金玉滿堂

营业中

休息中

花膠麻辣雞煲（細煲）🐔$288佢哋有好多款唔同嘅雞煲，全部都可以揀唔同到辣度，我哋今次揀嘅呢個花膠雞煲，有五至六嚿花膠，每一嚿都超級大嚿，感覺超抵食呀！雞煲亦都唔會太過油膩 或者 太鹹，整體感覺都好唔錯！🙌🏻🙌🏻蒜蓉元貝蒸勝瓜🐚$148見到佢哋呢間舖頭有好多唔同款式嘅海鮮選擇，我今次就揀咗呢一個蒜蓉蒸元貝勝瓜，香濃嘅蒜蓉味，令到元貝感覺更加好食呀！椒鹽白飯魚🐟$118唔係太多地方有得嗌椒鹽白飯魚，見到呢度有就決定試吓！佢哋嘅椒鹽白飯魚全部都係即叫即炸，熱辣辣好香脆，白飯魚唔會太細條，咬開仲食到魚肉嘅質感！烏龍茶$18

睇到哩間餐廳出咗雞煲，一定要試試。晚市依然好full，全場book滿，睇落大部分都係附近街坊，要想食一定要提早定位啦。淮杞螺頭燉雞湯，燉湯全部足料煲制，可以睇到湯裡落咗大量藥材食材。湯色清澈透亮，雞味好香。特別係落咗好多枸杞，飲落更加清甜。蒜蓉炒生菜，哩碟餸炒得好有鑊氣，落咗大量蒜蓉大火爆炒生菜，生菜炒到啱啱斷生，食落爽脆還伴有好重嘅蒜香味。花蛤海蝦雞煲（細份），FD唔可以食辣，所以揀咗BB辣。雞煲即叫即整，需時耐D。雞肉超級嫩滑，醬香味十足。估唔到大大隻海鮮有6隻，差唔多有半隻巴掌大。蝦肉鮮甜彈牙，超級高質。花蛤肉肥厚鮮甜，嗦曬雞煲醬汁味道，食到停唔落口。細份雞煲真係份量超足，最後同FD食到好飽TIM。

旺角好多美食啦，這次找到一家大排檔，就在旺角街市裡面！味道不錯～花蛤海蝦雞煲💰398坐下就先點了一個雞煲，雞煲也是這家店的特色菜了！兩個人點一個小份的完全足夠了呀！份量很足夠了，雞肉很嫩滑，蝦的個頭也很大，花蛤肉很大～調料汁很濃郁，把雞肉海鮮的味道混合得很好，每口都是肉！很不錯👍乾炒牛河💰108大排檔的炒牛河肯定需要讚的，鑊氣充足，牛肉片也很多，鹹淡適宜，可以再點一個辣椒醬點著吃更好吃了花膠響螺燉雞湯💰72這裡也有燉湯喝啦，廣東人少不得經常來一口養生湯啦～湯料很足，味道也濃郁，湯汁很清澈，味道很好蒜蓉白菜仔💰90經典炒菜！大排檔必點，夠鑊氣

今日經開旺角街市，見到後面原來有間小菜館，一於試下先。 呢度除咗多款小菜，仲有好多款唔同嘅雞煲。 花膠麻辣雞煲：個雞煲好大煲，啲雞肉份量都幾多，而且夠滑夠嫩，加上大量乾葱和香蒜，同埋數十款香料，帶點微辣，非常惹味。花膠份量亦多，又夠厚身，吸收咗雞煲嘅精華，非常入味。 金玉滿堂一品炒飯：炒飯炒得夠乾身，粒粒分明。 椒鹽脆鮮魷：魷魚撲上一層薄生粉，炸至金黃。香脆可口，魷魚爽口鮮甜，椒鹽味道惹味，送啤酒一流。 宜家凡惠顧滿$500，即可免費換領指定小菜一款。

