶走雞扒嘅味😋另外雞肉好嫩滑！香港嘅港式扒房買少見少🫡總括嚟講金鳳大餐廳幾抵食而且好多區都有分店 好方便😜✨