金子半之助 (東薈城名店倉)

营业中

休息中

呢間既天丼真係好出色！已經食過無數次，每次都係令人好滿足🥰上天丼 $118店舖有三款不同既天丼，上天丼既天婦羅係有赤金鯛、海老、小柱魷魚天婦羅餅、溫泉蛋、海苔、英豌豆，作為日本第一既天丼，佢地既天婦羅係絕對唔會令人失望。粉漿係相當薄，唔會有成口粉既感覺，而且粉漿本身已經有調味，唔需要點醬汁已經好夠味👍🏻 赤金鯛炸得好鮮嫩，大大條啖啖肉食得好爽🥰米飯處理都好出色，飯粒沾滿左秘製醬汁，粒粒分明，好飽滿，連埋溫泉蛋既蛋漿一齊食，好味到停唔到口😋迷你天丼+熱稻庭烏冬 $118店員會率先附上一個大木盒俾你，一打開，原來d配料係任你加，有溫泉蛋、蔥、木魚碎、天婦羅碎、海苔等，好特別🥰稻庭烏冬超級滑，湯頭亦好清甜👍🏻迷你天丼份量一d都唔迷你，天婦羅有南瓜、菇菌、海老、英豌豆、溫泉蛋，食得好滿足😋

左夾右夾，我哋終於搵到兩日出嚟用埋張酒店coupon，乘機走入 #大嶼山 行吓，盡情補充 #維他命D ☀️，本來諗住慢活一天嘅我，點知撞正 #寶蓮禪寺 同 #天壇大佛 一帶做緊 #荷花展 … #小秘書 唯有湊吓熱鬧打埋卡一份😉 曬咗大半日，#小秘書 頭殼頂都幾乎出煙😅 成個下晝都無嘢落肚嘅我哋，一於出 #東涌 食個早飯，先恢復吓元氣😉 一場嚟到 #東薈城，梗係要搵啲特別嘅嘢嚟食。 醒起一樓開咗間專門做 #天婦羅 🍤嘅餐廳 #金子半之助，當然要去幫襯吓啦❤️‍🔥 記起當年 #小秘書 每次去 #日本，都會去 #金子半之助 幫襯一碗 #天丼 先開始行程。尤其係節日期間，店舖外都排滿人龍，好有氣氛。聽講佢哋嘅 #天婦羅 都係用特製嘅 #麻油 即叫即做，所以入口特別鬆化，而且完全唔會有油膩嘅感覺🤤 呢日我就叫咗個 #軟殼蟹天丼，除咗主角 #軟殼蟹 之外，配料都非常豐富，有 #海老(#蝦)、#小柱魷魚 天婦羅，仲加埋 #溫泉蛋、#海苔 同 #豌豆，真係未擺落口已經夠晒興奮🥳 特製嘅醬油，加喺軟殼蟹同其他配料上面，啖啖肉感覺好治癒🥳 而朋友仔要嘅 #迷你天丼 配 #稻庭烏冬 都好吸引🤤 #天婦羅 跟滑嘟

東涌outlet購物美食天堂，不但買到心頭好，仲可以嘗試日本菜！ 今次試試江戶前金之半之助！江戶前天丼$138最吸引係穴子星鰻，佢嘅肉質脂肪較少，口感緊實，健康，長達30公分！海老好大隻！好有蝦的口感，啖啖肉質！令人回味😋迷你天丼，稻田烏冬$118令人開心的擺設，盛裝的盒子打開有半熟溫泉蛋，海藻、鰹魚花、天婦羅碎、蔥花、加上烏冬湯底一齊食更多層次，口感更豐富，拌著溫泉蛋汁，大滿足😌餐廳的黑豆茶，真要飲多幾杯，健康好飲！