旺角鬧市中美味小炒‼️🔥煙廠街中菜館金玉滿堂😋用餐環境讓人感到舒適🍴小菜充滿惹味人氣鼎盛 🤗新派鍋煲及海鮮菜出色🦐位於旺角餐廳位置便利🔥金玉麻辣花膠雞煲是一道驚艷的佳餚。麻辣湯底香氣四溢，花膠的滑嫩與雞肉的鮮美完美結合，每一口都刺激著味蕾，花膠的彈牙口感，麻辣味道濃郁，花膠質地彈牙，雞肉鮮美多汁😀黑椒牛仔骨香氣撲鼻，牛仔骨的嫩滑與黑椒的辛香交織，黑椒的香辣味道，簡直是一種美味的享受。內裡肉質柔嫩😋豆豉鯇魚油麥菜一道清新爽口的選擇。豆豉的鹹香與油麥菜的脆嫩完美搭配，加上鯇魚的鮮美，份量非常足美味😀惹味的小菜和熱鬧的氛圍，成為旺角的美食聚集地。無論是麻辣花膠雞煲，還是黑椒牛仔骨，每一道菜都充滿了驚喜與美味，是朋友聚餐好選擇😋

食過幾次「金玉滿堂」，都覺得佢哋嘅菜式同雞煲都好出色💯所以繼續Encore😬😬😬😬.金玉招牌龍蝦雞煲(細)🍲一打開已經見到唔少龍蝦肉🦞新鮮龍蝦食落果然鮮甜彈牙😆蝦膏金黃且甘甜🤤雞件大件又嫩滑😍而且唔會太肥🐓加埋薑🫚洋蔥🧅菇菌🍄‍🟫醬料香辣惹味🌶️又唔會太鹹☺️☺️.准杞螺頭燉雞湯🥣入口飲到獨特准杞嘅清甜味😋螺頭爽滑🐚另外有紅棗❤️雞肉🐔瘦肉🐖非常滋補😌😌

旺角煙廠街有間隱世小店，門口有個水缸裝滿各式各樣嘅新鮮海鮮，食物方面主打大排擋料理，除此之外亦有多款煲、湯等供應，平日晚上都有唔少客，適合聚餐。雞煲成日食，龍蝦雞煲真係第一次。見師傅直接喺出面攞入嚟，好生猛，份量有一隻，龍蝦煮至入味，吸滿醬汁，咬落爽口彈牙，過過口癮都可以，唔夠喉嘅可以再額外添加配料。雞煲有辣度選擇，雞塊偏大，雞皮夠肥好好味，雞肉未到超嫩但勝在啖啖肉且幾惹味，配飯啱曬，另外仲有洋蔥、蒜頭等配菜，食完可以加湯打埋邊爐。

📍金玉滿堂 ⭐️有鑊氣足料海鮮雞煲呢間🐔小店未到晚上7點鐘已經坐滿晒人，門口仲要等位，就咁睇已經知呢間餐廳必定有過人之處，結果佢啲小菜果然冇令到我哋失望，超級有鑊氣同好食🤤✨ 花蛤海鮮雞煲 (細） $398 👍🏻👍🏻👍🏻👍🏻雖然佢係細煲份量，但係其實佢都好大煲，兩個人食都食唔晒。煲入邊海蝦 🦐都有五六隻，仲要係大size，花蛤大隻得嚟又好鮮甜，至於雞肉都好嫩滑，3者撈埋雞煲個醬汁一齊食，非常惹味😋✨ 七味炸豆腐 $72 👍🏻👍🏻👍🏻👍🏻呢個七味炸豆腐極之出色，外層炸到金黃色，好似一粒一粒小金磚咁，食落外脆內軟，香口得來又唔會乾爭爭，內層豆腐好嫩滑，好有咬口，配埋七味粉，熱辣辣又香氣撲鼻🤤✨ 椒鹽脆鮮魷$128 👍🏻👍🏻👍🏻魷魚🦑好新鮮，爽口彈牙，椒鹽味重但不會過咸✨ Asahi啤酒 $36 👍🏻👍🏻👍🏻食雞煲一定要嗌嘅啤酒🍺👍🏻👍🏻👍🏻👍🏻（最推薦）- 👎🏻（可以唔使試）

