金玉滿堂

营业中

休息中

今日過咗嚟旺角道行街，唔想再食大集團同埋連鎖嘅餐廳，於是就嚟咗煙廠街依度搵嘢食，發現原來呢條街充滿着各式各樣嘅餐廳，係旺角嘅隱世美食一條街🤩💓其中我哋比一間小炒嘅小店吸引左，就係位於旺角站附近嘅依間金玉滿堂，首先餐廳衛生乾淨，食得安心又放心，而且嘢食種類好多元化除咗有前菜之外，仲有各式各樣嘅小炒同埋主菜，價錢亦都好貼地，性價比勁高🎉😘前菜叫咗一個手帕青瓜青瓜醃製得好入味，味道亦都唔會太辣，啱晒香港人嘅口味，作為小食離講，開胃清甜🥰🎊主食方便我哋就叫做避風塘椒鹽炒鮮魷魚🦑超級高質同埋必食之選！魷魚炒得好香口，仲要好有鑊氣，而且炸粉唔會好似其他餐廳咁好厚，反而係皮薄餡靚，超級香脆🥰😛另外仲叫咗兩支嘢飲，一支係道地綠茶，另外一支係可口可樂，豐富嘅一餐😋

香港鑊氣嘅港式小炒，始終係王道！ 金玉滿堂 位於旺角鬧市中內一條橫街，旺中帶靜～當晚7:30 大概有2-3桌食客眼見牆上餐牌主打麻辣花膠雞煲！不過兩個人還是點小菜較多選擇～先來一個涼拌前菜麻香爽魚皮 ：口感爽彈配店家提供芥辣豉油更滋味！七味炸豆腐：呢道超出色，皮炸得脆卜卜，豆腐粒滑溜溜！沙嗲粉絲大蝦球：岩晒好似我中意食蝦，但又唔想剝蝦殼嘅懶人之選！足料粉絲吸晒沙嗲汁精華，亦有金菇、菠蘿粒粒作配料，沙嗲汁成了白飯神偷很下飯！脆皮一品燒雞 半隻：燒雞半隻都有份量，炸得皮薄有黃油，肉質嫩滑，炸得有大酒樓炸子雞嘅水準～另加了白飯一碗 $13 王老吉一罐 $18

呢晚想食港式小炒，黎左旺角煙廠街金玉滿堂以旺角鬧市來講，定價又幾合理！叫左罐王老吉下火先 $18 上菜速度都幾快，點完大概10分鐘左右就已經出齊4道小菜麻香爽魚皮 $55魚皮微微燙煮過，淋上用蔥煮過嘅熟油亦有提供豉油芥辣，口感爽脆！七味炸豆腐 $65沒想到這麼足料大碟！皮薄炸得金黃香脆，內層豆腐依然保持嫩滑，豆腐大小亦適中脆皮一品燒雞 （半隻）$148燒雞算幾大隻，旁邊灑上淮鹽燒雞皮薄香脆，雞肉嫩滑juicy!沙嗲粉絲大蝦球 $168蝦球大大粒爽彈有鮮味，目測都有7-8粒粉絲非常足料夾住少量金菇增口感！調味惹味，岩晒撈飯～

今日放工之後同朋友喺旺角行街，見到係鬧市之中有一間中菜館好似好吸引，就入去試吓😍到晚飯時分舖頭入面坐滿人，我哋叫咗脆皮一品燒雞半隻、一碟呢度好出名嘅金玉滿堂炒飯 、同樣都係推薦菜式嘅啫啫通菜煲同埋簡簡單單嘅拍蒜青瓜做前菜青瓜真係爽口同超級健康🥒，好想再encore，而炒飯真係好好食呀，裏面有大量嘅海鮮同埋其他配菜，對比起其他中菜館真係足料又有誠意👍🏻，另外嘅例牌燒雞個擺盤好靚，影相出嚟效果超正，又好食😋走嘅時候見到其他食客嘅菜式好似都唔錯，下次如果食就試吓餐廳嘅海鮮同埋其他炒肉類先！