📍 金子半之助 (東薈城) (東涌)東涌達東路20號東薈城名店倉1樓101A號舖金子半之助是一家以江戶前天丼聞名的日本餐廳。江戶前天丼是這裡的招牌料理，以穴子、海老、小桂魷魚等新鮮海鮮食材製成，再搭配天婦羅餅，讓味道更加豐富。天婦羅衣非常薄且脆，吃起來不會感到油膩，再配上味噌湯和漬物，讓您一次品嚐到日本料理的滋味，絕對讓您回味無窮。如果想品嚐所有招牌菜式，餐廳還提供迷你天丼和稻庭烏冬套餐。套餐中含有半熟卵、菇菌、海老、南瓜、海苔、莢豌豆和溫泉蛋等食材，讓您可以品嚐到更多不同的日本料理風味。稻庭烏冬是由細長的麵條和清淡的汁底組成，口感輕爽，可以解油膩感。

出餐時間太耐，等了超過30分鐘，如果好好食的話，都願意等下，終於嚟到，天婦羅炸到黑，又咸，又油，冷烏冬嘅汁係死咸，為咗佢，我特登開個Account 寫劣評，真係唔會再食…

店員態度惡劣 食飯質素差 食物凍 冇味道啲炸蝦淋曬 食物份量少 又要等好耐仲衰過超級市場買返嚟嗰啲便當非常好嘅用餐感受一定唔會再嚟最衰係啲店員嘅態度又無帶位 又掉餐牌唔會再嚟

喺香港真係好少會食天婦羅丼平時喺日本成日都會食到今日咁啱去開東薈城行街見到呢一間餐廳就一於試吓佢啦我揀咗迷你天丼拼稻庭烏冬呢個迷你天丼一啲都唔係迷你真係會食到飽但係作為烏冬忠實fans嘅我就算好飽都要試吓佢果然冇令我失望 烏冬煙煙韌韌仲好有儀式感咁樣有一大盒配料俾我無限添加至於松葉蟹天丼從來冇諗過松葉蟹都可以做天婦羅一食落去好有驚喜 完全冇呢一種油膩嘅感覺估唔到喺香港食天婦羅都可以有日本嘅感覺呢一餐飯真係大滿足

店內裝潢簡潔，晚餐時段坐無虛席。松葉蟹天丼$158期間限定，選用時令當造松葉蟹腳，連續七屆榮獲日本全國天丼金獎，當然要試一試！金子半之助使用傳統做法，重現江戶時代風味，新鮮炸起嘅天婦羅都適量均勻地沾上古早秘傳天丼醬汁。雖然唔似一般天婦羅咁脆口，但味道一定比坊間嘅天婦羅更美味！酥炸松葉蟹腳，肉質鮮美，嫩滑飽滿多汁。配上鬆脆的外衣炸皮，沾上特製醬汁，份外滋味，而且胡麻油香芳香撲鼻。除咗松葉蟹腳，其他食材都好高質。海老好彈牙爽口，小柱魷魚天婦羅餅有驚喜魷魚細切好爽滑！莢豌豆、海苔雖然係配角都十分美味！沾滿醬汁嘅飯加埋溫泉蛋流心蛋黃撈飯好正。迷你天丼, 稻庭烏冬$118 店員送上各款配料嘅盒子，裡面有溫泉蛋、蔥、木魚、海苔等。可以自行為烏冬添上配料。稻庭烏冬湯頭清甜，麵條粗而扁，入口細滑，頗有彈性。另外，迷你天丼份量也不少！有海老、菇菌、南瓜、豌豆、溫泉蛋。赤金鯛$28 菇菌$18追加嘅赤金鯛幾大條，抵食！菇菌爽口juicy ，推介！美味嘅天婦羅同軟熟嘅飯，大滿足！

之前一直都覺得天婦羅再配上飯 感覺口感會好乾但自從一試之後就完全著迷江戶前天丼 $138 再附送前菜同麵豉湯天婦羅炸物完全遮蓋曬底層嘅白飯包括穴子、海老、魷魚天婦羅餅、溫泉蛋、海苔、豌豆食落去並唔會覺得成口炸粉 亦都唔會感覺食落好熱氣炸嘅時間掌握得岩岩好而穴子嘅程度更加係十分驚人 天婦羅嘅份量絕對比飯更多!!丼本身都會淋上一啲汁 食落非常惹味 而且絕對唔會覺得乾!呢間分店上菜速度極慢 店客人唔多 但等咗接近半個鐘之前係多客人啲嘅分店都無試過呢個情況