想食雞煲又想食小炒～嚟呢度就啱喇餐廳出面仲有魚缸養住生猛嘅海鮮㗎～✔️蛋包珍寶蝦球 其實見到隔籬枱點咗好吸引 外層嘅雞蛋半煎炸 勁香口 食落唔會油膩 裏面就包裹住超多隻大大嘅蝦球 蝦球爽口彈牙 ✔️花甲海蝦雞煲 花甲好飽滿新鮮 食落好乾淨唔會有沙 海蝦已經數唔出有幾多隻 好似食極都仲有咁～份量超多 海蝦大大隻蝦肉緊緻彈牙有鮮味 點咗細煲雞肉份量都好好多 兩個人夠晒食 中辣已經好夠勁 ✔️金銀蛋白菜仔 白菜仔吸晒啲湯汁 好淋好入味 而且仲有啲蒜子同肉碎 撈飯一流呢度嘅小炒好夠火喉～～而且價錢公道 見好多熟客仔幫襯

位於旺角豉油街嘅金玉滿堂，街市喺隔籬，鋪面並唔起眼，但臥虎藏龍，雞煲同小菜都好好食🙆🏻‍♀️🔥花甲海蝦雞煲 $398 另外仲有肉蟹、鮑魚同龍蝦雞煲可以選擇，豐儉由人。雞煲醬汁有驚喜，以多種香料熬製，食落甜甜鹹鹹辣辣，層次感豐富，如果加埋烏冬咁食一定不得了😋 雞件非常入味，口感仍然保持滑嫩，冇碎骨。而花甲肉質飽滿，咬落多汁，海蝦就正常。🔥黑椒薯仔牛柳粒 $148有鑊氣嘅小菜，牛柳粒軟嫩多汁，充滿甜甜嘅蜜汁香。薯仔都做到焦脆口感，微微黑椒香氣，調味唔會太過火。🔥准杞螺頭燉雞湯 $52最後以滋潤湯水作結，非常推薦雞煲同小菜。餐牌仲見到有鮑魚撈飯，下次要捉埋朋友一齊嚟試😆💰惠顧滿$500會有優惠券，免費換領指定小菜。

🦞金玉招牌龍蝦雞煲 $488第一次品嚐海鮮雞煲😍仲有鮑魚、海蝦等選擇 見到隔籬枱大大隻龍蝦 自己都決定試吓☺️揀左微辣 好岩我過吓口癮🔥龍蝦非常厚實 而且好容易甩肉 🤤雞件都係大大啖肉 好嫩滑無乜骨個底仲有好多配料 如洋蔥、蒜頭辣椒等等如果加多啲芫荽就會更香口❗️🥬魚湯鮮菌白菜仔 $99兩個人食份量好足夠魚湯精心熬製 鮮甜美味～🍚白飯$13如果一大班朋友嚟仲可以選擇大煲一齊吹下水都係唔錯嘅選擇～餐廳門口放咗魚缸 海鮮非常新鮮🐟依家惠顧$500 仲可以免費換領小菜一款

見到依間海鮮餐廳好多好評，一於嚟試吓佢好熱門嘅海鮮加雞煲！餐廳位於油麻地街市，門口擺滿各款鮮活海鮮🦞 食材絕對新鮮🤩 環境乾淨企理，坐得舒服～🥘金玉招牌龍蝦雞煲 $488（小）必食！超惹味雞煲，招牌之作😍 真材實料，龍蝦肉質鮮嫩，煮得恰到好處💯 雞肉肉質軟嫩，醬材味道濃郁鮮美，完美襯托出龍蝦的鮮味。洋蔥新鮮爽脆，仲有菇🍄‍🟫 為整道菜增添了口感層次～色香俱全😙加埋白飯既能吸收醬汁的鮮美，又能中和龍蝦雞煲的濃郁，好滿足😋😋🥤王老吉🥤可口可樂

