金紫荊生記粤菜廳

营业中

休息中

高質中菜廳老朋友帶我去，我都係依家先知原來會展有間咁高質嘅餐廳。本身都冇乜期望，純粹想同老朋友食個飯吹吹水，但冇諗過第一道焦糖黑毛豬叉燒上枱個個都已經係咁讚不停口，可能係肚餓嘅原因。黑毛豬叉燒肥瘦適中，但我最鍾意食嘅係金錢雞，中間夾住肥美嘅五花腩，配埋出面嗰塊蝴蝶餅夾住，香而不油膩，係我食過咁多金錢雞之中比較唔錯嘅一間。另外分別都叫咗以下幾樣餸: 焗魚腸，金湯荷苞，醉蝦，同埋鮑魚砂鍋焗飯。醉蝦一定要叫，見住經理新鮮攞去浸，浸完再煮焗，食新鮮醉蝦真係完全冇得輸！另外都想特登提下個環境，樓底高又闊落，唔會好似出面酒樓或者其他中菜廳啲枱好密集，成個晚飯都食得好舒適好有氣氛。值得一提嘅係，入門口嗰陣特別有張枱佢擺好晒所有防疫設備，應有盡有，好貼心。要美食有美食，要環境有環境，要服務有服務，隔離仲有金紫荊俾你食完飯去影相，未食過嘅不妨一試！

去會展唔一定參觀展覽，入面都有高質美食，金紫荊廣場內有間中菜廳主打精緻高質中菜，味道同賣相都一流，仲有打卡招牌菜，今次試咗幾味菜，分享一下一口金錢雞(附蝴蝶餅)上枱時連瓷器小火爐一拼上keep住熱辣辣，食法係夾蝴蝶餅食，香濃醬汁佈滿全塊金錢雞，夾住溫熱軟熟蝴蝶餅一口幸福滋味蠔皇蝦籽油皮油皮睇電視見人教煮得多，食就真係第一次食，原來口感係軟棉棉，吸哂d汁係入面，一咬就爆汁，蠔油加蝦籽有種鹹香味，未食過油皮朋友仔要試下香蔥海鹽馬友鹹魚就食得多，新鮮馬友就未試過，原來炸香後好似香煎三文魚味，鹹鹹地勁脆好香口，小朋友都鐘意食！香蔥鮑魚砂鍋焗飯超級推介依鍋焗飯，勁惹味！雖然唔係原隻鮑魚，但鮑魚粒都相當彈牙，粒粒飯都充滿醬汁，好夠味！黃老太梅子蒸蟹味道酸酸甜甜，有dd似咕嚕汁味，平時食蟹多數係鹹/辣，偏甜口味第一次試，確實另有一番風味！鐘意試新嘢朋友可以一試！火焰雞壓軸依味菜係打卡之選！Waiter 推出嚟果彈已經「嘩」咗聲。之後即場點火、用鎚仔敲擊外層、再打開袋拎隻金黃色嘅雞出嚟，成件事好娛樂性。味道方面比滿分，雞皮帶脆加有輕輕鹽焗味，雞肉非常嫩滑，火焰雞名副其實色香味俱全！金紫荊生記粤菜廳地址

一餐好味既中菜往往令人好想食，加上餐廳環境就更加係令人食得開心，望住一個一望無際既海港。 懷舊雞蛋焗魚腸魚腸蒸蛋 – 懷舊的菜色，現時好多酒樓都已經冇，一個咁特別既菜式，魚腸其實好好食，但好難洗，所以要有一定水準既廚師先做得好，佢外層焗得好香脆，裡面除左蛋香仲有啖啖魚腸，外表好脆好脆，如果怕有腥，可以加少少胡椒，但我覺得本身已經好好食。 焦糖黑毛豬叉燒黑毛豬本身質素已經好好，唔會硬，做出來的叉燒又香又好食，令成個叉燒香又爽。厚切既叉燒好有口感，上面少少焦糖令佢更加香更好味。 金湯舞茸玉荷包底下係南瓜湯黎，湯又唔會太甜，可以先嚐一口鮮味，玉荷包裡面既菇，包得好有心思，亦相當清新，不會有油 香蔥鮑魚砂鍋焗飯飯好香，每一粒都相當分明，唔會食到好油，而係好香好好味，加上鮑魚粒，好有口感，調味上亦好夾，唔會太咸。配合魚腸蒸蛋一齊食，相當好食。 火焰雞點火的一刻超級狀觀，睇住廚師將佢拔開，拆出雞肉既一刻，相當吸引。雞件也不錯梅子蒸蟹，香而不油，梅子味帶少少酸甜，令人好舒適,好開胃。