Roast crispy chicken🐓脆皮一品燒雞 $148一品燒雞係餐廳嘅推薦菜式，雞嘅外皮烤到金黃色脆卜卜😍，裏面嘅雞肉口感鮮嫩，又唔會太鹹，如果覺得唔夠重口味仲可以點旁邊嘅椒鹽一齊食🧂Signature fried rice金玉滿堂一品炒飯 $138呢個一品炒飯真係好高質，入面有滿滿嘅配菜，好似係帶子、新鮮蝦仁🦐、蛋白🍳、蔬菜等等，都幾豐富，炒飯做到粒粒分明，而且份量好足料啊！Water spinach pot 🌿 啫啫通菜煲 $88通菜煲喜歡好多人都有點嘅菜煲，雖然入邊只有一款通菜，但係連埋蝦乾、肉碎同大量蒜蓉一齊食好惹味🤤，夠晒鑊氣，而且送飯都好夾Cucumber with garlic 🧄🥒 拍蒜青瓜 $40呢款相對健康嘅appetiser 性價比好高，青瓜新鮮爽口👍🏻，用大量嘅蒜蓉、自家製調味料同埋醋撈埋一齊食好開胃

旺角鬧市中的小菜王中式小菜，抵吃雞煲，樣樣都很吸引！《薑惹焗美國桶蠔》$198滋滋的聲音圍繞耳邊，熱滾滾的煲，盛裝著大大隻的美國桶蠔，香噴噴的薑蔥香味，徹底地融入煲中，認真惹味！👍🏻《麻香爽魚皮》$55推薦！不是常吃到的爽魚皮，這餐廳居然有！的確是爽滑彈牙，微微點上豉油已經很好吃！《黃金珍寶蝦球》$168餐廳推薦的小菜，珍寶蝦球沾滿了黃金色的咸蛋黃，蝦球亦相當彈牙！好吃！門口更有魚缸，放了龍蝦呢！令人更想吃龍蝦呢！總結：旺角鬧市中有質素的中式小菜。

同朋友行完好景，他跟住帶了我去間超有鑊氣嘅餐廳食飯，平時又唔特登行過來，因為兩邊都係街市檔口，餐廳位置唔夠顯眼，但識食就自然搵到！一座下朋友推介了金玉小炒皇，剛好座在廚房附近，完全聽到廚師在廚房開行火力去炒，哩個金玉小炒皇大大碟，小炒皇必備的都是韮菜、蝦乾、魷魚等材料炒外，還有香脆腰果，大大隻蝦乾，份量十足，入口感覺炒得十分香口入味！送酒一流！另一個就係另一推介嘅金玉滿堂一品炒飯，這個炒飯一樣都係份量十足，上面鋪了一浸炸瑤柱絲，入口香脆，飯內混雜了新鮮彈牙蝦仁，同煙韌元貝仔，加埋蛋白一齊炒，飯身炒得乾身入口好有口感之餘，啖啖都充滿材料，兩人都食得十分滿足！

我們始終也要忠於自己本土嘅藝術當然包括飲食藝術同埋飲食文化大排檔就是我們廣東菜飲食文化嘅精髓來到這間買了三個餸每個餸都可以見到廣東菜精粹所在麻香爽魚皮 顧名思義10分爽脆 每塊魚皮都透到光博得來有一種吹口嘅感覺 配上麻油薑蔥 再點日本芥辣豉油 有一種消暑嘅感覺 有一種旅行嘅感覺 這種旅行從味覺出發 唔係講笑試過你就知黃金珍寶蝦球首先講珍寶蝦球 真係好大隻蝦好口肉咬落去非常彈牙 鍾意食蝦嘅朋友一定要叫 外面用一層黃金鹹蛋將去煮 味道十足口感豐富 一次過滿足晒兩個願望 真的一定要食薑蔥焗美國桶蠔每一隻美國蠔都非常大隻非常鮮味 性價比極高 而且口感非常趣博博半相薑醋用一個熱煲仔放上枱 香噴噴熱辣辣 火候十足亦都見到師傅的工價非常之好這間店舖有大師傅的工價亦都滿足到平民的消費能力性價比非常之高 而且還有很多其他特色餸菜可供選擇 嚟多十次八次熄晒所有好嘢唔係講笑一定要飲啤酒先有feel