三十幾度行緊街市買餸，俾我見到有間「金玉滿堂」飯店，即刻改變主意入咗去嘆冷氣食晚飯🤣🤣唔好辛苦自己，對自己好D！龍蝦雞煲$488二人食，有海鮮又有雞，豐富👍🏻煲上枱後多煮一陣，侍應會幫手炒兩下，我哋撓埋雙手就食得，龍蝦肉厚，索哂濃味雞煲醬，香口又美味，斬件數量都好多，好似食極都有，正😉主角雞件，火喉控制得啱啱好，唔嚡又入味，一嚿一嚿接住食😋我要的花膠響螺燉雞湯$72，以個價錢自己燉都唔得啦，件花膠夠大又厚肉，齋睇都好滿意，咬落有口感又滑溜，抵讚👍🏻👍🏻另一個𣏌子螺頭燉雞湯$52，螺頭嘅鮮甜味勁出，抵食之選！不得不介紹個魚湯雜菜煲，上枱見到鋪滿哂大大隻蝦乾，即刻想問老細：使唔使咁重本？！魚湯同海味煲到D雜菜鮮味到呢😍埋單時老細俾咗張優惠券：可免費送小菜一款👏🏻👏🏻哈哈，咁⋯⋯一個月內又會再黎呢😅😅😅

今日Duck哥🦆同朋友係旺角行完街再兜個圈，睇下有咩啱食🤔，見到一間隱藏係煙廠街兩旁，位置比較隱蔽嘅中菜館 金玉滿堂 ，朋友話有印象食過好食😆。佢地主打夠哂鑊氣嘅粵菜及私房菜，朋友話記得佢哋嘅海鮮🐟同樣出色。因為座位唔算多，好彩我地早咗入去，下單無耐已經坐滿人😅。花蛤海蝦雞煲(細) $398雞件🐓大大件，肉質嫩滑香口，花蛤份量唔少，新鮮無沙，海蝦🦐都有好多隻😍，口感軟滑彈牙。全部食物都煮得非常入味，加上洋蔥🧅、辣椒🌶、蒜蓉🧄、蔥段及芫茜，味道鮮香微辣🌶，十分惹味😋。椒鹽脆鮮魷 $108魷魚🦑外層薄薄嘅一層炸漿，炸得十分乾身，口感鬆脆，內層肉質保持濕潤彈牙，加上大量炸蒜🧄辣椒粒🌶，又一惹味之選。好消息❗️，現凡惠顧滿 $500即可免費換領指定小菜一款(有6️⃣款可以選擇)。

前日阿妹又想食雞煲，但系我又嫌正常既雞煲太單調😂所以我地系op左睇又睇之後，就搵左間🈶️特色海鮮雞煲食既中菜小館度食晚飯🥣我地食左：👉🏻✨東風螺海蝦雞煲✨ 細煲$398呢個煲絕對真材實料，入面d餸既份量3、4個人share都絕對冇問題‼️剩系入面手板咁大隻既大蝦🍤都有6大隻；海量既東風螺新鮮Q彈又冇沙；雞肉鮮嫩又多件，配埋辣辣地既秘制醬汁真係好惹味🤣✨枸杞螺頭燉雞湯✨ $52湯頭濃郁，飲落幾夠火喉，滿滿都系醇厚既雞湯味！✨花膠螺頭燉雞湯✨ $72其實味道就同另外個湯差唔多，但係入面d花膠落得幾重手，食落軟腍爽滑，夠哂養顏！✨鮑魚撈飯✨ $68 /位真係估唔到呢個價就可以叫到飽魚撈飯🤩所以梗系要叫番2個梨食下喇！呢個飽魚系新鮮南非鮑魚，醬香味美，炆到超入味！口感彈牙又唔韌，真係值得比個❤️！✨鹹檸七✨ $22呢杯鹹檸七飲落又咸又酸又夠氣，飲完即刻醒神晒🫰🏻🔴金玉滿堂📍旺角煙廠街6-20號華新大廈地下14-14A號舖港鐵旺角站E2出口,步行約6分鐘