金玉滿堂

营业中

休息中

睇到哩間餐廳出咗雞煲，一定要試試。晚市依然好full，全場book滿，睇落大部分都係附近街坊，要想食一定要提早定位啦。淮杞螺頭燉雞湯，燉湯全部足料煲制，可以睇到湯裡落咗大量藥材食材。湯色清澈透亮，雞味好香。特別係落咗好多枸杞，飲落更加清甜。蒜蓉炒生菜，哩碟餸炒得好有鑊氣，落咗大量蒜蓉大火爆炒生菜，生菜炒到啱啱斷生，食落爽脆還伴有好重嘅蒜香味。花蛤海蝦雞煲（細份），FD唔可以食辣，所以揀咗BB辣。雞煲即叫即整，需時耐D。雞肉超級嫩滑，醬香味十足。估唔到大大隻海鮮有6隻，差唔多有半隻巴掌大。蝦肉鮮甜彈牙，超級高質。花蛤肉肥厚鮮甜，嗦曬雞煲醬汁味道，食到停唔落口。細份雞煲真係份量超足，最後同FD食到好飽TIM。