行過旺角自然就會諗起大排檔嘅鑊氣小炒，路過一試，又真係好夠鑊氣喎！！🥡七味炸豆腐整體都好香脆，炸粉又薄，表面仲有陣陣蒜香味，份量多，最岩送啤酒。🥡黃金珍寶蝦球黃金蝦球炸到脆卜卜，每粒新鮮爽口得嚟又大大粒，配合面頭嘅鹹蛋黃蓉，食到起曬沙，鹹香味一流。🥡啫啫通菜煲上枱已經聞到好香蝦醬味，入面仲有肉碎，非常惹味，保持到鑊氣又足料！🥡豉汁蒸白鱔白鱔好滑，食落唔會話好多骨，豉汁味濃，每一舊都好入味，送飯真條一流

又落咗去旺角廣華街巡舖，啲錶標價真係回落返少少🤏搞到我心動，轉過彎行出黎煙廠街，無意中發現咗一間鬧市中隱世小店，平時比生果檔遮住咗都唔覺眼添！今晚咁有緣就坐低試吓啦！順便可以冷靜下買錶的慾望，我都希望可以撈到金玉滿堂。糖醋咕嚕肉 $98糖醋咕嚕肉上到枱仲熱辣辣，鑊氣小炒，外皮香脆，炸粉夠薄，外脆內軟既口感好正，嫩滑多汁，非常惹味。新鮮菠蘿酸甜清新，特別開胃，送飯一流！沙爹粉絲肥牛煲 $98真係熱辣辣啫啫煲仔上枱，沙爹鹹香味足，味道都好惹味，最鍾意食佢啲粉絲，粉絲完全係吸收晒湯汁嘅精華夠晒入味，肥牛真係正，熟度岩岩好，肉質柔軟，濃郁好味道。金玉滿堂一品炒飯 $138炒飯鑊氣十足，呢間餐廳真係做得好出色，有飯香味，啱啱好唔會太鹹，有海鮮元貝粒，好新鮮食落爽口彈牙，正！總括埋單價錢合理，週末客人都係一家大細，小菜性價比幾高，份量多，鑊氣十足，廚師又好有水準！

係打八號風球前醫飽埋個肚先🤭旺角鬧市既小巷有間小菜館「金玉滿堂」隱世美食🥘菜式選擇多 兩個人就簡左三個小菜兩個白飯🍚已經好飽黃金珍寶蝦球🍤我見依款菜式有隻手指公👍🏻所以就簡左 炸得香噴噴一睇就知好脆 而且咸蛋係外皮都唔會做得好厚身 同埋唔會過咸🤍蝦大隻又彈牙 推介啊✨川味水煮牛肉🌶大大兜好足料 好多辣椒夠哂辣😆愈辣愈剌激 有豆卜 芽菜 牛肉 芋絲 入哂味！好惹味再配埋白飯 已經可以撈幾碗飯🫶🏻脆皮一品燒雞🐓外皮做得好香脆 少少燶邊都冇而且食落完全唔油膩 肉質亦好滑👍🏻食完棒住個foodbaby番屋企🤭

今日晚上雖然打8號風球，但都要食晚飯，由於好多食肆都關哂門，但好好彩 平時食開既［金玉滿堂］打風都堅持開門照顧我地呢班老食客。今晚簡單叫返平時食開既小菜，務求盡快食完安全回家，避風球。（黃金珍寶蝦球）喜歡佢隻蝦夠哂大隻 ，又脆又彈牙。佢既咸蛋黃，做到外皮唔會成舊野勁厚，加上咸味岩岩好，唔會話勁咸。咸蛋黃絕對唔會蓋過大蝦球既鮮味，反而仲令到大蝦球更美味。（脆皮一品燒雞）人如其名 脆皮，仲要D雞肉唔乾唔柴，香味濃郁、酥香軟爛、鹹淡適口、熟爛離骨、肥而不膩，岩哂喜歡食香口野又喜歡食雞既朋友仔。（川味水煮牛肉）好正宗同埋勁有良心勁足料。大量豆卜 芽菜 牛肉 ，仲有一樣你地估唔到既食材，就係‘’芋絲‘’豆卜芽菜芋絲 索哂D汁 撈埋飯食冇得輸。牛肉大大舊又滑身 ，川味麻辣越食越停唔到口，辣 得黎 又可以令到食材 更入味，撈飯首選，食辣既朋友 我敢講，絕對正宗，絕對唔會令你地失望。