第一次食今子半之助係在日本的本店。記憶中要排長龍，排隊的人唔只有遊客，仲有當地的日本人。原因好簡單，價錢JPY1000 (~hkd60)，平。用麻油炸的天婦羅特別香脆。價廉物美！黎到香港，食物質素可以話都可以話係差不多，配菜同日本唔同，唔可以任加紅色的薑絲等等。(記得第一次去日本食，對面的日本人係咁加薑絲😵）雖然而家開返關，但掛住日本的你可以去食。推薦食物：1. 江戶前天丼 $138-比日本貴一倍，但明白的。-足料, 穴子好長,仲有海老, 溫泉蛋-醬汁偏甜，岩岩好中和到油利

滿是麻油香氣的丼飯，被澎湃的炸物給覆蓋著完全看不到底層的白飯。一共放有炸魚片、兩尾肥美的大蝦、炸小干貝跟魷魚、炸半熟蛋及炸海苔片。這尾魚肉一點腥味也沒有，經酥炸後，也不乾枯無味。將半熟蛋戳破後，看著黃澄澄的蛋液緩緩流入白飯裡頭，將蛋黃搭配醬汁攪和在一起吃味道更好。

本身就係睇到食評吾錯先黎試，一入到去已經聞到好大浸油味，係麻油味加油膉味，已經覺得佢個鑊入邊係萬年油。結果兩個天丼一上枱，一望到啲炸嘢既顏色咁黑就知已經知道出事。第一啖食隻蝦，即刻好重油膉味湧出黎，然後食到隻蝦係霉嫁。成百幾蚊碗飯，食到成肚氣，個質素好似啲街邊煎釀三寶連飯放哂入個碗再送上枱。絕對冇下次。

我係第一次食呢間，一開始覺得天婦羅會好dry，因為好似無乜嘢汁，又無乜餸送飯所以嗌左個烏冬試，一上枱好多配料，仲有隻蛋，淨係玩配料都好開心😁另外天婦羅都有幾款選擇，味道就正常，唔會好特別😂價錢少少貴

今日同家人黎行街，路過呢間餐廳見到都幾多人排隊！我地未食過，家人提議排埋一份，話要試下點解咁多人排隊等食。江戶前天丼（HKD 138）🥢整體賣相吸引，天婦羅顏色較深色，成個碗都擺滿炸物，條穴子仲長過隻筷子 另外有前菜及湯，感覺超豐富天婦羅食到有胡麻香氣同清新柚香，好酥脆而唔會覺得油膩！加上每件天婦羅都有沾上適量既醬汁，微甜微咸，令人想一口接一口！穴子又厚又長，口感外脆內軟！肉質甘口鮮嫩，入口即化！加上脂肪較少，食哂都唔會覺得邪惡，正！個丼入面仲有隻炸温泉蛋，餐牌食法教學係先品嘗天丼原味，食到一半先戳破令蛋液可以包裹每粒米飯，口感層次真係完全唔同哂，多層次的濕潤口感，加上濃郁蛋黃味！一個價錢食到2種風味值得一提係個辣粉，唔係普通七味粉黎，偏辣但又香氣足，同天丼真係好夾！總結：對住咁好食既天丼真係毫無抵抗力，成個飯輕鬆食哂，完全唔覺得油膩（仲要就算傾計傾耐左令到食物凍左，都能久保持脆度！）下次會再幫襯

今天和同事去吃這家日式料理店是同事們的推介，他們說這一家的天婦羅很好吃😋我點了溫-迷你天丼+稻庭烏冬$118 加一很特別的是，店員會送上一個木盒子裏面有很多不同的配料😯例如有海帶，木魚，脆炸配料，香蔥和溫泉蛋等等待餐盤送上之後，可以自由添加這個稻庭烏冬比我想像中大碗，而天婦羅的底部還有一小碗飯😯原本拿了一隻溫泉蛋打算加入飯中，怎料到原來飯裏已經有一隻溫泉蛋😂飽到吃不下！而飯裡都添加了適當的醬油，所以味道都很好，十分大推這家店的食物天婦羅也很好吃😋