屋企人提早做冬，既然冬大過年，當然要搵間有質素保證架啦=)今次book jor間有米芝蓮加持粵菜中菜廳呢間粵菜廳係會展入面，可以盡覽維港夜景，環境好正喺訂檯既時候已經預留左火焰雞同梅子蟹，仲一早訂左份焗魚腸屋企人當晚仲叫左幾款小菜一齊開餐自己超中意食呢度既咕嚕肉，皮脆肉彈，味道酸甜開胃，仲有多舊新鮮菠蘿添呢份懷舊既焗魚腸就完全鈎起我既童年回憶喺婆婆仲在生既時候，每年做冬都會有呢味菜架！！！一早預訂既火焰焗雞同足24兩既梅子蟹都相當特別梅子鴨，梅子魚都食唔少，梅子蟹真係第一次蟹肉肉甜又鮮，梅子調味酸中帶甜，令味蕾有所衝擊呢！！！我地當晚仲要左一鍋焗飯做主食每啖都有鮮彈既鮑粒架

同成班舊同事黎左食飯今次搞手安排左呢間有得食懷舊粵菜嘅中菜廳～一向安排有道嘅舊同事已經一早訂好菜式！！所以我哋坐低冇幾耐就已經可以起筷啦xppp先有小火爐座熱既半肥瘦叉燒～每件都味道焦香味甜，肉質軟腍！！！跟住既蝦籽柚皮同玉荷包都係心機工夫菜～特別欣賞呢味金湯玉荷包～先用葉菜包裹雜菌，以香濃既南瓜盛載～既精緻又好吃！！！之後呢道火焰雞又係矚目之選～店員先點燃火光，再烤碎包裹原雞的厚厚鹽巴！！雞件咸香肉嫩～當晚以矜貴飽肚既鮑魚粒焗飯作結，實在令我哋個個都滿意也滿足！！！！

今日為工作需要所以黎到會展做野，因為同同事做野做到攰，所以就腳揀左係會展既金紫荊生記菜廳食飯。一入到去有條紅色好搶眼既走廊、樓底好高，俾人感覺好有氣派；而且有一大塊落地玻璃可以望到維港夜景，食飯都食得開胃啲，哈哈！坐底侍應就安排茶水俾我地，而且仲有個底座幫我地Keep住熱杯茶，個人就覺得好貼心。佢地個餐牌都好多野，但係做完野腦力用盡關係，我地叫侍應介紹幾個夠2個人既菜：焦糖黑毛豬叉燒唔好睇佢黑黑實實咁，食落口甜味包裹住成舊舊叉燒，而且肥瘦均勻，食落一啲都唔UN；一口金錢雞依個一口金錢雞，侍應話要連埋蝴蝶餅一齊食，好似肉夾膜咁，唔太咸，上面2道菜同茶一樣都有個底座保持食物熱度，咁就唔怕我地掛住傾計攤凍左啲食物；金湯舞茸玉荷包係一款湯黎，用南瓜湯做湯底，質感濃厚、南瓜甜味亦都岩岩好，飲完好開胃，玉荷包講緊中間個生菜包香蒽海鹽馬友依個係我個人最鐘意食，魚皮非常香脆、肉質唔鞋，依你以為會好咸？又唔係喎，連埋蒽一齊食，一級棒！；香蒽鮑魚砂鍋焗飯係一個糯米飯，配料大粒又抵食，每一啖落口都好滿足，鮑魚粒易咬又唔un，糯米飯粒粒分明，絕對顯示廚師既功力！睇到依度你以為全部分量咁少邊度食得飽架？其實唔係

🌟🌟🌟🌟🌟🌟🌟🌟🌟🌟🌟🌟🌟🌟🍽 金紫荊生記粤菜廳 (灣仔)📍灣仔博覽道1號香港會議展覽中心博覽商場🌟🌟🌟🌟🌟🌟🌟🌟🌟🌟🌟🌟🌟🌟金紫荊生記粤菜廳由老字號生記主理，呢排開咗係香港會議展覽中心隔離嘅博覽商場，有d入要睇水牌/問保安搵路呀😁環境超靚樓底好高🥳🥳一行四人黎食飯，食咩唔係我話事🤣侍應上菜有講菜式名，希望冇記錯啦lol懷舊雞蛋焗魚腸第一次食，好特別，蛋味好香，魚腸好有咬口，整體來說比較清淡。鳳梨黑毛豬咕嚕肉我嘅pick💓全場最佳可能我本身中意食咕嚕肉🤣但佢真係整得好食😋外脆內嫩，肉質爽口彈牙，特別採用黑毛豬黎整嘅咕嚕肉比平時更重味道，我搶食咗好多舊🤣🤣焦糖黑毛豬叉燒都係黑毛豬，欣賞佢哪醬汁唔會太咸，加上 caramelised 嘅頂端，食起來又酥又脆～香蔥鮑魚砂鍋焗飯唔食飯嘅我都大推！原鍋上好有風味，鮑魚粒不少，啖啖都有，好滿足🥰火焰雞又有得睇又有得食！😍師傅更加叫我幫手打碎雞上嘅厚鹽，互動遊戲咁🤣食飯都有得咁開心真係好😝食落酒味好重，cover住咁多鹽意外地完全唔會咸😳肉質keep到勁嫩滑！黃老太梅子蒸蟹海鮮類只要夠新鮮就實冇死～～！相信冇人反對😝🤣係生記招牌菜黎！蟹肉超鮮甜～殻有