今日食咗一間係旺角鬧市入邊，街市之中嘅隱世大排檔，門口有２個魚缸，又有龍蝦又有鮑魚，好似唔簡單咁喎，就要會一會佢啦，七味炸豆腐豆腐外皮香脆，炸粉夠薄，外脆內軟既口感好正，蒜香味好烈，而師傅係表面加番啲鹽花，香更加濃烈，份量都好多，作為小食特別開胃。黃金珍寶蝦球黃金蝦球一向都係我最愛，叫咗個黃金珍寶蝦球，蝦球炸得好香脆，大大粒，鹹蛋黃好入味，表面充滿鹹蛋黃蓉，口感沙沙，味道鹹香，蝦肉好新鮮食落去爽口彈牙，送酒小菜真係一流。啫啫通菜煲食咗咁多炸嘢要叫番個菜先，呢個惹味既啫啫通菜煲，上枱嗰陣已經係喳喳聲，聞到好香蝦醬嘅香味，加埋大條蝦乾一齊炒，肉碎又鹹香味十足，味道都好惹味，通菜仲保持到翠綠，口感鮮嫩爽口，鑊氣十足，送飯一流。豉汁蒸白鱔白鱔肉好嫩滑，而且豉汁味好濃，每一舊都被豉汁包裹住，而且皮同肉都充滿鱔嘅油香，送飯真係爬多２碗啦。

行開旺角夜晚心思思想食小菜，見到呢間餐廳平平哋幾抵咁就試吓😛魚香茄子煲 ($108)一上菜已經聞到超香鑊氣味，色澤超吸引😍因為啱啱坐正係出菜位附近，見住佢冒住蒸氣一路送到上黎🔥茄子超足料夠大條又夠多，咬落淋身索晒啲汁勁邪惡但好好食，超級熱辣辣要吹幾下先放入口🤤配埋肉碎拿黎送飯一流😽個飯叫左少飯所以睇落少d🙈脆皮一品燒雞半隻 ($148)雞半隻份量都幾多，雞皮夠脆口，外脆肉嫩，肉質唔孩容易咬，仲有雞翼可以食🤗味道夠鹹唔使點側邊d鹽都夠味，賣相又係加分🙆‍♀️椒腐通菜 ($88)腐乳醬足夠，菜份量正常。個人鍾意食辣可以再多啲辣椒仔更加惹味。食咗咁多肉叫個菜中和下啱晒🤣小菜款式有平有貴可以任君選擇，兩個人食三道菜加白飯夠曬飽肚🤪

今日同女朋友放工之後嚟到旺角行街，行行吓佢話好想叫餸食飯，就同佢揀咗金玉滿堂食下啦，喺門口已經聞到鑊氣味，雖然門口睇落唔大，但其實佢都坐到好多人。我哋總共叫咗三個餸，首先喺魚香茄子煲，我哋每次叫餸食飯都好經常嗌，佢嘅魚香茄子煲一上枱已經香氣撲面，聞到已經流晒口水，而且茄子睇落好新鮮令人食慾大增，食落發現佢唔會好油膩，而且魚香爆得好惹味。之後亦叫咗個一品燒雞，雖然我哋只係叫咗半隻，但都份量十足，而且雞嘅鹹味亦都夠而且皮夠脆肉夠嫩，依度餸真係好好食。最後亦叫咗椒腐通菜，依度餸唔會太鹹，味道啱啱好。佢嘅份量亦都唔少，三個餸我哋兩個人食到好飽，而且佢嘅價錢亦都唔貴，鍾意叫餸食飯嘅都可以嚟試吓，喺一間CP值高嘅餐廳