金玉滿堂

营业中

休息中

同朋友行完好景，他跟住帶了我去間超有鑊氣嘅餐廳食飯，平時又唔特登行過來，因為兩邊都係街市檔口，餐廳位置唔夠顯眼，但識食就自然搵到！一座下朋友推介了金玉小炒皇，剛好座在廚房附近，完全聽到廚師在廚房開行火力去炒，哩個金玉小炒皇大大碟，小炒皇必備的都是韮菜、蝦乾、魷魚等材料炒外，還有香脆腰果，大大隻蝦乾，份量十足，入口感覺炒得十分香口入味！送酒一流！另一個就係另一推介嘅金玉滿堂一品炒飯，這個炒飯一樣都係份量十足，上面鋪了一浸炸瑤柱絲，入口香脆，飯內混雜了新鮮彈牙蝦仁，同煙韌元貝仔，加埋蛋白一齊炒，飯身炒得乾身入口好有口感之餘，啖啖都充滿材料，兩人都食得十分滿足！