最近朋友仔話想食中菜，唔知邊度好食，上網見到港島區灣仔金紫荊廣場有間新野，呢間新野係由新記主理，本身都有口碑，質素素有保證，一於夜晚去食個飯飲酒傾吓計。生煎手剁蓮藕餅鹹香表面煎得金黃，蓮藕口感多多比較爽口。香蔥海鹽馬友無骨有鹹香，而且質感易滑，魚味香濃。堂灼太白醉翁海中蝦特別在處理過程中啲蝦好生猛又吸收左酒味，令到食落係有好平均嘅酒香，而且亦相當新鮮爽口。焦糖黑毛豬叉燒味道特別，好食過出面嘅叉燒，又有焦糖味而且黑毛豬個質感係特別正。一口金錢雞配蝴蝶餅特別在金錢雞原來係有雞嘅內臟，個味比較突出，配搭埋嗰醬其實味道好濃而且有啲甜香，加上蝴蝶餅就有少少似中式叉燒包嘅感覺。香蔥鮑魚砂鍋焗飯粒粒均勻鹹香，鮑魚每一粒都細細粒，但仍然有彈牙口感。火焰雞特別在除咗係鹽焗方式，仲要博難佢，而且裏面包改善唔同嘅配料，仲會加啲酒喺度用火焰整，無論係食定觀賞都不錯，鹹香突出，同時不會掩蓋雞的鮮味。黃老太梅子蒸蟹醬汁甜甜酸酸特別開胃，當然最主要係蟹肉啖啖肉，味道新鮮，配搭特色醬汁就令味道更昇華。一路食中菜，一路把酒談心，又可以對住過海，靚景美食，做嘢咁辛苦都係要開心一下，先可以平衡生活！

個兄弟話帶我去會展食飯，我都一時醒唔起會展都有餐廳，畢竟依家啲展覽少咗，我都少咗過去會展。兄弟知我想食中菜，就帶咗過嚟睇海景呢度環境好在又有海景睇同埋個樓底夠高，啲餐桌嘅擺放都夾得完，唔會有侷促感。首先上咗個黑毛豬叉燒，有啲焦糖嘅，不過黑毛豬本身肉味比較強，所以啲焦糖味唔算突出，不過咁樣先恰到好處，係好食嘅！只係一是食叉燒個肉味太犀利仲未適應😂跟手再嚟雞蛋焗魚腸，呢一道餸我以前冇食過，不過雞蛋焗嘅嘢我都一定唔鍾意食，魚腸口感好好，係食得出鮮味嘅！成晚最精華一定係呢個火焰雞，師傅仲親身出嚟燒隻雞出面嗰層皮比大家睇，入口鮮嫩多汁嘅，仲有好香嘅白酒味，呢個冇得彈跟手有個梅子蒸蟹，坦白講本身睇到餐牌嗰陣時覺得呢兩款材料點樣會配搭到？識落覺得酸酸甜甜又幾開胃，有驚喜嘅！之後黎個鮑魚焗飯，一望覺得呢個唔係炒飯嚟？識落就知又真係唔係炒飯！啲飯粒好香口好好食，鮑魚粒就未能略勝一籌啦，因為啲飯吸收晒啲精華最後想讚下嘅係啲職員好貼心服務，好留意住我哋食飯嘅進度去控制節奏，依家唔係間間中菜廳啲服務水準都可以做到咁。

早幾日去完婚紗展，因為同成班屋企人一齊嘅關係，要是決定咗食中菜！唔知係咪行到好攰嘅緣故，覺得咩都好出色！整體每一樣餸嘅賣相都超級吸引，擺盤落咗唔少心思，絕對係有誠意嘅餐廳！味道都唔錯，決定揀款最有驚喜嘅黎介紹！頭抽鮮鮑角咬落超級爽口，而且加埋頭抽，調味啱啱好，唔會話好鹹，整體配搭都唔錯！而且賣相相當出色～值得一試！小菜當然要配美酒，今次試咗七賢風凛美山純米，呢支味道相對溫和，融入埋醬油嘅味道令到成碟餸鮮味更加突出～

好耐冇同一大班朋友食飯啦，呢度坐得都幾舒服！都幾適合同朋友坐低傾吓計飲杯酒～$188/隻 $238清酒一支清酒同海鮮絕對係個超夾嘅配搭！完全令海鮮味道昇華到去另一層次🥳🥳今次試咗真澄茅⾊ KAYA 純⽶酒，飲落相對易入口！仲試咗冰鎮三頭南非鮮鮑魚，食落口感煙韌，一啲都唔會過硬，配埋米酒簡直一流！唔會驚話好漏～ 而且令鮑魚更濃更香😌 而且本身個醬汁都幾開胃～ 絕對值得一試啊！ 除咗鮑魚同清酒，當日都叫咗幾款小菜～ 不過味道唔算超特別就唔逐一介紹啦！

粤菜廳裝修新淨典雅，而且地方夠大，有 B 和 D 類分區，farewell 朋友難得可以大家齊齊坐談天說地！ 經理有如表演般為火焰雞點火，才慢慢鑿碎外圍厚重的鹽，有興趣的朋友可以參與鑿鹽，我們拍了不少有趣照片呢。然後每件雞都被分得整整齊齊，雞肉醃得剛好，皮軟肉嫩。 醉蝦又是另一道精彩的菜式，海蝦生猛大隻，新鮮得在酒中蹦蹦跳，特別入味有酒香。同樣是妥妥貼點分好菜，鮮蝦咬口彈牙得很，食材高質。咕嚕肉皮薄香脆，酸甜惹味，黑毛豬肉充滿肉汁又爽口，就連菠蘿也煸得香暖可口。整碟不單是咕嚕肉，菠蘿和青椒等都是主角之一。 最後總要來點米飯下肚，鮑魚焗飯粒粒分明，味道濃郁有鑊氣，香蔥鮑魚賣相既奢華又鮮甜香口，完美的最後一道菜。

餐廳位於香港會展博覽商場，環境寬敞，而且擁有靚景，可以一邊享用晚餐一邊遠眺尖沙咀夜景，用餐體驗一流🙈餐廳主打精緻中菜，採用高級食材，今次咁啱遇到餐廳搞清酒活動，由唎酒師精心挑選特色清酒配搭海鮮，所以我哋決定一試！鍋貼大明蝦（$154一位）麵包表面炸至金黃酥脆，入口脆卜卜！而包裹住既蝦肉非常鮮嫩，蝦汁由入面慢慢滲出來！整體層次豐富！配上一杯由宮坂釀造既 真澄 ⽩妙 SHIRO 純⽶吟釀，口感沈穩且尾韻深長，香氣華麗！

媽咪生日一定唔可以待薄，當然要帶佢食好野啦！媽咪最鍾意食中菜，搵左好耐先搵到呢間環境舒服、食物有質素、又有海景睇既餐廳。生煎手剁蓮藕餅啖啖肉，爽脆惹味，而且唔會比人油膩的感覺香蔥海鹽馬友，外面煎得好脆，裡面既魚肉就好滑，食落口感一流，完全能夠體現廚師的功力跟住呢碟雞蛋焗魚腸我真係第一次聽、第一次食。媽咪食都好開心，即刻話好耐無食過呢啲懷舊嘢，連本身唔太喜歡食內臟既我都覺呢味菜好易入口好吸引接住係香蔥飽魚砂鍋焗飯，飽魚粒的份量好慷慨，幾乎每一啖都有飽魚，整個鍋都炒得好香口火焰鹽焗雞令人好有記憶點，名副其實的火焰雞，食之前已經有視覺上的享受；食落滿滿的酒香味配滑滑既雞，是味覺上的享受最後當然唔少得甜品啦，叫左咋喳，呢啲經典糖水媽咪肯定會滿意，媽咪一樣一樣料咁數出來——紅豆、芋頭、鷹嘴豆、腰豆...味道不太甜剛剛好

對住呢個無敵大海景食嘢心情都舒暢啲～配埋枝靚酒飲，簡直係人生一大樂事，今次試咗呢枝海外人氣極高嘅大吟釀—————————————————————————入口香怡甘甜，且帶點水果般怡人，真係一杯接一杯，配上鮮嫩可口嘅蜜汁桂花鱔，雖然自己唔係話好鍾意食鱔，但係配合呢款清酒嚟食別有一番風味，清酒能帶出鱔嘅鮮甜旨味，真係令人食唔停口！〰️〰️〰️〰️〰️〰️〰️〰️金紫荊生記粵菜廳$226-蜜汁桂花鱔-真澄 ⼭花 純⽶⼤吟釀〰️〰️〰️〰️〰️〰️〰️〰️平時食中菜多數都係飲湯，最多都係飲下啤酒，從來未試過配清酒而呢個「Seafood Loves Sake」嘅活動，為大家設計多款清酒配海鮮，可以令海鮮迷嘗試搭配清酒，更加能帶出海鮮嘅鮮味👍🏻